عنف أسري

كيف أتعامل مع محيط العائلة السام؟ لا أحس بالأمان في منزلي. كسر الخواطر، الشتم، الضرب، البكاء بصوت عالي. قلبي يتمزق ببطئ و روحي منهكة. ليس لدي مكان أذهب إليه، و لا حتى لعدة أيام فقط. أريد حداً لحياتي بقدر ما أريد أن أعيش بأمان.

جماعه محتاجه تفسير ل داا انا حد ليا اي وكأنه مش موجود اصلا ، كان بيزعق ويضرب ويشتم من صغري ف كنت بعد كل موقف من دااا كنت بتأثر وازعل منه جامد وممكن تقعد ب الكتير قوي متكملش معاه لكن دلوقت العكس تماما ، بعد ما يشتم اوسخ الشتايم ويضرب ويزعق وكمان يتهمني ف حاجات محصلتش مع العلم أنه ملهاش حق ابدأ ف كدا هو بس السبب الوحيد أن انا بنت وهو هياخد مني ايه هي دي فكرته عني ، واللي زاد عليه اني مكمله تعليمي وحابه دا ف هو دائما كان بيقولي هاخد منك ايه متغوري بعيد عني هتنفعيني ب ايه انتي ومن دا كتير هو بس المفرح دلوقت ف الموضوع واللي مش مفهوم ب النسبالي إن ازاااي انا مش بتأثر بكلامه القذر دا ولا شتايمه ولا حتي الضرب زي زمان وبقيت بتعامل معاه تاني يوم عادي جدا

أنا تعبت من اسرتي والتعنيف يلي اتعرضلو بشكل يومي صح ان مش قوي لكن نفسيتي تدمرت احس اني يتيمة رغم ان عندي اهل امي عندها اخي استغفر الله مثل رح تعبدو لو يسوي اي شي غلط معي توقف معاه ووقت أدافع عن نفسي او ابكي يقولو عندي مريضة نفسية تحبي تجذبي الاهتمام ومجنونة وما اقدر اكلم أي شخص لان ما احب الشفقة ولا اقدر اروح لمكان حاسة حالي بسجن في اجازة4اشهر اتمنى ارجع الجامعة ما اشوف وجوههم واحيانا أقعد ادعي على نفسي أموت حتى اخلص منهم تعبت من البكاء يوميا ولا حدا مهتم فيني ايش اسوي ما عرفت 😭😭

علاقتي ب بابا الفتره دي مبقتش حلوه خالص وبقي في مشاكل كتير جدا بيني بينو لأني فجاءه اتقفلت منو جدا كا شخص هو وماما من ساعت ما اتجوزو من زمان مش متفاهمين خالص ومن واحنا اطفال بنشوف مشاكل كتير اوي قدام عنينا اخر فتره تقريبا أدركت الوضع الي بابا معيشنا فيه وابتديت أدرك مدى اذيتو لماما جسدياً ونفسياً وماديا كل حاجة تقريبا فا اتقفلت منو قفله صعبه مبقتش طايقه التعامل معاه وبقيت دايما في صف ماما لما تحصل مشكله لاني كنت دايما في صف بابا وباجي على ماما جدا😂كان مكرهني في ماما بطريقه وظلمتها كتير اوي زمان فا كان بيحبني جدا وكنت دلوعته بقي اول ما بقيت بوقف مع ماما الأحوال كلها اتشقلبت وبقي شايفني مفتريه زيها وظالمه وكل حاجة طبعا هو شخص نرجسي جدا ومبيطلعش نفسو غلطان ولازم كل حاجة تمشي على مزاجو وطبعا بقي يأذيني انا كمان سواء بالكلام أو بالافعال ده لمجرد اني بقيت منحازه لماما بس كل شويه دماغي بتفضل تفتكر مواقف كنت نسياها طول عمري بجد عملها في ماما كاني دوست على زرار وكل شويه بيضايق واتقفل منو اكتر ومعاملتي بتكون وحشه معاه غصب عني اوي اوي والله انا بجد من جوايا مبقتش صفيالو يعتبر وكل كا بحاول اكون احسن واعمل اسكيب لاي حاجة فاتت بيعمل موقف جديد يوجعني اكتر وآخرهم قالي انتي عويله وانا بصرف عليكي يبقي تقعدي بادبك واحترامك هنا😂 حقيقي انا معملتش اي حاجة غير اني وقفت في صف الحق ودافعت عن ماما بقي يسمعني اسوأ الكلام ويحاول يشكنني في نفسي وفي مبادئ وقد ايه انا كده هفشل في حياتي لو اعتبرت أن كده صح من كتر المشاكل دي انا بقيت في ضغط نفسي رهيب وبقيت خايفه وجاسه أن مممكن يجي يوم ويكرهني او يتقفل مني وميبقاش بيحبني ونوصل لحاله من الجفاء كده فا باجي على نفسي عشان اكون احسن بس بجد كل شويه الوضع يبوظ انا بجد مبقتش طايقه حتي اللمسه بتاعتو انا عموما مش بحب اللمس بس هو بالذات مبقتش احبو يقرب مني ولا اي حاجة ومبقتش عارفه اتعامل بجد خالص

السلام عليكم، ازيكم يا جماعة... أنا بشوف مشاكل و آراء كتير أوي في التطبيق هنا، و حبيت أخد رأيكم... أعمل إيه لو أمي علطول بتقلل مني أدام الناس و ممكن تتكلم عني وحش أدام التجمعات العائلية، الموضوع مش مرة أو مرتين ده من و أنا صغيرة، عيوبي كلها ادام الناس و ذم في شكلي و قراراتي و تقليل مني بشكل بيوصل للضرب و الشتيمة لو قاطعتها عشان اوقفها أو حتى فكرت امشي عشان مش عاوزة اسمع، بقيت أعمل كل حاجة عشان ترضى و لو شوية بس، حاولت اصاحبها كل اللي خدته انتقاد و خلاص و بابا موقفه سلبي جداً و مش بيدخل نفسه، أنا حالياً في حالة نفسية سيئة و بقالي فترة طويلة بفكر في أفكار سلبية اتجاه نفسي و إني انهي كل شيء عارفة مفيش مبرر بس أنا عشت 21 سنة في التعب ده، ساعدوني

انا مامتي من فتره صغير بدإت تضربني بأسباب صغيره او مش لحاجات متستاهلش انها تضربني عليها و كل مره بزعل شويه بعدين بكلمها عادي و في كل مره مش بتيجي تقولي حقك عليا ولا حاجه زي دي بس المرادي ضربتني جامد بسبب اني مسمعتش كلامها بس مكنتش الحاجه الي هي برضوا جات المره دي بصراحه خرجت انا و هي عشان مشوار و بعد المشوار أخدتني نشرب عصير و قعدت تحايلني و تقولي حقك عليا و الكلام ده و دي اول مره من فتره تيجي تحايلني ممكن عشان الضرب المرادي كان جامد انا بصراحه صعبت عليا نفسي و انا بصراحة مردتش اتكلم و لا اقلها خلاص مش زعلانه لإن دي مش اول مره و زعلانه لإنها جات تصالحني و انا مردتش ف مش عارفه اعمل ايه اكلمها و خلاص و لا استنى شويه عشان في اليوم الي اضربت فيه اتعاملوا عادي وبيضحكوا ولا اكني اضربت

انا ف ثالثه ثانوي و بجد تعبان ابويا و امي منفصلين و قررو السنه دي ان انا اروح اعيش معاه و امي بعد ما كانت عماله تقول لي قول رايك ولاما قلت مش عايز ولا اي حلجه حصلت و رحت عنده ب الفعل، الشقه ضيقه 50 متر تقريبا مكان معرفوش ناس معرفهاش هو طبعه صعب ده بخلاف انو سكير و بيشرب برا و احينا بيجب معاه البيت و بيقد يزعق و يشتم و قد يكون الاسوء انو مبسعرف يطبخ ف انا الي كنت بعمل لينا الاكل ف كان بيكون شارب و بيدوق الاكل و يحط المعلقه الي مطرحه بقه ف الحله تاني و انا كنت بقرف من الموضع ده، و لما كنت بشتكي ل عمي و عمتي كان بيردو ب منهتي البرود (نعمل ايه يعني ما هو طول عمره كده استحمل انته راجل) و كذالك امي برضو بخلاف انها عاشت معاه و عارفه طباعه بس انا لما كانت اعصابي بتفلت و ارد عليه كانت هي بتغلطن، قلت بس الامل ف الثانويه احنا نخلص و نقدم ف اي جامعه محافظات و اخلص ف قررت اسيب كل الهويات بتاعتي زي تمارين البيت لان هو كان رافض اني انزل جيم او نادي او حتي حديقه عامه ف كنت بتمرن ف البيت و قللت كلام مع صحابي ب امره لحد ما اتمنع خالص لدرجه ان هما معيدوش عليا و انا لما عيدت عليهم اغلبهم مردش و الي رد رد علي القد، و انا حاليا باقي شهرين غلي الامتحانت و مش عارف احل و مش عارف اتمرن و مش عارف اصرخ ولا حتي عارف اعيط و حاسس اني هنفجر من جوا

هو ازاي يا جماعة بجد بيقدروا يعملوا كدة زوج يضرب زوجته ويهينها لدرجة ان صوتها يسمع العمارة كلها كدة والله صوتها كان بيقطع في قلبي ومش عارفة أعملها حاجة والصوت مش في الشقة اللي جنبي لا ده في العمارة يعني ماتعرفش انهي شقة بجد من كتر ما الصوت صريخ عالي هي دي المودة والرحمة 💔 طب كراجل إحساسك ايه وانت مستضعف واحدة وبتعجنها حرفيا وعارف انها مش هتقدر تدافع عن نفسها والست ازاي بتعرف تعيش تاني وتبصله أنه أمانها بجد لما الضرب والاهانة يوصلوا لكدة ولا مش بتنسى .. أنا أعرف ناس اتضربوا واتهانوا وفي الاخر كملوا بس عمرهم ما نسيوا اللحظات دي والله الجواز من غير احترام ومودة ورحمة يغور بجد ..

انا كرهت حياتي وكرهت ابويا وامي اللى شايفه الحق وساكته بجد فاض بيا و مش طايقه حد وحاسه أنهم وصلوني لمرحله يا هم*وت نفسي يا هم*وتهم اقسم بالله تعبت طول الوقت شايفين هم اللى صح وهم اللى من حقهم يزعلوا ويعترضوا ويزعقوا ويتعصبوا ويضربوا ويقللوا من احترام اي حد وكأنهم هم ملايكه ولا بيغلطوا ولا حد يقدر يقولهم انتوا بتعملوا ايه ولو ابويا اذيني مره امي اذياني 1000 مره علشان ساكته على غلط ابويا لا وكمان شايفه أن انا اللى قليله الادب و غلطانه حاسه ان لو مات ابويا هعيش مرتاحه من غير تعب وكرهه

حاسه اني مش بموت😫💔 اهلي ضاغطين عليا اوي ودائما بيقللوا مني وشايفين اني مش بعمل حاجه ولا بذاكر وكل همهم اني اذاكر وبس علشان أحلل الفلوس اللى بيدفعوها على دروسي وشايفين أن هم بس اللى مضغوطين وهم بس اللى بيزعلوا وبيحسوا لكن انا لا ابويا توكسيك اوي شايف ان هو دائما صح والكل غلط ولو محدش عمل اللى هو قال عليه يبقي كده هو غلط وغبي ولا بيعرف يفكر ولا يعمل حاجه شايف ان هو بس اللى بيزعل وبيتعصب بس مش بيغلط ليه؟؟؟ علشان احنا اللى بنعصبه حتي لو مسك حد فينا موته من الضرب عادي ، احنا السبب ، ليه نعصبه ونزعله؟ وماما مش يتعارض على اي حاجه هو بيعملها وبجد حاسه اني بدأت اكره من عمايله

لا اهلي مكنوش سهلين فطفولتي ربولي توتر دائم والكورتيزول عندي فاعلي القمم عندي اضطراب فرط القلق والتوتر بلاص الحديه غير مشاكل تاني كتير اكتر حاخه يتمناها أن متجوزش حد زي بابا انا م بكرهوا بس م بحبه اهم حاجه هو وشخصيته ونفسه احنا لا عايز يجوزني لمجرد أنه يخلص مني فالبيت مع اني م بعمله حاجه بيضرب امي دايما وجاي عليها بطريقه بشعه امي غلبانه م بتتكلم بس ظلمتنا لما جبلتنا اب زي د بقا كل املي أن ابعد. عن البيت نسيت فوسط كل د ان عندي طموح في حاجات بحبها جالي ارت بلوك بقية حزينه دبلانه مكتئبه وكل اللي يدعي بيه ربنا ميبتلنيش فالشخص اللي هتجوزه ويكون حنين لاني مشوفتش حنيه وميكونش زي ابويا لان بيتنا هو اكتر حاجه هدتني وخلتني دبلانه

اهلي كل يوم اصحي ع صريخهم ابويا كل شويه بيضرب امي بقيت اكره البيت والقاعدة فيه معنديش حتي طاقه لنفسي اعدي بيها كله فوق دماغي ابويا ع طول منكد علينا حتي يوم الوقفه كنتت مبسوطه اوي اوي لاقيته نكد علينا فضلت قاعده متوتره وزعلانه لحد تالت يوم العيد طب لي م الاول كل د بجد

جماعة دلوقتي احنا ٣ بنات وولد الولد ١٨ سنه المهم من سنتين فتحلي وشي ومعتذرش وكان فخور جدا وهدد يكررها وسالت الدكتور بتاعتي كان مراحلها قبل كده المهم وقالت بلغي عنه وماما اتحايلت عليه يعتذر وقالها مش هتاسف ومش غلطات المهم بعدها ماتعاقبش بس ماما اعتذرتلي بعدها وقالت انها معرفتش تعمل ولا ايه التصرف الصح المهم حصلتالمرادي بعد ماقطعت كلام وتعامل مع ماما خلته يسيب البيت ويروح بيتنا الي في البلد بس رجع تاني هو اصلا مبيحترمش حد ومفيش حد بيمشي كلامه عليه كله بمزاجه حتى لما ماما خلته يمشي كان بمزاجه ودلوقتي رجع بيهددها هيرجع البيت لو مدتلوش مفتاح العربيه وده طبعا هيعمل بيها بلوه فارفضت هي حاولت تمشيه بس منفعش المهم انا دلوقتي بقيت كارهاهم وكاره البيت ونفسيتخيل اكون موجوده لو هو عايز يضرب هيضرب متعصب يطلعها فينا عادي ومقهوره اوييي بجد ان ليه كل حاجة عايزها بتحصل بيشتم ويقذف في شرفنا وشرف ماما بيعدي ويشتم بابا ويقذف ويعدي يضرب ويقل أدبه في المدرسه وتعدي يحرق ويكسر ممتلكات وتعدي خناقة من شهرين وضربني انا واختي تاني بس