صديقة

حاسه بزعل جدا ، صاحبتي اللي كنا اقرب اتنين لبعض كانت حرفيا بتقف علي التافهه و تقول يخليك تزعل و تحش انك في توكسيك ريلاشن كده المهم بقالنا شهر مش بنتكلم خالص بسبب موقف سخيف جدا و بعدت المهم كنت بدأت انسي و اتعايش بس لقيت النهارده خرجتني من جروب كنا عاملينه أنا و هي بنات أصحابنا تانيين ف رجعت زعلت تاني ❤️‍🩹 مش بحب الشخص اللي يفضل عايش دور الضحيه الشخص اللي شايف أنه محور الكون و أنه مهما عمل لازم أراضيه و اتحمل بس انا انسان و ليا صبر و ليا حدود و كرامه و متقولوش مفيش كرامه بين الاصحاب و لازم تكونوا باقيين علي بعض ، اولا لازم الشخص يكون عنده كرامه اومال هيعيش ازاي يعني ثانيا أنا كنت باقيه عليها بس هي كانت بتعاملني وحش كاني ظل ليها أو معلش بمعني تاني الخدامه بتاعتها وانا مقدرش و مش بحب اكون كده ، كان نفسي تعرف قد اي أنا بحبها بس خلاص احنا مش شبه بعض و انا مش هستحمل مرضي نفسيين في حياتي كفايه عليا بجد

ما نقدرش نوقف الover sharing مع صديقتي. هي من النوع اللي الناس الكل ترتاحلو و تفضفضلو لكن هي متشاركش اسرارها. المشكل الاكبر أنها تشارك اسراري و في كل مصيبة نحكيهالها تحاول تفكرني بحوايج تغيضني و مزال ما تخطيتهاش. حاليا هي تعرف أكبر اسراري ، احلامي، اهدافي و تحاول ترجع تدخل حياتي و محيطي.

عاوزه نصحتكم انا فرح صحبتي اعز اصحابي قرب وهي نفسها اكون معاها حتي هي قالتلي كدا وكمان هي صحبت الكليه واقرب حد ليا مشارعنا كل حاجه سوا المهم فرحها قرب وللاسف هيكون يوم جمعه يعني مفيش مواصلات وهي الفرق بين بلدها وبلدي ساعه يعتبر او ساعه ونص ومعنديش اخوات ولاد يروحو معايا وبابا ممانع حتي نروح افراح في البلد فاستحاله اعرف اقنعو واهلي اصلا مش من النوع اللس بيقدر مشاعر اصحاب والحاجات دي بيشوفها لعب عيال انا قولت لاهلي ان هروح حاجه تبع الكليه وفيها مابيت وكدا لان هتاخر ومش هيكون في مواصلات الجمعه فامي قالتلي معنديش مانع وهكلم مع ابوكي طلامه حاجه تخص تعليمك انا شايفه ان مش بحب اضحك عليهم او اكدب عليهم وزعلانه من كدا جداا وكمان حاجه اما اكلمت مع صحبتي عرفت ان اصحاب اخوها هيباتو في نفس البيت بس هيكونو في شقه فوق وانا هكون مع خالتها في الشقه اللي تحت انا مرعوبه من اهلي وكمان ان في شباب فكرت ان اعتذر ليها بس هي هتتقبل ؟ ملحوظه صحبتنا التالته هتروح لان مامتها مساعدها وقالت ليها هاجي معاكي ونجيب حد قربنا يودينا ويجبنا بالعربيه لان استحاله يكون في مواصلات في البلد دي فانا حاسه بزعل حتي صحبتي اما عرضت عليها اروح معاهم حاستها الموضوع تقيل علي قلبها كدا فانا مش عارفه اعمل ايه

صحبتي اللي هحكي عنها هنا في الابلكيشن اولا هي ازاي تروح تطلع اسراري وتحكي كده مع الناس بعد ما امنتها علي اسراري بجد نزلتي من نظري ويا حبيبتي انا اقدر اقول برضو ايش ضمنك اني مقولش مثلا انك بتكرهي اهلك وبتروحي تتعالجي عند دكاتره نفسيين 😂 لا وكمان بتحبي راجل متجوز وبتكلميه يعني الله يشفيكي قريب 😂

بقالنا داخلين في 13 يوم بحاول فيهم اقنع نفسي ان خلاص كل حاجة انتهت بس الحقيقة اني كل ما ببعد خطوة بلاقي نفسي برجع لنفس النقطة المحاولة في النسيان مجهدة جدا لما تكون بتجاهد عشان تنسى اجمل حاجة حصلت في حياتك ​انا مشوفتش وشها ولا عرفت ملامحها في الحقيقة كنا مجرد شات وكلمات على شاشة بس الكلمات دي كانت اطهر واحن حاجة قابلتها في دنيتي عمري في حياتي ما شفت في طيبة قلبها ولا في حنية كلامها الشخص ده كان اصغر مني بكثير بس بطريقة كلامه والفكر بتاعه حسيت ان هو اكبر مني ب 20 سنة من نضجه وعقله ولاول مرة في حياتي كنت الاقي حد يطبطب عليا بجد حد اروح له بكل همومي وافتح له قلبي واقوله على كل اسراري وانا مطمن مطمن انها مش هتعاتبني ومش هتحكم عليا ولا هتشوفني وحش وهي كمان كانت معايا كدة حكينا لبعض كل حاجة في الدنيا وشيلنا هموم بعض من غير ملامة ولا احكام في وقت كان ممكن الناس تاخد سنين وسنين عشان توصله انا بصراحه حسيت انها احسن صاحبة واحسن اخت مع اني ماليش اخوات بنات بس حسيت معاها بمعنى طعم الاخت الحنينة اللي بتخاف عليك بجد طريقة الكلام بتاعتها عمري ما حسيتها ان هي شخص غريب عني ​احنا الاتنين كنا راضيين عن البعد وساعتها لما قفلنا قفلنا زي الاطفال وعملنا لبعض بلوك بعد ما قفلنا على طول وسيبنا اثر حلو جوانا بحس ان ربنا ساعتها كان بيعاقبنا احنا الاتنين في بعض او بيختبرنا خلانا اتعرفنا على بعض بسرعة وسيبنا بعض بسرعة وكل ده كان عشان نرضي ربنا ومفيش حاجة تغضب ربنا وانا احترمت القرار ده قوي بس الوجع اكبر من الطاقة ​النهاردة وانا واقف في نص الطريق تعبت من التمثيل وتعبت من اني ابين اني تمام الايام بتعدي تقيلة وملهاش طعم والاشتياق مش بس بيوجع ده بيهد الروح هد طلعت الابواب مابتتقفلش بالامر وطلعت هي مش اي حد وخلاص دي كانت الروح اللي بتسمعني وتفهمني من غير ما اتكلم ​لو الكلام ده عدى قدامك في يوم اعرفي ان في حد هنا لسه عادد الايام باليوم والساعة من وقت ما غيبتي ولسه فاكر كل طبطبة وكل كلمة حنينة وعايش على امل ان اللي جمعنا بالكلمات ونهاه الخوف من ربنا يقدر يرجعنا تاني باحسن طريقة

جماعه عايزه اخد رايكم في حاجه ليا واحده صحبتي انا و هيا كنا صحاب اوي يعني بس انا مش برتاحلها كدا المشكله ي جماعه بقا بقالها فتره بلاقيها بتصورني صور غريبه و القيها واخد صوري اسكرين من استوري و بفتح الموبايل بتاعها بصدفه لقيت صور ليا كتير و كل شويه تصورني لوحدي و كدا يعني مش مثلا انا و هيا سوا لا و بجد ببقا وقفه بلف القيها وقفه بتصورني انا مبقتش مطمنه و خايفه تكون بتبعت الصور دي لواحد مثلا او بتكلم حد علي اساس اني انا و كمان بقالها فتره بتزن عايزه تيجلي بيت وانا مش بحب ادخل حد بيتي خصوصا و شكه فيه يعني فا انا مش فاهمه حاجه بجد و مش عارفه اعمل اي و كمان فكره اني ابعد عنها كدا فجاه من غير مبرار مش هينفع و كمان هيا بتبقا موجوده علطول في مكان الي ببقا فيه

عاوز نصيحه هتجنن والله ليه واحده بينا كل ثقه مش لفتره قصيره بالعكس لسنين الجامعه كلها عمري ما خذلتها ولا خذلتني في موقف اول ما سمعت ان انا كنت سبب في مشكله ليها مع اني والله عمري عمري ما اتسببت لمشكله ليها بالعكس كنت محافظ عليها نتخانق ونبعد وميبقاش في مجال للرجوع ليه بعد ما مرينا بمواقف عمرنا ما كنا نتخيل اننا هنعدي منها ونكلع كويسين وعديناها سوا نقع في حته تافهه زي دي **محدش يقولي في حد تاني لاني ولحد بعد ٦ شهور مفيش حد ف حساتها احنا اكونتات بتاعتها معايا وهي عارفه ولسا مستأمنه عليهم معايا ومغيرت حاجه فم فاهم طالما لسا واثقه فيا لي تبعدي انا م بحبها بس هي بقت جزء من حياتي بحبها طبعا بس كاخت كصديقه كصاحب م كحبيبه م الحب التاني عاوز نصيحه

جمااعه انا عندي مشكله غريبه جدا أتعرفت ع بنت م فتره و بقينا زى الاخوات هى لما بتيجي تعجب بحد بتفضل تتكلم عليه و تبعتلى صور ليه ف انا معرفش حقيقى ازاى مع انى مش انسانه وحشه و كمان بساعدها ع قد مااقدر بأعجب بالشخص ال هى معجبه بيه بس عمرى ما باين ولا حتى افكر ااءزيها بس بعد شويه بيروح الاعجاب دا ف هو دا عادى بيحصلى م كتر الكلام عليه ولا ف مشكله فعلا

اهلا عندي مشكله كبيره اني مش قادره أواجه اي حاجة خالص لا كبيره ولا صغيره و الموضوع دا عملي مشكله كبيره اوي و المشكله الأكبر أن مفيش حب من الأهل ولا منغيره فأكيد بدور على الحب دا من الناس المعرفهاش و صحابي بعدها اتعرفت على واحده و كنا قريبين اوي من بعض و مره واحده بعدنا خالص و منغير سبب خالص بعدها بقيت بكره الرجاله اكتر مانا بكرهم و مش مجرد كره عادي الهو اي بنت بتكره للرجاله لا أنا حاجه اسوء من كدا بكتير انا عمري فعلا ما حبيت راجل و الهيقول دادي ايشوز و ليه و هيحاول يغيرني فوفر تعبك لحد تاني حبيت اتكلم بس

السلام عليكم 🌸. بصوا، دلوقتي من فترة، سنة ونص مثلا، عرفت واحدة عن طريق صديقة مشتركة كانت بتعملنا احنا الاتنين مشاكل، ف اجتمعنا اصلا على اني كنت بسألها قبل ما اعرفها اوي هي -البنت بتاعت المشاكل دي- كده ولا انا فاهماها غلط ولا ايه، ولا المفروض اعمل ايه معاها اصلا، لانهم كانوا بيستيز. المهم، البنت اللي عرفتها دي خلينا نسميها تَنَّة (من تنة ورنة). ف تنة دي كانت مش عارفة والله، بتتلاعب بيا نفسيا. انا وقتها للأسف كنت بعمل اخطاء كتيرر، ف لما كنت احكيلها عن احد اخطائي، واقول مثلا اني متعصبة من حد معين، او بحب شيء معين،والمفروض اني غلط في كده، لا الاقيها تشجعني على ده اوي حرفيا. بعدها بنفس الدقيقة، احس بالذنب ف اقول بس لأ ومينفعش ومش عارف ايه، الاقيها ايدتني علطول، المهم انها دايما في صفي. لو عرفت اني بالصدفة عندي هواية او حاجة معينة بحبها، لازم تعملها فورا او تتكلم معايا عليها، بتتلاعب باسلوب الكلام بتنقي الكلام اللي عاجبني وكل ده. لما مثلا اشتري حاجة، الاقيها عملت زيي، اقرأ كتاب، تاني يوم الاقيها بتكلمني عنه، حتى النظارة والله الطبية اللي عملتها، راحت جابت واحدة شبهها بس اكسيسوريز، والله حتى صحابي، يا اما تبعدني عنهم، يا اما تروح تصاحبهم. كانت واخدة وقتي ومجهودي والله وكنت بحبها، ورغم اني متلاعبة اسوأ منها واقدر اقلب حياتها فوق تحت، بس كل اللي عملته اني كنت مدركة تلاعبها وبسايرها بمزاجي عشان بحبها وكنت طول الوقت ف صفها وبدافع عنها قصاد اي حد، رغم اني كمان عرفت اكتر من مرة انها بتكذب عليا وبتلفق تهم وكلام محصلش للبنت الاولانية اللي كانت بتعملنا مشاكل، ومكنتش مرتاحلها ابدا والله وقلت كده اكتر من مرة جوا وبرا عقلي. المهم، جت فترة وبعدت عن كل صحابي اللي اعرفهم، وبعتتلهم كلهم رسالة موحدة فيها شكر واعتذار واسف ووو.. وكده، وبلكتهم، بسبب ضغط وارهاق وخوف من اني آذيهم بنفسيتي السيئة وقتها. المهم، جيت دلوقتي رجعت علاقاتي مع الكل عداها، ف وانا بكلم واحدة منهم، قالتلي انها كانت بتبعت لتنة رسايل كتير اوي ليا واني واحشاها وتسال تنة عني، وتنة مفهماها انها بتتواصل معايا اصلا! لما راجعت الاحداث كلها ووقت اختفاءاتي بالذات، لقيت شيء واحد مشترك بينهم كلهم، كل صحابي اللي بحبهم الطيبين الكويسين فعلا، كانوا بيسألوها هي عني. وقتها فهمت انها مفهماهم كلهم انها بتتواصل معايا، وبتحاول من الآخر تبعدهم عني. المشكلة تنة اصلا عندي على الفيس، ومش مبلكاها واتس ولا مكالمات، وعندها كذا رقم تقدر تبعتلي يعني حتى لو مبلكاها، ده لو مهتمة فعلا، بس انا كنت مبلكاها تلي بس. انا آه كتبت في الرسالة ان محدش يتواصل معايا، بس برضو مكتبتش انها تروح للكل تقولهم اني بتواصل معاها! فاا بس، دلوقتي بقى انا افتقر للحوارات وهموت وانكشها ومش عارفة ازاي، لاني بصراحة والله مرعوبة منها 👈🏻👉🏻. ادوني بقى طريقة انكشها بيها من غير ما تعرفنييي

مش عارفه حقي ازعل ولا لا صحبتي واقرب حد ليا و هي حد كويس جدا و دايما جنبي ساعات بتقول حاجات متخلفة بتزعل مثلا مره كنت بكلمها في حاجه فهي كانت متعصبة ساعتها راحت قالتلي انا متربية مش هعمل زيك بس اتصالحنا بس جوايا كنت بقول اكيد من جواها شايفة كده فقالتها وقت عصبية بس قلت هي دايما كويسة معايا و مش هعمم النهارده كنا بنهزر مع اصحابنا فقالت بهزار عليا دي فاشلة مش هتلحق حتي معهد تجاري الكلمة دايقتني جدا وهي اعتذرت كتير وان مكنش قصدها وانو هزار بس هي زودتها مش عارفة هل هي فعلا مش قصدها وساعات بتتقل هزارها معايا او هي مش بتركز في كلامها ولا قصدها تحرجني؟

انا شخصيتي حساسه جدا وبحس بكل التفاصيل بشكل زياده ع اللزوم اي تغيير في نبره الكلام او تأخر ف الرد او البرود المفاجئ او الاحساس بالتجاهل ممكن يفضل شاغل دماغي لفتره طويله المهم عندي صاحبه بتخليني محتاره طول الوقت م عارفه اوضح قصدي بالظبط بس احيانا بحس إنها بتلعب علي نفسيتي هي عارفه اني حساسه وبفكر كتير ومع ذلك مره تبقي قريبه مني جدآ وتكلمني عادي ومره تقطع وترد ببرود او تعلقني بالرد بالساعات وهي بتنزل ستوري عادي ولما بعاتبها بتديني اعذار بحس أنها م مقنعه مره قالتلي انها بترد متأخر عشان خافيه شات بتاعنا م اني مسكت فونها وملقتش ان شات مخفي اصلا نغيب فتره بعدها ترجع فجأه تقول رني عليا او ترن هي عشان تحكيلي كل اللي حصل معاها وم بتديني فرصه احكي حاجه او اتكلم ع نفسي دايما الكلام بيتحول ليها بقيت حاسه إن شخصيتي بتضعف معاها وإني دايما بحاول افهم وأبرر واستحمل وده بدأ يأذيني نفسياً فعلا لو حد مره بحاجه شبه كدا يديني نصيحه او حل

السلام عليكم انا ليا واحده صاحبتي اتعرفت عليها في تالته اعدادي المهم في اولي وتانيه ثانوي كانت بتسألني في الامتحانات وبديها الاجابات عادي بس هي بقت بتشوفها حق مكتسب ودي حاجه بدأت تقرفني لان في تانيه ثانوي كان بيبقي نماذج نفس الاسئلة بس متلغبطه اما المقالي مختلف ف لقيتها بتقولي بدلي الورقة بقولها ورقة ايه بتقولي ورقة المقالي حليلي بتاعي وزعلت مني اني مرضتش احللها انا اصلا مكنتش لسه لا خلصت الاختياري اللي في التاب ولا المقالي عشان احللها وهي اصلا مبتذاكرش وزادت فيها انا والله عادية مش اللي هو دحيحة ولو حد طلب من سؤال وانا حلاه بقوله عليه عادي بس هي بتطلب الامتحان كله وبحللها المقالي كمان كأني داخله امتحن مرتين ومره كنت قولتلها لا دخلت برقم اخوها الصغير وبعتت لنفسها علي الواتس وبتقول لنفسها ان انا مصحباها مصلحة وبتحذرها مني المهم اني عرفت انه رقم اخوها انها كانت لما موبايلها باظ بتكلمني من رقم اخوها ف لما بعت الاسكرين دخلت اسيرش علي الرقم لقيته متسجل ب اسم اخوها ده فدخلت علي الواتس لقيته نفس الرقم ومعرفش هي ليه عملت كده لحد الان المهم ان السنادي انا تالته ثانوي وامتحاناتي خلاص كمان 11 يوم وهي علطول بتبقي ورايا في اللجنة فمردش عليها لو سألتني ولا اعمل ايه عشان انا بتشتت اوي وخايفه اتشتت واتوتر ومعرفش احل وشكرا واسفه جدا لو طولت🙏🏻💗

مش عارفه اوصف احساسي بس بجد مبقيش في حاجه جوايا علشان احاول مع حد ولا صداقه ولا حب يعني انا رايي اصحابي اهم من الحب ممكن اخسر اي حد علشان صحابي بس انا خسرت كتير اوي من صحابي وحطيت كل اللي جوايا في وحده بس وقولت اكيد المره دي غير انا بحبها وهي بتحبني مفيش 3بينا واهم من كل ده باقي صاحبنا نخسرهم علشان بعض عادي يعني احنا اهم المهم لغايت ما حبت واحد مكنتش حابه انا في الاول علشان بقيت تكلمه اكتر مني في حاجات انا بعرفها صدفه وبعدين هي قالت لازم تكون علاقتي معاه كويسه علشان انا وهي قولت ماشي وخلاص وبقيت انا وهو أصحاب لا ويقولي اعمل اي ومعملش اي ولو معملتش يخلي صحبتي تقلب عليا المهم قررت انا كمان يكون عندي حياتي الخاصه واتعرفت علي حد راح اللي بيكلم صحبتي يوقع بينا ويقول كلام محصلش سبنا بعض بسببه ولما اكون مدايقه من صحبتي يسخني عليا ويقول هي بتقول عنك بس انا بطنش علشان عرفت حركاته دي بس دلوقتي انا وصحبتي بعدنا والمره دي فعلا مختلفه معتقدش كل ده ينفع يتصلح لكن علي الاقل تعرف حقيقته حتي لو بعدين ومش عارفه انا المفروض اعمل اي بس احساس اني لوحدي صعب ومدايقه موت مخنوقه رغم كل حاجه حلوه حوليا و بشغل وقتي باي حاجه لانها كانت كل حاجه بس الحمد لله على كل حال متاكده أنه ربنا مش بيعمل حاجه وحشه

جماعه عندي واحده صحبتي محتاره ف حاجه وانا مش قادره اساعدها ومحتاجه رأيكم هي بتقدس الجواز عن حب وبتفضله عن الصالونات وبكتير بس هي حد عاقل جدا جدا ومش ممكن تدي قلبها ومشاعرها لشخص وخلاص لحد لما صاحبه مامتها شافتها وصاحبه مامتها دي عنده ابنها ف هي قررت أنه يتقدملهااا بس هي رافضه تقعد معاه خالص وف نفس الوقت بتقول لي أنه مفيهوش غلطه بس انا مش عايزه اتجوز صالونات ، انا حاولت أقنعها أنه طب جربي ، ف قالتلي يعني تخيلي كدا لولا مامته شافتني ماكنتش هييجي ويتقدم انا حقيقي مش عارفه اديها حل

من فتره مش بعيدة ليا واحدة صحبتي قالت جملة خلتني اشوفها بشكل تاني غير اللي انا كنت شايفاها بيه كنا خارجين من امتحان هي في الطبيعي اشطر مني وبكتير بس اناطلعت مبسوطه وهي طلعت مش عاجبها المهم براجع معاها لما لقت اني حليت احسن منها لاول مرة (هو انتي ليه عايزه دايما تحسسيني اني قليلة؟) انا كنت بتعامل بشكل تلقائي ومصدرش مني أي حاجة تحسسها بالقلة جمبي وسابتني ومشيت فضلت اتسائل هو فيه ايه؟ امال لو كنت اشطر منها بجد؟

انا بتغفل من صحابي بجد عندي واحده صحبتي دايما مشيلاني الهم في حياتها دايما بتشكيلي وانا دايما بسمع وبدي حلول وهي علطول شايله الهم معني هي حياتها الي حد ما كويسه بس عمرها ما بتحمد ربنا مثلا وتقول الحمدالله مهم اني جات فتره كانت دايما يتشكتيلي من حالتها ماديه وان قد اي هي بدبرها علشان تعيش معني هي بتشتغل ومخطوبه ل شخص محترم جداً ومرتاح ماديا كمان انا كانت بتصعب عليا واي فلوس كانت تحتاجها كنت بدهالها ١٠٠ ف ٢٠٠ كده يعني مع الوقت لقتها بتبعد عني ب حوارات غريبه ومشاكل ليها في حياتها ،، معني ظاهر غير كدا مش عارفه اعمل ايه انا بحبها وباقيه عليها وفي نفس الوقت بحس انها بتستعبطني

مشكلتي إني بقضي معظم وقتي لوحدي، ونفسي يكون عندي صديقة نتكلم بشكل مجهول، نسمع بعض ونشجع بعض ونساعد بعض نعدي الأيام الصعبة. هل ده شيء طبيعي ولا أنا بطلب حاجة نادرة؟ مشكلتي إني بقضي معظم وقتي لوحدي، ونفسي يكون عندي صديقة نتكلم بشكل مجهول، نسمع بعض ونشجع بعض ونساعد بعض نعدي الأيام الصعبة. هل ده شيء طبيعي ولا أنا بطلب حاجة نادرة؟

اختلفت مع واحدة صاحبتي بسبب انها قالت حاجة عن حد من اهلي مش احسن حاجة وفهمتها إني اتضايقت هي اتضايقت وقعدت تقولي كلام صعب وأني مش هعلمها تتكلم ازاي وانها مش باقية علي حد وإن ده دوري مجتش عليا انا اتصدمت ولسه مصدومة فطرت بجدية اقطع معاها واشيلها من كل حاجة ومن حياتي بس مش عارفة مش عايزة اخد قرار وانا متضايقة

معرفش لو في حد هنا مؤمن بالصداقة بين الولد والبنت بس انا اقرب حد ليا "بنت" كنا صحاب لمدة ٥ سنين مثلاً عملت فيهم كل حاجة علشان افضل ابصلها دايماً كمجرد صديق ومخسرهاش بس للأسف هي معملتش اي حاجة ناحية الموضوع دا واعترفتلي من شوية والاسوء ان اساليبي اللي استخدمتها عشان افضل شايفها صاحبتي وبس كانت ناجحة اوي فا مش قادر اشوفها في اي حاجة تانية ، حد يقولي ازاي مخسرهاش بالله عليكم

مشكلة إنك تبقى محاط بناس كتير، لكن مفيش حد قريب منك بجد.. نفسي ألاقي بنت تكون صحاب، ندعم بعض ونشارك تفاصيل الحياة ببساطة وراحة، ونفضل مجهولين لو حابه. مشكلة إنك تبقى محاط بناس كتير، لكن مفيش حد قريب منك بجد.. نفسي ألاقي بنت تكون صحاب، ندعم بعض ونشارك تفاصيل الحياة ببساطة وراحة، ونفضل مجهولين لو حابه.

هحاول احكي موضوع طوييل جدا فوق مما حد يتخيل بس مش هعرف اكتبه لانه فوق ال 1600 كلمه اعتقد ف هخلي البوست برايفت لو حابين تعرفوا بالتفصيل يعني "عشان محدش يتف في وشي هنا لانه طويل بغباء" المهم ..أنا مضغوطة ضغط مش طبيعي بسبب صاحبتي هديها حرف "أ" والتانيه "ب" المهم "أ" اللي عشرة خمس سنين هي بنت حلال وبتحفظ سري بس حبها تملك وخانق بتعمل خناقات تافهة بسبب غيرتها الطفولية وتخليني دايماً أبرر وأصالح ومبتصالحنيش خالص لدرجة إني بقيت بوزن كلامي معاها والقعدة مبقتش مريحة من خمس شهور عرفت " ب" وبقينا صحاب عشان شبهي ومطرقعه بس فضلت أ هي الأولوية المشاكل زادت بينهم ويوم عيد ميلادي لما طلبت من أ تمسح ستوري عشان مراعية مشاعر ب قلبت الترابيزه عليا وطلعتني أنا الغلطانة وعايشة دور الضحية واتهمتني إني دخلت ب بيننا وقالتلي خدي بريك أنا انفجرت بسبب تراكمات وضغط ثانوية عامة والبيت وكمان لأن أ قبل كده فتشت تليفوني ومسحت بوستات فيس بوك بدافع الخوف عليا فقررت أبعد عن الاتنين وأشتري نفسي بعد ما مشاعري اتصفّت ووصلت للبرود مشكلتي الحالية هي تأنيب ضمير بيموتني ووحدة خصوصاً لما ماما قالتلي إني غدارة عشان سبت أ فتقفلت منها اكتر وصدقت إني وحشة وسيئة وهفضل بطولي رغم إني لسه سبعتاشر سنة كتمي للزعل خلاني أسرح لدرجة إني اتكعبلت ووقعت في الشارع ومبعرفش أعيط وبداري وجعي في الضحك والهبل كأني كلاون انا خليت شات جي بي تي يلخص فعشان كده مش هتلاقوا الكلام فيه مشاعر🥸

موقف يبان إنه عادي بس مكنش عادي!! امبارح كان فرح أخت صاحبتي رنت عليا قبل المغرب قالتلي تعالي معايا السيشن علشان هتكون لوحدها في العربيه قولتلها ماشي فضلت معاها لعند وقت العشا ركبت معاهم ووقت الزفة برضو كذلك ووقت ماوصلنا مكان الفرح اخدت حاجتهم معايا وقعدت وعادي معنديش مشكله وفرحانه وواقفه جنبهم طول الفرح جت بنت صاحبتها هي لسه عارفاها من سنتين بس بقوا قربين أكتر مني أنا وهي مع إني قولتلها من الأول قالتلي لا محدش هيكون زيك وأنا تمام المهم لما البنت دي جت طلعت جابتها من بره ووقفت معاها وأنا أعرف البنت دي برضو وبجبها عادي معنديش مشكله معاها المهم طلعت دقايق بره قالتلي ماتتأخريش علشان الشنط والحاجه ماتفضلش كده رجعت لاقيتهم بيصوروا فيديو مع بعض تمام برضو وقت ما العروسة خلصت وجه وقت التصوير بالكاميرا كنت قاعده أنا والبنت دي على نفس الترابيزه هي شاورتلها تتصور معاها ومابصتليش!! وفضلت قاعده معاها شويه وسايبه العروسه والناس والفرح وأنا ولا كإني كنت معاكِ من أول اليوم لعند الساعه 12 بالليل تقريبًا وقبلها بيوم كانت الحنه وروحت برضو علشان ماتبقاش لوحدها وصاحبتها دي مكنتش موجوده فاللي هو ليه؟!! ماضايقنيش حاجه قد حوار الصوره ده كانت بتتصور مع بنتين صحابها تانيين وقامت شاورت لدي وأنا كإني شفافه آسفه إني طولت بس كنت محتاجه أتكلم

هحكيلكم وانتو احكمو انا صحبتي عاتبتها كذا مرة انها مش بتسال ولا بتكلمني خالص للعلم احنا صحاب من ٧ سنين وقريبين جدا من بعض كل ما اقولها نتقابل متردش او تقولي يوم تاني وكل ما ابعتلها ترد عليا ببرود جدا ودا شئ تعبني نفسيا عاتبت مرة والتانية وهي تقولي فاهماكي بس ومش بشوف منها حاجة لحد ما زهقت وعملتلها بلوك دخلت كلمتني علي الانستجرام وقولتلها انا لية عملتلها بلوك قالتلي انها اتغيرت ومش عايزة دا ياثر عليا بس محاولتش تصالحني خالص اتا بجد زعلانة اوي وحاسة اني لوحدي هي كانت صحبتي الوحيدة واقرب شخص ليا من زمان تقدرو تقولو عشرة عمري

"آه جماعة، في حاجة كده أنا مش فاهمها ومش لاقي لها تفسير، فبالراحة عليّ لأنّي فعلًا مش فاهم. يعني مش فاهمها بجد، هل اللي بتعمله ده طبيعي؟ ولا هي بتفكر إزاي؟ أو أنا الموضوع مأثر عليّا؟ أنا كان عندي واحدة صاحبتي، إحنا كنا قريبين جدًا من بعض، وبعد كده حصل حاجات كتير وظروف أكتر خلتنا نبعد عن بعض. يعني كان بإرادتها هي أكتر. حاولت معاها كتير للأسف، بس ما بقيناش زي الأول خالص. بقيت العلاقة سطحية جدًا، ويمكن أقل من سطحية كمان، في كلمة كنت بقولها. المهم، الغريب بقى إن علاقتنا دلوقتي ما بقتش زي زمان خالص، ولا بقينا صحاب ولا بنتكلم، مجرد بس شوية ميوشوال ميديا كده. عارف إن إحنا لسه عايشين، بس كل واحد في حاله. المشكلة إن الذكريات اللي كنا بنعملها مع بعض زمان، والحاجات اللي كنا بنعملها سوا، هي اللي مخلياني مستغرب. يعني فجأة تبعتلي مثلًا؟ وليه تفتح كلام معايا بعد كل ده؟ أنا في الأول كنت بارد ومش عارف أرد إيه، وقلت يمكن هي بتحاول ترجع العلاقة زي ما كانت، فحاولت أرجّع الألفة، بس برضه الموضوع ما كانش طبيعي. يعني مش عايزة ترجع زي زمان، وفي نفس الوقت بتبعت وتفتح كلام. مثلًا بعتتلي Reels من غير ما نتكلم أصلًا، فاستغربت. وأنا كرداش بعتلها، وفي الأول قلت برده Reels، مش عارف إيه اللي حصل بعدها. بقيت مش فاهم هي عايزة إيه بالضبط. يعني يا ستي، ما تيجي نتكلم تاني لو عايزة، أو لو مش عايزة خلاص، لكن الحركات دي مخلياني مش فاهم. هل في ناس فعلًا ممكن تبعت Reels لناس ما بتتكلمش معاهم؟ ولا أنا اللي مكبر الموضوع؟ طيب مثلًا، فاهمين

انا مكتئبة ... معنديش شغف لأي حاجة في الدنيا و صحبتي اللي كانت رفيقة روحي سابتني و كانت مؤذية ليا جداً... دلوقتي بقا عندي رهاب اجتماعي و معنديش حياة ولا أصحاب اقدر اكلمهم براحتي لأنها كانت الشخص الوحيد اللي واخد المكانة دي و سابتني من غير مبالاة لأي حاجة كانت بينا ولا رحمة على حالي بعد ما كانت واخده معظم حياتي... اعمل اي علشان اعرف اعيش تاني

من فترة حكيت لواحدة صاحبتي علي مشكلتي مع الاكل وبصراحة رد فعلها كان ابرد مما تخيلت يعني هي مش فاهماني المهم بدأت احس انها بتتجاهلني شوية او بتتجنب تتكلم معايا ولما كلمتها انكرت اوي وقالتلي ان مفيش حاجة اتغيرت بينا بس انا مش قادرة امنع احساسي ان في حاجة انا حقيقي ندمت اني حكيتلها مبقتش عارفة اتعامل ازاي حد ينصحني (مع العلم اننا في شلة واحدة فا انا كدة كدة بشوفها علي طول)

محتاجه أجابه ضروري من من 5سنين حصلت مشكله بيني وبين صحبتي وبابا حلف بطلاق اني مدخلش عندها البيت تاني و انهارده من بعد 5سنين اتصلحنا وانا عايزه اروح عندها واهلها كلهم بيحبوني وانا يعتبر بنتهم ملحوظه بابا حلف بطلاق لأن صحبتي غلط في أخويه في شات بنا يعني المشكله كلها بسبب أن بابا خد موقف عشان أبنو مش أكتر مع أن محدش كان ليه الحق يفتش في شتاتي أعمل ايه أروح ولا لا

صاحبتي عشرة عمر ١٠ سنين وبعد ما كنت جنبها ف كل حاجه صعبة او كويسة ومسيبتهاش لحظة ف وفاة مامتها وكنت بقعد اسمعها بال٣ ساعات بدون ملل جت بعد سنة من وفاة مامتها وبعد ما هي سمعتني ف مشاكلي الصعبة تقولي انا مش عايزة اعرفك تاني لانك صاحبة مزيفة و مبتسمعينيش ف اي مشكلة ولا عمرك حسيتي بيا وقطعت معايا عشان بس مقولتلهاش كل سنة وانتي طيبة الساعة ١٢ ف عيد ميلادها و قولتهالها الساعة ٩ بالليل بذمتكوا لو مكاني تعملوا ايه 😅😅

الموضوع عدى عليه فتره ومش هاممني بس لسه شايفه كومنت حد وكدا ان الكلام اللي بيطلع من شخص وسط الخناقه بيكون اكتر كلام صح عموما قبل كدا اتخانقت مع واحده صحبتي ف فضلت تقولي كلام كتير بجد مكنتش اعرف هيا ليه قالتو غير لما شوفت الكومنت دا كلامها كان زي السم جدا جدا حرفيا نزلت كأن ماسوره وانفجرت تقولي انتي بتعاملي صحابك الباقيين احسن مني وبتجيبي ليهم هدايا احسن مني وانتي مش بتفكري فيا وانتي متستحقيش صحابك دول اصلا انتي بتخرجي معاهم وانا لا وبتاع مع ان هيا اصلا اللي مبترضاش تخرج وحاجات كتير اوي بجد ف مش فاهمه هيا كانت بتقول كدا عشان تضايقني ولا دي غيره دي ولا حقد ولا ايه بظبط حرفيا كل ما بتفكر الكلام دا بقول ازاي ما اخدتش بالي وكنت بفضل اقول عليها صحبتي وللعلم كنت مفضلاها عن بقيه صحابي اللي عرفاهم بقالي سنين عموما مش مسامحه بجد .

انا ماتخطيتش ومش عارفة ازاي اتخطى الناس اللي بنيت عليهم حياتي حياتي بقيت فاضية اوي لدرجة اني بستنى انام عشان اشوفهم في حلمي عشت فقدان ٣ اشخاص من اهم الناس في حياتي المرة الاولى كان عمي عشت معاه طفولتي كلها صاحبي الوحيد وابويا والوحيد اللي بيحبني من غير مقابل عشت معاه ٨ سنين وهو مريض وبحكم ان كنت هادية جدا حياتي كانت عبارة عن المدرسة بدون صحاب واحل الواجب عشان اقضي باقي اليوم معاه يتكلم معايا وياكلني ونلعب سوا ويسرحلي شعري اول يوم رمضان روحت البيت عشان اشوف ماما خلصت الفطار عشان نروح نفطر مع عمو رجعت لقيته مات مابكيتش يوم مااتوفى وكنت هادية جدا لدرجة اني كنت بواسي الكل بخبر موته بس كل ما ازعل من حاجة ابكي على موته وبتعب كل ما تيجي ذكرى وفاته من غير مااعرف السبب حتى لو نسيت التاريخ تاني مرة كانت من ٦ سنين ابنه الوحيد على اخواته البنات واصغرهم ماقضؤتش وقت معاه كتير وكنا بنتخانق دايما بس قبل وفاته حسيته شبه باباه اوي وكان بيتعامل معايا كاني اخته الصغيرة وبياخد راي في حاجات كتير واتعلقت بيه اوي ماحضرتش خطوبته لاني كنت تعبانة روحت اباركله تاني يوم بعد الدرس وفي ليلتها الفجر صحيت على خبر وفاته في حادثة ومن وقتها مش بعرف انام قبل الفجر عقلي اتبرمج ان ممكن نصحى نلاقي اننا خسرنا حد تاني وبدل مااعيط كنت بضحك وعقلي لسه مقتنع انه عايش بس انا مش بشوفه عشان هو مشغول واننا مابقيناش قريبين ولسه حاطة رقمه على موبايلي

لما تكون محاط بناس طموحه و بتسعي للنجاح بالتالي لا اراديا بتبقا شبهم او اكتر . انا مفتقده اوي ده انا تعبت من اني البشجع و البدور علي حلول و افكار لكل حاجه. انا نفسي يكون عندي صاحبه صالحه . انا حتي اهلي مش شبهي فعلطول حاسه بغربه وسط الكل و تعبت

يعني ايه اسأل انهاردة بنت صديقة مقربة، احكيلها عن قصتي وتقولي عادي بتحصل، يعني ايه واحده تعلق واحد وهي نفس البنت تختفي،، اتضح انه امر شائع ومرضي جدا،، يعني مطلعش ابوها السبب؟!،، يعني انا اتغفلت،، اتقالي انهم بيحبو يمشو ضحايا عشان ميتنسوش وتفضل فاكرهم،، اتقالي انها متعة مرضية عند البعض،، طب وبعدين، الواحد يعيش ازاي وسط الاوغاد دي كلها،، البعد عن الناس نجاة مش مجرد غنيمة.

جماعه انا اكتشفت ان صاحبة عمري بتغير مني وبتكره ليا الخير الغريب ان حياتها مرفهه عن حياتي اهلها مهتمين بيها زيادة ربنا يخليهم لهايا رب وكل اللي نفسها فيه اوامر ودا شيئ حلو جداً طب ليه بنت حياتها كدا تغير مني انا ونا مش بحسد والله ربنا يزيدلها ويبارك لها بس انا يمكن اقل منها مادياً بكتير حياتي فيها صعوبات ومش مرفهه خالص انا شايلة بيت لوحدي ومامتي سايباني انا شوفت ايام كتير في حياتي صعبه وهي اكتر واحدة عارفه دا ليه لما تعرف خبر حلو حصلي تتجاهلني ووشها ينقلب وحرفيا متعرفش تبين فرحتها مقارنتها بيا بتبان في اقل الكلمات زي انها تقولي انتي ليه دايماً عايزه تحسسيني انني قليلة عشان كنا بنراجع امتحان ونا كنت حليت كويس وهي مش واثقه مع انها بردو متفوقه عني بكتير ودلما طلعت الأولي بجد كنت فرحانة بجد وهي زي ما يكون مش مصدقه اني فرحانه ليها عمري ما تجاهلت ليها انجاز ولا استكترت عليها نعمة وهي مع انها عارفه حياتي والصعوبات اللي مازلت بمر بيها من صغري ما شفتش راحة وبتستكتر عليا اي فرحه وتفسدهالي بطريقتها.

انا اكتشفت أن انا مش عارف فعلا اتعامل معاها احنا اصحاب داخلين ع سنتين وعرفتها من هنا واصبحنا اصدقاء قريبين بس بدأت فعلا احس أن هي بتلكك عشان تزعل مني أو متتكلمش معايا أو تبعد عني بتقفلي ع الواحده يعني دلوقتي زعلانه مني عشان قولتلها لو مفتحتش واتس ومعرفتش اكلمك يبقي مش معايا من عشان متقلقيش زعلانه جدااا مني ومش عارف لصالحها وانا مش عايزها تزعل مني لان دي صديقتي بجد بحكيلها اللي مقدرش احكيه لاي حد انا تفتكروا ممكن اعمل اي ياريت شباب وبنات يقولوا رأيهم انا كبير وناصج مش عيل صغير او اندر ايدج 🥹🥲

تعبت وانا كل شوية بتكلم في الموضوع دا وكل يوم يزيد عن حده بس غالبا اتعودت يعني انا اتكلمت كذا مره عن صحبتي ودايما بحس في غيرة حصل موقف انهارده بردو كنت بعتالها حاجة ع الواتس وكدا بقولها ايه رأيك وعجباني اوي وبتاع المهم هي حرفيا معملتش اي ريأكشن او مدحتني بربع جنيه بعدها راحت قالتلي انا كمان عندي زيها والله مش فاهمه في ايه يعني دا فعلا غيره ولا انا بيتهيقلي ولا انا اللي بفتري عليها يجماعه يريت حد يقولي عشان بدأت اشك في نفسي اني بظلمها وهي تعاملها معايا عادي!!!

السلام عليكم أنا لسه في بداية إني أكون صداقات جديدة، وأكتر حاجة بتخليني أتردد إن الشخص اللي عايزة أتكلم معاه بيكون وسط مجموعة من أصدقاءه، فببقى محتارة إزاي أدخل الكلام من غير ما أحس إني بقاطعهم أو داخلة فجأة. خصوصًا إنهم بيبقوا منسجمين في الكلام، وفي ناس في المجموعة أنا مش عارفاهم كويس أو مش مرتاحة لهم، ومش عارفة صفاتهم زي صفاتي ولا لا. وكمان بيضايقني إني أكون قاعدة ساكتة وهم بيتكلموا. وفي نفس الوقت صديقتي بتكون معاهم ومندمجة، فأحيانًا بفكر أكلمها لوحدنا في لحظة هدوء، بس بخاف أقطعها عن أصحابها أو أحرجها، وخايفة ده يأثر على صداقتنا إني مش ببادر. وكمان شفتها أيام الامتحانات ماشية مع صحابها ومش سألت عليّا، وحاسة إنهم بيتقابلوا سوا . وكمان أنا مش بعرف أفتح كلام بسهولة، ومش بعرف أشارك في الضحك والهزار.

انا وهيا اصحاب من 9 سنين هيا مكنتش قاعده في نفس البلد بتاعتي هيا جت بلدنا ومن يوم ماجت واحنا صحاب كنا ممكن نقطع شويه لما نتخانق ونرجع تاني احسن من الاول كنا بنحكي كل حاجة لبعض هيا ارتبطت وانا ارتبطت وكنا بنحكي كل حاجة لبعض ومحدش فينا كمل وكنا حرفيا بنعيط لبعض من الزعل وجينا قررنا اننا نرتبط لاننا متفاهمين جدا جدا وفعلا ارتبطنا واتخطبنا ومن يوم الخطوبه كان ببحصلي كوارث مش طبيعيه هيا نفسها كانت بتعيط من ال بيحصلي وانا وهيا بعد الخطوبه لقينا نفسنا مش متفاهمين نهائي وبنتخانق علي اتفهه الاسباب لو قولتلها قومي صلي مع انها هتقوم بس كانت تقولي لا عشان انا ال طلبت منها بقت تعمل حاجات غلطت كتير ولما اجي ازعق تعيط وتقول مكنتش اقصد وبعد اربع شهور فشكلنا عشان لقيتها بتكلم واحد وبعتالو صورتها هيا بتقول انها كانت بتبدل معاه الايفون بتاعها وهتاخد بتاعو ف هو قالها ابعتي صورة فونك فبعتتلو صورتها قدام المرايا وهيا ماسكه الفون المهم انا صممت علي الفشكله الكلام دا من اسبوع بس انا من يوميها مش عارف اتعامل طبيعي هيا كانت كل حاجة في حياتي صحبتي وكنت بعتمد عليها في كل حاجة وبعد كدا خطيبتي ومره واحدة كل دا انتهاء هيا معندهاش مانع نرجع اصحاب بس انا مش قادر خايف اظلمها واظلم نفسي بس انا في نفس الوقت محتاجها في حياتي اعمل اي

عندي وحده صحبتي اجتماعية جدا و الناس بتحبها و بتحب قعدتها و انا بحبها بس بحس اني بزعل شويه لما حد يمدحها قدامي ممكن عشان هي فيها حاجه مش فيا فهو ده اللي مخليني بتضايق بس هي فعلا بيئتها و عيلتها و حياتها مخلياها شخصيه اجتماعيه و بتتعرف على اي حد بسهوله في حين ان انا بحس نفسي مبخليش حد يقرب مني بسهولة حتى وانا مش قصدي و لما بكون انا عايزه اتعرف ع حد جديد الموضوع بيكون صعب اوي.. و مش عايزه شعور الزعل من ان حد يمدحها قدامي ده يكون فيا ولا عايزه احقد ولا احسد بس مجرد بسأل نفسي هو ليه مش انا

بابا في مره كان بيكلم ماما و كان متعصب و قالها ان لازم انزل اشتغل او ادور على شغل و قال اني شوؤم عليه و انه قالها كدا من قبل متولد مع ان انا بنته الكبيره و ان كلامه اتحقق بعد 20 سنه والكلام دا داخل اهو في سنه انا حاليا 21.. و موقف تاني مش قادره انسى انا كنت بشتغل في شركه كان التعامل فيها وحش اوووي و قدمت استقلتي بعدها بشهر بس لازم المديره بتاعتي هي اللي تقولي امشي امتي المهم حصل مشكله بيني و بين البنات اللي معايا في الاوضه و كان من ضمنهم واحده صاحبتي من زمان بس ديما بيني و بينها مشاكل المهم المديره دي تاني يوم وزعت علينا الشغل وبعدها بساعتين جبتني انا و البنات اللي معايا و هما كدبوا و مقلوش اللي حصل و هي مكنتش عايزه تسمعني و قالت لي اسمع اي دي صاحبتك و انتمتك شاهدت عليكي... المشكله ان صاحبتي دي مفكرتش حتي تحذرتي ان كل دا هيحصل علشان هي كانت مقربه من البنت اللي اتخنقت معاها و كمان حتي لما مشيت مكلمتنيش سالت عليا و حاجه كمان لما المديره و قفت قالت كلام وحش ليا اوي دخلنا الغرفه اللي شغلين فيها علشا ألم حاجاتي صاحبتي كانت وقفه بتلم معاهم لا و كمان بتقول للمديره ايه الشاحن اهو بس هو بايظ و النظام في الشركه ان التليفون و الشاحن اللي بستلمه بيبقي عهده عليا و كنت بجيب شاحن من بيتي اشحن بيه و انا بشتغل... يعني معني الحركه كأن صاحبتي بتقولها اخصمي منها فلوس...

واحده من صحابي وانا بحاول اصالحها بعتلها حد يبقي وسيط بينا بس هي غلط فيا جامد.... خو في الخقيقه كلامها كله مش عارفه انسي😂 بس اكتر كلمه وجعتني لما قالت اني كنت عبء عليها.... و اتهمتني بحاجات كتير اوي

موضوع بيضايقني اوي بجد خاصة اني بتأثر من اي كلمه حد يقولها وبتفضل في دماغي على طول ومبحبش الانتقادات بس صحبتي للاسف عمرها ما عملت حاجه غير انها بتنتقدني زي مثلا بجيب لبس او كدا تقولي بصراحه مش حلو اوي يعني تقولي مثلا حاسه لو كنتي جبتي حاجة تانيه او لون تاني هيكون احسن واصلا بلاقيها جابت الحاجه دي بعد كدا وتقولي اصل بصراحه لما شوفتك لبساها وكدا عجبتني ف اشتريتها مثلا في يوم عيد ميلادي حتى بقولها ايه رأيك في الميكب وكدا راحت بتقولي بصراحه مش حلو اوي بتاع عيد ميلادك اللي فات كان احلى مع اني والله مبحبش اضايقها ولو الحاجه مش حلوه بقولها جميله او بنتقد بس بطريقه متزعلش فاهمين ؟ المهم قولت لماما قالتلي ممكن يكون في غيره بس الله اعلم عكس مثلا اي حد بلاحظ مش بتعمل كدا معاه المشكلة والله اني بتقفل مثلا من الانتقاد وبتخليني اكره الحاجة دي وكمان انهارده كنت بوريها فيديوهات ليا وكدا وكان شكلي حلو فيها مش سيء يعني راحت تقولي بصراحه شكلك يخوف اوي مع ان عدت الفيديو كذا مره بس بجد شكلي عادي جدا اتصرف معاها ازاي دي يجماعه ؟

كان في واحده صحبتي كنا مع بعض من تلات سنين ولحد دلوقتي مع بعض بنتكلم عادي بس من اول الترم ده واحنا مش بنتكلم معرفش ليه هي شيفاني بعطلها مثلا ولا مكاني اتغير عندها مش بتطمن عليا عكسي كنت ببعتلها بتاع اربع مرات ورا بعض انا اللي بسال لما بتغيب ، هي معندهاش مشاكل لما بكلمها بتقولي امتحانات مع اني نفس الكليه وعندي امتحانات زيها ، بس بعدي الموضوع بقيت مكبره دماغي منها حتي دلوقتي مش زعلانه بحلل بس المواقف لاني مستغربه ، في مواقف صغيره عملتها بس فرقت معايا زي مره كنا فاكتفتي وسالوها تحبي تشتغلي مع مين لو كنتو مع بعض فتيم فاختارت كذا حد تاني غيري عكسي انا اختارتها ، بردو موقف تاني كنا رايحين مكان بس هي وانا ركبنا من اماكن مختلفه فبقولها لما توصلي رني عليا فوصلت و ركبت المترو كمان و كنت واقف عند السلم برن عليها قالتلي انها ركبت طيب مفرقتش عشر دقائق أو كنتي رنيتي بس متكلمتش عادي، دلوقتي هي اللي متغيره و بعتتلي من اسبوعين بتسلم وبتقولي أنها مقصره فقولت عادي و رديت وهزرت مردتش عليا بعدها علي كلامي و بتعرف تنزل استوريز علي كل البلافورم بس مش بتعرف ترد عليا ف مش عارفه هي ليه بتعمل كده مع اني بمتحن زيها عادي هي دلوقتي مش فارقه معايا عادي بس لما بفكر بستغرب

جماعه صحبتي سرقتني! كنت سايبه 2500 علي الكومدينو جمب سريري وهي اجت خبطت عليا هي جارتي قالتلي هعمل شعري عشان خطيبي جاي هعيد عليه بس وانا من ثقتي فيها سبتها ف اوضتي ودخلت اعمل حاجه ف المطبخ دخلت الاوضه تاني ليقت البيبي ليس ف الكهربا والباب البيت مفتوح ومخدتش بالي ان الفلوس اختفت الا تاني يوم الصبح انا مش زعلانه علي الفلوس المبلغ مش كبير بس انا دي كانت من اقرب الناس ليا ولو كانت طلبت مني فلوس سلف كنت اديتها ولو اخر فلوس معايا محدش دخل غيرها البيت والفلوس قلبت عليا البيت مش لقياها وهي مكنتش قبضت ومعهاش فلوس خالص علي كلامها لقيتها بتجيب هديه لحماتها انا مصدومه فيها وبحاول اكدب نفسي وادور علي الفلوس تاني اعمل معاها ايه

مره كنت بتشاكل مع اختي وفنص الكلام قالتلي (عشان كدا محدش بيحبك وكل الناس بتكرهك) ومره مع ماما وقالتلي (انتي لازم تتعالجي نفسياً) مره كانت حياتي حرفيا بتدمر وعلاقتي كلها بتدمر وحكيت لصاحبتي وعشان نسيت حاجه كنا كاتبينها مهمه قالتلي (انتي تستاهلي كل الي بحصلك) المشكله ان مكنش ليا غيرها ساعتها كرهوني ف نفسي

صاحبتي فسخت الخطوبه قبل الفرح بأسبوعين بقرار متهور ولكن علي العريس دي كانت الضربه الاخيرة اللي هيتحملها منها لأنها طول الوقت كانت بتضغط عليه وبتعامله بجفاف ووصف دا بعدين انها كسرت رجولته وقفلته تمام حتى من الزواج فالمطلق مش منها بس وهي اعتذرت وحاولت كتير وكل اللي حواليها حاولو يرجعوه لأنها اعترفت بغلطها وقالت انها مش هتقدر تعيش من غيره وقال مش هتقدر تصلح اللي عملته في قلبه وهي نفستها زفت ودخلت المستشفى كتير بهبوط سكر وارتفاع ضغط حاد ومش عارفه تفوق هل في نصيب يرجعلها ولا لما الرجاله بتقول كدا بتكون فعليا تقصد دا ؟

أقرب صاحبه كانت بتتبلى عليا وتضحك على صحابنابعدواعني وهي قربت مني تجاهلت وبعد مدة عرفت اللي حصل وضحتلهم اعتذروا مبكلمهش زي الأول واختصرت منهم رجع يعاملوني بقرف وحقد موضحوش سبب بعدت

انا مش عارفه اعمل ايه صاحبتى و اختى بتمر ب اسوء فتره في حياتها تقريبا و ساكنه بعيد عني وعندها مشاكل في البيت و مذاكره ثانويه عامة و عايشه اصعب عيشه بجد و بتمر ب اكتأب وحاله نفسيه زفت ومع ذالك لو اي حد قعد معاها عمره ما يقول ان الانسانه دي عندها مشكلة في حياتها واكبر مشاكلها ان صاحبها سابها مثلا بس بجد البنت قويه لدرجة انها استحملت حاجات كتيره اوي وفي وقت واحد بس خلاص هي مبقتش مستحمله البنت كل ما بقعد معاها بكتشف بالصدفه مره انها كانت في اوبر و اغمى عليها و راحت الطوارئ وقلبها وقف و عملولها صعقات علشان يرجع تانى و مره اكتشف انها حاولت تنتحر و عملت كده بالفعل و كل شويه تحصلها مصيبه وانا مش قادره ابقى جنبها خالص نفسي بجد الاقي حل عشان احسسها انى معاها

صحبتي عملتلي ghosting و بتتحجج ان واتساب كان في مشكله مع ان سهل تبعت اي ابلكيشن تاني .. مش عارفه انسي الحوار الهو عماله افكر في تصرفاتي معاها الفتره الاخيره وافكر اسألها زعلتها فأيه و هعاتبها ولا لا عموما حاسه بخزلان ومكنتش عايزه صداقنتا تبوظ بعد السنييين دي

عندي واحده صاحبتي من زمان انا بحبها بس كنا مع بعض قبل كده خارجين وشدينا علي اني مش عارفه اصورها وهي صورتني حلو وهي عارفه اني بجد مبعرفش اصور ومس بركز يعني انا شخصيا لما بيكون فيه اي حاجه هي اللي بتظبطلي نفسي او شكلي وانا لسا كنت بتعالج من السوشيال انكزايتي اليوم ده فضلت تقولي اني مش عايزه اخليها حلوه او اصورها حلو وهي بتحاول تخليني حلوه وانا فعلا ولله ما بركز ولا ببقا قصدي وحاسه بالذنب بجد حاولت افهمها بس مقتنعتش مفروض اتصرف ازاي؟

ليه الصحاب بيعملوا كدا بجد ؟ ليه بعد.ما غلطتي وحاولت اديكي فرصه تانيه تبوظي الدنيا اكتر ؟ ليه مش شايفه مبرراتي ؟ ليه بتعاقبيني اني بحاول احل مشكله انتي من ضمن الناس اللي سببتهالي!؟ يعني بجد ليه الإنسان ميكونش كويس وخلاص ؟

أنا ضايق صدري نفسي احكي لاهلي عن مشاكلي بس اخاف تتغير نظرتهم لي برضو عمدة صديقة بكون نفسي احكي ليها بس بخاف عمدة مشكلة عدم الثقة بالناس حتى لو من الاهل.احتمال اكون أنا مكبر الموضوع .شكراا

السلام عليكم، ابي اكلمكم عن شي صالي فتره افكر فيه وابي وجهت نظركم عنه قبل اسبوعين تقريبا كنت يوميا في الفسحه(الصرفه) اجلس مع خويتي من الفصل الثاني يوميا نجلس نسولف طبيعي بعدين مره جت سلمت علي ومشت مع خويتها اللي هم بعد خوياتي بس من نفس فصله طبيعي ماكان شي غريب واليوم اللي بعده سوت نفس الحركه سلمت ومشت مع اني لاحظت بس ماقلت شي كان عندي سوالف بس قلت بكرى ان شاء الله بس بكرى مرت سلمت ومشت؟! طيب طبيعي خله كيفه اللي بعده نفس الحركه؟؟ انا بديت اشك بنفسي هذي خويتي مرره احبها واعرف انه تحبن مره فهذا الشي خلاني مرره افكر واتوتر ليه ماتسولف معي هي بالعاده ماترد علي اذا تواصلت معه خاص الا بعد مده وانا اعرفه واعرف ظروفه فكنت افضل اتكلم معه اذا تقابلنا بس الحين هي ماتجلس معي واذا ارسلت له ما ترد وانا اخاف اواجه وعلاقتي معه من 3 سنين مو بسيطه ومااعرف اسوي علاقات زي العلاقه الي انا معه اسولف معه عن اشياء كثيره ويعني هي بايخه السوالف بس معه تحلى، انا بديت اشك فيني هل انا سويت شي ازعجه هل انا ضايقته بكلمه او حركه؟ طيب يمكن المشكله منه اكييد عنده ظرف وكانت تتجنبني بسبته، المهم انا صار ببالي كييف سنريوهات وخفت كثير وخايفه تجي تقولي نقطع العلاقه من بعض وكل واحد يمشي بطريقه الزبده تهاويل لدرجه اني فكرت انه اهله تطلقوا وهي تمر تمشاكل نفسيه بسبته وما تبي توريني ذا الجانب منه، بعد فتره الي هي قبل كم يوم كانت المدرسه مسويه فعاليات وحاطه ركن بيع وفيه اهداء (تعطين شخص داخل المدرسه هديه تكون من مجهول الركن يعطيها اياه) وانا جاني اهداء ففكرت بخوياتي وشكيت انه هي بعد ف رحت سألته فلانه وش مسويه، ابي اشوف هي او لا وبقدرت قادر ردت علي بعد كم دقيقه كانت فاهمه غلط وجايه تقولي لا والله ما سويتي شي بس فلانه وفلانه كانوا يبوني امشي معهم واستحيت اردهم، مااوصف لكم كميه الفرحه اللي شعرت فيها يوم درت غير انه تكلمت عن ذا الموضوع الزبده سولفنا شوي وبس يعني امم مدري وش اقول صراحه، ابي اعرف وجهت نظرك في الموضوع حبا لو انتي بنت وابي اقول يعني في بعض الاحيان نكبر موضوع معين ويكون ابسط من مايبدوا بسنين ضوئيه ¯\_(ツ)_/¯ لحضه 1430 حرف؟!؟ شكلي زوته شوي؟😭😭😭

صاحبتي بتكره خطيبي اوي و بتحاول دايما تعمل اي مشكله معاه او تتخانق و دايما بتقول انه مش كويس و بتنقل كلام عنه انه وحش و اني استحق احسن منه و خطيبي بحكم انه خاطب يعني و ان دي بنت ف بيتعامل معاها بجدية و هي فاكرة انه كدا بيكلمها باسلوب وحش مع انه كويس اوي و مش بيتعامل مع اي بنت بطريقة حلوة غيري انا بس هي مصرة انه مش كويس و اني لازم اسيبه و وصلت لدرجة انها كانت هتقطع علاقتها بيا عشان انا مش راضية اسيبه و انا الموضوع دا ضاغطني نفسيا و تعبت منه بجد

امبارح كنت مع صحبتي احنا قريبين جدا لبعض و دايما مع بعض اصلا المهم هي امبارح كانت زعلانه ونزلت الشارع بتعيط مفيش سبب واضح بس قاعده تفتكر كل حاجه زعلتها قبل كدا وتعيط و منهاره جدا و انا اخدتها اتمشينا وقعدنا وهديتها وجبتلها حاجه تشربها وقعدت اتكلم واهزر معاها و اصالحها وكنت جنبها اوي رغم انها فرجت علينا الدنيا بعياطها كأن ميتلنا ميت وانا مبحبش كدا و اتحملت وعديتها عشان بحبها والله و جيت على نفسي عشانها لحد م بقت كويسه المهم لما روحت لقيتها منزله ستوريهات بتقول فيها انها قد اي وحيده ومحدش جنبها ومحدش بيحس بيها ولا بيعمل حاجه عشانها و انا بجد اتعصبت بعد كل اللي انا عملته معاها ازاي تقول الكلام دا هل هي مش مقدراني ولا هي بتحب لفت الانتباه و كسب التعاطف ولا اي بجد مش عارفه اسميه اي دا و اتقفلت منها وانهارده كلمتني معبرتهاش هو انا غلطانه في حاجه؟؟ بجد حد يفيدني و اسفه لو طولت عليكم

دلوقتي انا طالبه في ثانوي و عندي واحده صحبتي جدا يعني أقل حاجه بنتكلم ساعتين في اليوم المهم كذا حد يقولي انها بتغير مني عشان انا متفوقه مع العلم إن هي برضو متفوقه جدا بس انا بدأت الاحظ اوي بقا غيرتها آخر فترة جامد يعني مثلا انا قفلت في امتحان و هي جابت أقل مني راحت سألتني باخد درس فين مع العلم إنها بتاخد درس في الماده دي اصلا و جت معايا عند المستر بتاعي و مثلا كنا بنحل في المدرسه و انا خلصت حل قبلها و المستر قالي برافو ف تاني سؤال بقا لقيتها بتقول انها خلصت ف المستر جه يشوف لقى السؤال محلول غلط ف قالها لا غلط ف قالت اه معلش دي سرحت مني عشان كنت بحاول اخلص قبلها (انا يعني) و كدا بقا حاجات كتير صغيره بس كلهم سوا كبار اوي ف انا المفروض اعمل ايه

ضغط من ثانويه و ضغط من انه هنلحق ولا ما هنلحق و حرب و عم نداوم تلات ايام بالاسبوع كنا نداوم اربعه ساروا تلاته و يوم اونلاين الاونلاين ما عم بفهم شي ابدا و اهم ماده العليها ١٠٠ علامه مني فتحتها ..ما بعرف كتير وضع صعب. ده كلام صحبتي مش عارفه ادعمها او انصحها بأيه كلام عملي و مفيد اقترحوا ❤️

جماعة كنت نزلت بوست قبل كدة عن حدود الاختلاط بين الولاد والبنات انا لو عندي صاحبة مثلا وعايزة انصحها عن الاختلاط ازاي اعمل كدة من غير ما تتضايق او تحس مثلا اني بنتقدها مش بنصحها قوليلي افكاار

السلام عليكم ،ليوم كنت نحكي مع وحدة صحبتي في موضوع خاص بيها وكنت نحاول ننصحها بطريقة انو نسقط الموضوع على نفسي قلتلها لو كنت مكانك... ومنا ... أيا هي ردت عليا بأسلوب سيء (قالتلي نتي متقدريش تحطي نفسك مكاني وماعشتيش نفس وضعي ومنا في هدا المعنى)انا بعد ماشرحتلها الوضع وانو مقصدتش لي فهمتو هي تغششت وخلاتلي vu وراحت 🙂🤌🏻 بصراحة قلقتني ردت فعلها.

هي مشكلة صاحبتي صاحبتي دي كانت بتحب واحد بتحبه فشخ بمعني الكلمة وهو كان بيقول كلام حلو يعني بعدين مره وتحده قالها مفيش مشاعر حاسسها نحيتك وبتاع وكل واحد يروح لوحده المشكلة هو اصلا في عيوب الدنيا نرجسي وصايع ويعرف بنات كتير عليها وقالها ده عادي انا دكتور _تقريباً مجموع ثانوي يخليك تعمل اي حاجه _ واعمل الي عاوزه كل يوم تعيك وتبكي وهو مقدرهاش ولا كلمها لحد ما اخر اسوبع بتقول بقت تمام وكنا معدين جنب كافيه وشافت بنت وظهر واحد شبها عليه وبدات تدهل في نوبه هلع لحد ما اتكدت اته مش هو قلته لسه بتحبيه بعد كل ده قالت اه ومش عاوزه غير تشوفه كويس بجد اعمل اي معاها عشان افوقه من الي هي في ده كل يوم بتتدمر والباشا كل يوم يتسرمح

ايه الي يخلي موقف تافه جدااا وكان ممكن بتحل بموسايه بس للاسف انا هونت عليها مع انها عمرها ما هانت عليا وكنت بحبها زي اختي بس هي سبتني منهاره والمشكله انها عارفه اني زعلانه منها وفي الاخر نعدي من جنب بعض كاننا منعرفش. حاجه عن بعض انا بكتب والدموع مليه عنيا وحرفيا مش عارفه انا عملت ايه لكل وده وانا مستهلش الكلام ده كله عن صحبه عمري او كنت فكرها كده

الواحد بجد نفسيته تعبانه انا حرفيا هتجنن كل حاجه ماشيه عكس مانا عايزه كل حاجه ضدي حاسه انى مش بخير بس انا تعبت من الكلام الى ملهوش تلاتين لازمه ومش عارفه انا لى بكتب تانى وبتكلم امي لما بكلمها بتتعب وتمرض وابويا بيلومني ويهزقني ولا عندي صاحبه حتى اكلمها بس عادي مش مهم مش هتفرق كلها كام سنه واتكل ع الله

المشكله مش مشكلتي هي مشكله صديقه ليا.......كل حاجه بدأت من تالتة اعدادي وكانت دحيحة ما شاء الله لحد ما ظهرت نتيجه الترم الاول ولقت ان جموعها كان قليل(مش قليل ان يأثر تدخل ثانوي ولالا بس اخوها من الاوائل في ثانوي عام فهي بتقارن نفسها) من يوم النتيجه وهي شايفه نفسها فاشله جدا ومع ان دخلت ثانوي بمجموع عالي بس لحد الان شايفه نفسها فاشله وبتكره المدرسه كره مرضي وبتعيط كل يوم ومتوتره بسبب او بدون سبب وده ماثر علي حياتها اليوميه لدرجه ان بقت مش بتحب تضحك او تخرج لان شايفه نفسها متستحقش ده وان هي فاشله وشكلها وحش وتخينه (انا بقولها العكس) ممكن الموضوع يبان تافه بس انا عشت معاها سنتين او اكتر ومريت بكل ده معاها وبفضل اكلمها يمكن للفجر عشان احيانا بحس ان هي وصلت لمرحه ان تعمل في نفسها حاجه لان علطول بتدعي بده...... مش عارفه اعمل معاها ايه ووضعها مزعلني جدا لان بدأ يأثر علي مستواها وهي هتدخل سنه تحديد مصير فمينفعش تفضل حاطه نفسها في الضغط النفس ده كتير

انا بحب واخد ومن زمان قووى من خمس سنين وهو كمان بيحبنى بس عمرنا ما اتكلمنا ابداا وانا بقعد افكر فيه كتير قوووى واقعد انى هتجوزو وانا بقى مفكراه انو زى وكدا بس عرفت انو هو بيكلم واحدة صحبتى بس واضح قوى يعنى انو مش بيحبها وعندى احساس كبير ب دا وفى نفس الوقت حاسه انو ممكن يكون نسينى بس لما بنتقابل فى الموصلات بيسترق النظر ليا وانا بفرح قووى لما بشوفو ف م عارفا هو بيحبنى ولا لا بس الى تأكدت منو إن انا بحبو قووووووووووى ولما عرفت انو بيكلم زعلت واكتئبت بس لسه بحبو 😔

كان ليه صديقة أكبر مني بحاولي 25 سنة بسبب اختلاف وجهات النظر وبسبب ان تفكيرها في الشرق وانا في الغرب قطعنا هي كانت أمي وصاحبتي وحشاني اوي بس لا سبيل لعودة العلاقات يارب تكون بخير ومتونسه

السلام عليكم انا عايزة احكي مشكلتي ان انا شخص حساس جدا و بتضايق من اقل حاجة و ممكن بجد اقل حاجة تقلبلي مودي طول اليوم الشخص الحساس ده بيقى بجد الناس مش فاهمينه غير اللى زييه ، انا مشكلتي بجد هما صحابي ، مدمرني نفسيا بس انا مش عارفة ابعد عنهم ، هي عموما شخص واحد بس هي ال bestie بتاعتي ف كل نرة تضايقني و تصدرلي طاقة سابية اسامح و اعدي اسامح و اعدي لحد ما انفجرت و مش قاظرة استحمل عايزة ارزح لدكتور نفسي و والدتي مش موافقة

غايزاتي اليوم وحدة حكتلي عاملة حالك قال الله وقال الرسول وأول مشكلة صارت طلعتي بالعالي على الرغم يا غايزاتي اني ما غلطت بالكلام وكنت من اشد المحترمين بس لمجرد اختلف رأيي عن رأيها هيك قررت شو ارد؟ ما رح ارد لأنو خلصت القصة بس بدي ارجع افتح مشكلة قبل ما اتخرج 🌚"

انا كان عندي الكثير و الكثير من صحاب بنات و اولاد يعني i was popular و ما ادري كيف حتى لقيت نفسي وحدي صحبة وحدة و صاحب واحد المشكل انو باست فراند تاعي غدرتني قبل شهر تقريبا و تضاربنا و كانت اسوء حاجة لانو i was alone ولا حد اتكلم معاه لانو خسرتهم يعني في كلام بس فالعمومي مو مثل باست فراند و بعد شوي رجعنا صحاب لكن الثقة الي كانت مو موجودة احس انو مو هي لي كانت صديقتي و احس انو ابغا ابعد عنها لانو لي عملتوا فيا مستحيل يتخيلوا اي حد هي رجعت و طلبت اعتذار ابغا حل يا جماعة انا ابغاها صديقتي لكن ثقتي فيها راحت و احس راح تعاود تغدر فيني ارجعها و اعمل نفسي محصلش اي حاجة او اعمل موقف؟

كنت بتكلم انا وبنت ك أصدقاء ومفيش اي حاجه بينا اتكلمنا 3 شهور بس تقريبا كنا بنحب بعض واحنا مش حاسين في يوم لقيتها زعلانه وتقولي نفسها تموت حرفيا بعدها ب كام ساعه ماتت انا مش. عارف انساهاا اعمل اييه؟؟؟؟ 💔💔💔

لم استطع ان اعطي اي رد فعل حقا، الشيء الوحيد الذي فعلته هو الضحك وقتها، كنت سأتخطى الامر و اتعامل كأني لم اعلم ابدا لكن قررت فحسب مواجهتها و الامر الذي قابلني كانت مجرد جملة "لم يجبرك احد على مصادقتي" هذا وحده يمنعني حتى من الشعور بالخذلان، فلا احد يستحق مشاعرك حقا لذا ها انا ذا اليوم بدون اي انسان بجانبي و انا بخير من ذلك

هوا ممكن الواحد ميكونش فاهم نفسه ساعات مش عارفه مالي معتش فارقه معايا حد فجأع تعبت من الدنيا فجاه معتش فاهمه حاجه والله بقالي اسبوع علي الحال ده ومباكلش وبخس جامد ودلوقتي انا بجد حاسه ان حتي الناس اللي ف حياتي بعدت عني واعز الناس ومنهم صحبتي القريبه مني بعدت عني عشان خطيبها مع أنه شتمني جامد وقالي انتي مش متربيه وانا مردتش وكل ده عشان حطيت لينا استورى انا وهيا واحنا ف تالته ثانوي وبهزر انا وهيا وهيا صاحبه عمري فاهمين امبارح عملتها بلوك وهوا قعد اصلا يهددني بيها ويقولي هخليها تقطع علاقتها بيكي ومردتش عليه عشانها برضو ومن ساعتها وهيا ساكته برن عليها امبارح حتي لقيتها عاملالي بلوك زعلت جامد والله هوا بعدها عن صحابها كلهم متفهمش فيه ايه وليه اصلا بس اللي اعرفه ان ابوها لو عرف هيعمل مشكله لأن والدها بيحبني جدا وفرحان أنها مصاحباني انا مختمرة فاهمين ؟

جماعة هو انا لو عزمت واحدة صاحبتي عندي ف البيت ردا ع عزومتها ليا و عملت ٣ أصناف جمب السلطة و الشوربة و لقيتها بتقول بضحكة غريبة كده وقت الاكل وبدون سبب ( احلي حاجه أن إحنا انا وانتي يعني طول عمرنا شبعانين وعنينا مليانة ) ده غير أنها من اول ما دخلت بيتي تقول ع اي حاجه تلاقيها ف وشها .. زي اللي عندي زي اللي عندنا بالظبط و كررتها ع حاجات كتير .... هي قاصدة توصلي ايه بأفعالها و بجملة احنا شبعانين ديه ؟؟؟!

اتفضلوا ردوا يلا وبلاش كلام يضايق اكتر🥺😂 انا حصلي موقف مع صحبتي وحاسه بخزلان جدا ونفسي اعاتبنا بس خايفه ده يقلل من كرامتي وساعات كمان يفكر ان كلام ايه لازمته وان الحصل حصل وموضوع خلص هي مقدرتنيش فوقت صعب

جماعة لو فيه واحدة صاحبتي مش بتحب ان حد يواسيها خالص ولا تحكي ولا تتكلم وبتمر بظرف صعب ازاي اخفف عنها من غير ما اضايقها واحترم رغبتها انها بتحب تكون لوحدها لان ده اللي بيريحها امتر وانا مش عارفة اعمل ايه بجد او اتعامل ازاي معاها في اوقات زعلها

كنت بحب شخص وهوا كان بيحبني ولا كان عامل نفسو بيحبني راح اتعرف علي صحبتي وقعد يحب فيها وهيا قالتلو انو يبعد عني وهوا فعلا عمل الي هيا عايزاه وبعد عني باع عشره سنتين علشان خاطر وحده عرفها في اربع ايام

السلام عليكم ليا صحبتي من 15 سنه اعترفتلها ب حبي ليها لاني حبيتها فجاه و اترفضت ب حجه ان احنا طول عمرنا صحاب و لو بقينا غير كده هنخسر بعض الموضوع تاعبني نفسيا جدا و صعبان علياا نفسي مشعارف اعمل اي ده مختصر بسيط لو حد مر ب حاجه زي كدا مشكلتي كلها ان صعبان عليا نفسي جامد و بقيت حاسس ان انا فيا مشكله لما اترفض منها بالزات

في واحدة بقالها مدة معايا على الواتس و مدة كبيرة بس مش بنتكلم بتشوف الاستوري و انا كذالك بس مش بنتكلم كنا بنتكلم زمان بس الكلام قل تدريجياً مع العلم هي صاحبة بنت خالي و دايما بتقول كلام حلو عليا و بتشكر فيها قدام بنت خالي و لما بكلمها بحس ان هي بترد الكلمة بكلمتها بالظبط ف مش عارف اعمل ايه و يوم العيد نزلت صورة ليها و عملتلها لاف و من بعدها قاعدة تنزل صور صور صور مع العلم هيا مكنتش بتنزل العدد دا كله مش عارف اعمل ايه انا مش متعلق ولا حاجة انا بس مش عارف هل المفروض اكلمها ولا افكس مع العلم انا المفروض داخل على فترة خطوبة او هدور على واحدة

انا و واحد كنا قارين فاتحه ف حصل بينا مشاكل وسبنا بعض ف كنت متخانقه مع واحده كده وبعدين اتصالحنا وهو مكنش يعرف دخل قالها لو عايزه تصالحيها روحي يلا صالحيها دي عملتلك كذا وكذا وفضل يولع الدنيا بيني وبينها واتكلم عني وحش وكان قايل كلام عليها مش تمام ف أنا كنت قيلالها الكلام ب حسن نيه عشان تاخد بالها من تصرفاتها ومحدش يقول عليها كده تاني قام هو عرف اني قولتلها وقالها دي كدابه انا مقولتش كده و صحبتي دي سكتت ومردتش وبعتتلي اسكرينات عشان عارفه انو كداب عشان كنت مورياها شاتو وهو بيقول كده عليها ف بعدها بكام يوم دخل كلمني قالي انتي شلتيني من الانستا ليه كويس انها جت منك عشان كنت هشيلك اصلا قولتلو ايوا انا كنت بقلب عالتيك توك شوفت الرد بتاعك ده طالع ترند بس ترند كرينج شويه جدد ف ردودك وبعدين لقيتو منزل كلوز فرند وانا اصلا مش عندو فالانستا بس محطوطه فالكلوز ومنزل صوره واحده وكاتب عليها بنتي قولتلو حلوه بس انا احلا وازاي انا محطوطه فالكلوز واحنا مش فرند عند بعض قالي انا مخدتش بالي وزي م بدأت معاكي حلو هنهي معاكي حلو قولتلو انت امتى اصلا بدأت معايا حلو قالي انا اصلا مش همسك الفون كتير عشان الشغل وكده ومتزعليش وحصل خير قولتلو انت راجل بصورم قالي انا راجل بصورم! وبعدين بعتلو الاسكرينات بتاعتو معاها قالي اه انا قولت كده قولتلو اه م انا عارفه عشان صورمك طافح عليا قالي انا غلطان ان كلمت واحده شبهك ودخلتها حياتي قولتلو الله يرحم لما كنت بتفضل تتحايل علي صحابي يخلوني ارد عليك لما كنت متعلق عندي ف ريكوست الانستا قام سكت وقالي ربنا يوفقك فحياتك بس. انا مغلطتش انا كنت فحالي وهو إلى بدأ ولو علي الغلط غلطت بس اني كنت قيلالها كلامو بس كان بحسن نيه والله عشان محدش يقول عليها حاجه زي كده تاني

انا من فترة بسيطة عرفت أن صاحبتي حاولت الانتحار اكتر من مرة ولان كل واحد فينا انشغل ف حياته ماعرفتش غير من قريب ووقتها هي كلمتني انا محتاجة وجودي جمبها وانا عملت اللي اقدر عليه خرجنا وغيرنا جو وشغلت وقتها بس اخر كام يوم كان عندي امتحانات ومع الأسف انشغلت ومش عارفة اسأل عشان اصحى النهاردة على مكالمة من مامتها بتستنجد بيا اساعدها لأنها رافضة حتى تروح المصحة ومع الأسف ده الحل الوحيد والسبب ف كل ده شخص كان ف حياتها وكانت بتعتبره كل حاجة ومصدر الامان وهو فعلا شخص كويس بس مع اللي بتعمله ولوم أهلها ليه أنه ممكن يكون السبب مع أنه العكس هو انسحب ورافض رفض تام رغم محاولاتها كلها ومحاولتي معاها أنها تنسى بس هي تقريبا بقت مريضة بيه .. هل من الصح اني اتواصل مع الشخص ده مع اني عارفة الضغط اللي هو فيه ولا بلاش عشان ماياخدش رد فعل عنيف ويقلب نتيجة عكسية .. اعمل ايه بجد.

في واحده اتعرفت عليها وبقينا صحاب اوي وكنت بروح معاها ف كل الدروس وبنخرج مع بعض ف فمره كنت أنا و واحد قارين فاتحه ف هو شغال ف كافيه ف روحتلو الكافيه الي شغال فيه ف وقت البريك بتاعو جه قعد معايا انا وصحبتي وصحبتي دي فضلت تكلمو وكده وقولتلها انا مش حابه كده قالتلي انا بس كنت بسالو علي حجات عن الاكس بتاعتي عشان افهم دماغهم عامله ازاي قولتلها ماشي بس هو مكنش شايفها اصلا عموما والموضوع اتكرر تاني قالتلي انتي متخيله اني ممكن اخدو منك انتي عبيطه قولتلها اه عادي ممكن اي حد يعمل كده قالتلي بس عبط هل انا بغير كده زياده وكمان بعدها بفتره كده في واحده تانيه دخلت حياتها وقربو من بعض اوي زي انا وهي كده وعرفتني عليها ف فمره كنت ف محل بشتري اكسسورات ليا ف لقيت انسيال عليه حرف البنت الي عرفتني عليها ف قولت اشتريهولها ف بعدين بعتلها صوره الانسيال عالانستا ف صحبتي معاها الباسورد بتاع الانستا بتاعتها ف شافت الصوره فضلت تقولي انتي فاكراها صحبتك دي صحبتي انا انتي مضحكه وبتضحكيني دي مش صحبتك وفضلت تضحك وقالتلي انا فاهمه حركاتك قولتلها مش عايزه اعرفكو انتو الاتنين تاني وبعدين هي صالحتني وقالتلي أنها بتغير علي صحابها قولتلها انتي عبيطه فكراني هخدها منك انا شوفت الانسيال بس ف عجبني واشتريتو عادي قالتلي اه طبعا م انا عارفه وفي فمره قبل كده في واحد راح قالها اني جبت سيرتها وطلع مسجلي فويسات بس مكنش واضح الكلام علي مين وانا مكنتش بتكلم وحش علي حد انا كنت بقلد طريقه كلام واحده عالتيك توك ف هي صدقتو واتخانقنا خناقه كبيره وفضلت تقولي ده بيتكلم عليكي وحش ومسترخصك ومش عايزه اعرفك تاني وبعد م عرفت الحقيقه جت اعتذرتلي تاني انا زهقت اعمل ايه بجد بس من ناحيه هي كويسه ف هي كويسه جدا بتبقا جمبي لما بحتاجها ومش بتسبني اعيط انا مش عارفه احدد هل هي صاحبه صالحه ولا لا

هاااي انا عندي صديقة تطلع مع شباب عادي و انا ولا مرة طلعت مع شب هي ليوم اتصلت فيني و بدها مني اطلع معها و مع اثنين شباب ثانيين و مش عارفة كيف اقنعتني بدي رأيكم او طريقة عشان ما اروح لاني مش مرتاحة 💔💔

عايزه اخد رايكم في حاجه ليا واحده صاحبتي قموره جدا جميله بطريقه المهم ان في واحد كان بيحبها وكانوا بيتواصلوا وجه يتقدم لها وبعدين في واحد جه غني ومسافر بره مصر وكده المهم الواد الاولاني ده اللي هي بتحبه نوع ما ما كانش بيقف جنبها وقت الشده مع انه كان بيموت فيها هو بيموت فيها وبيجيب لها هدايا غاليه جدا بس ما بيعرفش يقف جنبها صح وقت زعلها او كده بس الواد ده كان لسه قدامه تسع شهور ولا حاجه عما يخطبها عشان اخويا يخطب الاول المهم أن ام الواد ده كمان وليه خبيثه اوي مش طيبه نهائي وبخيله جدا حرفيا الواد الغني أمه طيبه اوي اوي وبتحب صحبتي جدا لانها صاحبه مامتها واتكلمو شويه والواد حرفيا بقا بيموت فيها بقا بيحبها جامد اوي وبعدين حصل موقف ف بعدو عن بعض بعدت عن الاتنين وقالت مش موافقه عليهم لأنها عايزة حد يكون فاهم دماغها فاهمين بس دلوقتي الاتنين مستعدين يعملو اي حاجه عشان ترجع تاني وبيكلمو اختها دايما واللي بيحاول اكتر هوا الواد الغني ويعيط حرفيا وامها ضغطه عليها تديه فرصه تانيه رأيكم أيه تاخد انهي

انا السنة دى ساكنة مع واحدة صحبتى، ف فى الترم الاول الوضع كان عادى اينعم فيه تصرفات تضايق بس عادى مش مشكلة والترم عدى الحمدلله. وانا بقت فيا حاجة طول ما انا مضغوطة وعندى مذاكرة ومحتاجة اخلص وما اضيعش وقت كتير ف تعاملى بيبقى على قد الكلمة بس علشان معروفة اننا لما بنفتح فى الكلام بيعدى ساعات مش دقايق، ف المهم انا كنت ماشية كدة الترم اللى فات وما زلت يعنى خصوصا اننا فى كلية عملية وضغط وحاجة الله المستعان، دلوقتى بقى بقيت احس انى كل ما باجى السكن بحس بضيق شديد ومش بعرف اذاكر رغم انو دا مكان المذاكرة، وبقيت كمان مرتاحة اكتر وانا لوحدى وبعرف اذاكر وامشى الدنيا على عكس ما يكون معايا حد، وانا واخدة عليها عادى، ف مش عارفة اعمل ايه، بحاول اقنع نفسى انو عادى وانا بس بيتهيألى ولكن مافيش فايدة 🙂

جماعه عاملين اي انا مش حابب اطول عليكم انا في بنت تعرفت عليها ع تيك توك وبعدين تكلمنا انستجرام قعدنا حبه حلوين واحنا صحاب مهم جات في فتره لغيت الفولو هنا وهنا سالتها لي قالتلي معاي شويه مشاكل وكده قولتلها تمم بعد فتره رجعت سالت ورديت ع قد السوال خدت وقت وسالت تاني ونفس الرد المهم رجعت من فتره رجعت الفولو وبعتتلي ع تيك توك انها شافتني ف الشارع من غير ما اخد بالي وانبسطت ومكنتش مفكره انها ممكن تشوفتي حتي صدفه وبعد ما عديت وقفت وكملت بص عليها وف نفس الوقت بعتتلي الرساله دي كنا متكلمناش من فتره وسالت اذ كان في حد ف حياتي ولا لا ولي سبنا بعض ملحوظه انا وهي من نفس المحافظه ويعتبر قريبين من بعض المهم رجعنا نحكي وقالتلي انها اسفه انها الفتره دي متكلمناش ولو رجع بيها الزمن م هتعمل كده وكانت غلطه وزعلانه وقالتلي انها مكنتش تتوقع اني هرجع اكلمها عادي اما تبعتلي بس انا بنسبالي الموضوع صحاب وحاجه نسيتها انها جات مره وقالتلي اني واحشها وبتحبني وكده ورديت عادي ف رجعت قالتلي معلش كنت بنام ومختش بالي للكلام انا دلوقتي م عارف هي بنسبالها احنا صحاب ولا بتحاول تلمح لحاجه تاني لاني مبفهمش ف التلميح🙂

جوايا كمية غضب غير مبرره واحباط كبير اووي البنت الوحيده الي ارتحت معاها عندها كمية برود غير مبرر بالنسبالها عادي ايام متسالش وبالنسبالها عادي تطنشني ساعات عشان بتتكلم مع صحابها ومستحيل تعترف ان دا ممكن يدمر الي بينا هي شايفه ان عادي حتي لو فضلنا فترة مش مع بعض الي بينا اكبر من دا والحب جوانا موجود لما بقيت محبط جدا لدرجة انا تجاهلتها تماما وبتعامل برسمية اووي وممكن ٤ او ٥ ايام مش بنتكلم وحتي ف العيد مكلمتهاش بس ولا اي حاجه كان شئ لم يكن

لما اللى كانت صديقتى المقربة كانت عارفه انى انا وبابا بنتعالج نفسية وبعدين كنت بحكى عن حاجه وعرفت ان اختى كمان طلع عندها اضطراب قلق ف قالتلى دا انتو عيله عاوزين العباسية من وقتها متعاملتش معاها تانى بس بجد الموضوع دا وجعنى جدا

عندي صديقة اتعرفت عليها في السنة الاولى جامعة من الاول كانت تبنلي عادية بعد تعرفنا السنة الثانية جامعة كان انوا صرنا يعني منفتحين على بعض لكن كنت نشوفها دائما متجيبش دراهم مع انوا ابوها وامها اغنياء وميسورين جدا كنت بين كل محاضرة انا اجوع روح اشتري اكل وهي نشوفها لا سقة فيا نولي نحشم نشريلها معايا يوم على يوم انا كرهت يعني أنا فقط لي نصرف في المطعم وفي القهوة وهي فقط توكل وما تجيبش معاها دراهم السنة الثالثة قررت واتخذت قرار انوا صاي اموالي نصرف فقط على نفسي لانو بابا يتعب يعني حتى يامنلي دراهم وهي امورها ميسورة جدا وفقط تستغل حتى تاكل وتشرب المهم قررت انوا نشري فقط بروحي وحتى كي تظل معايا يا تخلص وحدها يا تبقى لجوع ميهمنيش يوم بعد يوم صارت تقلي راكي تغيرتي وقتها فكرت قلت كي تغيرت علاقتنا عادي نحكو ولكن تفكرت انوا لما وقف اصرف عليها وليت تغيرت هنا ولت تروح مع طفلة أخرى كانت صحبتنا وولت معاها اكثر من معايا حتى كي نكونوا في ثلاثة مع بعض نحسها حتى كي نفتحوا موضوع تسمع ليها وانا متسمعليش هنا بديت ابعد عنها شوي شوي في الصيف اغلقت كل مواقعي وما عاد احكي معها حسيت في غيابها وكاني مرتاحة طاقتي تجددت رجعنا ندرس السنة الرابعة هنا كل واحد اختار تخصص مختلف لما ما اخترت نفس تخصصها كل دقيقة بدل ما تقولي الله يسهلك في تخصصك ومعليش انوا كل واحد في تخصص لكن الله يسعدنا في تخصصنا لا دائما فقط تذم في تخصصي وتمدح تخصصها لاني انا ما اخترت واش اختارت وصحبتنا الثالثة ولت هي وياها مقربات جدا اصبحت وسطهم احس بالغربة بعدم الانتماء حتى ان مجرد وجودي معهم احس قلبي منقبض لان اي موضوع أفتح نحس انوا هي تقول انتي متفهمنيش وصحبتنا الآخرى تسمعها نجاحاتي او الحاجات المليحة لي عندي مثلا مهاراتي دائما تحاول تذمهم او تستهزئ مثلا لما نجي نحسب رقم كبير انا نقدر نحسب بسهولة تقولي حبسي سوف بالهاتف وانا أصلا نكون حاسبتلها بصحيح نقلها واش راني قلتلك رني توب في الحساب هنا وجها يتلون حسب واش حكيت هل معي حق وهل يجب أن ابتعد عنها الأبد او ما رايكم في تصرفي

صديقه. كانت عزيزه علي قلبي. اوي. ممكن دا من ست سنين. مش عارف. انا تخطيت. ولا لا. بس كل ما افتكر بتضايق كنت بحبها اوي اديتها كل اهتمامي. وكنت لوحدي اوي قبلها. فحسيت انها طوق نجاه. حد بيبحني بجد. وبيسمعني وبنشارك. بعض في صفات كتيره وبنخرج كتير. واهلنا كانو صحاب. بس. كل دا راح. لما واحده تانيه جديده دخلت في صحوبيتنا. بقت اقرب. لها مني انا مش فاكره ازاي. بقينا. بعاد اوي كده بس دلوقتي علاقتنا. ببعض اتقطعت تماما بعد ما اهلنا اتخاصمو. كانت كل ما. مامتي ومامتها يتخاصمو. كانت تخاصمني. وتعاملني. ببرود. وانا كنت بعاملها بعشم. اوي وكنت بطنش كتير وفي مواقف. كتير نسيتها ليها لانك لما بتحب حد من قلبك. بتطنش عيوبه

طيب 😶يجماعة حد يقترح عليا أي حاجة واحدة صحبتي كانت مخطوبة وبتحب خطيبها د واتعلقت بيه وهو كويس جداً وكل حاجة جميلة لحد م اهله جوم عندهم مرة وكده وبعدها قالو كل شئ نصيب هي دلوقت في فترة سيئة أوي ومش عارفه اخرجها منها ازاي حتى وحاسة الدنيا بتعك أوي وأنا مش عارفة اشرح قصدي بردو

اليوم قابلت واحدة تعز عليا جدا وهي مش من النوع اللي بيشتكي لكن النهارده حصلت حاجه مميزة وانها فتحت ليا قلبها وحكت ليا مشكلة حصلت معاها في البيت المشكلة اني ...معرفتش اهديها ... انا اصلا مبعرفش اكون الشخص اللي يقولك معلش انا شخص بيدي حلول لكن المشكلة انها ذكية بما فيه الكفاية انها تحل مشاكلها بنفسها هي كانت عايزة حضن مش اكتر كانت عايزة حد يهديها وانا فشلت في دا يمكن لاني مريت بنفس مشكلتها ومعرفتش اتخطاها او يمكن دا عيب في شخصيتي احساس اني مقدرش اساعد حد بحبه بيخليني احس اني بجد مليش لازمه . فرحت جدا لما كلمتني حسيت اني مهمة عندها ...اتمني ان غبائى مياثرش على علاقتي بيها ...

السلام عليكم، عايزة اتكلم عن موضوع يمكن يكون مقعد شوية بس دماغى خلاص حساها وقفت ومش فاهمة حاجة، فيه واحدة صحبتى كنا صحاب اوى وفجأة مش عارفة ايه اللى حصل، انا كنت فى كلية بس حولت منها ودخلت كلية تانية، المهم ردة فعلها على دا كان غريب ومش هى لوحدها برضو حتى صحابى التانيين، انا استغربت بس كنت مضغوطة ف ما اتكلمتش فى الموضوع وفجأة فى اول الدراسة كان يصادف يوم ميلادى المهم هى ما اتكلمتش خالص رغم انها كانت بتشوف الاستوريز عادى ف وقتها استغربت فعلا وانا مش فاهمة فيه ايه ف دخلت لصحبتى التانية وسألتها ف لاقيتها بتقولى انها زعلانة منى من قبل كدة وانا حتى مش عارفة ايه الاسباب، بعدها كلمتها وان هى تفتح الموضوع وتقول اصلا ايه اللى حصل ما اتكلمتش ولا قالت حاجة، بعدها سافرت وجيت وكنت ابعتلها على الواتساب وبرضو مافيش وتتكلم عادى وقبل ما اسافر اتصادفنا فى مكان ف هى دخلت واللى هو اكأنها ما شافتنيش رغم انها شافتنى عادى برضو، حاولت اكتر من مرة بعد ما جيت،هو الموضوع دلوقتى بقالو اكتر من سنة ونص، وخلال الفترة دى ما حاولتش هى ولا مرة، صحبتنى التانية النهاردة كنت بكلمها ف عرفت انهم ما حاولوش يصلحو لانها قالت ليهم ما حدش يتدخل ف استغربت برضو منين مصايقة انهم ما حاولوش ومنين انتى اللى طلبتى كدة، بقيت احس كل ما الموضوع يتفتح بضايق اكتر وبضايق اكتر انهم دايما بيحاولو يوصلو ليا انو ليه ما افضلش احاول لغاية ما هى تتكلم 🙂🙂 واعرف بالصدفة كمان انو فيه اسباب من زمان اوى يمكن 3 سنين او حاجة كمان داخلة فى الموضوع وبرضو مش عارفاها ايه هى اصلا، ف ما بقيتش فاهمة هما ليه بيعملو كدة، رغم انو فيه حااجات كتيرة وتصرفات كتيرة بيعملوها بتضايق بس مش بعلق عليها وبنسى اصلا، دلوقتى انا كنت مكلماها علشان نتكلم فى الموضوع بس بقيت حاسة حتى لو اتكلمنا انا مش عايزة اقرب منهم تانى، احساس ان الشخص يبقى مهمش وحش اوى ودا بقيت حاساه ومن فترة بس كنت بكدب نفسى بس عمرهم اصلا ما فى مرة سألو حتى ولو بمسج ولازم انا اللى ارن وابعت علشان اكلمهم اصلا غير كدة لأ حاسة انو الموضوع طول اوى، بس حقيقى فيه كلام كتير جوايا ومش عارفة اطلعه 🙂