منذ 16 ساعاتيشعر بـ خجلان
انا استنفذت كل محاولاتي و كل المتاح انه يتعمل علشان اقدر اخرج من السجن النفسي اللي انا فيه و فشلت .. بعترف اني فشلت .. غيري في ظروفي كان ممكن ينجح و يبقي افضل بكتير لكن انا معرفتش .. انا مش صغير علي الكلام اللي انا بقوله ده انا في منتصف الثلاثين كان نفسي اكون ناجح في اي حاجة .. مستقر مادياً.. متجوز .. عالاقل متزن نفسيآ .. راضٍ .. كنت اتمني يكون في حاجة كويسة اقدر اصبر نفسي بيها لكن للأسف .. انا دلوقتي مجرد جسد بلا روح .. انا بس كنت محتاج اقول اللي جوايا لاني فعلا تعبان لاقصي درجة.. كان نفسي اكون انسان اقوي من كده
طول مانت عايش فعافر وهتنجح وربنا هيعينك ويريح قلبك وبالك
طالما جتلك الفرصه انك تكون موجود لحد دلوقتي وتكتب المشكله دي يبق ربنا عطاك فرصه لبدا حياه جديده 🩷
انت مش متأخر انت بس محمل نفسك بصورة مثالية كانت أكبر من طاقتك فحسيت إنك فشلت مع إنك حاولت واللي بيحاول لسه في الطريق التعب اللي جواك محتاج راحة وخطوات صغيرة مش حكم نهائي على نفسك ابدأ بحاجة واحدة بسيطة كل يوم وامشي فيها وهترجع تحس بقيمتك تاني شوية شوية
ربنا يهديك ويقويك ويكفيك شر نفسك
هون عليك اخي الله يعلم هذا ويراه
إنت اقوي من كده ليه عايش وعندك نص حل مشكلتك 50٪ ف ايدك يا باشا فيه ناس مبتعرفش توصل للرقم ده ناقصلك المعالجة بس انا دريت نظم ومعلومات مع اني مبحضرش بس فاهم خطوات المشكلة واهم خطوات حل المشكلة هي معرفة سبب المشكلة وبعدين نفصلها ونفهمها وبعدين نلاقيلها حل متبصش علي الي بدأو صغيرين ونجحو اوي وممكن كمان فيه ناس بتنجح كبار اووي ومكنوش حاجة وهما صغيرين النجاح ملوش سن