علاقات سامة

ليه ممكن نكمل في حاجات غلط واحنا عارفين انها مش الاحسن لينا؟ وعايزه اعرف بجد الناس التوكسيك استفادت اي وصلتوا لايه لما كذبتوا وحورتوا ابشع حاجه بقي انه بيكذب عليا وانا عارفه انه هو عارف اني مش مصدقاه بربع جنية كلام ميدخلش عقل اي حد اصلا ليه بجد

السلام عليكم 🌸. بصوا، دلوقتي من فترة، سنة ونص مثلا، عرفت واحدة عن طريق صديقة مشتركة كانت بتعملنا احنا الاتنين مشاكل، ف اجتمعنا اصلا على اني كنت بسألها قبل ما اعرفها اوي هي -البنت بتاعت المشاكل دي- كده ولا انا فاهماها غلط ولا ايه، ولا المفروض اعمل ايه معاها اصلا، لانهم كانوا بيستيز. المهم، البنت اللي عرفتها دي خلينا نسميها تَنَّة (من تنة ورنة). ف تنة دي كانت مش عارفة والله، بتتلاعب بيا نفسيا. انا وقتها للأسف كنت بعمل اخطاء كتيرر، ف لما كنت احكيلها عن احد اخطائي، واقول مثلا اني متعصبة من حد معين، او بحب شيء معين،والمفروض اني غلط في كده، لا الاقيها تشجعني على ده اوي حرفيا. بعدها بنفس الدقيقة، احس بالذنب ف اقول بس لأ ومينفعش ومش عارف ايه، الاقيها ايدتني علطول، المهم انها دايما في صفي. لو عرفت اني بالصدفة عندي هواية او حاجة معينة بحبها، لازم تعملها فورا او تتكلم معايا عليها، بتتلاعب باسلوب الكلام بتنقي الكلام اللي عاجبني وكل ده. لما مثلا اشتري حاجة، الاقيها عملت زيي، اقرأ كتاب، تاني يوم الاقيها بتكلمني عنه، حتى النظارة والله الطبية اللي عملتها، راحت جابت واحدة شبهها بس اكسيسوريز، والله حتى صحابي، يا اما تبعدني عنهم، يا اما تروح تصاحبهم. كانت واخدة وقتي ومجهودي والله وكنت بحبها، ورغم اني متلاعبة اسوأ منها واقدر اقلب حياتها فوق تحت، بس كل اللي عملته اني كنت مدركة تلاعبها وبسايرها بمزاجي عشان بحبها وكنت طول الوقت ف صفها وبدافع عنها قصاد اي حد، رغم اني كمان عرفت اكتر من مرة انها بتكذب عليا وبتلفق تهم وكلام محصلش للبنت الاولانية اللي كانت بتعملنا مشاكل، ومكنتش مرتاحلها ابدا والله وقلت كده اكتر من مرة جوا وبرا عقلي. المهم، جت فترة وبعدت عن كل صحابي اللي اعرفهم، وبعتتلهم كلهم رسالة موحدة فيها شكر واعتذار واسف ووو.. وكده، وبلكتهم، بسبب ضغط وارهاق وخوف من اني آذيهم بنفسيتي السيئة وقتها. المهم، جيت دلوقتي رجعت علاقاتي مع الكل عداها، ف وانا بكلم واحدة منهم، قالتلي انها كانت بتبعت لتنة رسايل كتير اوي ليا واني واحشاها وتسال تنة عني، وتنة مفهماها انها بتتواصل معايا اصلا! لما راجعت الاحداث كلها ووقت اختفاءاتي بالذات، لقيت شيء واحد مشترك بينهم كلهم، كل صحابي اللي بحبهم الطيبين الكويسين فعلا، كانوا بيسألوها هي عني. وقتها فهمت انها مفهماهم كلهم انها بتتواصل معايا، وبتحاول من الآخر تبعدهم عني. المشكلة تنة اصلا عندي على الفيس، ومش مبلكاها واتس ولا مكالمات، وعندها كذا رقم تقدر تبعتلي يعني حتى لو مبلكاها، ده لو مهتمة فعلا، بس انا كنت مبلكاها تلي بس. انا آه كتبت في الرسالة ان محدش يتواصل معايا، بس برضو مكتبتش انها تروح للكل تقولهم اني بتواصل معاها! فاا بس، دلوقتي بقى انا افتقر للحوارات وهموت وانكشها ومش عارفة ازاي، لاني بصراحة والله مرعوبة منها 👈🏻👉🏻. ادوني بقى طريقة انكشها بيها من غير ما تعرفنييي

معنديش صحاب خالص، ومقدرش بصراحة أقول على الناس اللي في حياتي صحاب بالمعنى الحقيقي للكلمة. ولما حد يقولي: اتكلمي مع صحابك أو اتعرفي على ناس جديدة، بحس إنه مش فاهم المشكلة أصلًا. لأن الفكرة مش إني مكسلة أتكلم أو مش عايزة أتعرف على حد. الفكرة إن معنديش فعلًا الناس اللي أقدر أسميهم صحاب بالمعنى الحقيقي للكلمة. في ناس أعرفها، آه. في زمالة وكلام عادي، آه. لكن لما أبقى واقعة ومخنوقة ومحتاجة حد، بلاقي نفسي لوحدي. الحقيقة إني نفسي في صحاب أكتر من أي حد بيقولي النصيحة دي. نفسي في ناس أرتاح معاها من غير خوف، ناس وجودها أمان مش قلق، ناس متبقاش كل مرة محتاجة مني حذر أو استعداد للأذى. تعبت من إني كل شوية أحاول، وأدي فرص، وأفتح باب لمعرفة جديدة، وفي الآخر أكتشف إني وقعت مع ناس توكسيك أو علاقات بتستنزفني نفسيًا وتسيب جوايا أثر أحتاج وقت طويل عشان أتعافى منه. كان نفسي كل معرفة تبقى خير، مش درس. كل شخص يدخل حياتي يبقى إضافة، مش ندبة جديدة. كل علاقة تسيب ذكرى حلوة، مش أثر يخليني أخاف من اللي بعده. يمكن عشان كده بقيت أضايق من جملة اتعرفي على ناس، لأنها جاية من ناس متعرفش قد إيه الواحد حاول قبل كده، وقد إيه بقى مرهق من تكرار نفس الوجع. أنا مش رافضة الناس، ولا رافضة الصداقة. أنا بس تعبت من إن كل مرة أبقى محتاجة أمان، ألاقي نفسي بتعلم درس جديد بدل ما ألاقي إنسان حقيقي.

ادفع عمري كله وقلبي يرجع سليم ، للأسف دخلت في علاقات سامة اوي كان نتيجتها اني خسرت مشاعري من جذورها ، الناس اللي بيترجمو الجمود اللي بقابلهم بيه علي انه رفض ليهم وبيبعدو انا خايف يكونو دول الاشخاص الصح ، نفسي احس بأي حاجة حتي لو وحشة

لما احس انه شايف نفسه محور الكون هو الوحيد اللى بيفهم والباقى لا هو الوحيد المظلوم والباقى ظلمة هو الوحيد اللى بيشتغل والباقى بيتفرج الشخص الانانى لمشاعره وتفكيره اللى هو أن لم تكن معى فأنت على شخص انانى كل كلامه انا وياريت انا عملت ولا سويت لا انا محتاج كذا ومستنى منك كذا وكان المفروض تعملى كذا الشخص اللى ممكن تعمل عشانه المستحيل ويكون المستحيل ده بالنسباله تحت العادى

حاليا انا مضايقة اوى لعدة أسباب :ـ انا مش مذاكرة خالص وعندى امتحان على 14 شابتر وانا ولا اعرف كلمة وكمان باخد كوريات تانية مش ملتزمة فيها خالص وكذا مرة كنت هتطرد بسب أنه الكورسات مستواها أعلى منى بمراحل بس علشان دفعت فلوس فغصب عنى مضظر اكمل ده غير عايزة إمكانيات مش عندى مع التزامن فى المائة وامتحانات وصلت لمرحلة مش طائفة حتى حد اشوف حد فى وشى مضايقة اوى ومؤخرا مواقف كتير من. انى قطعت علاقتى مع أشخاص توكسك فى حياتى وبتخانق مع اهلى كتير مش عارفه اعلم اى بجد عايزة اعيط ومش عارفة اقول اى بجد

ما تلومش حد غيرك في المرات اللي كنت فيها لوحدك ماترميش اللوم علي حد انه سابك ماترميش اللوم علي حد ان هو باعك ارمي اللوم عليك بجد اقعد مع نفسك كده وقولها انا اسفف انا اسف علي ان انا خليتك تتعرفي علي ناس مش شبهك انا اسف ان انا جيب عليكي انا اسف اني وجعتك اقعد مع نفسك واعتذرلها هي الحق ان هي بجد تستاهل الاعتذار مش الناس مش اللي سابك ومش اللي باعك ومش اللي فكر في نفسه نفسك تستاهل تستاهل بجد تحميها من كل الناس اللي حواليك تستاهل انك تبعدها عن ناس ما قدروهاش نفسك تستاهل ونفسك ليها عليك حق اوعي تنسي مهما عملو فيك اوعي تنسي ان انت اولا ثم الجميع اوعي تنسي

نتقفل من الانسان لي يحكي فانسان اخر في غيباو بسلب وبطريقة 👎🏼 وكي يتلقي بالانسان هاذا يتكلم معاه عادي كانو ما حكا فيه بطريقة بشعة هاذ نوع من الناس لي بوجهين ما احبهم ،هاذ نوع خطير جدا وتوكسيك ومش صادقين ولا ينفعو يكون صحاب راح تكون طاقتهم حولنا ديما سلبية ومش اوكي فما اضن اي شخص فينا يحتاج اشخاص من هاذ نوع

عندي مشكله كبيره جدا في حياتي وهي تعلق القلق في الفتره اللي فاتت اتعرفت ودخلت حياتي كميه شباب مش طبيعيه وكلهم كانوا فشله مش كويسين وعندهم مشاكل نفسيه وماديع واجتماعيه اخدتهم وخليتهم محور حياتي وخليتهم احسن ناس في الدنيا علي حسابي طبعا كرهوني لان مين يحب بنت عبيطه متعلقه بيا ازلها واطلع عينها ف كانوا بيزلوني وانا كنت بتزل واتحايل واتحايل واحاول وحبني وحاول كل ده عشان انا مدمنه مدمنه علاقات صعبه ومستحيله متعلقه بأحساس الادرينالين اللي باخده منهم كنت داخله احكي علي اخر علاقه كانت بزميلي في كليه لقيتني بقول هو بس ده بس مستفزك شويه عشان عملك جوستنج ومتكلمش زي الباقي لكن انتي في دايره مفرغه من ده لده لده انا عارفه مشكلتي بكتب هنا عشان فعلا محتاجه مساعده حقيقه ساعدوني انا في فتره مهمه في حياتي وشغفي مات حاسه بالوحده والخزلان انا مش صغيره اوي ومش كبيره جدا عشان اكون عايزه ادخل علاقه واتجوز بالشكل ده لكني وحيده حاسه بالوحده الحقيقه من جوا ساعدوني حد كان زي يقولي حاول يصلح ده وازاي ابدء هتحمل مهما كان صعب هحاول

انا ملي كنت صغيرة مش فاهمة روحي عشت حوايج رزاف خلاوني ننسا اني نخمم وش انا بين كلشي من حزن وتراكمات واب متوحش وعلاقة والدين توكسيك واخ مريض وبيىة سيىة جظا لدرجة اني وليت نلوم نفسي على اي حاجة يقولولي معقدة بصح انا جامي درت لحرام وحامي درت حوايج ميرضوش ربي زعما معقدة كي جامي حبيت لحد الان نخاف نحب ومنأمنش كي يقولي واحد نحبك نخاف يظيرلي قلق دون سبب فيرمضان دارتلي نوبة هلع قريب متت عتدي امتحانات نهاىية بكالوريا انا مش تهاونت والله ربي يشهد اني حبيت نقرا ونزير باه نروح من البيىة التوكسيك بصح صراولي مشاكل وضعفتصلتي بالله وبعدت وحزنت وكتأبنت جظا ومقريتش مليح حتى بقا شهر حاليا حابة ننجح بشدة وليت نخاف يقارنوني ببنت عمي وليت نخاف نتقارن منحبش نعيش نفس السهور كي ربحت السيزيام ب6وكي جيت للدار ضربوني حابة نفرح ولو خكرة في حياتي مدامني محبيتش وواحد محبني قلت هلاه منفرح مرةبنجاحي؟؟ لا اب يحبني لا بيىة تشطعني ونادمة ونلوم روحي وفقت بلي مش لازم نلوم روحي مش ذنبي اني عندي اب مريض تفسي وام تخاف تهدر وترد على الظلم مشذنبي اني تحطيت هنا. ... حابة نعيش فرحانة ونلقا شخدصيحبني... حابة نعيش شعور انو نتحب ونكون عندي قيمة كأنا فقط مش كحاجة خلاف...

Block اتعمل ليه عشان نستخدمو ضدد المتطفلين او الي بيعكسو انهاردة لو كل واحد بص ف قيمة البلوك هيلاقي ناس عمرو مكان يتخيل يعيش منغيرهم بس قدر يتخطاهم انعدم الرغبة اتجاة الشي الذي ادمنته انتصر ♥♥

جماعه انا عندي مشكله اني مش بعرف اكون صدقات خالص وكنت فاكره ان عندي صحاب بس مع كل موقف منهم بتاكد ان دي صداقه سامه واني مش مرتاحه معاهم مع اني بحبهم بس ديما عندي الاحساس ده وانا خايفه بعد ما أبعد عنهم اكون لوحدي وانا مش عايزه كده وكمان نفسيتي تعبانه الان الشخص الي بحبو من طرف واحد اختفى من حياتي وانا نفسي اعمل صحاب بجد ومش عارفه اعمل كده ازاي

القشه التي قضمت ظهر البعير وخلتني بجد أصاب بالوسواس القهري هي مشكلتي لما كنت في سن الكليه وشاركت في فريق تمثيل للهواه وخدت معايا اعز صاحب ليا لأننا كنا مع بعض في فريق تمثيل المدرسه في الابتدائي وساعتها اكتشفت أنه اكتر انسان بيحقد عليا وبيكرهني أنا حبيت بنت من فريق التمثيل وكانت جميله فهو كان عايزها لنفسه وحاربني وشتمني من ورايا وقدامي يعمل حبيبي لحد ما نجح يستحوذ على دماغها وفارقتني وكنت بروح فريق التمثيل عشان اشتغل وكنت مكسوف في اثنا اني اكتشف أن المخرجه طلعت مساعداه عشان كانت بتحبني وعايزه أبعدها عني اتفاق مكتمل الأركان بس انا رفضت المخرجه دي برضو لاني مش لعبه على قد ما يبان أن الموضوع لعب عيال لكن بجد اثر فيا جامد خصوصاً أنها كانت اول حب في حياتي بعد كده حصلت شويه ضغوطات وضرب واهانه من اهلي فانهارت شخصيتي تماما وكنت بقعد اكلم نفسي واتخانق بصوت واطي واتفاعل بجسمي مع الذكريات والأفكار اللي بتجيلي بشكل وساوس لحد ما ابويا اتخانق معايا في مره وانهارت وكنت لبكي وتتكلم مع نفسي كل يوم فقرروا يودوني لدكتور نفسي عشان هو ضاربني وانا رافض اتضرب كانت الجلسه غريبه لحد ما قررت اقول للدكتور على اللي تاعبني ووصفلي الدواء والتشخيص وسواس قهري طيفي واثناء الجلسات عرضت على الدكتور اني أكلمه تاني بعد انقطاع ٥ سنين لانه دائما في ذاكرتي وبيجيلي كإجترار افكار فعايز أنساه باني اسامحه وافق الدكتور وقالي أنها خطوه ايجابيه جدا وغيوم في صلاة الجمعه الشيخ كان بيتكلم في الخطبه عن التسامح فقررت أن ده هو اليوم المناسب للصلح وكلمته بس عشان اتطور وأخف واكون احسن لكن هو ملوش اي لازمه في حياتي قلت ده خير وعملته وخلاص 😊

"خلي بالك في ناس بتدخل حياتك على إنها بتساعد وتحل… وهم في الحقيقة جايين يشوفوا إيه اللي وقع منك عشان ياخدوا نصيبهم ويكملو علي اخر حتا باقيه فيك . أكتر ناس تعمل نفسها منقذين… بيطلعوا هما المشكلة للأسف."

مساء الخير اعمل اي لو انا بمر بفترة تعلق مرضي مع شخصٍ ما ف حياته حد أصلاً بس معرفتش دا غير بعد ما اتعلقت لمدة سنه بيه وحالياً بقالي تالت سنه م عارفه اموف اون منو وكل ما انضغط نفسيا واجيب اخري اكلمه مع إن المفروض مكلموش أنا متاكده انه شخص توكسيك اصلا بس اوقات بجد ببقا خلاص فاض بيا الحال وافكار الانتحار بتفضل تحوم حواليا مع ان لو كلمته ببقا اهدي والدنيا ألذ وكل حاجه بتعدي وف نفس الوقت انا عارفه انه ميستاهلنيش وإني استاهل حد أفضل من دا ويعرف يقدر مشاعري كويس بس م بكون عارفه اعمل اي مع أني مبحبوش بس متعلقه بيه حد فاهمني؟

اكتر علاقات سامة هي اللي في الجواز مبتقاش تهرب من الهم و الضغط النفسي ولا تكمل عشان الطلاق وحش و نظره الناس وحشة 😭😭😭 لية الناس طبعها وحشة و دماغها صعبة بجددد التفااهمم راااح فييين ربنا ياخد الرجالة الوحشة

في ناس جواها جحود قد الدنيا… ومع ذلك تلاقيهم لابسين قناع “إحنا خايفين عليك”. يدّوك نصايح مش علشان مصلحتك… علشان يفضلوا ماسكين زمام حياتك. يخشّوك في قراراتك ويقلّلوك من نفسك ويعملوا نفسهم أحنّ ناس… وهما أكتر ناس مستنيين غلطتك. المنافق الحقيقي مش اللي بيكرهك… المنافق هو اللي بيحط إيده على كتفك وهو بيحسبها إمتى توقع.

مساء الخير باختصار شديد انا كنت على خلافات ضخمة مع ام عيالى ودخلت حياتى نرجسية خبيثة شعللت الموقف اكتر ووصلته لدرجة انى اطلق ام عيالى وبعدين اتجوزتها هيا (النرجسية) ف البداية انا مكناش شايف ف الدنيا غيرها وهيا كانت بتدينى كل حاجة لحد ما عدا اسبوعين بالظبط وفجأة اتحولت ١٨٠ درجة بقت كائن تانى خالص دمرتنى نفسيا وماديا واجتماعيا اللهم لك الحمد طلقتها وكان طلاقها سهل لأن اغلب الظن لقت مصدر امداد جديد المشكلة انى للأسف مش عارف اخرجها من دماغى وبحلم بيها يوميا انصحونى اعمل ايه ؟

متديش أهمية لحد مالوش مكان جواك… أوقات بنتمسك بأي شبه علاقة لمجرد إننا هربانين من وجع قديم. بس الحقيقة؟ اللي مش من دائرتك… عمره ما هيكون ضهرك. اللي بيظهر فجأة وقت كسرتك… بيختفي أول ما تقوم. فبلاش ندي أدوار بطولة لناس جاية تعمل كام لقطة وتمشي. اتعلّم إن مش كل غريب بيبتسم… جاي يساعد. ومش كل حد فتحلك باب… قصده يدخّلك. في ناس وجودهم في حياتك أصلاً غلط، ومش لأنهم وحشين… لأ، لأنك انت اللي كنت موجوع زيادة. فوق… وخلي قلبك يبطل يلمّ اللي يسوى واللي مايسواش. مش كل يد متمدودة ليك أمان… وفي ناس لازم تتساب من قبل ما تتعلّق بيهم.

هل عادي اني حبيت شخص بس مكلمتهوش قبل كده بس فعلا حبيته بكل تفاصيله بشخصيته الكانت تأذيني نفسيا مع كرهه ليا بس لما كل مره يرتبط فيها قلبي بيتقطع وبكون ف اسوء حالاتي حرفيا بحبه من ونا ف ابتدائي بس فيوم هو و صحابي صحابييييييي أذوني أذو طفله ملهاش ذنب طلعو عليها اشاعات فالمدرسه قالو للمدرسين كلام وحش جدا عني كلام مش علي طفله ابدا واسوء حاجه ان مدرستي كانت مختلطه كرهني جدا عشان حبيته كرهني فشكلي وفضل يقولي ازاي احب واحده زيك وكان بيدايقني هو وصحابي كنت بروح درس ف الدور الرابع لما اطلع واسيب شنطتي جمبي يجي ياخدها من ورايا وينادي وهو بيفضيها م الشباك وانزل ونا بعيط المها حاولت اقول للمدرسه والمدير ونا مبعرفش احكي ابدا وبتهته فالكلام بقطع فيه يعني فكتبت ورقه طويله حكيت فيها كل حاجه وعطيتها للمدير طبعا عمل اي؟ معملش اي حاجه ورماها فالزباله عشن الناس الكتبتهم اسمهم كان اغلبهم بياخدو معاه لانه كان مدرس وبيحبهم وعاملين عليه انهم كويسين ومحترمين ومفيش منهم اثنين، اتأذيت فحياتي من اكتر شخص حبيتههههه وكنت مستعده اضحي بكل حاجه عشانه اتخطيته بس مقدرش اقول نسيته بالكامل مع انه عدي سنين ع المشاكل دي بس عمري منسيتها وهتفضل بصمته معلميه فيا دايما حتي لو كرهته انا بجد بقيت اكرهه وعمري م هسامحه وربنا شاهد علينا يوم القيامه لما يقف قدامي مهما يحصل عمري م هسامحه ولا اسامح صحابي البنات الحاليا اصلا قريبين مني بحجه انهم اتأسفولي ونا للاسف طيبه وسامحت