مثالية

السلام عليكم و رحمة الله و بركاته عندى مشكلة و هى التسويف و المثالية خاصة حاليا فى الامتحانات و المذاكرة و الفاينل و كل الجو ده و تخرج بقى و كده😭 فترة تقييدى الأيام اللى فاتت اثبتت ليا ان التعافى مش هنا، و افتكر كلكم عارفين كده كويس جدا، هو اه انا فاهمة ان ساعات فعلا بيكون هنا اشخاص عندها مشكلة حقيقية و عاوزة مساعدة و حلول، و موضوع التعافى مكرر معانا كتير ب اختلاف الحالات بقى خاصة ان الموضوع ده مكرر مع اى حد هنا، ف بمجرد ما حد ينزل يكلم ده اصلا بيرجعك تلقائى لحاجة انت بالفعل بتحاول تهرب و بمعنى اصح تتعافى منها لأن التعافى مش نسيان خااالص، ف بجد فعلا اى حد محتاج يتعافى يحاول مع نفسه، و يبدأ اصل الرحلة فردية و الله لأن بكل ثقة مفيش تعافى او اى خطوة عموما تعرف تاخدها من غير قربك من ربنا..🥀

أنا بقيت زهقان وانا لوحدي ولما بكلم حد بقيت ازهق اكتر مش عارف العيب فين بالظبط بس كان في ناس ف حياتي بتكلم معاهم كتير وبنحكي وعادي مهما طولنا الكلام مش بزهق منهم ، بس اكتشفت حاجه ف الناس ان الي يبانو مش كويسين أو عملوا غلطات أو عندهم اسرار مينفعش حد يعرفها لقيت الناس دي انضف ناس عرفتها بس هما محتاجين حد يسمعهم ويريحهم علي عكس الناس الي عامله نفسها مش بتغلط وبتعيب علي الي بيعمل اي حاجه ف لحظه ضعف أنا مش شخص مثالي ومبحبش الأشخاص المثاليين ولا الي عامل نفسه مثالي أنا بحب الناس الي بتغلط وتتعلم وعارفه كويس ان احنا بشر وبنضعف خصوصا مع الي بنحبه ومرتاحين له ، نفسي بجد ارجع للكلام مع حد نضيف زي زمان بس كل مادي فرصه لحد يطلع مثالي

رغم سنى و بصرف النظر عنه، لأن هيكون صغير بالنسبة للأكبر منى، و كبير بالنسبة للأكبر منى.. بس ربنا يكفيكوا شر عيوبي اللى منها ميزة يالنسبة لناس و بالنسبالى عيب، مع الوقت بقيت بكتشف حاجات في شخصيتي متوقعتش في يوم تكون فيا، زى مثلا الاوفر ثينكنج، و المثالية، و حساسة، و حاجات تانية بس دول اللى جوم في دماغي، بس رغم اني بكتشف حاجات جديدة فيا مع الوقت، ربنا ما يدوق حد كمية التوهة و اللخبطة و الحيرة اللى انا فيها، ربنا ما يكتب على حد الشعور ده.. حاجة تانية، ربنا ما يكتب عليكم و لا عليا شعور ان الواحد يعمل الحرام و الغلط بكل فجور و بجاحة بدون احساس بالذنب، بس تعرفوا رغم ده مرحلة صعب الرجوع منها، بس فيها احساس مؤقت بالراحة انك بتعمل الذنب او الغلط بدون ما تحس بتأنيب الضمير، دى راحة و الله بس مؤقتة.. الشعور التانى و اللى هو صعب أوى بس حلو و فيه ميزة، انك عارف انك بتعمل الذنب او الغلط، بس انت غصب عنك بتعمله، و فطرتك اصلا رافضة ده، يعني فعلا انت مش مرتاح و تعبان و حاسس بالذنب و تأنيب الضمير، و حاسس ان ده مش مكانك ولا ده شبهك، بس بجد انت واقع و محتاج ربنا ينتشلك من اللى انت فيه، عارف لما تيوظ كل حاجة ب ايدك و ترجع ل ربنا تقوله يا رب صلح كل ده لأن مش عارف.. أنا ممكن أقول انى فوقت من أكبر مستنقع في حياتى، بس و الله يا رب مش هعرف اطلع غير لما تساعدني، ساعدنى بس ونا خلاص بفضلك بقيت واعية أكتر و ناضجة أكتر، بس سامحني، و حقق ليا الحياة اللى نفسي اعيشها، اللى رسمها في دماغى، اللى مفيهاش أى حاجة غير القرب منك و حفظ كتابك و تكميل دوراتى، و انك تفتح عليا في مجال علمك و معرفتي بيك، بس نجيني كمان المرادى يا رب😭💔

أنا اكتشفت من فترة انى مريضة بالمثالية.. في الأول كنت شايفه ان ده حاجة عادية و حلوة في شخصيتي، بس جيت من كام يوم قولت أدخل اقرأ لأن كنت سمعت قبل كده عن ان المثالية تعتبر مرض أنا زمان مكنتش بصدق، بس لأن طبعا حاولت التغيير من بعد ثانوية عامة، لما قرأت اكتشفت انى فعلا كنت مريضة بالمثالية و ده مش حلو خالص مع بعض الأشياء.. الموضوع مطلعش اجتهاد ولا شطارة زي ما كنت فاكرة، طلع عبء نفسي رهيب. إنك تفضل طول الوقت مستني اللحظة المثالية، أو النتيجة اللي مفيش فيها غلطة، ده بيخليك تحس إنك 'واقف' مكانك من كتر الخوف من الفشل. قررت أتصالح مع فكرة إني 'بني آدمة' عادي أغلط، وعادي مطلعش أحسن حاجة في الدنيا من أول مرة. بس اللى شايفه انه كويس ان من قبل ما اعرف اللى كنت فيه اسمه اى حاولت اغير ده شوية، لأن ده كان بيسببلى ارهاق نفسي و جسدى كمان ده طبعا على حسب الحاجة اللى هتتعمل بيترتب عليها، بس مش هكدب عليكوا ولا على نفسي، يعتبر أنا لسه مريضة بيها، ممكن تكون النسبة قلت مع حاجات معينة زى مثلا ان كنت بستنى الوقت المناسب للمذاكرة مثلا، و ده حاليا معدش موجود لأن أنا اللى بعمل الوقت المناسب بهيئته المناسبة ليا، و اللى خلانى اعرف ان لسه زى منا، ان لسه من كام شهر كنت بعمل برزنتيشن مع صحابي ونا مكنتش حابة اللى هما عملوا ف عملته أنا يومها كنت بعمل واحد خاص بيا خلصته و دخلت على التانى فضلت سهرانة عليه لوحدى و هما كلهم ناموا، اللى مش فاهم انى المرهق ف كده ان لما اجى انا اعمل الحاجة أنا بيذل جهدى كله بس علشان اطلع الحاجة بالصورة الممتازة غير كده بحس انى معملتش حاجة و ان تعبي ضاع و انه وحش حتى انا كده في النضافه و اى حاجة بعملها حتى لو هطبخ او اعمل حاجة مثلا تعبت بجد الله المستعان

دائما بشعر بكره لذاتي، جسمي و شعري و صفاتي، اتعرضت من صغري لانتقاد على كل حاجة بعملها و إجبار على إني أكون مثالية بشكل ما، لازم أكل بطريقة معينة و أمشي بشكل معين، الجامعة دي وحشة متدخليش، التخصص ده ملوش لازمة حتى لو بتحبيه، مبقتش عارفة نفسي الحقيقية بس بقيت أكره ذاتي اللي تم إجباري عليها على مدار سنين طويلة، كان المهرب الوحيد ليا هو الدين و فضلت فترة شايفاه مجرد مهرب عشان محدش يضغط عليا لحد من فترة وعيت على نفسي و بدأت اصحح وجهة نظري عن الدين بس لسه بكره ذاتي🥲

الدنيا تعبتني بزيادة بقيت ادي مهنا ادي احس بالتقصير مفيش حاجة بحس بتعبها لازم شعور اني مقصر ويجي في بالي اكتر ومش في ايدي الوقت ولا عندي الطاقة هل في حل للمثالية دي لانها ضغط وحارقه اعصابي جداً

جماعه انا مخنوق جدا مبتلي من كل النواحي بحاول ابطل اي حاجه غلط قدر الامكان مش عارف بحس اني عندي مرض المثاليه انا فيا قبول مظهرا وابتسامتي حلوة بس مش بشوف الحلو فيا ولا في حياتي خالص بحس اني عندي اكتئاب وعايش لوحدي كمان يعني الوضع صعب جدا والله

كنت فاكر اني اتخلصت من ترومت المثالية ومش لازم يكون الشغل بتاعي احسن حاجه اهم حاجة الإنتاجية طبيعي في الاول مش احسن حاجه يعني وهتتعلم كتير وبعدين تتحسن بس مشكلتي كلها في النقد والناس الي عايشه عليه اصلا وتحبه زي عنيها _كنت فاكر اني مبقاش هممني وكبرت علي ده_ بس للاسف كنت غلطان كوني شخص عاطفي وحساس جداً عرفت ده من مشروع التخرج الدكتورة ضغطتنا وقالت عاوز باور بوينت الساعه 12 بليل وتستلمه الصبح يعني حوالي 6سعات ومن غير نوم طبيعي نطلع اسواء حاجه. المهم ال3 مجموعات معملتش حاجة والصبح كانت البنات سلمت وكعادت البنات-المجموعة الي معانا قصدي- كان مش كلو حلو ومجوعتي اي كلام وقالت انتو اسوء مجموعات شوفته في حياتي قالت كده وقريت المسج وسرعان ما عيني بدات بالبكاء لحد ما وصلت الكلية كنت في العربية رايح وجنب السواق وبحاول اكتم الدموع بس غصبن عني بحكي لبه ده ده عشان حاولت اعمل حاجه وقصرت او مطلعتش بالشكل المطلوب وخصوصا انا بحب ابدع ويكون شغلي كريتف وبره الصندوق محبش الكلشيهات والتبويبت احب اطلع بره الصندوق بس فده سبب خوفي اكمل رواية حرفيا هتكون من احلا وانجح الروايات في المعرض وفكرته حلوه ومعايا من 2019 وبدات فيها وكاتب اكتر من 10 الف كلمه بس مش بكمل وخايف من نفس الشيء يتكرر متعجبش حد واحد بس، حد ينتقد ازعل اعيط معملش حاجه تانيه رغم اني فاهم الكلام الي قالته الدكتوره مش للكل وانا من احسن الناس وقالت ده مسبقا وانها كمان اول مره تمسك دكتوره وتكون مشرفه هي متعينه السنة الي فاتت فصباح الفل يعني اسواء مجموعة منين انتي حضرتك لسه مشفتيش حاجه بس مقدرتش استحمل برضو رغم كل ده.

انا عندي هوس بالتخطيط والتنظيم (perfectionism) وبسوف كتير جدا وكل حاخه عايز اعملها مره واحده ولازم اعمل كل حاجه ولا محسش اني عملت حاجه الحوار دا وراثه من والدي ف بالله اللي عنده حل يقولي اعمل ايه لان حياتي بتضيع مني

تعبت مش كتر المذاكرة اللي عاليا ، حاسة نفسي بقيت كمبيوتر بحفظ وبذاكر واخش امتحان واطلع من امتحان نفسي اشوف نفسي وحياتي نفسي اخرج من البيت مرحش الجامعة نفسي اعمل حاجة نفسي فيها بس معنديش وقت ، دايما بسعي للمثالية بسعي اني محتجش لحد بس خلاص مبقتش قادرة عاوزة اتنفس

السلام عليكم انا دخلت ف situationship وانا ف اولى ثانوي لمده سنه ونص و بعدين قلبنا على relationship ف ٢٠٢٢ قعدت شهرين بالظبط و قولتلها الموضوع حرام و انا ضميري مش مريحني و من ساعتها وانا مبدخلش اي علاقه تاني بقالي ٤ سنين و داخل ف ال ٥ سنين ، دلوقتي انا داخل تالته كليه و نفسي جدا اني اصاحب و واحشني الجو ده كله بس شايل مسؤليه اني قدوه لاخواتي و ان صحابي كلهم بيحلفوا بيا و ان دي الحاجه اللي بتميزني وسطهم بس انا تعبت من دور المثاليه و طبعا طبعا طبعا ضميري بيموتني عشان الموضوع حرام خصوصا اني مبدأي في الحياه هو الحلال و الحرام مش الصح و الغلط حد فاهمني ؟

اي الحل بحس دايما اني مبعرفش اطلع نفسي من المِثَاليه عاوز كل حاجه تمشي صح عاوز الناس كلها متغلطش اوقات ممكن اتصب من غلط حد انا مفيش اي تاثير عليا من غلطه اصلا ممكن تبقي غلطات بسيطه الهو مثلا القدامي مثلا نسي ياخد العلاج انا مالي اتعصب لي وممكن تبقي اكبر شويه زي اني اقطع مع اي واحد اعرفه مثلا عشان شرب سجاير او او او مثاليه حتي ف الدراسه عاوز ابقي بذاكر اكتر من كل الناس اجيب اعلي من كل الناس عاوز مثلا لو متعرف علي بنت تبقي مفيش اي غلطات من اي نوع ف كل حاجه عموما المثاليه دي اكتر حاجه مرهقه مفيش قناعه ب اي حاجه ده انا لو جبت ف فاينل او ميد مثلا نقصت درجه لو محدش جاب اعلي مني عادي لو حد جاب اعلي مني دماغي بتشتغل جلد ذات الموضوع مرهق لاقصي درجه

تعبت من نفسي جامد جدا بجد بركز ف ادق ادق التفاصيل عملت فيديو دعائي لشركة ما وكام فيديو خطير وجاب ڤيو عالي جدا وكل الناس بجد قالت واووو الإ انا مركزة اتنهدت كام مرة اتكلمت بسرعة ف الجملة دي مخارجي حروفي هنا كان ممكن اقولها افضل وهكذا لغايت ماانفجرت وقعدت اعيط ومش عارفة اتبسط بالنجاح وبفكر امسح الفيديو بعد نجاحه ده كله تعبت من دماغي اوي مبفتش قادرة حتي افرح بالنجاح من كتر ماانا عايزة كل حاجة مثالية بالملليي

هقولها يا حبيبتي مفيش شخص مثالي ومش لازم تبقي شاطرة وبتسمعي الكلام وبتذاكري علطول همحي جملة غلطة الشاطر بألف اللي هو ازاي طيب واحدة مراهقة ماتغلطش .. ولو غلطت يبقى خلاص الدنيا اتهدت اغلطي واتعلمي وعاملي كل الناس طالما عارفة حدودك وعندك اللي يرجعك مهما بعدتي عشان هتكبري تلاقي واحدة عايشة لسه طفلة مهما كبرت عشان مافهمتش ده ..فبطلي هبل بقى 😅

اذا مشاعر الانسان هيا العائق له فالحياة هل يمكن يصل بمرحلة يتخلى عنها ويتحكم في غضبه وحزنه وانفعاله وسعادته ويصير الة بس عمل ونوم واكل هل يمكن انسان يصل للمثالية فالحياة من عمل واسرة وعائلة وعلاقات ومستوى علمي واكاديمي ومالي وثقافي ورياضي وفني وحرفي ونفسي هل اذا تعب راح ينجح او اذا نجح لي مجال لازم يفشل في اخر ويتقبل هذا الامر او يقعد يحاول حتى يموت او ما يحاول مالبداية ويتقبل الواقع

انا بقالي هنا علي الابلكيشين ٢٤ ساعة بس وشوفت كمية مشاكل واوجاع بتقابلنا كلنا ملهاش عدد فده يخليني اسأل سؤال ملح اوي لما معظمنا كلنا عندنا مشاكل وصعوبات بتواجهنا اومال مين الناس السوية في حياتنا اللي بنشوفها قدامنا يوميا اللي ديما بيدعو المثالية والنزاهة والقوة ؟ ولا دول مجرد ناس مصطنعة وبس ؟

نفسي الناس كلها تفهم حاجه عشان من كتر ما الناس بقت بتقارن البنات بالبنات اللي بيشوفوهم في الافلام و المسلسلات وعلى النت عامةً في بنات مننا افتكروا ان فيهم عيب مع ان الناس دي بيكون مطالب منهم انهم يكونوا كده انهم يكونوا حلوين و بشرتهم زي الفل وجسمهم مظبوط وان معندهمش استريتش ماركس ولا مناطق فيها غمقان ولا تعويرات باينه ولا ان يكون بيطلعلهم شعر في مكان ما يعني كلنا بنحاول نهتم بنفسنا عشان نكون حلوين بس كفايه ان الراجل يحط فدماغه ان لازم اللي يتجوزها تكون بيرفيكت فكل حاجه مع ان الرجاله اكيد هما كمان بيبقى في فجسمهم حاجات زينا بس عشان التركيز دايما بيكون ان البنت تبقى ولا غلطه فبقوا شايفين البنت اللي عندها كده فجسمها دي بنت مش نضيفه و انها مش بتهتم بنفسها و كلام كتير كده بس بجد دي الحقيقه اللي لازم كلنا نفهمها كلنا فينا عيوب وكلنا عندنا مشاكل فجسمنا بس والله الحاجات دي كلها طبيعيه وبتحصلنا كلنا حرفيا كلنا