غياب

لما بروح مكان بيحبوا وجودي اه بس غيابي مش فارق دي اكتر حاجه بتوجعني و حقيقي بجد ازاي يبقي وجودي حلو بس محدش حابب يتعمق و يتعرف عليا اكتر انا شخصيه هاديه ولازم اتعود علي الشخص عشان اعرف افك واكون علي طبيعتي كله بيقولي اني شخصيه جميله بس ازاي مليش اثر زي الهوا بالظبط وجوده حلو بس ملوش شكل الحاجه الوحيده اللي بتصبرني أن علاقتي بأهلي كويسه و ليا شخصيه وسطهم بس برضو اكيد هحب يكون ليا شله صحاب من ساعه ما خلصت اعدادي و شلتي كل واحد راح عمل شله جديده في ثانوي وانا دلوقتي في ٢ ولسه ملقيتش مجموعه اكون انا جزء منهم ❤️‍🩹

من أمن العقاب أساء الأدب الجملة دي بتنطبق عليا الفترة دي انا ف كلية عملية ف سنة تانية دلوقتي ومبنزلش كتير هما كام يوم ف الترم وخلاص هو اه في غياب بس غبت كتير قبل كدا ومفيش حرمان ولا الكلام الفاضي دا اكتشفت إنه كله تخويف وخلاص وانا مبنزلش لأن الكلية بعيدة عني يعني اليوم اللي بنزل فيه بضيع حوالي 4 ساعات ف المواصلات بس دا لو مكانش أكتر وبرجع مش قادر أنزل اليوم اللي بعده وانا مش هاخد سكن برضه والموضوع دا أكيد مأثر عليا ف الدراسة يعني بقول هلم الدنيا ف البيت وبتاع بس ولا بعمل أي حاجة ومراكم كتير جدا حد عنده حل؟

في عندي مشكله انا وواحده بنحب بعض اووي في موقف حصل قريب ان حد من أهلها عرفوا ان احنا بنتكلم وخدوا التلفون منها الكلام دا من اسبوع كانت بتروح المدرسه وتكلمني من عند أصحابها حاليا مش بتروح كلمت حد من أصحابها النهارده للعلم مكلمتهاش من يوم الخميس اللي فات سألت عليها صاحبتها رنت على تلفون امها وخلتها تتكلم وقلتلها ان انا بسأل عليها.... قالتلها سلميلي عليه وهكلمه يوم الثلات اما اخرج. اروح المدرسه انا حاسس ان غيابنا عن بعض حبي قل عندها مش عارف دا مجرد احساس ولا دا اي وكل شويه احس كمان ان غيابها معدش في اشتياق ليها

بقي الواحد يسيب البرنامج كام شهر يرجع يلاقيه اتغير كدا كل حاجه فيه اتغيرت حاسه بقي رخم وصعب متعرفوش ازاي ارجع الاكونت القديم بتاعي لو كان عندي واحد وبجد البرنامج اتختلف اوي بس كويس ان كل حاجه راحت لان الواحد كان بعمل بلاوي

شعور اني دايما تايهه و مش وسط الناس اللي اكون انا فعلا وانا معاهم 😖 كل ما ادخل مرحله جديده في حياتي اقول اكيد هلاقي شخص واحد شبهي ملاقيش وجودي محبوب بس غيابي مش فارق و دي اكتر حاجه بتخليني احس اني مش موجوده اصلا

وحشتني قوي ومش عارف اعمل ايه تخيل معايا تكون بتحكي لحد علي وفاة اقرب حد. ليك واللي بتحكيله طبعا غالي والا مش هتحكي وفجأة اللي بتحكيله دا يروح هو كمان منك!!!؟ انا اقسم بالله قلبي متكسر بقالي 6شهور و29 يوم وساعه قلبي اقسم بالله مش عارف ماله اول مرة في حياتي اتكسر كدا.. مع اننا مكوناش مرتبطين 💔💔💔 كل يوم بدخل شاتها وافضل اتكلم معاها وهي مبتردشش اعمل ايييه 😭😭😭💔

انا حاسس اني مش عارف اعمل اي حاجه عندي امتحان ميد ترم يوم التلات وحرفيا مش عارف اذاكر حاجه غير اني ف رمضان غبت كتير في سكشن رحته مره واحده بس ف رمضان واول سكشن بعد رمضان كان امبارح مرحتهوش انا كليتي ف محافظه تاني غير محافظتي عمري ما قدرت اتأقلم ع البلد قربت اخلص كليه ومعرفتش احب او اتأقلم ع البلد اطلاقا المهم الغياب اللي غبته مخلي قلبي مقبوض دا غير ان كليتي عمليه السكاشن مهمه وفيها شغل وتسليم شغل اعمل اي خايف جدا جدا والمذاكره الترم دا انا مفتحتش حاجه خالص غير من يومين وانا بحاول اذاكر اللي خلصته بسيط جدا جدا جدا وامتحانات الميد ورا بعض وبحاول اني اذاكر من كذا ماده انا تعبت وحاسس اني مأنجزتش حاجه خالص تعبت ومش عارف اعمل اي ف المذاكره والغياب اللي غبته حرفيا بتاكل من جوه بسبب دا😓

لو شخصك مفضل غائب وانت متعلق به و فور رجوعه طلب منك التخطي لأنه غير قادر على مسؤولية (هي بنت ) ذا يعني ايه؟ بتكرهني لو ايه؟ انا مستعد افعل اي شي عشانها وبعتبرها الكل فذي الدنيا طب لو هي عارفة لي تجبر بخاطري؟

بدأت انسى احساس وجوده في البيت، انسى ريحته حتى لو ساعات بشمها، انسى صوته، بس فاكرة اخر يوم وانا معاه في العناية وفاكرة برودة أيده وهو ماسك فيا جامد مش عايزني امشي مش عايزنا نسيبه وفاكره تاني يوم لما اخيرا رجع البيت بس و روحه مش موجوده. لما بشوف أب ماسك ايد بنته وماشي، لما تيجي مكالمة لواحدة جنبي واول كلمة تقولها ايوة يا بابا، لما راجل كبير يقولي يا بنتي، لما الاقيني بعمل حاجات كتير كان ممكن نعملها سوا مرة كمان، لما اشوف بنت بتقول انها بتفرح لما تلاقي حد علاقته بأهله كويسة لأنها شبعت حنان منهم بس أنانية وكنت عايزه كمان . بفتكره على مدار اليوم ومجبره اعمل مش واخده بالي وأكمل اليوم. لما اتكلم عنه ومقولش ربنا يرحمه عشان لسه مش مصدقة أنه مش موجود وإن دي كلمة بقت مرتبطة بيه غصب عني

بتعملو ايه لما الشخص اللي معاكوا مبيهتمش بيكوا غير قدام الناس بس ..يعني طول مفي حد موجود عايز يبين انه بيوفرلك كل سبل الراحه وبيتمنالك الرضا ترضي بس بينك وبينه مبيبقاش موجود اصلا..دايما عايز ينام دايما وراه شغل . مبيقولكيش مالك مضايقه من ايه غير قدام الناس ..مبيحبش يلعب ويهزر معامي غير قدام الناس واول مبتبقوا لوحدكوا بيتحول..