سعادة

حاسه عندي طاقة ومبسوطة بقالي كام يوم معرفش كل ده جيه منين بس محتاجه استغلها صح ، حد عندو أفكار لأي حاجه مفيده مبتاخدش وقت ، محدش يقولي روحي اتعلمي لغة او مهارة مش عايزة حاجة على المدى الطويل ، اقصد حاجه للنهاردة وبس عشان عارفه الطاقة ديه مش هتدوم

جدعان حبوا الدنيا بجد انا كنت دايما واحده مكتئبة وحزينه على عيني وكنت باخد الدنيا على اعصابي وازعل واخرب الدنيا الحمد لله اني عقلت المهم اني لما عقلت ورسيت كده ومبقتش اخد الدنيا على اعصابي بقيت بحس الدنيا لذيذه اوي بقيت بعرف اتبسط واخرج من غير ما انكد على نفسي بقيت بعرف اتكلم انا كنت في مرحلة صعبة كنت بضايق من اقل حاجه دلوقتي برود الدنيا فيا بجد الدنيا متستاهلش ان احنا نتعب نفسنا او احنا نشيل من بعض ونضايق ابسطوا نفسكوا بأقل حاجه عارفه ان الكلام سهل بس انا واحدة مجرد م اشوف كلام زي ده بيديني positive energy كده ف اتبسطوا يجدعان بالله متشيلوش الدنيا على اكتافكوا ✋ مش مستاهله وقوموا صلوا يلااا

بحس دايما أن أبسط موقف بيتعبني ويرجع في دماغي ذكريات كل المواقف المؤلمة وحاولت اقنع نفسي ان ده ملوش علاقة بده بس أقل موقف بيضغطني بيفكرني بكل المواقف الصعبة وده بيخليني أحس باليأس كنظرة تشاؤمية عامة عن الحياة خصوصا اني كان عندي ارتجاع مرئ وحرقان في المعدة بسبب التوتر ل ٥ سنين وده كان لوحدو عامل ضغط نفسي قوي بسبب ألم الحرقان المستمر خلاني ابص دايما للحياة انها مكان مؤلم . بقيت بحاول اصور مفسي في لحظات السعادة عشان اقنع نفسي ان الحياة فيها جزء سعيد ... بس لغاية دلوقتي منجحتش في ده

ايه الحاجة اللي لو حصلت حاليا هترجعلك ثقتك بنفسك ؟ او هتخليك تحب الحياة اكتر وتحس انها ضحكتلك ؟ او هتنطلق بعدها والبيك بتاعك يفضل يعلى ؟ ايه الحاجة اللي لو حصلت حاليا هترجعلك ثقتك بنفسك ؟ او هتخليك تحب الحياة اكتر وتحس انها ضحكتلك ؟ او هتنطلق بعدها والبيك بتاعك يفضل يعلى ؟ .

صاحي النهاردة حاسس اني سعيد ومبسوط ف قررت يعني اساعد الناس اللي عندها مشكلة او حابب يفضفض اساس انقله ولو جزء بسيط من الطاقة الايجابية ف ربنا يسعدكم ويهنيكم كده ويبعد عن قلوبكم الحزن وشكرا

تغور كل حاجه قصاد اني ابق مبسوطه مبسوطه وبس .. ياما جيت علي نفسي علشان ناس كتير اوي وفي الاخر كنت بخسر جزء من نفسي لحد ما قررت : نفسي اولا نفسي قبل أي حاجه نفسي وبعد كدا اللي يجي يجي ميخصش ميفرقش

بقيت مش حاسس بحياتي ولا ب فرحه ولا سعاده ولا اي حاجة مش عارف في اي ومفيش عندي مشاعر ل اي حد حتي ابويا وامي مش عارف اعمل اي انا حاسس اني متكسر من جوايا جامد وعندي امتحنات ث ثانوي ومش عارف اذاكر خالص اي حاجة

مكانتش علاقة سامه بالمعني الحرفي هي كانت شخص كويس وحبيتها ، ولكني كنت غبي لاني حبيت حد مش متوافق معايا فكريا ، بعد ما سبنا بعض بفتره كبيره بسبب الاختلاف وبطنا نتكلم وانا اخدت قرار مش هتعامل مع بنات تاني في إطار الجواز بعد عمر طويل بقا أما اكون جاهز .. كلمتني بتقولي انا اتغيرت ونرجع نتكلم تاني .. طيب بلاش نتكلم اديني وعد تتقدملي عشان مش شايفه غيرك (غبيه، انا مش شايف اي مميزات كانت فيا وقتها ولا دلوقتي تستدعي انك تتمسكي بيا) ، المهم أنا رفضت ، اخدت فتره بلوم نفسي اني اذيتها وشيلت نفسي الشيله كلها ولازم اتقدملها قريب ولو لقيت حد مناسب غيرها مش هتقدمله وهروحلها هي .. بعدها قولت لنفسي انا بعمل ليه كدا ؟! .. انا مش بحبها ودا جواز مش هزار .. خدت قرار اني ابعد تماما ومش هتقدم .. ولو بوظت حياتها عشاني دي بتاعتها مش بتاعتي .. انا غلطت وقضيت سنين كتير بحاول اتخطي واتخطيت .. وهي كمان غلطت ولازم تتخطي .. مع العلم أن كلامنا كان مجرد تسلية مكانش بينا اي تجاوزات وكلمة بحبك اتقالت مني انا مره واحده بس في كل الفتره الي اتكلمنا فيها .. ممكن اكون غلطان في قراري بالنسبه لبعض الناس .. بس انا متاكد لو اتقدمتلها واتجوزنا هنعيش حياه تعيسه + هي متغيرتش ولا حاجه هي بس خسرت الناس اللي انا حذرتها منهم مش اكتر .. ممكن تكون علاقة سامه بالنسبالها لكن بالنسبالي شايفها حد كويس .. بس مختلف عني

السلام عليكم ورحمة الله وبركاته اخباركم ايه يا شباب نوتيلا عادت من جديد اكتشفت حاجة جديدة فاكرين لما قولتلكم اني حاسة اني مبسوطة اني اشتغلت حاسة ان نفسيتي بقت احسن اكتشفت اني ربطت ده بالسعادة يعني الاسبوع اللي اخذته اجازة علشان الميدترم و اجازة العيد رجعت تاني مكتئبة و نفسيتي وحشة ممكن لاني كنت اتعودت خلاص اني بقيت بشتغل و اني بعمل حاجة"بحس اني انجزت حاجة" فبتكون نفسيتي احسن و اكتشفت اني بردو عاملة نفس الموضوع من زمان في البيت ان البيت ده مكان للنوم و الاكل بس فمش بذاكر فيه مس عارفة اعمل ايه و ده غلط اني اقعد اربط كل حاجة كده لان وارد يحصل اي تغيير في الحياة عادي و ابسط مشكلة وقت امتحانات العملي و الفاينل بردو هضطر اخذ اجازة من الشغل ده غير بردو ان الشغل ده مؤقت فوارد اسيبه في اي وقت و خايفة المشكلة ديه تكبر معايا و مش عارفة اعمل ايه

صباح الخير بجد انا بشكر وهفضل اشكر كل حد ساعندي بكلمه حلوة انتو ناس جميله بجد وكلو بيحب يساعد ويشجع انا انهارده ممكن اكون حد تاني حرفيا انا بطلت كل حاجة انا تقريباً من اسبوع كنت نسخه من ابليس انهارده انا مبسوط منفسي اوي وعاوز اقول لاي حد خد الخطوة وتوب التوبة طعمها حلو اوي بتحس قلبك خفيف ومرتاح اول الطريق انك تعترف بكل حاجة بس يكون غرضك التوبة

اذا مشاعر الانسان هيا العائق له فالحياة هل يمكن يصل بمرحلة يتخلى عنها ويتحكم في غضبه وحزنه وانفعاله وسعادته ويصير الة بس عمل ونوم واكل هل يمكن انسان يصل للمثالية فالحياة من عمل واسرة وعائلة وعلاقات ومستوى علمي واكاديمي ومالي وثقافي ورياضي وفني وحرفي ونفسي هل اذا تعب راح ينجح او اذا نجح لي مجال لازم يفشل في اخر ويتقبل هذا الامر او يقعد يحاول حتى يموت او ما يحاول مالبداية ويتقبل الواقع

يعني ايه سعادة ايه مفهوم السعادة بالنسبالكم بقالي فترة مش حاسة اني مبسوطة مهما عملت ف يومي حاسة ان مفيش حاجة قادرة تخليني سعيدة ابدا مع ان يومي بيعدي بسلام وبعمل حاجات مفيدة جدا بس زهقانة ومخنوقة ومش مبسوطة خالص

انا كان بقالي كذا مره بطلب من الناس الي عاوز يحكي او يفضفض يجي وهسمعو ومنغير محكم او اشوفو غلط والجو ده وكان في ناس كتير بتفضفض وانا يعلم ربنا ثما هما اني كنت بسمع ليهم يس عشان ده السبب الاساسي الي مخلينا هنا اي نعم في ناس غلطت فيا بس انا مازلت مصمم اسمع كل حد محتاج يحكي انا مبسوط اكيد

جماعة عايزة اقولكم حاجة ايجابية انا بسبب البرنامج ده بدأت اتحرك ومقفش عند الحته اللي نقصاني كنت فاكرة ان حياتي واقفة بسبب عدم وجود شريك ف حياتي وكنت ع طول حزينة وزعلانة لكن بسبب كلامكم انا النهاردة مكنتش بعمل حاجة غير اني اتبسط باللي معايا اتفرجت ع بودكاست وحاولت اتعلم انجلش ولابست حلق "كان بقالي كتير شايلاه هو والسلسلة بتاعتي " وعملت شعري تسريحة حلوة اوي وحاسة اني i am just a girl اويي 💗💗 ادعولي اكمل ومرحعش انتكس تاني وحياتي تقف

انا متزوجة وعندى اطفال وضعنا الحمد لله بس لوحدى طول الوقت جدا مبعملش حاجة فى يومى غير انى بشوف كل حد محتاج ايه واعمله مبقاش عندى اصحاب زى زمان اكامهم اهلى مشغولين بحياتهم ومشاكلهم وزوجى من الشغل للقهوة لأهله حاسه ان حياتى بتضيع على اللى حواليا وفى الاخر معنديش حد اتكلم معاه ازاى اخلى حياتى شبهى او ابقى سعيدة من غير مااعتمد على حد غيرى انا وبس