ملل

كده ليه النهارده متكلموني وقولو اسرار او حاجه عشان دماغي بتزيد التفكير و اليوم كان مليان أحداث لكن مفيش نوم دلوقتي و الموضوع رخم و بقي ممل عشان مبقاش في صبر ولا اي حاجه من هنا ولا في شي ثاني غير ذا

ملل وزهق محتاج اتكلم محادثه طويله مع اي شخص ما في زمن ما وبعد كده الصبح كل واحد يروح لحاله مش عارف الاب هيسمح بالبوست ولا لا بس م ش عارف اي كلام حتي لو ما قبلش اكون فضفضت شويه من الكبت اللي جوايا شاب 28 سنه

السلام عليكم ورحمة الله وبركاته 🌸. الملل وفقدان الشغف والاحساس اصلا بقوا مسيطرين اوي عليا الفترة دي، عمالة افكر وكارهة كل حاجة حواليا تقريبا. معرفش حتى كل ده حصل ليه وامتى وازاي فجأة كده. الموهيم، بمناسبة الملل، حد عنده وجهة نظر جاهلة رجعية اتخانق معاه فيها؟

جماعه محتاجه حد يقولى على شغل اونلاين بدل الملل و الفراغ دا و حاجة اطور بيها نفسى خلال الفتره دى ياريت بجد المفروض اكتب كلام كتير بقا علشان البوست يتقبل و كدا ف ادينى برغى ع الفاضى و خلاص يعنى

انا مش عارف مالي يعني مش عارف استمتع بالحاجه الي بعملها، يعني دلوقتي بقالي ساعتين بضبط الدنيا عشان اسمع الماتش ودلوقتي حاسس كاره كده ومش عاوز اسمع فقدت الشغف لو دا مصطلح معبر يعني، مثلا بحب اعمل حجات كتير زي مثلا اطبخ مثلا ارسم حجات كده بعد ما اعمل كده مثلا خلاص احس زهقت واسيب كل حاجة مكانها وامشي واتعب معرفش في اي بس احساس صعب ومؤلم اوي

حاسس اني وحيد رغم اني مش وحيد ولا حاجة ، في ناس حوليا بس يريتهم ماكانو حوليا ، نفسي اكون وسط ناس شبهي بشتغل شغلانة شبهي وفي وقت فراغي اعمل اي حاجة غير التعفن الدماغي دا ، حد يعرف بنلاقي الناس اللي شبهنا فين؟

مش عارفه ابدا منين بس ف العموم مش حاسه ب سوء أو فرح بس انا مش بعرف احب بجد حاسه ده دايما أو يمكن حاسه كده لان شايفه أن لسه مفيش حد يستحق اقدم شئ عشانه ف بضطر ابعد مش لازم يكون مسمي حب عادي صداقه انا ببعد دايما وقت م احس بالخطر أو أن محدش نفس جوي و بمل بسرعه من صحابي وعلاقتي الجديده يعني ممكن اصاحب بنت ف الوقت ده تكون طاقتي full وبعدها بفتره خلاص مش حابه ابادر أو اتكلم اشوف الشات واخرج أو مردش واعلق الشات مبحبش اكون شخص سئ ف حياه حد ف بعتزر دايما تناقض شئ بداخلي مش هامه بس ان ذا سيم تايم بكره اكون اثر سئ ف حياه حد عادي وما الي ذالك ومش مهتمه برأي حد بس استيل بكره اقول اشيائي السيئه حتي لو بقول اني كائن سئ بس لو هحكي الحقيقه انا معرفش انا ايه انهي جانب مني انا مش حوار اني تايهه والله انا مش تايهه انا فعلا معرفش انا ايه بس ف العموم مبقتش احب حاجه ابسط الاشياء الي كانت بتبسطني عادي بتبسطني بردو 😃بس برجع تاني مش تمام أو مش بمعني مش تمام الي هو طيب واي الي بعده بقا ك طبيعه بشريه مش اي كلام مقتنعين بيه وبنقوله ممكن نطبقه ف بس مش عارفه مفروض اي

تيجي من الشغل تفضل تقلب في الاب وكل واحد شويه المشكله أن الواحد ماعدش عنده طاقه حتي يفتح كلام مع حد جديد زمان الفون مش كان بيبطل رن لما رينا هدانا بقينا وحيدين بنحس بالوحده والملل طب نرجع للماضي طب نسلي نفسنا زي زمان بجد زهق

هو الواحد المفروض يعمل ايههههه في الاجازه و ازاي يرجع شغفه و يستمتع بالاجازة؟؟ عشان مللللللللللللللللللللللللل بجددد ف لو حد عنده افكار يقوللل🫩 و لو الواحد رجعله شغفه يعمل ايهه في حياته؟؟

نفسي احس حياتي مستقره وحلوه تعبت من كتر المشاعر السلبيه اللي بتجيني...كميه مشاعر سلبيه رهيبه انا اصلا بقيت كتله مشاعر سلبيه زهق وحزن وملل كل حاجه سلبيه و وحشه مكنتش كده طب ايه حصل طيب معقول كل ده علشان غيرت مكاني ونقلت عند تيتا بدل البيت برجع اقول طب ما أنا بقالك شهرين اهو وكنتي واخده ع الجو وتمام جايه دلوقت تكتشفي أن الجو خانقك أو بدأ يخنقك..اتكلمت مع ماما موصلتش لحاجه مع نفسي لدرجه مع شات جي بي تي ده حتي فكروا طيب معايا يا جدعان وخدوا ثواب فيا..هي الحاله اللي انا وصلتلها دي اسمها ايه ولا من ايه

بتعملوا اي ف الزهق والخنقه دي بدور حد هنا لان اخدت بأن 😅 واحكولي ع روتين ف حياتكم غير حياتكم للأحسن ومخلاش ف ملل.. لان انا علطول بحس بملل وخنقه واليوم بيجري مش بحس بيه خالص والواحد تعب خالص من موضوع دا

الانسان حاسس بملل وعارف ان كلو حاسس بملل بس هل دا طبيعي يعني كلنا زهقانين كدا ف نفس الوقت والمفروض اني شاب ومبقاش فاضي كدا معظم الوقت بس اعمل ايه بجد تعبت اوي وكاره النزول من البيت وعندي طاقة غريبة للكلام والحجات الغريبة

عندي مشكلة بقالها فترة ومش عارف أتعامل معاها بشكل صحيح. حاسس إني بقيت بدور على المتعة طول الوقت، وكأني مش قادر أستحمل أي لحظة ملل أو هدوء. مع الوقت ده خلاني ألجأ لحاجات غلط وأخد قرارات ندمت عليها بعد كده، لمجرد إني أهرب من الإحساس ده أو أحس بشعور أقوى. كمان عندي ADHD، وده بيخليني أوقات أواجه صعوبة في التركيز أو حتى إني أقعد هادي من غير ما أكون بعمل حاجة. كنت فاكر إن الموضوع بسيط، لكن مع الوقت بدأت أحس إنه مأثر على جوانب كتير في حياتي. المشكلة إن الحاجات البسيطة اللي كانت بتفرحني زمان بقت عادية جدًا بالنسبالي. أكلة بحبها، مكان بحبه، خروجة حلوة... كل ده مبقاش بيديني نفس الإحساس، وكأني فقدت القدرة على الاستمتاع بالحاجات الطبيعية. بقيت في صراع مستمر بين إني عايز أغير من نفسي وأرجع طبيعي، وبين إني برجع لنفس العادات اللي بتديني راحة مؤقتة، وبعدها ندم وتأنيب ضمير. أنا مش بكتب الكلام ده عشان أشتكي، لكن لأني فعلًا محتاج أفهم اللي بيحصلي وأعرف أتعامل معاه. لو حد مر بتجربة مشابهة أو عنده نصيحة ممكن تساعد، هكون ممتن جدًا ليه. ولو معندكش نصيحة، ادعيلي ربنا يهديني للطريق الصح.

حاسة بالملل والاحباط نفس الايام تتعاود مكانش حاجة جديدة وكانش حاجة نستناها مكانش حاجة راني متشوقة ليها حاسة حياتي حابسة في مكان واحد حاسة روحي عاجزة عندي الف حاجة حابة نوصل ليها بصح حاسة روحي عاجزة مكبلة مقيدة مشوشة ضايعة

نفسي يكون في حاجه زي الافلام كده ادوس عليها يكتب و بعد مرور خمسه اعوام .... و اشوف حالي ف المكان اللي بحلم بيه دلوقتي مع الناس اللي بحلم بيها دلوقتي معنديش خلق اعيش روتين البناء بس مضطر علشان النتيجه

عارف ال هقولة غلط بس بجد انا زهت من الحوار ال بشوفة و كدة و حابب قوي اعمل حاجة جديد بحيث ان احنا نستمع بطريقة جديد و الفكرة هنا أن محدش يعرف حد عارف ان بقولة غلط بس بجد جت أخرى من حوار دة وبس كداااااا

عندي طاقة اني اتخانق مع حد و ملانه جدا وعندي طاقة كلام كبيرة. عايزه اتناقش مع حد او اي حد عنده فكرة غريبه يقولها برضو. اي حد مقتنع بفكرة أو رأي يقوله ونتناقش قيه اي حاجه بدل الملل دا وبكرة اجازه وهيبقي ملل اكتر (واخده نص الاسبوع اجازه) فا الملل ليفل مليون

انا زهقان جدا ومش عارف انام، وبحاول دلوقتي اني اقول أي حاجة في أي كلام عشان اكمل ال ١٥٠ بس انا فعلا زهقان جدا جدا ومش عارف انام برضو، كل الحاجات عملتها وخلصت اللي ورايا ومش عارف انام وزهقان جدا

عارفين احساس الملل والجمود وان الإنسان يبقي بالنسبة ليه كل حاجة رمادي حرفيا مفيش ابيض او اسود مفيش سعادة ولا حزن مجرد فراغ عاطفي مش عارف يحب حاجة او يسعي ف اي حاجة قاعد بس يبص ف السقف ويعمل اللي المفروض يعمله

عايز حد يرد علياا ويقولي اي المفروض اعمله في فقدان الشغف يعني الواحد جاب اخره ومبقاش لية نفس يعمل اي حاجه حتي الحاجات اللي كنت بحبكك اعملهاا بطلت اعملها ومبقاش ليا طاقه اعملهاا بقا كل يومي عباره عن شغل ونوم وبس انا جبت اخري من كل حاجه

قولولي ازاي اقدر ارجع الشغف تاني ل اي حاجه تاني دايما مش بقدر اكمل و بزهق بسرعه و يومي علطول ممل اوي و مش بلاقي حاجه اعملها بليز متقولوليش قراءه و الجو دا انا محتاجه حجات جديده و قبلها محتاجه ارجع شغفي و طاقتي ف قولولي بليز

الشعور العالم بالخواء كنت فاكره ان دا شعوري لوحدي انما دا طلع شعور جيل كامل ان الحياه خلصت و هي لسه في البدايه الملل العام و الاحساس ان الحياه عديمه القيمه و انعدام ظهور خطوط مستقبل واضح علي انعدام الشغف و الابداع معقول هي دي الحياه الحقيقيه واننا مخلوقين عشان كده وبس ؟؟؟

المفروض في الأيام المملة دي نعمل ايه عشان نتخلص من الملل؟ عملت كل حاجه تقريبا ومش قادره اتخلص من الملل الرهيب اللي في اليوم. جربت اتفرج على مسلسل وكان ممل، جربت ألون ومعجبنيش الشكل اللي وصلت له و زهقت برضو، عملت workout وصليت واستحميت وهخرج كمان ساعتين كده بس مش لاقيه حاجه اعملها حاليا، حتى الموبايل ممل ومفيش حاجه مفيدة

وبعد نهاية البوم من تعب وقرف الشغل هرجع احاول انام واعدي اليوم داا ومستني اي تغير يحصل ف اليوم اللي بعدة واهي دووووامه ومش عارف اخرج منهااااا هفضل اعافر لحد امتااا زهق وملل وقلت حيلة وتكبير دماغ مش طبيعية ف اي حاجه بتحصل حواليا

الواحد حاسس بملل شديد من الاجازه مع ان ايام الدراسه تلاقيك بتعمل الف و الف حاجه عشان تلهينفسم عن المذاكرة تيجي دلوقتي ولا اكن في حاجه و فراااغ بتعملو اي عشان تقتلو الفراغ ده و الكلام طبعا مش لبتوع 3 ثانوي خش ذاكر يا بابا

انا بجد مليت لما خت الاجازه مش عارفه حتي بقيت فاقده الشغف أن أقوام أو اعمل حاجه جديده قاعده ملانه بجد حتي مبقاش عندي شغف أن اخش ف اي علاقه أو ابد أو احب فقدت الاحساس ده لما حد يقولي بحبك ببقي مخنوقه ممكن نكون بتتكلم عادي بس اول أما يقول انا بحبك ومعجب بيكي بحس بخنقه وقلبي مقفول واتقفل منه وارفض مش عارفه ليه

عندي مشكلة بقالها فترة ومش عارف أتعامل معاها بشكل صحيح. حاسس إني بقيت بدور على المتعة طول الوقت، وكأني مش قادر أستحمل أي لحظة ملل أو هدوء. مع الوقت ده خلاني ألجأ لحاجات غلط وأخد قرارات ندمت عليها بعد كده، لمجرد إني أهرب من الإحساس ده أو أحس بشعور أقوى. المشكلة إن الحاجات البسيطة اللي كانت بتفرحني زمان بقت عادية جدًا بالنسبالي. أكلة بحبها، مكان بحبه، خروجة حلوة... كل ده مبقاش بيديني نفس الإحساس، وكأني فقدت القدرة على الاستمتاع بالحاجات الطبيعية. كمان عندي ADHD، وده بيخليني أحيانًا أواجه صعوبة في التركيز أو إني أقعد هادي من غير ما أكون بعمل حاجة. كنت فاكر إن الموضوع بسيط، لكن مع الوقت بدأت أحس إنه مأثر على جوانب كتير في حياتي. بقيت في صراع مستمر بين إني عايز أغير من نفسي وأرجع طبيعي، وبين إني أرجع لنفس العادات اللي بتديني راحة مؤقتة وبعدها ندم وتأنيب ضمير. أنا مش بكتب الكلام ده عشان أشتكي، لكن لأنّي فعلًا محتاج أفهم اللي بيحصلي وأعرف أتعامل معاه. لو حد مر بتجربة مشابهة أو عنده نصيحة ممكن تساعد، هكون ممتن جدًا ليه. ولو معندكش نصيحة، ادعيلي ربنا يهديني للطريق الصح.

، حاسس بالوحدة مع ان عندي صحاب كتير، اظن انه ده اوحش من ان لو كنت لوحدي ، الزهق وملل وروتين يوميي زهقت بجد ياريت عن اي حاجة مش شرط حاجة معينة هكون مبسوط جدا حقيقي شكرا ليكم مقدما، ياريت لو حد ينصحني اعمل ايه

مش عارف انام مش عـــــــــــارف انــــــــــــــــام الوحده قتلاني صاحي من امبارح ومش جايلي نوم وتعبت من التفكير والزهق والملل مين صاحيه ندردش بس الملل ده عشان زهقت زهقـــــــان

اقترحو عليا حاجات اعملها املي بيها يومي عشان زهقانه وخلصت كل حاجه ولسه فنص اليوم لما بتكونو زهقانين بتعملو اي ومفيش اوبشن اطلع برا ولا اروح فحته اليوم كله فالبيت ف قولولي اي افكار بليز

المشكله اني بدأت اصدق ان الناس فواكه بجد ، هي حاجه حلوه وكل حاجه بس عيب الفاكهه أنها بتبوظ بسرعه وتترمي ، يعني كل فتره اتكلم مع أي فاكهه واقول خلاص بقي احنا فواكه زي بعض وهنفهم بعض ونريح بعض بس بلاقي الكلام خلص فجاه مبقاش في كلام يتقال ، مش عارف مين الي بيزهق بس سواء أنا أو هي المهم ان الكلام مبقاش بيكمل اكتر من يوم او اتنين ونفسي افهم العيب فين ولي كل حاجه بقت ممله كده

انا كنت مسافر فتره ورجعت اجازه و كنت مش متوقع خالص اني هزهق ف الاجازه حصل حجات كتير عكس مكنت فاكر مش عارف الاقي حاجه جديده اعملها احس اني فصلت فعلا و استغليت اجازه صح مش عاوف اعمل ايه حتي صحابي كله مشغول فحياته كنت عايز اسافر وخايف ازهق لوحدي

بتتعاملوا ازاي مع احساس الملل والزهق دا مع اني عندي حاجات كتير المفروض تتعمل يعني وشغل مش فاضية تماما بس بأجل الحاجات دي ومش بقدر اعملها بتتعاملوا ازاي مع احساس الملل والزهق دا مع اني عندي حاجات كتير المفروض تتعمل يعني وشغل مش فاضية تماما بس بأجل الحاجات دي ومش بقدر اعملها

الزهق مع السهر صعب جدا … زهقان ملام بميل بحنان لحاجات زمان كنت بعملها يا دوب الانسان مرتاحش اسبوع وراجع زهقان علي عادة ولا أكتر أصل المخ مش بيفمر وكمان ملااان سهران حيران فيه شغل الصبح كمان .. متنااامم

مليت فشخ من كل حاجة في حياتي عايزة اسيب كل حاجة وامشي مش عارفه اتنفس حرفيا وزهقت من كل حاجة مش عارفه اعيش ومش هنتحر عشان فشلت عايزة اسيب كل حاجة وامشي بجد عشان اعرف اتنفس اهلي بوظوا حجات كتيره فشخ بس مش عارفه برضو بفكر فيهم ونا عايزة امشي ممكن اعمل اي

عندي مشكله اني بكراش علي اي حد و بحب ابص جداً علي الملامح و ابقا مهووسه حتي لما معرفش اسم الشخص و مش بنسي اي حد بسرعه ، و المشكله اني بعدها ممكن بيومين تلاته او اسبوعيين بكتبر ازهق من الشخص دا لو بشوفو كتير رغم ان مبيناش حاجه بس انا كدا معرفش دا ايه ..؟

العيد جه لا اتخطبنا زي اللي اتخطبوا ولا خرجنا زي اللي خرجوا ولا راجعنا للاختبار زي اللي راجعوا ولا عارفين ننام زي اللي ناموا لله الامر من قبل ومن بعد اشعر بالملل والزهق والغضب وقليل من الاستفزاز [ربنا يسعد كل الناس ]

عندي ملل و وحده و احساس يكفي بلد بحالها يجدعان مش عارف مالي ايه الخنقه و الملل ده الموضوع ملوش اي علاقه ب اي حاجه بس انا كنت فاكر اني كنت هبقي مبسوط اكتر من كده و اني هخرج و اتبسط مش عارف الدنيا مقفوله ليه كده

الواحد زهقان جدا ومش عارف يعمل ايه كل الخروجات والاماكن زهقان وعندى مللا خرجت كل الاماكن سفرت عملت كل حاجه مافيش مكان مارحتهوش خرجت مع العيلا ومع اصحابي ومع صحبتى يعتبر خلصت كل حاجه ومش عارف اعمل ايه تانى

انا عندي مشكله دي فترة اجازه الواحد بيبقي مش لاقي حاجه يعملها بيكون فاضى والجو ممل ايه الواحد يعمل يشغل بيه يومه يكون مفيد غير الخروجات لان اكيد مش هخرج كل يوم وحتى الشغل بيكون خفيف الغتره دى ف معظم الوقت فاضي

الانسان حاسس بوحدة غير عادية وملل غير عادي والمفروض عندي مزاكرة بس بردو حاسس بملل وفتور رهيب اقترحو عليا حجات جديدة وجريئة اجربها لاني بجد حاسس ان الدنيا واقفة واليوم بيتكرر بدون فايدة

وكالعاده رجعت للاب ممن كتر الملل والزهقت الي مالهمش اي حل زي امتحام بكره ده نفسي الاقي الشخص الي محسش بالملل وخو موجود ولا الفراغ ده نفسي في حد نفضل متكلم علي طول ونشاكر كل حاجه في يومنا ونكون علي راحتنا سوا في كل حاجه بدل الملل ده بجد

احم الو؟ إكتئاب الإجازة و الوحدة يتصلون بكه قبول🤳 ولا قبول برضو 🤳 طيب ايه الاكتئاب دا بجد يا جماعه يلهوي الواحد حاسس انه عاوز يدفن نفسه المهم مش عاوزه حد يقول مالك؟ علشان بجد السؤال دا مستفز انا عاوزه حد يقولي اعمل ايه في الاجازه دي علشان الواحد حاسس انه دخل في اكتئاب بجد 🌹 اللي هيستظرف هيزعل 🌹

أنا منزله بوست من الملل مش أكتر ف هكتب أي كلام المهم حاسه إني بكبر ومش حابه السن إللي بوصل ليه نفسي اختفي بجد من الحياه مش حملها والله نفسي اكون مبسوطه حياتي مش وحشه للدرجة بس أنت تربيت ف بيت حسسك إنك ناقص وإني لازم توصل للكمال

انا زهقااااااااااااااانه حد زيي الجو ملل و الحياه ممللللله و ناس مملللللله وظدو مملللل و كلو مملللللللل في مملللللللل و ليه لازم اكتب 150 حرررف يعني ما كفايا كلمتين تلاته اي القرف ده

اغلب مشاكلنا شبه بعض باختلاف الشخصيات حلقه مبتخلص ودايره بتكرر مفيش جديد كلام إيجابي يغير العالم بردوو مفيش حاجه تحس إن كل شويه بترجع لنقطة الصفر تاني مفيش جديد لدرجه انك حفظت السيناريو ربنا يعدي الايام دي على خير

كنت اعرف واحده منقبه هنا جميله اوي وعندها شخصيتين عكس بعض تماما بس الفكره في الإحساس الغريب الي مش عارف أحسه مع غيرها من بعد التغييرات الي حصلت دي كلها ، كنا فاهمين بعض زياده عن اللزوم وعشان كده دايما كنا بنبعد عشان كل واحد فاهم التاني وعارف نقط ضعفه كان في تواصل غريب وحتي لو كان مجرد كلام معتقدش ان الموضوع او الشخص سهل يطلع من الدماغ خصوصا لو عرفت قبله وبعده ناس كتير ، بس حقيقي مبقتش عارف ادي فرصه لحد تاني ولما بحاول بزهق مش عارف اكمل اكتر من يومين مع أي واحده محدش بيفهمني

لما الحاجه الصح تاجي في الوقت الغلط مش بيكون ليها لازمه وبتكون عديمه القيمه وبتخلي صاحبها بيتحسر مرتين مره عشان استنا ومجتش في وقتها ومره عشان شايفها ملهاش لازمه في وجودها دلوقتي اهو انا بقيت حاسس نفسي كدا ياربي بيقيت حاسس نفسي اعمى في صحراء في ليله ملهاش قمر وبدور علي اللي انا عاوزه وعلي كد صعوبه الشعور والملل والحيره علي كد الاستماته في اني هلاقي اللي انا عاوزه بقيت واقع في النص لا راضي استسلم و اعلن انهزامي ولا عارف اتلم علي اللي انا عاوزه ياربي لطفك

احساس اني تايهه ومتلغبطة جوايا الف شعور لا انا عارفة انا مالي ولا الشعور دا راضي يبعد إحساس اك لوحدك مع حواليك ناس كتير احساس بالزهق والملل من الروتين اللي كل يوم بتعمله ومش بتجدد حرفيا بجد الواحد قرب يحصله حاجه من كتير التوهان واللغبطة اللي هو فيها🙂

مش عارفه ينفع اقول كده ولا لا بس أنا ما بقاش فيه حاجة بتديلي دوبامين كل فتره كنت بكتشف حاجة أخد منها دوبامين أول سنتين ف الجامعه المسلسلات بعد كده إني اشتري حاجه بحبها من سنه بظبط نفس التوقيت ده عرفت أبليكشنز ببراكتيس عليه وكنت بتكلم مع الناس ف كنت باخد دوبامين لو كنت مضايقه واتكلمت مع ولد هنا كنت بردوا بتبسط عادي حتى ده ما بقاش يفرقلي مش عارفه اعمل إيه دلوقتي ولا كلام مع الناس ولا أي حاجة

الواحد بقي بيزهق بسرعه اوي من كل حاجه وحتي الأشخاص الي بعرفهم نبقي كويسين يومين تلاته وبعدين الكلام يبقي ممل وانا ابعد أو هي تبعد مبقاش في طاقه لحد جديد او يمكن الناس مبقتش حقيقيه ، أنا حقيقي زعلان علي الناس الي خسرتهم هنا عشان وقت مابحتاج حد افضفض معاه يسمعني ويفهمني مبقتش بلاقي خصوصا أنا عندي 30 سنه يعني مش صغير ، بس الناس فعلا مبقتش مربحه ولا تشجع على الكلام والفضفضه ، ياخسارة

رغم ان عليا كميه مذاكره لا حصر لها و عندي فاينال الاسبوع الجاي بس مليش نفس اعمل حاجه ولا حتي عارفه اقعد ساكته معملش حاجه مش عارفه ايه دا بجد بس حاسه بالملل الفظيع و الفراغ الافظع عاوزه اكتيفتي اعملها تكون مفيده تغير المود و ترجع الشغف تاني؟

السلام عليكم النهارده اول يوم اجازه الحمدلله خلصت امتحانات اخيرا انتو مش متخيلين انا تعبت ازي انا قعدت اكتر من ساعه ونص بذاكر للامتحانات دي ساعه ونص متواصله المهم مش عارفه اعمل ايه في الاجازه اللي هيقول احفظي قران او انزلي جيم او اتعملي لغه جديده انا بعمل كل دا فعلا فا لا عاوزه افكار جديده لاني عاوزه اشغل وقتي خالص و ابعد عن الموبايل لانه حرفيا بقى كل حياتي و انا مش حابه كدا و شكرا

بصراحه عاوز اتكلم وافضفض مع اي حد مش عارف اعمل كده ازاي وانا ما اعرفش غير الاب ده بجد زهقان اوي اعمل ايه ملل وزهق وشعور بالوحده بيمتلك الواحد بيخليه عاوز يطق اي اقتراحات يا خواتي اكسر الملل ده

الملل و تكرار الايام و عدم وجود اي حاجه جديده دي لوحدها حاجه تخليك معدوم الشغف مفيش حاجه جديده مش عارفه حتي اتعرف علي ناس جديده كل حاجه زي ما هي و اللي زاد و غطه كمان هو ان انا في ايام امتحانات 😩

يكره الاجازه بكره شعور الوحده ليه دايما الواحد مايشتغلش كنت ايام الجامعه مقضيها خروجات بعد ما خلصت مابقتش ابص غير للشغل مش شايف اي حاجه فاقد الشغف حرفيا ما بصش لاي حاجه ولا في دماغي اي حاجه

السلام عليكم معرفش دا ايه بس انا حقيقي حاسه اني زهقت من كل حاجة حته من الموبايل معرفش ليه بس مليش نفس اعمل اي حاجه لو حد عنده اقتراح يقولي لو هتقول انزلي جيم و كدا انا مستنيه الاجازه بس و هنزل فاا شوفو اقتراح تاني يعني

مش عارف اقول اي صراحه بس مش حاسس بحاجه كانه وقت وبيعدي بس نو شعور نو اي شي معرفش حاسسها ميزة بس ف نفس الوقت عيب مش حاسس باي حاجه بقيمته اي حاجه حتي حتي الاكل عادي مش عارف حد هيفهم دا ولا انا بس اللي بهجص ولا اي مش عارف

انا حبيت بنت وانا ف الكلية وكانت اكبر مني وانا درست واتخرحت من هندسة وشغال حاليا ومش بفكر فيها وتقريبا تخطيت انها مكنتش نصيبي بس مش عارف بقيت حاسس بملل ف التعامل مع الناس بطريقة رهيبه مع اني شغال ف شركة كبيرة والفون مش بيبطل رن وبقابل ناس كتير بس ببقي زهقان وقلبي مبقاش يميل ولا يرغب لاي شخص هل دا طبيعي

الواحد عندو ملل في حياتو يوزعون علي مصر و الدول المجاوره يا جدعان أي القرف ده و اي الناس الي الواحد عايش معاهم دي بجد مش عارفين المشكله فينا و لا فيهم و لا ف مين و لا هي الحياه بقت كده ليه حد زيي و لا انا لوحدي الي كده

عايز نصيحه بتعملو ايه لما كل الدنيا بتكون كئيبه من اغلب نواحيها تبص علي الاحداث بتاعه العالم حالها ميسرش ، بيتك وكلهم تعبانين وشايلين هم الدنيا ومحسسينك انك تاعبهم برغم اني عارف ان انا مش تاعبهم بس هما اسلوبهم كده خروجاتك او علاقاتك كلها شبه بعض نفس الناس نفس التعامل نفس الكلام وحاجه تعب جدا وانا اصلا مش عايز حد ينصحني او يسمع مشاكلي انا بحاول افرفش نفسي بتمرين او بلاستيشن او فيلم او فيديوهات بتضحك بس احساس اني بحارب حاجات كتير كئيبه في وقت واحد ده سخيف اوي😅💔

انا حاسه بملل رهيب ومؤاخرا جبت كتب كتيررررر وروايات لاني بعشق القراءه ف الواقع عندي مكتبة كتب اصلا اوضه كدا ف بيتي بقعد فيها بالايام حرفيا بس فجاءه بقي عندي Book list كبيره اوي ومعنديش شغف اخلص اللي بداتو حتى وفي حجات مفتحتهاش اعععععع الموضوع معقد.. ارمي نفسي من البلكونه ورتاح ولا اعمل ايييي 🖤🥀

نازل إجازة من الجيش بس معنديش اي فكرة اقضي الإجازة دي ازاي معنديش حياة غالبا اقدر افضل بيها عن القرف اللي بيحصل هناك مجرد شخص بيصحي كل يوم يفضل يقلب في التليفون لحد ما ينام تاني حتي مفيش شغف أن اتفرج على فيلم او مسلسل أو اي حاجه حد عنده حلول أو يتكلم في أي حاجه ؟

حاسس اني مكتف مش عارف اكلم ولا عارف انزل علي طول مكتاب كرهت كل الناس الي حوليه لي درجه غيرت الفون و رقمي بقيت عايز افضل مختفي مش عايز اكلم حد ولا اشوف حد حتا المذكره اهملتها مبقتش عارف اعمل حاجه❤️‍🩹

انا شاب كنت بشتغل بليل بعدين غيرت المجال فبقيت بشتغل الصبح وصحابي كلهم بدون استثناء بيشتغلوا بليل فعشان اقعد معاهم ممكن ع ٣ الفجر مثلا وكنا بنعمل كدا يومين او تلاتة ف الاسبوع بس حاليا لما الحظر دا اشتغل طبعا مفيش كافيهات بعد ١٠ بليل و مبقتش بقعد خالص مع حد باجي من الشغل انام ساعة اصحي افضل ماسك التيك توك والانستا طول اليوم وحاسس بملل رهيب محتاج افكار بتعدوا يومكوا ازاي

مساء الخير بقالى فترة فى الابليكيشن دا ومكنش عندى الجرأة انى اتكلم بالرغم من أن محدش هيعرفنى ، انا بقالى فترة بقيت بحس بإنى زهقت ومليت من كل حاجة حواليا زهقت من كل حاجة فى الدنيا مبقاش عندى شغف لحاجة ومبقاش حاجة تهمنى وبقيت بعمل حاجات مش شبه شخصيتى لمجرد انى محسش بالملل دا انا عارفة أن كلامى ممكن يكون غريب بس انا بجد بتحصلى حاجات بتخنقتى بتخلينى بزهق من كل حاجة ومشعرفة ايه الحل

هو طبيعي الملل والفراغ الي انا فيه ده كل حاجه حوليا بقت ممل بسكل مس طبيعي من كل الابلكيشن لكل حاجه حرفيا حتي الناس الي حوليا كل حاجه ممله ومش عارفه اكسر الملل ده ازاي بجد اي الحاجات الي ممكن اعملها تغير الملل ده لان فعلا حسه ان هيجرالي حاجة من كتر الملل يا جماعه بجد

ايه ترشيحات لاماكن خروجات لوحدك وكلمت ناس كتير ومحدش راضى ينزل يخرج معايا ومعرفش ليه بس كله بيقول مشغول والله اعلم وان كانوا مشغولين او لا انا لا بلومهم او غيره كده كده انا شخص هادى لدرجة الملل فا مش انسب شخص الخروجات فا هخرج لوحدى المهم بعيدا عن كل ده حد يعرف اماكن حلوة للخروج لوحدك فى القاهرة او الجيزة

احم ايه الملل دا الواحد ولا كانه امتحاناته قربت والله بجد مش عارفه اتكلم علي ايه الحياه ممله مش عارفه اضيف ايه جديد في حياتي بفكر انزل جيم بس حاسه نفسي هكسل و مش هكمل طبعا محدش مهتم يعني بس بحاول اكتر من الحروف 😂 ليا زمان مشفتش حد منزل ڤويس فينكم يا جماعه عاوزين نسمع صوتكم 😾

محتاج نشاطات او شغل اون لاين 15 يوم بس لاني في الجيش وبروح 15 وبنزل 15 يوم والاجازه ممله مبين قهوه وبيت وافلام ومسلسلات وانا مش عادتي الخمول دا انا نشيت يا ريت اقترحات وحجات فعاله علشان كدا الواحد هيزهق من الاجازه مش من الجيش 😂

انا لعيش لوحدي بحكم الشغل و الدراسة ف منطقة غير بلدتنا و كتير بكره العيش لحالي بكره كتير لدرجة ما عم بقدر اطبخ او ادرس او اعمل اي اشي بس الهاتف و خلص وقتي و حياتي عم بيضيعو جربت نصايح ما فاد شي لما ارجع من الدوام البيت ف ظلمة موحشة و صمت رهييب يخليني اكره جدا و اتماطل و نفسي ضيق و بدي ابكي و يجيني ملل و خمول

ازاي اقنع نفسي اسيب التليفون و انغمس في الواقع بس الواقع اللي بيثير اهتمامي مش الواقع اللي بيتعبني و يخليني امسك التليفون تتني عشان اخفف عن نفسي ، بس حتي لو سبت التليفون هعمل اي احيانا بكون عايز اكتب بالقلم بس مش عارف اكتب اي مش بحب اكتب انا عملت اي النهارده و او افضفض بالكتابه دي مش حاجه بحبها و ممكن اتعب منها و كنت برسم حلو بس في فتره كل اللي حوليا عيزيني ارسمهم و تعبت و سبت الرسم و كل ما ارجعله القيه ممل و مش حاجه بقت تعجبني ، و مش الكوره برضو بقت ممله و كلها خناق مع كل شخص و حاليا محدش بقي بيلعب كوره اساسا من صحابي كلهم ، بفكر اتمرن بس التسويف مش مخليني عامل حاجه كل شويه اقول لنفسي تعبان و اتمرن بكره و بكره اقول نفس الكلام و مش بعرف برضو ، مبقتش عارف اعمل اي كل حاجه بقت ممله حتي التليفون مليش نفس افتحه كل اللي بفكر فيه اني انام و حتي النوم مش بعرف انامه كويس .

حد زهقان نلعB صرAحه من أجمل الأعياد اللي بنستنى فيها الربيع، بنخرج ونستمتع بالجو ونقضي وقت حلو مع العيلة والأصحاب. يوم بسيط بس مليان فرحة، وأكل مميز زي الفسيخ والرنجة والبيض الملون 🌸 كل كام وانتم بخير

بتعملوا ايه يا جماعة لما بتحسوا بالوحدة والملل والزهق واد ايه انتوا حاسين انكم لوحدكم وان مفيش حد معاكم ولا حاسس بيكم في نص الليل وكل اتنين مع بعض وانت قاعد لوحدك انا عايز حل للمشكلة دي انا عايز ونس

الملل والوحدة اخوات.. حاجة كدا متمناهاش لألد أعدائي.. الواحد محتاج ونس.. حد لطيف يحكي معاه يفتح معاه حوار حتى لو حوار هايف وتافه.. يضحكوا سوا يهيسوا.. يتكلموا في كل حاجة وأي حاجة بدون زهق ولا قيود.. يغيروا مود الملل والروتين والتكتيفة اللي الواقع فرضها علينا فرض..

انا متجوزة من ٣ سنين لسه معنديش اطفال عندى ٢٧ سنة وحاسة ان حياتى فاضية جدا حتى علاقتى بجوزى بقيت بحس بملل من ناحيته وناحيتى عايزة اشتغل او اعمل اى حاجة تغير حياتى ف حاجة كمان انا كل ماابدا فى حاجة مش بعرف اكملها يعنى مثلا نزلت دار لحفظ القرآن وكنت مبسوطة جدا وبدات احفظ فجاة مش قادرة اروح ودايما فى كسل رهيب حتى الصلاة للاسف ساعات مش بصليها

بتتعاملو ازاي مع الملل بجد عاوزه اي نشاطات اعملها بس تكون ممتعه انا بحب القراءه جدا بس معنديش شغف اقرأ مش عارفة لي بجد عاوزه اي حاجه ترجعلي الشغف اي حاجه تكون ممتعه واقدر استفاد بيها عموما

حاسس بملل فى حياتى ومافيش جديد مع العلم بروح شغلى وحياتى ماشيه بس ديما بحس بملل ومش لاقى شى جديد فى حياتى حاسس ان كل حاجه عملتهل ومافيش لذه لاى شى جديد تانى حاولت اجدد فى حاجات كتير وروتين حياتى بس بردو ديما بحس بملل

أنا اشعر بالوحده الشديده ولدي العديد من المشاكل في تكوين الأصدقاء والكثير من المحاولات الفاشله وبدات اشعر بممل في حياتي وحاولت تغيير روتيني ولم يتغير شيئ وهذا الموضوع مأثر فيا نفسيا

بتقضوا وقت فراغكوا ف اي يا جماعة من بعد التخرج و انا زهقانة جدا بقالي اهو ٤ سنين و مش عارفه اعمل حاجه تفضل معايا ع طول بنزل شغل بس بقعد كام شهر واسيبه و زهقت من الدايرة المغلقة ديه ومفيش اي جديد ف حياتي اعمل ايه يدوم معايا و ميسيبنيش لفراغي ولا لدماغي 😅🥲

شباب انا ولد بس هو انا مش بعرف اعمل مصالح البيت من ترتيب او عسيل او زي كدا يعني غير لما ابقا مشغل حاجه علي اللاب بصوت عالي قرأن مثلا او اناشيد حماسيه او ما شابه بحس بنشاط كدا وبخلص كل المصالح لاني قاعد وحدي وبكسل اقوم اعمل المصالح دي بحس بملل هل دا طبيعي هل في حد زي كدا وبتشغلو اي وانتو بتعملو المصالح

هاي حابه اتكلم شويه اولا انا حياتي عاديه او تحت العاديه يعني ممله جداا مش عارفه اكسر الملل دا ازي يعني انا يومي ان انا بصحي افطر و اتفرج علي الفون لحد ما انام تاني ممكن في النص اروح اجيب حاجات من السوبر ماركت مثلا حاسه ان انا ادمنت الموبيل و مش هعرف ابعد عنه قولولي اعمل ايه!

ليه لما نخش علاقة او نتعلم حاجة جديدة بنمل بسرعة ونزهق ؟ انا بشوف إن فيه علاقة بين الزهق والإتصال "Connection” فى زمن التكنولوجيا وعصر الـAi وإدمان الReels مبقيناش نكمل الحاجة للاخر (دايمًا بنميل اننا نتحرك من مكان لمكان/ من علاقة لعلاقة/ من تطبيق للتانى بدون تفكير او وعى) حتى لو اتفرجنا على فيلم بنزهق فى نصه ولو قرينا كتاب او رواية مش بنقدر نوصل لآخر صفحة.. ولو اتعلمنا مهارة جديدة فى سوق العمل قليل اوى لما تلاقى نفسك منغمس فيها "مبقيناش نهتم بالمشاعر" حد عنده رأى/وجهة نظر ؟

El wehda haga wehsha awy ya gma3a nefsy akhrog menha ashan bahes b el malal menha had ye2oly 3ala tare2a aksar beha el wehda de w el malal da ashan zhe2t meno awy w mesh tay2o khalas tany

بتعملوا ايه ف ملل اخر الليل لو معندكمش حد تتكلموا معاه بالمناسبة بجيب حاجات حلوة وبتفرج ع مسلسل وبعممل قهوة وبعمل كل الحاجات اللي بحبها وعندي مذاكرة كتير متراكمة ومع ذلك زهقاانة جدا ومش عايزة اعمل اي حاجة اندم عليها بعدين فـ اشتت دماغي ازاي وف نفس الوقت اكوم مبسوطة بالوقت ده

وحده وملل وفقدان شغف الواحد نفسو يلاقي حد يسمعو حد يفهمو ميستغلهوش او يفرض عليه حاجه لما يتكلمو اكثر يقينا بنهرب وره شاشات وحتي وراها مازلنا خايفين من اسرارنا او مشاكلنا مش عارف لي تكون عاوز الناس تتكلم تاخد احلي مهاجمه وكلام ملهوش اي داعي تسكت يقولو عليك مش متقبل حد ومش فاهم حد 1053121502

الواحد زهق من الاب من بعد التحديث ومش لاقي حد يتكلم معاه دا غير اني كنت بتكلم مع حد هنا قبل م الاب يتحدث ف مفيش اب تاني نتكلم عليه ولا نعمل اي طيب ف الملل والوحده دي 😔

وحده وملل وفقدان شغف الواحد نفسو يلاقي حد يسمعو حد يفهمو ميستغلهوش او يفرض عليه حاجه لما يتكلمو اكتر بقينا بنهرب وره شاشات وحتي وراها مازلنا خايفين من اسرارنا او مشاكلنا مش عارف لي تكون عاوز الناس تتكلم تاخد احلي مهاجمه وكلام ملهوش اي داعي تسكت يقولو عليك مش متقبل حد ومش فاهم حد 1053121502

اخواتي عاملين اي انا حاليا في الجيش وبروح 15 يوم وبنزل 15 يوم وانا مش متعود علي القاعده ومبطقهاش وبسبب الجيش طبعا سبت شغلي وسبت كل حاجه لحد مخلص بس ال 15 يوم الاجازه دول مملين اوي ممكن اقترحات بقا عن نشاطات كورسات اون لاين شغل اون لاين اي حاجه اعملها في ال 15 يوم وللعلم انا بعرف اخش الجيش بتلفوني بس طبعا مش هبقا فاضي طول اليوم زي الاجازه ساعدونا علشان الملل هيموتني انا عملت كل حاجه وزهقت عايز اجدد مبطقي الهدوء دا انا نشيط وشكرا مقدما

احساس التعب والملل والوحده والفشل ساعات بيدمر الشخص بطريقة غريية وفاجاة يتفتح ليك طريق ينسيك كل حاجه سبحان الله ساعات بياخد وقت طويل وساعات قليل بس من اسوءالمشاكل الشوفتها مشاكل الاهل انا لو مش هروح لاهلي هروح لمين وطبعا مشاكل العلاقات وتحس ان الدنيا وقفت ع الشخص دا بس حقيقي العلاقات مع الوقت هتلاقي الافضل حقيقي وهتقول كنن اعرف شبشب 😅 اما الاهل ف دا حله الوحيد الجواز بشريك محترم يعوضني عنهم

المفروض الواحد يعمل ايه لما يكون مخنوق من كل حاجة ومفيش اى مكان جديد اقدر اروحه ومفيش حد انزل معاه حاسس بخنقة اوى من كل حاجة حرفيا ومش عايز اعمل اى حاجة