منذ 11 ساعاتيشعر بـ محبط
دائما بشعر بكره لذاتي، جسمي و شعري و صفاتي، اتعرضت من صغري لانتقاد على كل حاجة بعملها و إجبار على إني أكون مثالية بشكل ما، لازم أكل بطريقة معينة و أمشي بشكل معين، الجامعة دي وحشة متدخليش، التخصص ده ملوش لازمة حتى لو بتحبيه، مبقتش عارفة نفسي الحقيقية بس بقيت أكره ذاتي اللي تم إجباري عليها على مدار سنين طويلة، كان المهرب الوحيد ليا هو الدين و فضلت فترة شايفاه مجرد مهرب عشان محدش يضغط عليا لحد من فترة وعيت على نفسي و بدأت اصحح وجهة نظري عن الدين بس لسه بكره ذاتي🥲
حاولي تحطي ميعاد يومي تلتزمي بيه مثلا ساعة تقعدي مع نفسك و تتعرفي عليها من أول و جديد و ياسلام لو ف كراسة أو دفتر ....مثلا بتحبي ايه بتكرهي ايه...نفسك في ايه ..... ، لو معرفتيش تجاوبي عادي ولا يهمك نبدأ واحدة واحدة جربي حاجات جديدة مثلا طبخة جديدة أو تعلم رسم أو لغه ....حاجه تقدري تعرفي من خلالها بتحبي ايه....و نصيحة حاولي متربطيش قيمتك الذاتية بكلام الناس....قيمتك مش بس في الحاجات اللي بتحققيها بل كمان في المحاولات اللي بتعمليها....أهم حاجة اللي بتعمليه يكون نابع من جواك مش علشان حد يرضى ...مهما عملتي الناس هتنتقد ف مش تحطيهم ف دماغك و اللي يتكلم قبل ما تاخدي منه رأي أسألي نفسك هل الشخصية دي كويسة طيبة بتقول رأي باحترام و بأسلوب كويس يبقى تمام لكن لو بأسلوب وحش و بتكرهك يبقى لا و اعرفي أن بعض الناس يتغذون على نقائص الناس مهما كنتي كويسة في ناس مش هتشوف غير عيوبك.... ربنا يعينك و يخفف عنك
أول حاجة اعرفي ان دا مش اني دي حاجة المجتمع خلاكي تبقيها، بعد ما تعرفي دا ابدأي دوري على نفسك الحقيقية واختاري كويس تحافظي على ايه وتبعدي عن ايه كإنك بتكوني نفسك من أول وجديد جربي وهتدعيلي