شباب

عايز اقول حاجه لاخواتي الشباب اللي اصغر مني ، مفيش حاجه اسمها البنت بتحب اي وبتكره اي ، ما تشوف نفسك الاول ، افهم نفسك وافهم اهتماماتك ، بنت اي وشاب اي اللي بتفكروا فيهم ، اهتم بنفسك الاول وبعد كدا شوف شخص يخش جوا حياتك ، انما تجري عالفاضي والمليان ورا ده وده نص عمرك هيضيع على كدا والنص ااتاني هيضيع على الفراق والحزن والزعل ، وعليك ب اي ، اكيد كلنا فينا عيوب حاول تصلح عيوبك ، ممكن تكون عيوب في شخصيتك مثلا جبان بتخاف من المشاكل ، عندك رهاب اجتماعي ومبتحبش تتعامل مع الناس ، طب ما ده مشاكل الاولي انك تحط وقت عشان تخلص منها ،وهكذا تركز مع نفسك وتشوف المشاكل اللي ف حياتك وتحلها ، انما تشوف ناس تانيه بتحب اي وبتكره اي يبقا انت كدا بتطلم نفسك وبتعطل خطوتك الجايه لقدام

"يفنىٰ العباد ولا تفنىٰ صنائعهم ،فاختر لنفسِك ما يحلو بِه الاثر " اتمنى ان كل مراهِق يدرك ان الحياة الحقيقية تبدأ بعد الموت ، استثمروا شبابكم فيما يرضي الله خلو اخلاقكم حسنة واثركم طيب استيعنوا بالله واشتغلو على انفسكم ✨

الواحد مش عارف ازاى ممكن يربى اطفال فى المجتمع ابن النضيفة دا دا الواحد مش عارف يربى نفسه هيربى اطفال كمان ربنا يسترها علينا والله ويرحمنا من الى احنا بنشوفه دا وبلاش موبايلات قبل سن ال٢٠🙂 يا جماعة الوضع بقا خطر

ليه احنا بقينا في مجتمع سام و مؤذى لي الناس بطلع القعود النفسيه علي بعض لي الشباب بتعمل حد مش كويس يفكروا بقيتهم مش كويسين ليه يحاولوا يوذوا اللي حولهم اذاي كان هو شخص مريض يتعالج مش يطلع العقود علينا

واقف مكاني مش بتحرك بكرر نفس غلطاتي عارف الصح مش بعمله الصلاة بطلتها من فترة وبقبت بتعامل انه بقا عادي واغاني بابلو وراب مابطلش كنت خافظ القرآن كامل وبنسي حتى كنت بصلي امام بيهم في التراويح كورس الالماني وشغل الفريلانسج سيبته وكمان الجيم انا ١٩ سنه عايز اقوم عايز افوق عايز اطلع م الدايرة ده

في البداية انا ولد ١٦ سنة عندي مشاكل الدنيا والآخرة مع الاهل والصحاب والارتباط وكسرة القلب والجواز انا اكتر حاجه مخوفاني هيا الجواز انا دلوقتي ببقا ماشي في اي حتة بلاقي دة ودة ودة بيتكلم عن الجواز انا حاليا مرتبط ببنت هيا بتحبني وانا بحبها وحيات ورد ع عسل جيت كلمتها عن الجواز وكدا فا قلتلي انت دخلتك عجباني وفعلا انا كنت بدور ع البنت الي عايزة اي جد مش بتتردد مش خايفة من اي قلبها ميت في كل حاجة وانا بحب كدة الصراحة فا المهم قلتلي انا هديك رقم بابا وانت كلمو وشوفوا هيقولك اي قلتلها ماشي هيا قالت لأمها وانا عرفت اهلي وكدا فا اهلي وافقوا وقالو كلم اهلها ولو حصل نصيب نخطب وبعد ما تخلصو التعليم خالص تتجوزو ع الاقل تكونو كونتو نفسكو براحتكو وانا عجبني الكلام وعرفتها عشان تقول لامها ع الي اهلي قالو فا المهم انا كلمت ابوها خودو المفاجأة بقا قلي بص يبني انا عايز 50 جرام دهب وشقة اربع اوض وصالة ومطبخ وحمام كبار وتكون الدور التاني أو التالت عشان راحت بنتي انا وفقت بس بقا لما نيجي نتجوز اكيد الكلام هيتغير هيقولي 100 جرام أو 120 جرام دهب وانا معلش انا مش شغال تاجر مخدرات ولا حرامي عشان اجيب كل دة وانا وافقت عشان هكون مجهز نفسي وجايب دهبي ومخلص كل حاجة و لما جيت قلتلو انا عندي بيت ميلك وربنا يطول في عمر ابويا و هورثو من بعد ابويا و للعلم البيت اربع ادوار وكل دور اضتين وصالة ومطبخ وحمام ودلوقتي ابويا كان قايس البيت من اسبوع البيت ٦٦ متر عامل مليون سبعمائة وخمسين ألف مش وحش وللعلم المتر بـ 32 ألف مش وحش خالص قلي فعلا مش وحش قلتلو وهكتبو بإسم بنت كمان مرضي هوا فرح اوي قلتلو بس بشرط مش هنكتب قايمة وافق انا واحد مدي لبنتو كل ما املك من حقو ميكتبش قايمة المهم اتخطبنا سنة وعدت السنة ولا في مشاكل ولا في اي حاجة جه مرة واحدة كدا بيقولي انا عايز زيادة في الدهب 25 جرام كمان قلتلو لاء كدة كتير اوي انت كدة بتنتقم مش بتجوز بنتك قالي بقا معلش ومش عارف وبرطم شوية انا وافقت قلت يا عم فكك اهم حاجة تكمل عمرك مع الإنسانة الي انت حبتها عدت سنة وكانت كل حاجة حلوة المهم حصل مشكلة بيني وبينها وقلت لابوها لقيتو بيرن عليا وبيقولي تعالالي رديت قلتو انا مشغول والله في شغلي مش هعرف اجيبك دلوقتي اخلص واجيلك المهم قلي يلعن ابو الشغل لابو صحابو انت مزعل بنتي لي قلتلو يا عمي بنتك رنت عليا وانا في الشغل بتقولي هتلي شوكولاتة وانا في الشغل وانا قلتلها شغل السهوكة والمحن متعملوش الا لما اكون فاضي عشان اعملها الي هيا عايزاه قلي انت تيجي تاخد حجتك ودهبك وتبعد عن بنتي قلتلو لاء انا بعد كل دة اسيبها مش هسيبها وبنت مش هتقدر تبعد عني لقيتها ردت تقولي لاء هقدر قلتلها خلاص براحتك الدنيا مش هتقف عليكي يعني وقفلت في وشها كل دة اهلي لسة ميعرفوش حاجة دلوقتي انا اعمل اي بعد ما حب عمري سبتني ودمرتني وضحيت بكل حاجة عشانها تقوم هيا تعمل فيا كدة يا جماعة والله احنا الشباب مدمرين بسببكو خفو الحمل عننا الله لا يسمحكو ارحمونا انتو الأهالي عايزين نتجوز ونخلف ونعيش حياتنا لي تنتقمو مننا لي انتو كفرة حسبي الله ونعم الوكيل في كل أب وأم يظلمو شب في جوازتو (امين🤲)

ومين فينا محبش هل الواحد المفروض يعرف ماضى البنت الى هيرتبط بيها ولا لا ؟؟ خاصة ان نسبة كبيرة جدا من الشباب والبنات بقوا بيرتبطوا من اعدادى 🙂 انا ليا تجربة ارتباط برده مش بقول انى مختلف بس كانت مشروع خطوبة بعلم الاهل وفشل للاسف

اري هنا كلمات غريبه.. اري شباب ف بدايتهم يشعرون بعدم الانجاز وكان الانسان بينزل م بطن امه دارس وفاهم للحياه وقوانينها من الطبيعي هو ذلك الشعور التخبط وعدم الفهم والحزن والالم والضياع لولا وجود تلك المشاعر لما نجحت لانها مشاعر تضغطك لتتحرك لتتعلم لتحاول ولتنمي معرفتك وبعد ذلك بعد مرور تلك الفتره وتصل وجهتك ف٣٠او ٤٠او٥٠ ستضحك ع تلك الفتره ومشاعرك وقتها وخوفك وقلق الذي لم ين ده داعي .. تذكر انه عليك ان تتالم لتتعلم والانسان ف حياه الترف لا يصنع شيئا..

أنا عايزة أتكلم في حاجات أنا مش مرتاحة خالص الفترة دي. أنا كان في ولد عرفته من فترة حوالي 6 شهور، عارفين بعض عرفته من جروب مشترك كان بنات وولاد، تمام، واحنا كنا بنتكلم عادي، احنا أصدقاء، ما فيش بينا أي حاجة. مع إنه بعد فترة من تعرفنا اعترف لي بحبه مرتين، وأنا رفضته، كنت بقول له خلينا أحسن أصدقاء علشان ما نخسرش صداقتنا، وأنا ما كنتش حاسة بأي حاجة تجاهه ولا أي حب ولا مشاعر ولا أي حاجة خالص، كنت شايفة إن احنا أصدقاء بس. المهم كان بيختفي ساعات، بيرجع تاني، بيقول لي إن حصل معاه مشاكل، فأنا كنت بقوله تمام، ما فيش مشكلة. المهم جه الفترة اللي فاتت دي، آخر فترة، كان بيفتح تاني معايا موضوع الارتباط، وإن هو بيحبني، وقال لي "أنا بحبك حتى لو أنت مش بتحبيني، أنا هفضل أحبك، وحتى لو أنت مش هتحبيني، أنا هخليك تحبني كده بالعافية". وأنا قلت له "ما فيش حاجة اسمها بالعافية"، قال لي "بس أنا بحبك وهفضل أحبك حتى لو أنت مش هتحبيني". المهم بعد كده، احنا حاليًا بنتكلم بس، أنا مش مرتاحة، أنا ماما كانت عرفت إن بتكلم معاه وقالتلي متكلميهوش وهو من المحافظة مختلفة عن المحافظة بتاعتي، فأنا كنت يعني حاسة إن هو عادي إن احنا بنتكلم، وإن مش هيحصل لي مشاكل علشان هو في المحافظة مختلفة، والكلام ده كله. بس أنا حاليًا مش مرتاحة، وحاسة إن علاقتنا مش عارفة هي هتروح على فين، حتى لو هو بيحبني وأنا مش بحبه، وهحبه مع الوقت، أنا مستحيل أهلي يوافقوا عليه كزوج مستقبلي، ولا أنا حتى مستحيل أخليه أبو عيالي لأسباب كتير، وأهمها إن هو كان بيشرب سج*اير و حشي** وأنا اللي خلته يبطلها، غير كده إن هو اتحبس في خناقه قبل كده وخرج منها. أنا بتكلم مع إن هو صديق مش أكتر، فعشان كده مش فارق معي كل الحاجات دي مع أنه طيب وكويس بس مشاكله كتير أنا مش عارفة علاقتنا هتمشي لحد فين، ولا إيه اللي هيحصل، بس أنا عايزة أبعد عنه، ومش عارفة، وخايفة أشيل زنبه، وفي نفس الوقت هو يعني أكسر قلبه أو حاجة زي كده، مش عارفة أعمل إيه. كمان أنا أتعرفت على شباب تانية احنا اخوات بس ، وأنا والله أخلاقي مش وحشة ومحترمه جدا وكل الناس بتحلف بأدبي واخلاقي ولا عمري اقف اتكلم مع ولد في شارع ولا حاجه ولا إن أنا بكلم ولاد كتير طول الوقت ولا الكلام ده كله، احنا من عيله محافظة جدًا، وأنا مش بحب إني أتعامل مع شباب طول الوقت. بس أنا ساعات بلاقي ناس بتدخلني جروبات غريبة كده، وعادي برتاح فيها مع الكلام مع الناس، والكلام ده كله، أغلبية الوقت كمان بيبقوا في مدن ومناطق ومحافظات مختلفة عن اللي أنا فيها، وساعات بلاد مختلفة. في شباب أنا عارفاهم حاليًا، هم معتبرين أخت، وأنا معتبرهم أخواتي، وما فيش أي حاجة بينا خالص، بس أنا برضو مش مرتاحة، يعني حتى وهم أخواتي، وما فيش حد فيهم معترف لي بحبه، ولا في حد فيهم بيحبني، ولا أي حاجة خالص، ولا أنا بحبهم، بس برضو أنا مش مرتاحة، ومش عارفة أعمل إيه، ومش عارفة أنسحب من كل الناس دي إزاي، وكل يعني ناس كتير قوي في حياتي. أنا لو بعدت عنهم هم يعرفوا يوصلوا لي تاني، ويعرفوا يجرعوا ويحاولوا يكلموني تاني علشان أنا يعني شبه بقيت شخص مهم جدًا في حياته، ما بقيتش عارفة أعمل إيه . اسفه علشان طولت عليكم

بكرة رايح للدكتور وقلقان جدا بعد حوالي ٥ شهور من المعاناة النفسية والجسدية غالبا بكرة هيكون اليوم اللي هيحدد حياتي ونفسيتي نفسي اسمع اخبار حلوة واوقف العلاج اللي هلكني وانا لسه في شبابي رايح من ورا اهلي عشان كفاية عليهم اللي هم شالوه وكفاية عليهم نفسهم مع ان نفسي اخد حد معايا بس مانع نفسي ومش هرتاح لو حد جه معايا، ادعولي لاني فعلا محتاج لدعواتكوا

أعمل اي لو كنت مرتبط بواحده لما كنت صغير عندي 18 سنه و دلوقتي في تالته جامعه و سنينا بعض من تلت سنين اصلا و لحد دلوقتي مش عارف اتعايش حاسس بفراغ مفيش حد اتكلم معاه نفسي اتكلم مع حد احكيله كل حاجة المهم مكلمش البنت الي كنت معاها عشانه حرفيا معناديش الجرأه اني اكلمها و اقولها كل الي جوايا بعد أعمل أي حاسس بفراغ كبير جدا و مش قادر اتعايش و الحمد لله قريب من ربنا و كل فروضي في الجامع و مهتم بقراءة القرءان و جامعتي ماشي فيها أعمل أي جدا

نقدر نقول إن مشكلتنا هنا احنا الشباب اننا عايزين حد يسمعنا و يحبنا و يدينا عاطفه من الاخر كده يعني (محتاجين نتجوز) طيب هنا شباب و بنات و نحاول نوفق مع بعض ممكن ربنا يرزقنا كلنا و حد فينا يبقي متجوز

انا شاب عندي 20 سنه ولسه بدرس ما عنديش مهارات والشغل ولا مخلينا اتعلم مهارات وانا مديني وقت نفسي الاقي شغل كويس اقدر استفاد منه واتعلم مهارات يا ريت حد يفيدني مش طالب اكتر من كدا

انا دلوقتي شاب وعندي 20 سنه بدرس بس نفسي الاقي شغل اقدر نفسي منو كل الشغل محتاج مهارات وانا لسه بتعلم نفسي اتعلم انجليزي واشتغل بيه بس المشكله ان ما فيش شغل مساعدني عشان اقدر اتعلم في سنتر وكمان الشغل بياخد كل وقتي حد يقدر يفيدني

الوحدة والوحدة والكثيييييييييييييييير جدااا من الوحدة ... الفكرة يا جماعة انى مش كارهه انى لوحدى ولا كارهه ان معنديش اصحاب كتير وان كل ما بقرب واعمل صحاب غالبا فى الاخر انا اللى ببعد ولا ان اخواتى ولاد واصغر منى فطبيعى فى حاجز ولا حتى كارهه انى مش بحس بألفة وسط اهلى ولا بحس ان بيت اهلى دة بيتى ولا ليا حرية فيه كل دة انا عايشاه كواقع طول عمرى واتأقلمت عليه اعرف نااس بالهبل ومع ذلك ممكن بالشهور مكلمش حد عندى 18 سنة ومخرجتش مع واحدة صاحبتى قبل كدة اخواتى بيحاولوا يكونوا حواليا كتيير بس اناا اللى بقفل على نفسى بقعد مع اهلى كتيير نسبيا ومع ذلك مش بحس انى مرتاحة بزهق لما اقعد لوحدى وبردو مش بحب اقعد مع حد حيااة فاضية وفراغ غبى وملل عندى مسؤوليات قد كدة ومفيش طاقة حتى ابداا مش كارهه اللى انا فيه خالص وعارفة ان صعب اووى يتغير زى ما انا عارفة ان غلط اعلق املى فى الجواز او ان اللى يكسر الوحدة دى يكون جوزى مستقبلا يعنى هو مش جاى يعالج مشاكلى بس الموضوع شاغل بالى اووى بصراحة ☹️😓

جماعه هو لما يكون مفيش حد اصلي معاه العيد هل حقي ازعي واكتئب؟ انا شاب عندي عشرين سنة والدي مسافر وامي واختي راحو مع صحابهم مع نفسيهم وانا مش حابب اروح لوحدي وسيناريو كل مره بيتكرر ابص من الشباك عالناس اللي رايحه تصلي وهي فرحانه انا زعلان جداً والله العظيم 💔