عدم رضا

زعلان من كل حاجة حواليا حتي من نفسي ببذل حهد ف كل حاجة ومش موفق وزعلان اني زعلان من دا وحاسس اني مش راضي وان وضعي احلي من نناس كتير بس انا مش راضي بيه ولكن بدول نكران شئ من نعم ربنا فهل انا كده منافق وفي اثم عليا

اقولكم حاجه حاجه معتقدش ان حد اتكلم فيها هنا قبل كده او جايز ممكن هى حاجه اغلبية الشعب بيمر بيها هى الفلوس في احساس كده دايما بيجيلي لما باجي اشوف ناس من فئة معينة و الي هى عالية او اتعامل معاهم الفئة دي لما بتعامل معاها بحس باحساس وحش اوي هو مش عشان يعيني انا مش لاقية اكل او ماديا مش احسن حاجه هو الحمد لله انا ماديا كويسة و معقولة لكن مش لدرجة الرفهيات الي عند الفئة دي باختصار في ناس معينة كده انا و اسرتي بنتعامل معاهم بدون ذكر ايه السبب الناس دي فلوسها كتير اوي و هم اصلا خريجين معاهد يعني مش خقولك دكتور او مهندس او اي حاجه او مجهود ذاتي لا هم اعنية من لا شيئ المهم الناس دي لما باجي اشوفهم او تيجي سيرتهم في احساس بعدم تقبلهم او انهم في حاجه فيهم غلط ايوا في غلط و اذ اكتشف ان العنطزة الي هم فيها دي كلها جاية من الحرام الناس دي اتنكت علينا و كان بيبان في تعاملهم اوي هو الحقيقية مش الصورة الي هى و التعامل مش قريب خالص لكن كان في تعامل المهم الناس دي اكلو على جدتي ورث و جدتي ابوها كان باشا و غني جدا جد الناس دي بقى اكل الورث على جدتي الي هو اخوها معرفش انا ايه المغزى من كلامي بس في احساس وحش اوي جوايا بقيت شايفك ان لا ربنا مش بيخلي ده بمستوى و ده بمستوى الا اذا كان لحكمة انا عارفة بس احيانا و مش على طول بيجيلي احساس وحش هو مش بعدم الرضا لكن مش فهمه ليه يعني ربنا قال و لو بسط الله الرزق لعباده لبغوا في الارض ماشي يارب فهمت بس دول برضوا بغوا في ناس معاها و بيفسدوا و بيعملوا حاجات وحشه اوي و في ناس بتتقي ربنا اوي و مع ذالك حالها مش احسن حاجه و والله سبحان الله بس بيجيلي احساس غريب بس بعيد كل البعد عن عدم الرضا الحمد لله مبوسطة بعيشتي

سلام عليكم كل فتره بيجي عليا بكون عاوز اسيب الدنيا كلها وافصل اتكلم مع حد معرفوش اسمع حكايات ناس افصل عن حياتي بحس دايما انه انا لوحدي باجي علي نفسي في كل العلاقات علشان امشي الدنيا والحمد لله الحياه ماشيه شبه مستقرره بس دا في حاله عدم رضا مش عارف مفيش مشكله محدده حاطط ايدي عليها بس في مشاكل في كل حاجه دا حال الحياه عموما ومعنديش مشكله في دا بس بيجي عليا اوقات بحس اني عاوز اعمل كل حاجه غلط فالدنيا

بقالي فتره حاسه ان انا مش راضيه عن اي حاجه واوقات بحس بشعور غيره حرفيا من كل حاجه حواليا الاحساس ده بيضايقني لاني عمري ماكنت الشخص ده بس انا فجاءه لاقيتني علاقتنا ف البييت بدات تكون سيئه مع بعض بالذات بابا بقالي داخله حرفيا ع السنه بدور ع شغل ومش لاقيه شغل مناسب ومعايا شغل حكومي ومش عارفه استلم بسبب كذا عائق فجاءه كل صحابي بقو معارف ما بقيتش حاسه ب احساس الصديقه المقربه مش عارفه اقرب من حد وبرضو مش قادره احب واكون ف علاقه مع شخص خلاص حاسه كل حاجه ضاغطه عليا وكل حاجه بايظه من جميع الجوانب

جماعه انا عندى مشكله صعبه بجد تبان عاديه بس هى مؤذيه جداً ليا انا مش عارفه ده اى بس عندى دايما احساس بعدم الرضا او مش بكتفي بالى معايا كل ميبقي معايا فلوس اجيب حاجات بجد ممكن اصرف الفين جنيه ف اسبوع او اتنين ع منتجات بتعجبنى وبجيبها وبعدين مستخدمهاش كل مشوف حاجه مع حد تعجبنى بروح اجيب زيها بجد الحاجات عندى كتير مش قادره اوقف شرا كل مره اقول هخلص الى معايا وبعدين اجيب وارجع ادخل محل ميكب مثلا اجيب برفيوم وروج ويكون معايا زيهم بظبط بس معرفش بلاقي نفسي صرفت 600او 700ف محل ع اى انا مش عارفه المشكلة بستخدم الحاجه مرة او اتنين واركنها لحد متبوظ نفسي ابطل انصحونى لانى تعبت وحاسه بتبذير

بصراحه لسه منزل البرنامج وعندي مشكله اني لما بقعد مع دماغي اخر الليل ببقا كاره الناس ونفسي ابعد عن الكل بس م بعرف طول اليوم بحث اني مبسوط طول محوليا ناس اول لما بقعد لوحدي بقعد جاد في ذاتي برغم اني بنجح في حياتي بشكل كبير بس دايما عندي مشكله اني م راضي عن حالي وحياتي م حببها بس طول انا مع ناس بكون كويس وبضحك ومفيش حاجه أما انا ببقا قاعد لوحدي بكلم نفسي م طايق نفسي م عارف هل حياتي دي ايه م راضي عن تصرفاتي ولا حياتي وم حابب حد في الدنيا حتي اهلي صحيح اني بتعامل حلو مع كل الناس بس بجد نفسي اغير رقمي وابعد عن كل الناس بس للاسف م هعرف ولا هينفع بسبب شغلي وكليتي وحياتي عمتا بس بجد انا بكره كل الناس لما بكون لوحدي ونفسي معرفهمش لما بكون معاهم بكون عادي وبضحك وتمام وفي نفس الوقت عليا ضغط كبير في حياتي وعندي جلد وات رهيب بصراحه م عارف اقول ايه بس حاسس اني ممكن اكون احسن لو اتكلمت