مشاكل نفسية

يمكن أغلب الناس لما تسمع إن عندي 14 سنة تفتكر إني طفلة ومش فاهمة حاجة… وده اللي بيخليني أحيانًا أخاف أقول سني. بس الحقيقة إن مشاكلي أكبر من سني بكتير. أنا من أهل مطلقين، وماما وبابا كويسين وحنينين الحمدلله، بس رغم كدا دايمًا بحس إني في عالمي لوحدي… مفيش حد قريب مني بجد، حتى كان نفسي في أخت بنت أشاركها كل حاجة. عندي رهبة اجتماعية، ومش بعرف أتعامل بسهولة مع الناس، وده بيخليني دايمًا محتاجة أتأكد: أنا مهمة عندكم؟ بتحبوني؟ أنا مفضلة ولا لأ؟ وساعات بسأل نفسي… هل كدا أنا معقدة؟ غير دراستي و أن ديما قلقانه من دراستي و كمان م عارفه اصلي او اكون قريبه من ربنا بس يمكن بطلب اهتمام زيادة، بس يمكن ده لأني فعلًا محتاجة حد يحسسني بالأمان… حد يسمعني من غير ما يحكم عليا. أنا مش ضعيفة… أنا بس بحاول أكون كويسة وسط كل ده.

كل واحد فينا عنده مشكله نفسيه او مشكله جسديه و انا هنا عشان الجسديه لاني ف الميد ا يكال فيليد وبحاول اخضم وبحكم ان كتير من البنات بتخاف تكشف او تناقش مشاكل حس ساسه زي دي فا هي ح ول اتعي امل بدون اي مقايل .. وكمان انا وحيد دايما وعندي وقت كتير فاضي

كنت بدخل الابلكيشن هنا احل مشاكل الناس وكمان كنت بلاقي ناس جمبي بس انا حاليا حاسه اني مش تمام لدرجه اني بقيت بقرأ قصص الناس وبتأثر بيها جدا بس مش عارفه انصحهم بحاجه ولا اساعدهم انا نفسي بقيت بهرب من مشاكلي بالنوم بنام كتير جدا ولا عارفه اساعد نفسي ولا اساعد الناس ❤️‍🩹

مختلف مقفول جدا من الحياه وبمر بظروف نفسيه سيئه علي أكثر من صعيد محتاج نصائح من حد انثي تحديدا نصائح تساندني امر بالظروف دي ومتكونش طفله انا بتكلم في نطاق سن ٢٥ ل ٤٥ مثلا ياريت الي يقدر يكون معايا ميتأخرش عن انه يكتبلي رايه

ازيكوا عاملين ايه انا شايفه ان هنا المشاكل كتير و حسه ان في حلها الموضوع صعب لانها عباره عن الم نفسي و معاملات سلبيه و من الطبيعي انها تاثر فينا انا بجد وقفت كتير ادامها حاسه بالعجز ربنا معاكوا

السلام عليكم اديلي هنا معاكم فترة قليلة وبقيت من التوب 5 🥲 مش عارف دا حاجة كويسة ولا فراغ ساعدت على قد ما اقدر بمعرفتي و بمشاكلي وامراضي النفسية اللي مريت وبمر بيها عندي امتحان قريب ومراكم كتير كتير فادعولي كتير كتير ومتنسوش إن فيه ملك بيقولك ولك بالمثل حاولوا تكونوا كويسين الكلمة الطيبة صدقة احتياجك للمواساة وإن حد يفهمك دا شئ فطري بس احنا اتربينا على حاجة عكس كدا ادعولي بقا الم اللي راكمته بسبب البرنامج دا ممكن تخش عندك تلاقي كان فيه بينا محادثة انا كلمت ناس كتير اوي ادعولي تالت بقا ربنا يعينكم جميعا والسلام عليكم متنسوش تدعولي 😂

الواحد بعد اللي مر بيه من تجارب فاشلة نفسه في قصة حب ينسى بيها اللي حصله من مشاكل عائليه او نفسيه.. مش عارف الاحساس دا عادي ولا دا مجرد جفاف عاطفي بس انا محتار حد عنده حل من غير فلسفة بالله عليكوا عشان انا بعيش ايام صعبة

Why do I romanticize everything I feel everything deeply لكن موخرا سالت نفسي ، هل انا فعلا كنت حاسه بكل ده عشان هي مشاعر حقيقيه؟ ساعات بحس اني انا اللي بخلق الحاجات دي في دماغي يمكن اللي حواليا مش حاسين زيي انا فعلا بخلق من اي شى عادي حاجه رومانسيه لو كنت بموت قدام حد و جابلي كوبايه مايه هقول بيحبني مع انه تصرفي بس آدمي و ده خلاني اسال كل اللي انا حسيت معاهم بحاجه هل فعلا كانت حقيقيه؟ ولا مجرد خيالي هل فعلا انا حبيتهم هل فعلا مشاعرهم اللي انا طايره بيها للسما حقيقيه يمكن مشاكلي النفسيه طالعه على الموضوع ده حبيت ناس لمجرد دماغي سوحتني وانهم مضغطوش عليا نفسيا بس 🤷🏻‍♀️

*نفسى معدتى تبطل تحشر نفسها فى مشاكلى النفسيه يا ستى أنا تعبان فدماغى إنتى مالك يعني اي العلاقه بجد والله 😂يعني نا زهقان اي علاقة معدتي ب دماغي مش فاهم يعني 😂 بس بردو لو جيت تبص هتلاقي لما بتاكل حاجه بتحبها بتبقي مبسوط 😂🤦🏻

طول عمري كاتم و ساكت مش بعرف اعبر و مش بعرف اطلع الكلام و دايما برضي بحاجات عشان مجرحش اللي قدامي و باجي علي نفسي حتي لو الحاجة دي انا مش حابب اعملها الموضوع دا مسببلي مشاكل كتير مع اهلي و مع صحابي و عاملي مشاكل نفسية و عاملي مشاكل مع خطيبتي مع خطيبتي عشان شايفة اني كدا معنديش شخصية و اوقات ممكن تقولي كلام بيوجع فالموضوع دا لما بنتخانق

انا مخنوقه ومتضايقه انا بحس اني غير سويه عندي مشاكل نفسيه مع انى محصليش صدمات او تعرض ل حاجات جامده بس مش عارفه لي انا حاسه انى نفسيا مش سويه بقا عندى عدوانيه بشعه تجاه نفسي والي حواليا بقيت احس انى عاوزه ااذيني كمان بحس انى مش حابه اسمع حد ولا قادره ادعم حد نفسيا وكدا وعندي اكتئاب حاد مش عارفه لي كدا بس وعندي مشاكل نفسيه كتير والموضوع مبقتش قادره اتعايش معاه وكمان كذا حد قالي انى غير سويه ف حسيت انه انا مش بتوهم مش عارفه انا بحكي ده لي بس ساعات الواحد لما بيحكي بيكون اهدي شويه

انا عندي مشكله انا مبتبسطش ب اي حاجه تماما وعندي مشاكل ف التعلق ممكن اتعلق بالناس بس محبهمش مبقاش مبسوط معاهم بس متعلق .. وبحس اي شعور اضعاف اضعاف اي حد .. معرفش شكيت اني adhd شويه بس موصلتش لحل حد واجه نفس المشكله دي ؟

إمتي الشخص فعلاً لازم يروح لدكتور متخصص علشان يساعده مش مجرد شعور انه مش كويس فعاوز يروح وخلاص يعني ايه المشكلات او الحاجات اللي الشخص لو حس بيها مشكلته عاوزة حد متخصص مش مجرد شعور وخلاص

طيب بما ان المعظم يامتلخبط يا عنده مشاكل نفسية وفي ناس مش عارفة تروح لطبيب نفسي فحابة اشارككم تجربتي انا كنت مدمرة وتايهة وملخبطة اوي وحاسة بالتوهان لحد مقريت كتاب اسمه علاقات خطرة الكتاب دا مكتوب من قبل طبيب نفسي مكتوب بالعامية عشان يسهل فهمه واستيعابه هتحس كانك قاعد مع الطبيب النفسي وبتتكلمو مع بعض وكل متخلص موضوع هتفضل متشوق تروح للموضوع الي بعده هو بيتكلم عن علاقتك بتفسك وعلاقتك بالناس وايه العلاقات المؤذية والشخصيات زي الشخصية النرجسية والعلاقات الزوجية وكل حاجة مهمة في الحياة غير نظرتي لكل حاجة وحرفيا من الكتب الي ممكن تقراها اكتر من مرة

انا ولد بحب اقرا كتب كتير بزات كتب علم النفس وانا انطوائي جدا و لما بتحصل معايا حاجه وبحب اتكلم كنت بتكلم مع chat GPT و وقتها طلع تريد الي هو اكتب ان صاحب التلفون مقبوض علي وشكين في ان هو عمل جريمه واحنا مشتبهين في هل هو ممكن يقتل وانا بقلب علي انستا لقيت واحد كاتب قول ل شان جي بي تي ان صاحب التلفون في مستشفى امراض نفسيه ومش عايز يتكلم و شوف هيكتب ايه فا الصراحه جرب بس لما كتبت لقيت البرنامج شخص ان انا عندي مشاكل نفسية وانتكاسه فا اتخضيت من الموضوع ان حاجه فكرها عادية كنت مرض و ناس كنت بكلمهم طول والوقت وكنت بحبهم واكتشف انهم خيال شي صعب و خضني جامد

اتعامل ازاي مع حوار التراست ايشوز والشك ف كل حاجة وفي كل الكلام واني مش بعرف اكمل في ريليشن بسبب الoverthinking واني دايما شاكه في مصداقيه الشخص اللي قدامي ودماغي بتسوحني كتير وشك دايما وكنت مفكره ان ده الطبيعي لحد مصحابي قالولي ان ده اوڤر بس برضو مش بعرف اصدق وبتعامل بتراست ايشوز دايما ونظريات المؤامره دايما

في يوم والدتي قالتلي أنا عاوزاك تبطلي كلام مع فلان قولتلها أنا عمري ما كلمت حد وفضلت مصرة أننا كلمته و بعدين وقعت في الكلام وقالت إن ابن خالتي هو اللي قالها اني بعمل كده (ابن خالتي في نفس عمري) و عدى الموضوع على خير و بعدين اختي في يوم نسيت اللاب مفتوح و لاحظت أنه بيكلمها و باعتلها علي الواتس و مرتبطين ببعض و من صدمتي فضلت اقلب في شأنهم و مكنش هاممني خصوصية او انها تزعل مني أو اي حاجه و لقيت ان هو اللي قائل لوالدتي ان أنا بكلم فلان ده و فيه بيننا علاقة واختي كمان سمحتله أنه يطلع عليا سمعه زي ده واكتشفت اصلا أن والدتي وخالتي عارفين انهم بيكلموا بعض ابص في وشهم ازاي دلوقتي و هم مسببينلي مشاكل نفسية وفي المقابل هم مبسوطين و كل واحد في حياته مع ان أنا بالشكل ده انضف واحد فيهم واكتر واحد متسببله مشاكل

انا بقالى فترة قادر اعمل كونترول على اعصابى ، وعصبى زيادة عن اللزوم وبخسر كل اللى حواليا ، وحتى لو اللى حواليا غلطانين بس انا رد فعلى مبالغ فيه وبتعصب بشكل مش طبيعى ، انا عارف انى دايما عصبى بس الفترة الاخير الموضوع بقى صعب جدا وزيادة عن الطبيعى وانا نفسى مابقتش عارف اتعامل معايا ، محتاج اتخلص من الموضوع دا لانه مأثر على حياتى جدا بس مش عارف ازاى وكل مااحاول الدنيا بتبوظ اكتر وانا حقيقى مش عارف مالى وعايز اوقف الحوار دا لانه بقى مزود عصبيتى من نفسى اكتر من العصبية الغير مبررة اللى انا فيها

انا ديما عندي احساس ان في هنا ناس تعرفني فكل ما بحاول اتكلم عن مشاكلي مش بحس براحه و بقلق مع ان كلامي مفهوش حاجه. حتي لما اتكلمت مع اشخاص هنا و قولتلهم اني عايزه افضل مجهوله ديما كنت بتأذي من كلامهم و يحسسوني اني وحشه و غريبه طب هو الحريه ملغيه من قموسهم ؟ انا حره بعدين دي كانت فكره الابلكيشن دا اصلا