عدم استقرار

عايزة اعرف اخرتها ايه نفسي بس أكتشف النهاية لكل دا هتكون عاملة ازى .. والبدايات اللطيفة ممكن تحصل ولو حصلت هتحصل امتى ولو حصلت هكون انا نفس الشخص ولا طاقتي هتكون خلصت! هى اوردي خلصت واتبدل مكانها شعوري بالخوف.. جهازى العصبي اتبرمج يكون ف حالة حذر طول الوقت معنديش اوبشن انى اكون مرتاحة نفسيا لحاجة معينة هى الراحة متخلقتش انا عارفة بس ع الاقل كل انسان لازم يكون عنده جهة واحدة يقدر يميل عليها وغمض عنية وهو حاسس بالامان ..والدنيا برا خربانة عادى بس ع الاقل حاجة واحدة نقدر نطمن لها حاجة واحدة

انا استنفذت كل محاولاتي و كل المتاح انه يتعمل علشان اقدر اخرج من السجن النفسي اللي انا فيه و فشلت .. بعترف اني فشلت .. غيري في ظروفي كان ممكن ينجح و يبقي افضل بكتير لكن انا معرفتش .. انا مش صغير علي الكلام اللي انا بقوله ده انا في منتصف الثلاثين كان نفسي اكون ناجح في اي حاجة .. مستقر مادياً.. متجوز .. عالاقل متزن نفسيآ .. راضٍ .. كنت اتمني يكون في حاجة كويسة اقدر اصبر نفسي بيها لكن للأسف .. انا دلوقتي مجرد جسد بلا روح .. انا بس كنت محتاج اقول اللي جوايا لاني فعلا تعبان لاقصي درجة.. كان نفسي اكون انسان اقوي من كده

هو الواحد ممكن يتغير للاحسن ولا للاسواء طالما لاقي شريكه حياته وبدات اني اسعي ليها بس في نفس الوقت حاسس اني مش كويس زي زمان انا بحبها وهي نفس الكلام بس انا حاسس حاجه فيا مشعارف اوصف في ايه لدرجه ان كذا حد قالي انت اتغيرت للاسواء وهي احيانا بتقولي انا ياعات بحسك راجل كبير في افعالك وبقيت هادي بشكل مرعب حاسس فيا حاجه متغيره دا طبيعي

مون عنخ أمون. أنا ماشي ومش عارف أنا رايح فين، كل الطرق شبه بعض وكل الوجوه غريبة، حتى نفسي بقت بعيدة عني. بحاول أتمسك بحاجة تثبتني، لكن كل حاجة بتفلت. يمكن أنا مش تايه في الدنيا… يمكن أنا تايه مني. (ง •̀_•́)ง

كان نفسي اكون افضل من كده .. كان نفسي اكون انسان سوي نفسيآ و مستقر و راضي و اقدر اتحمل مسئولية .. والدتي نفسها تشوفني في افضل حال بس انا للأسف خيبت ظنها .. هو مش بمزاجي و الامراض النفسية مش انا اللي اخترتها اكيد .. بس بعد 10 سنين محاولات علاج نفسي و مفيش تحسن و وصلت لسن 32 مازلت كده .. للأسف عرفت ان مكتوب عليا اعيش غير سوي .. لا عمري هيبقي ليا بيت ولا هتجوز ولا هتحمل مسئولية .. كان نفسي اكون كويس ...

انا مخنوقه ومتضايقه انا بحس اني غير سويه عندي مشاكل نفسيه مع انى محصليش صدمات او تعرض ل حاجات جامده بس مش عارفه لي انا حاسه انى نفسيا مش سويه بقا عندى عدوانيه بشعه تجاه نفسي والي حواليا بقيت احس انى عاوزه ااذيني كمان بحس انى مش حابه اسمع حد ولا قادره ادعم حد نفسيا وكدا وعندي اكتئاب حاد مش عارفه لي كدا بس وعندي مشاكل نفسيه كتير والموضوع مبقتش قادره اتعايش معاه وكمان كذا حد قالي انى غير سويه ف حسيت انه انا مش بتوهم مش عارفه انا بحكي ده لي بس ساعات الواحد لما بيحكي بيكون اهدي شويه

بتقضوا وقت فراغكوا ف اي يا جماعة من بعد التخرج و انا زهقانة جدا بقالي اهو ٤ سنين و مش عارفه اعمل حاجه تفضل معايا ع طول بنزل شغل بس بقعد كام شهر واسيبه و زهقت من الدايرة المغلقة ديه ومفيش اي جديد ف حياتي اعمل ايه يدوم معايا و ميسيبنيش لفراغي ولا لدماغي 😅🥲