كتم المشاعر

امبارح حصل معايا موقف حقيقي خانقني اكتر من الزعل اللي كنت فيه؛ اتخانقت معاهم ف البيت ونزلت الشغل زعلانة زميلتي ف الشغل بتقولي مالك قولتلها مفيش والله وقعدت تتحايل عليا شوية احكي موافقتش ف هي نزلت راحت مشوار واتأخرت ف الوقت دا كنت قاعدة بعيط ف الشغل ودخل حد بيسأل على شغلي يعني وكدا فانا اتفاجئت انه قدامي والدموع فعيوني وانا بكلمه لدرجة شوفته تاني كذا مرة حسيت اني مكسوفة من نفسي انه شافني ضعيفة وبعيط كدا بعدها جت صحبتي دخلت الحمام حوالي ساعة انهرت مع نفسي جوا ولما هديت شوية طلعت صحبتي بتسألني مالك شكلك مدمرة احكي هتتعبي لحد م حكيتلها حاجة بسيطة ودخلت ف اوضة مع نفسي فضلت اعيط تاني راحت جت ورايا ف وقت كنت هديت شوية ومبعيطش راحت سألتني تاني وقعدت تطبطب عليا وتهزر عشان تضحكني وجابت باقي زمايلنا ف الشغل يشوفوني مالي وكدا روحت انهرت تاني من العياط فضلوا يسكتوا فيا ويخلوني احكيلهم وحكيت روقت شوية وبعد م خلصت الشغل رجعت البيت محكتش معاهم كلمة ولا حتى قولتلهم السلام عليكم لدلوقتي (مشكلة ف البيت وهما سبب زعلي ) دخلت اوضتي فضلت اعيط تاني ونفسيتي كانت خلاص لدرجة فكرت ف الانت/ح/ار فضلت منهارة لحد م نمت صاحية مش عايزة اروح الشغل بسبب انه هناك شافوني بالحالة دي وانا طول عمري متعودة ع الكتم واني مبحكيش اللي مدايقني او اعيط قدام حد المشكلة امبارح كانت حاجة تافهة جدا ومرات قبلها اتقالي كلام يوجع اكتر بكتير وخدت الموضوع عادي ومعيطتش بس معرفش ليه حصلي كدا، معرفش ليه انهرت كدا وانا بقول على نفسي مبقاش عندي مشاعر او بحس بجد الموضوع مدايقني ومدايقني ان اي حد غريب شايف فرق التعامل بين وانا مبسوطة وانا زعلانة ومهتمين بزعلي ويمسحولي دموعي ويمسكولي ايدي ويحضنوني وميسيبونيش غير لما اهدى لكن اهلي!! بتبقى الدموع فعيوني وانا بكلمهم وهما مش ملاحظينها اصلا ليه بيحصل كدا بجد ليه؟ ادعولي اتجوز يجماعة محتاجة احس بالامان والحنية لمرة واحدة بس فحياتي حتى.

من صغري وانا مش بعبر عن مشاعري خاصه لو مشاعر مش حلوه او لو عندي مشكله بفضل أحلها لوحدي بس اخر فتره بقي جسمي يتعب بسرعه وادوخ لو حاجه ضايقتني وبقيت اتوتر كتير اوي ومشاعر خنقه من لا شئ ده غير أن أوقات ممكن اكون فاكره أني عديت حاجه معينه بس مجرد ما احاول اتكلم عنها احس بوجع في جسمي وزعل كتير واهرب بالنوم وحاسه كتم المشاعر ده هو السبب ، مش عارفه في اي او اي الحل 🙂

لما استوعبت أن اللي ف دماغي مش سهل ييجي وانا واقفة اتفرج واعيط واصيح جملة "انتي كدا كدا خسرانة هتفرق معاكي ف ايه..! " من حد من اهلي كانت جملة قاسية لكنها حقيقية اوي من وقتها قفلت علي قلبي وكتمت الكلام جوايا وماشية بخبط ف الدنيا حزينة اكيد لكن مضطرة اكمل عشان مفيش حد هيخرجني ولا حد مهتم عموما بأي حاجة

لحظة إدراك أن معنى انهم شايفينك اقوى واحد أنه انت أضعف واحد في الحقيقة لان معنى اني كاتمة مشاعري جوايا ومش بطلعها زيهم دا بيخليني اكتر واحدة ،،هاشة نفسية .، اول افهم معناها دلوقتي. انا مش عارفة اوصفه ازي بس انا هوصف نفسي دلوقتي حاسه بالظبط زي أكان فيه كافر رفيع جدا بيغطي حاجة مليانا شروخ وكسور وان الكافر علشان ضعيف هيقع . مش مش بس مش عارفة اوصفه دا انا كمان بجد مش قادرة اوصفه . 💔