امبارح كنت مع صحبتي احنا قريبين جدا لبعض و دايما مع بعض اصلا المهم هي امبارح كانت زعلانه ونزلت الشارع بتعيط مفيش سبب واضح بس قاعده تفتكر كل حاجه زعلتها قبل كدا وتعيط و منهاره جدا و انا اخدتها اتمشينا وقعدنا وهديتها وجبتلها حاجه تشربها وقعدت اتكلم واهزر معاها و اصالحها وكنت جنبها اوي رغم انها فرجت علينا الدنيا بعياطها كأن ميتلنا ميت وانا مبحبش كدا و اتحملت وعديتها عشان بحبها والله و جيت على نفسي عشانها لحد م بقت كويسه المهم لما روحت لقيتها منزله ستوريهات بتقول فيها انها قد اي وحيده ومحدش جنبها ومحدش بيحس بيها ولا بيعمل حاجه عشانها و انا بجد اتعصبت بعد كل اللي انا عملته معاها ازاي تقول الكلام دا هل هي مش مقدراني ولا هي بتحب لفت الانتباه و كسب التعاطف ولا اي بجد مش عارفه اسميه اي دا و اتقفلت منها وانهارده كلمتني معبرتهاش هو انا غلطانه في حاجه؟؟ بجد حد يفيدني و اسفه لو طولت عليكم
هي دي نقرة ودي نقرة لو هي قدرت خروجك معاها متشتغليش بالك بستوريهاتها وارد حابه تعيش جو من الاتنشن سيبيها
هي ممكن تكون حساسة شوية وكانت زعلانة اوي ان محدش بيعبرها فنزلت ستوري عن احساسها اللي هي لسة حساه انتي وقفتي جمبها طبعا بس هي حتلاقيها متدايقة كدة فجأة فكرت فحاجة فلسو مدايقاها اعملي ريبلاي علي الستوري واقوللها وانا روحت فين بس🥺 حتفرق معاها جامد والله
و ف الغالب انتي قريبه منها لاكن مش فهماها او هي حاسه انك مش فهماها و دا ال مخليني اقولك المواجهه افضل حاجه لو انتي باقيه عليها
المهم المواجهه واجهيها ب مشاعرك و ال انتي حستيه من الاستوري بعد كدا تفهميها انك بتحبيها وبتحبي وجودها فحياتك وانك حابه تكوني صديقتها المقربه وتشاركيها كل حاجه وشوفي ردودها هتبقا ايه لاكن المهم تكوني صريحه معاها وتقوليلها مشاعرك