مدح

اكتشفت ان عندى تروما مش ظاهره شويه اني مش بحب حد من البيت يمدحني ولا يهتم بيا والموضوع بيدايقني جدا لما بيحصل عرفت ان سببها اني ملقتش اهتمام وانا صغيره ف عقلي مش قابل اي اهتمام او مدح عشان مش متعود عليهم ومبيعرفش يتعامل معاهم بقالي يومين نفسيتي هاديه بسبب الصيام الحمدلله ورجعت اتعامل كويس معاهم في البيت النهارده لقيت ماما بتقولي انها فرحت اني رجعت اتكلم واتعامل حسيت بخنقه ورديت رد غبي اني مش بحب اتكلم ولا اتعامل مع حد بحب ابقي مع نفسي ورجعت ادايق تاني عاوزه حل😶

ازاي يكون عندي ثقه بنفسي؟ انا مش ببين للناس اني معنديش ثقة بنفسي لما حد يمدح حاجه بعملها بحسها مجامله ومش بحس اني موهوبه مع ان كل الناس بتقولي بحس بالعكس بزعل عشان كأني بيجبرو بخاطري وخلاص ولما حد بينتقدني بتعقد يعني ف مره كنت لابسة طرحه بطريقة معينه وصاحبتي قالتلي متزعليش مني بس شكلك تيته اوي وضحكت ودايمًا صحابي بيتريقو على طولي لأني اقصر منهم + لما حد بيطلب نصيحتي بتكلم بكل عقل وعارفة كل حاجه الحمدلله بس بستغرب من نفسي وانا بقول كلام انا مش قادرة اعمله وصعب عليا

انا شاب عمرى 20 سنه وانا طفل كنت بحس دايما انى مميز وذكى بس لما كبرت شويه الموضوع اتغير بقيت بحس دايما انى قليل وان كله احسن منى لدرجه ان لما حد بيمدحنى بحس ان انه بيتريق عليا او بيستهزا بيا بدخل نفسى ف مقارنه مع كله لدرجه بمشى فى الشارع بقارن نفسى مع كل الناس سواء اعرفها او لا

انا عندي مشكله فس الثقه بالنفس مهما عملت من انجازات بشوف نفسي قليل حتي ناس كتير الحمدلله بتمدحني بحس برضو ان هم احسن مني ممكن كلمه وحشه تأثر عليا سنين حتي لو من شخصيه كرهاني حد عنده حل تعب

انا شخص محبوب جدا ، مُبتلى بإن مفيش شخص عوزته الا وجالي يعتبر ، اكتر من شخص اعترفلي انه كان بيحبني من سنين ، لا سنين حرفيا اكتر من 5 و 3 مع ذلك عمري ما حبيت نفسي بجد يمكن اه عارفه مميزاتي بس ضئيله جدا قدام عيوبي! مع مدح الناس ليا سواء أهل صحاب أو حتي لو شخص كنت معاه ف ريليشن بشوف نفسي مش قد المدح دا رغم اني بظهرله عكس كدا ، يعني اه يبختك والله انا فيا كل الحاجات الحلوه دي بس مش عارفه بجد العيب ف عيونهم ولا عيوني