انت مش جامدة بدون مشاعر ، هم خلقوا منك شخص هش و حساس جدًا بس مستخبي ورا شخصيه حابب يبينها خايف بس من ردة فعل الاهل و الصحاب لما يشوفوها ، لو الدنيا محنتش عليك و اديتك حقك ، خليك انت حنينه على نفسك و اديها حقها ، على الأقل متضغطيش نفسك بمشاكلهم و تحملي نفسك فوق طاقتها لو مش لاقيه اصلا الي يشغل نفسه بمشاكلك ، جربي تعيشي حياتك لنفسك و تكبري دماغك ، و صدقيني دي مش انانيه، انت بس هتختاري نفسك وسط ما محدش اختارك ، و خليك برضو حنينه مع الكل بس من يوم ورايح بحدود .

حياتك كلها ضغط دلوقت جدًا من عيلة و شغل معرف هل متاح صاحبة حد تعرفي تسندي عليه لإنك محتاجة ، في حل انك تفصلي نفسك ادي لنفسك يوم لك انت وبس من غير شغل من غير خناقات اهل حتى من غير صحاب يوم لك اخرجي لو تعرفي تخرجي في مكان مفتوح شمي هواء و اقعدي مع نفسك و افصلي من دوشة الدنيا دي كلها على انك ترجعي البيت مقرره انك هتحطي نفسك أولوية من بعد اليوم ده هتتعلمي تقولي لأ لو مش عندك طاقة بجد ، هتحاولي تحكي اسبابك الحقيقيه مش تبريرات عشان متحسسيش حد ، أنا بقولك حسسيهم متخبيش مشاعرك ، لما صوتك يعلى بسبب ضغط وكان غصب عنك قوللها ماما أنا آسفة أنا تعبانه و مضغوطه ومش قادره ممكن ارتاح شويه او اقعد مع نفسي شويه ، أو لو تقدري تحكي الي حصل معاك في يومك احكي ، انت محتاجة تتعلمي تقولي لأ أحيانًا بس بطريقة هادية و لطيفة ، محتاجة تكوني صريحه في مشاعرك ده الحل

اتعودت انك دايمًا تسندي و تسمعي زي الكبايه الي الكل بيفرغ فيها مشاعره و يلجأ ليها بس مع الوقت الكباية دي خلاص فاضت و معتش فيها مكان حتى لمشاعرك انت و انك دايمًا تسمعي و تسندي و تباني قويه بيبقا ليه حد معين وكان لازم توصلي للي انت فيه دلوقت لازم تعترفي انك انسانه و من صفاتنا الضعف عادي بس قدام الناس الصح طبعًا من حقك تضعفي و تشكي و تحكي كل حاجة من حقك تتشافي على ضعفك عادي و تتأمني على ده أنت بشر مش روبوت جربي فرغي التراكمات الي جواك مع حد متخافيش يشوف ده ولو مش متاح جربي الكتابة ، انت بشر و البشر من حقهم يضعفوا