مدرسة قصص حقيقية - 28 تجارب، ونصائح، ودعم

ياريت محدش يتريق او يسمعني نفس الاسطوانة الي انا عارفاها ان ده مش سن حب و حرام و لسه قدامك عشان انا عارفاه اوي و فهماه كويس طيب دلوقتي انا فيه ولد اكبر مني بسنه في المدرسة و احنا آخر مرحلة تمام كان قعد جمبي في فترة الامتحانات المهم الولد ده انا مكنتش اعرف انه اصلا موجود او انه اخو حد معايا في الدفعة المهم الولد الحقيقة عجبني مظهره و طريقة كلامه الي هى تبان عادية بس شوفت فيها حاجه مختلفة معرفش ايه هى المهم الولد ده اصلا مش بينزل مصر غير على الامتحانات يعني الترم ده و خلاص مش هشوفه ثاني لاني معرفش عنه اي معلومات غير اسمه شكله هو سنه كام و كده يعني المهم انا طبعا عارفة من الترم الاول اني مش هشوفه ثاني فمتعلقتش بيه و مدتهوش حيز من تفكيري عشان ده هتكون حاجه عبيطة يعني المهم من كام يوم شوفته في المدرسة و هو نزل عشان الامتحانات كالعادة و انا اول ما شوفته حسيت ان قرف المدرسة و كل ده راح حسيت براحة رهيبة رغم اني مكنتش بغكر فيه ابدا و هو شافني الحقيقة انا الولد معرفش ابه جذبني فيه حقيقي محصلش اي حاجه و الحقيقة هو الي بدا لما كان قاعد جمبي انا مكنتش طايقاه الترم الاول الصراحة عشان هو ولد و انا مبحبش اكون قريبة من الولاد كده و حرفيا المسافة لا شيئ لقيته مثلا طلب مني قلم و بعد كده جت مس كلمته شوية مش عارفه في ايه جه قالي بعد ما خلص هى مالها و مال كذا و انا كنت ساكته يعني انا مفتحتش بقي فضحكتله بعدها كنت بكتب على رقم جلوسي اناااا بتاععععييي لقيته كتب لي عليه و فضلنا بقى طول امتحانات المضاف بنكتب على رقم جلوسي (في غير المضاف. قعدنا جمب بعض عادي اما المضاف لا كنا فترات) و من ساعتها و انا مش عارفه اطلعة من دماغي رغم اني تقيلة مش اي حاجه تجذبني كده و الولد بجد مختلف بجد مختلف عن الولاد التانية الي في سنه مش مشارك في اي حاجه تخصهم ابدا و ولا صور و ولا اي حاجه ده انا حتى مش عارفه اوصل للاكونت بتاعه رغم اني عارفة اكونتات المدرسة كلها و هو الولد باين عليه انه كارف يعني معرفش ليه بصلي لما شوفته من كام يوم و واضح انه كان قاصد تقريبا و مش عايزة اركز اوي في الحتة دي عشان مبنيش طموحات بس انا عايزة اقول ان مشاعري ملغبطة خصوصا اني مش بحتك بولاد اصلا و ولو بيبقى قليل يعني مش مراجيح هى و مش عايزة اعذب نفسي تاني و انا حرفيا بقالي اسبوع مش قادرة اطلعه من دماغي مش عارفه خالص خالص و فاكره كل لحظة شوفت وشه و فاكره بؤبؤ عيونه حرفيا مش عارفه ليه بتتعاد في دماغي كل شوية انا بقيت اشتكي لماما اني مش حابه المدرسة و حاسة اني لوحدي و مش عايزة اقولها السبب الاساسي هو انه مش موجود اصلا المدرسة منغيره وحشه اوي تخيلوا ده بيكون احساس البنت الي اهلها مربينها على حلال وحرام انا عايزة كتف اعيط عليه وجودي فالمدرسة بقى بيخنقني انا فيه حضن معين عايزة اتحضنه مستنية اليوم الي هقعد جمبه فيه هى ساعه واحده بس اخر ساعه هشوفه فيها و يا عالم هشوفه ثاني ولا لا لان حرفيا مفيش اي حاجه بتجمعني بيه غير الثلاث ايام دول بس هيوحشني نفسي يحضني اوي الحمد لله ان الاب ده موجود اقدر اكتب الي نفسي فيه رغم انه لا يمثل شخصيتي ابدا

امبارح دخلت الفصل، لقيت تلت بنات قاعدين مكاني. فاا قلت خلاص، ورحت قعدت ف صف تاني. وقتها معرفتش اقعد والله؛ الصف الي ف النص ده مكس ولاد وبنات، ده غير ان انا عندي مشكلة معينة، وماما منبهة عليا اني اقعد ساندة بظهري، ف كنت بسند على الحيطة لو انا ف مكاني العادي، ومعرفتش بقى وانا ف الصف ده. فاا انهاردة، لقيتهم برضو مكاني، وانا مكنليش خلق بجد اعديها لحد، خصوصا اننا مثبتين اماكننا، وانا عندي مشكلة فعلا مش شغل عيال حضانة، لأ انا ظهري كان بيموتني امبارح. ف قولتلهم قوموا، وان ده مكاني وانا مبعرفش اقعد ف النص ووو... بنت منهم كان اللي بترد عليا، وبوقاحة وقلة ادب بجد ف الاسلوب ونظرتها ليا. قالتلي يعني ايه مبتعرفيش تقعدي ف النص؟ وبعدين ده مش مكتوب عليه اسمك، واحنا تلاتة مش هنعرف نقعد ف النص عشان عايزين نقعد جنب بعض. طب انا مال اهلي انتوا تلاتة ولا عشرة؟ ما تقسموا نفسكم على ديسكين، مش مربوطين يعني بالحبل السري خلاص! مقولتش كده عامة، بس لما لقيتها مكملة بجاحة، رحت للمس قولتلها فيه كذا وكذا، فاا المس قومتهم غصب، وهزأت البنت دي جامد، والبنت من قلة ذوقها قالت وهي قايمة "ايه الخرا ده". انا اصلا استغربت والله، ورزعت الشنطة لما قاموا ونظراتي كلها قرف. بمجرد ما قعدت، فتحت تلفوني اعمله سايلنت واحذف التطبيقات المفتوحة ف الخلفية، ف نفس الوقت كانت البنت نفسها باصالي وقالت بعلو صوتها للمس "اه يعني هو عادي نمسك التلفون ف الفصل مش كده؟"، ف المس بصتلي، وانا كنت اوريدي قفلته، ف هزأت البنت وشتمتها، ف قالت هي والله لنازلة قايلة للمديرة وخرجت ورزعت الباب وراها. المهم، كم دقيقة كده، ولقيتها داخلة مع الوكيلة بتشاور عليا، وبتقول "البت دي" كانت ماسكة التلفون. انا تلقائيا قمت من مكاني لعندهم، والمس قالت للوكيلة انو البنت بتعمل الحوار ده كله عشان بدلت اماكننا، والوكيلة والمس ما شاء الله الاتنين بيهزأوا فيها، وهي اصلا مجابتش سيرة الهبل اللي عملته، هي بس عايزة تقول اني فاتحة التلفون ف تعملي مشكلة، والمس اصلا بتكذبها لانها مشافتنيش، وهي تحلف وتبرق وكان حوار. انا عشان ابرر سوء الفهم ده، والامر كده كده مش هيفرق معايا عشان فيه كاميرات تؤيد كلامي واني قفلته ف وقتها، ف قلت للوكيلة اني فتحته عشان بس اعمله سايلنت، ف المس قالتلي خلاص عادي، روحي اقعدي. فاا قعدت، والبنت والله لسه واقفة والوكيلة ماسكاها تهزيق قدام الفصل كله. بعد م خلاص قعدنا وبدأت الحصة، البنت والله وصحابها متنحين فيا تتنيحة، والبنت دي بالذات، وكل شوية تشاور عليا وتتكلم وتضحك، وانا حقيقي مكنتش مبسوطة ولا مختلة ف ابصلها بشماتة، لا انا كنت عادي خالص والله، بل بالعكس انا اصلا كنت دمعت. المهم، لقيتها بتكلم البنت اللي ورايا وبتسألها اذا كانت غلطانة ولا لا، والبنت قالتلها انو اه، وقعدت بجد تهزر معايا كتير اوي وتلعب ف هدومي، وكذا حد مش هي بس يهزر معايا، رغم اني هادية اوي ومفيش بيني وبينهم غير السلام. المهم، ف آخر اليوم، كنا خلاص ع الباب وخارجين، ف جم جنبي بنتين، وانا فاتحة الفيس بس منتبهة لان واحدة منهم باصالي، ف لما طولت قفلته وبصيتلها، ف لقيتها بتقولي انتي لسه زعلانة من فلانة؟ ابتسمتلها وقلتلها لا لا والله عادي حصل خير، ف قالتلي ده انا بهدلتلهالك والله، ف انا ابتسمتلها، ف التانية بتقولي انتي مسمعتيش؟ قولتلها لا والله، ف قالتلي دي بجد بهدلتها، ف متزعليش بقى خلاص. والله انا من كتر الكياتة معرفتش حتى اقول شكرا، ابتسمت وخلاص. كنت بحكي الموقف لحد كوتي بوتي اعرفه، ف قالي ربنا بيبعتلك ناس تطيب بخاطرك عشان انتي حد جميل، ف خلاص بقى انا هموت من السعادة انهاردة 💕✨️.