نقد

ده أول بوست هشاركه هنا، والسبب اني عايزة أكون فعلاً حرة، حرة أقول اللي انا عايزاه من غير نقد وحتى لو فيه نقد اقدر ارد عليه، جماعة بجد دي حاجة اي حد بيبقى محتاجها، قيود كتير حتى مخلياك مش قادر تنصح حد في حياتك الواقعية، كنصيحة، انت مش قادر تتكلم ولا ترد علشان ماتفسدش صورة الناس رسمتهالك في مخيلتك، ولا حتى قادر تعمل حاجات كتير هتبقى وش مامتك وباباك مش انت لوحدك اللي هتبقى متحمل مسئولية الفعل ده، احتياجي للحرية بيزيد يوم بعد يوم، طالما مابأذيش حد مايتاهلش الأذية ولا بكلمة ولا بفعل🎀

مش عارف بس اعتقد أنه عدم تقبل العتاب أو النقد في حاجات معينه اصل انا بحكيلك عن موقف مضايقني ف لما تفضل تقطع فيا اكتر انت كدا مش بتصلح حاجه ف بطلت احكي لأن الأغلب كدا أو ع الأقل بحكي لكل واحد اللي هو حابب يسمعه أو بشيل النقطه اللي هيعاتبني فيها

طيب انا لسه فاتح الابلكيشن يعتبر مكملتش كام ساعه.. في عينه قابلتها هنا بجد مش طبيعيين.. الابلكيشن دا To solve problems مش عشان كل واحد يدخل يلوم اللي عامل بوست او اللي بيحكي حاجه او او او.. نفسي تقتنعو ان اغلبنا هنا عشان يفضفض ويتكلم منغير ما يتحكم عليه من المجتمع حواليه.. احنا مش سايبين الدنيا كلها وداخلين هنا عشان يجيلنا كومنتس كلها عباره عن (عشان دا حرام، مانتو اللي بتعملوه حرام، الموضوع حرام ف حرام) اوكي لو شايفين كل حاجة حرام تقدرو تمسحو الابلكيشن وتسيبوه للناس اللي فعلا داخله تتكلم وبتدور ع مساعده وتساعد غيرها... Leave the application to us for listening, not for judging.

حاسس دلوقتى فى الفتره دى مش عارف انا ايه بالظبط يعنى انا من ساعة مخلصت ثانوى ودخلت كليه حاسس حياتى اتغيرت مثلا مذاكره مبقتش عارف اقعد اذاكر ساعه على بعضها على عكس زمان كنت بقعد ممكن ٥ ساعات متواصل فى القعده من غير محس طريقة تفكيرى فى الحياه عموما اتغيرت حاجات زمان كنت شايفها غلط وببص للى بيعملوها نظره مش كويسه دلوقتى شايفها حاجات عاديه وحاسس انى بقيت زيهم برضو بتقفل من صحابى بسرعه لو هزروا معايا بطريقه مش قابلها وبحس صعب ارجع اكلمهم تانى اكن محصلش حاجه اوقات بحس نفسى فيا حاجه غلط او انى اقل من اللى حوليا فى حاجه والشعور ده بيجيلى اوقات كتير مع انى بحب نفسى وعارف قيمة نفسى بس اما حد بينتقد فيا حاجه سؤاء كانت فيا او لا بطريقه فيها تريقه او حتى هزار بتلمس جوايا اوى وبتجرحنى بشكل مش طبيعى وبتشككنى فى نفسى بالغصب بس كده