هموم

ساعات الواحد من كتر اللي بيفكر فيه واللي شايل همه بيفصل .. حرفيا بيفصل كأنه بيتفرج على حياته من برة مش أنا ده ..الحاجات اللي بتحصل واللي جاية بتشوفها من بعيد كدة كأنها بتحصل لحد تاني بتشوف الأيام والناس بتعدي وانت واقف تتفرج مش فارقة معاك عامة دي فعلا بتبقى حركة دفاعية من المخ عشان يهدى شوية فتمام يعني مش متضايقة

المشاعر لا تناقش من هذا الباب الي عنده مشاعر او اي طاقة مش عارف يطلعها ممكن نتكلن ونعبر عن مشاعرنا هنا نحكي الموقف الي هو عب ثقيل علي روحك متشلش هم كله هيروح ممكن لو خايف نزل هنا بوست الكل بيفيد وبيحل والله ليا مده هنا مشفتش حد بيجرح فيك ولا يقلل من مشاعرك وانا هنا اسمع

الشعور بالخذلان من حاجه، ومعرفتك انه مجرد إنك تقول لحد دا مش هيخلي الحوار نفسه يتغير وكأنه محصلش، ومش دائما هتلاقي رد الفعل اللي مستنيها حتى... فدا يحسسك انه مجرد انك تحكي دا مش هيشيل عنك الهم حتى بالعكس دا ممكن يزوده، فادائما بفضل اني احتفظ بمشاكلي ومشاعري السلبية لنفسي...

أنا ما بقيتش نفس الشخص بتاع زمان، ولا نفس الشخص اللي كان من سنتين تلاته ولا حتى نفس الشخص اللي من أسبوع حتى .. الواحد بيتغير بطريقة سريعة وغريبة جدا .. المواقف بتغير الهموم بتغير الوجع بيغير فعشان كدا مستحيل تلاقي شخص لسه زي ما هو بنفس روحه بتاعت زمان .. حرفيا الحياة خدت مننا أجمل ما فينا وبقينا عايشين بشوية بقايا.

أنا ما بقيتش نفس الشخص بتاع زمان، ولا نفس الشخص اللي كان من سنتين تلاته ولا حتى نفس الشخص اللي من أسبوع حتى .. الواحد بيتغير بطريقة سريعة وغريبة جدًا .. المواقف بتغير، الهموم بتغير، الوجع بيغير، فعشان كدا مُستحيل تلاقي شخص لسه زي ما هو بنفس روحه بتاعت زمان .. حرفيًا الحياة خدت مننا أجمل ما فينا وبقينا عايشين بشوية بقايا.

نفسي اعمل لنفسي ورد اذكار اقوله من كتر همومؤ مش لاقيالها حل نفسي لما افتكر الهم اذكر ربنا يمكن ذكر الله يهون عليا الالم بس مش عارفه اعملها ازاي واقسمها ازاي لان بشتغل وببقي ملهيه وكمان بنسي

انا عايشة ف عيلة مشيلاني مسؤولياتهم هما كل شوية الملم ورا حد مسؤولياته اللى رماها و جري حرفيا و يوم ما اقول عاوزة اشيل مسؤولية نفسي يتقالى لالالا ماتقدريش ماتعرفيش مش قد مسؤوليات كذا ماعرفش ايه كبير عليكي و صعب 🫩 طيب و بعدين يعني و من حيث مسؤولياتكم طيب اللى ماشية الملمها و اشيلها دي ايه طيب ؟! اما بشيل الهم مع عيال دي و حاجات دي و مشاوير لامي و بيت و اتنين و تلاتة بساعد فيهم من كله حرفياً و ف الآخر لالالالالا انتي شكلك صغيرة..، لالالالا مابتعرفش تتحمل مالهاش خلق بالها بتتعصب بسرعة ده انتوا اصلا حملكم مافيش اصعب منه مابعرفش اتحمل ايه اكتر بالظبط ده انا شايلة الهم اقسم بالله و حاسة اني عجزت بسببهم حاسة اني بجد جوايا عجزت و مش قادرة لاى حاجة لنفسي مش عارفة افكر ليا انا مش عارفة اكون انا مش عارفة اعمل حاجة تبقى ليا انا .. و اصلا لا فيه شغل عدل ولا فيه علاقات كويسة و التعليق ف الاخر منهم انتي اللى مش بتاعة شغل انتي اللى مش حمل زفت حاجة خرا بجد و ياريت ماحدش يعلق بكلام مستفز عشان ماغلطش ف حد و انا اصلا بفرغ طاقة بدل ما اقوم اولع ف نفسي ف اللى مش عاجبه كلامي كأنه ماقرأوش و خلاص 😬

افتكرت حاجة وانا قاعدة بعيط جامد وحاسة انى مش كويسة خالص لدرجة حاسة بتعب جسدى حقيقى ومش بعرف انام المهم سمعت قرآن بعد انقطاع طويل وحطيت السماعات فى ودانى وبعدين افتكرت حاجه عشوائية افتكرت فى الافراح لما العريس والعروسة أول مرة بيحضنوا بعض بعد كتب الكتاب وكده تقريبا الحوار جه فى بالى لانى اغلب الوقت لوحدى ودايما بنعزل واعيط لوحدى (محدش يسأل اى علاقته) ف .. افتكرت مرة لما كنا فى فرح وشوفت المشهد ده لأول مرة وكانت جدتى جنبى كانت بتبص عليهم وفجأة قالت والوقتى يحضنوا بعض كانت بتوصف المشهد عادى بإبتسامة دافية خفيفة لما بصتلها حسيتها كأنها بتفتكر ذكريات وعينيها بتلمع وافتكرت جدى الله يرحمه لما افتكرت الموقف ده الوقتى حسيت أنه ياااه هل هى كانت متخيلة انه كل ده هيعدى كل حاجة خلاص بتعدى عادى كلها ذكريات وده خلانى استشعر اكتر إن كل مرة تشيل فى قلبك هموم الدنيا حزنك يزيد اه الموضوع صعب لكن هيجى يوم وتستغرب إنه يااه بقينا فى آخر المحطة عشان كده حاولوا تاخدوا حاجات كتير ببساطة وهونوا على نفسكم . الحزن جزء من الحياة بس متخليش الهم ينهش روحكم ودى نصيحة لنفسى بجد قبل ما اكتبها واتمنى اقدر اعملها ( بالمناسبة السور اللى سمعتها عشان لو حد حابب يسمع .. طه بصوت شريف مصطفى .. سورة مريم .. وسمعت المنشاوى فيديو بعنوان "وآتاكم من كل ما سألتموه" )

ان محدش بيسمع الكل اتعود انك بتسمعهم الانسان اللي معندهوش هموم ولا حياه ولا مشاعر هو بس موجود عشان يسمعك ويخاف مشاعرك ويهتم ويرمي الكرامه الارض عشان خاطرك طاب وانا معنديش كل اللي عندك؟

عايزة اعيط بطريقة مش طبيعية حاسة كمية هموم و وجع في قلبي حتي الشغل اللي بشغل نفسي بيه علشان ما افكرش بقي هو سبب في عياطي و زعلي دلوقتي مش قادره حتي اعمل حاجة قاعدة سرحانة و مش قادره ابص حتي قلبي واجعني حاسة اني حاسة اني غبية بس ديه اول مرة اشتغل و حاجة مش بفهم فيها ولا من اهتماماتي حتي ولا ليها علاقة بمجال شغلي انا تعبت والله من كتير ما بتنقل بس انا والله بعرف عادي و بشتغل عادي مش غبية يعني

الوحدة بجد شئ مميت مش هيعرفه غير اللي جربه بجد بمعنى انك تعيش لوحدك تماما في البيت .. مايبقاش فيه غير صوت نفسك انت بس انك ترجع تلاقي البيت مضلم وتاكل وتقوم وتنام لوحدك مفيش حد تشاركه تفاصيل يومك حد يلاحظ ارهاقك أو حتى فرحك مفيش الفضفضة ووقفة المطبخ مفيش اخد رأيك في لبسي قبل ما انزل مفيش حد يقلق عليك لما تتأخر حد تترمي في حضنه وتنزل من على كتافك هموم الدنيا عارفة ان فيه ناس وحيدة وسط أسرتها .. بس اللي بتكلم فيه مستوى تاني بجد ساعات كتير بحس اني ممكن اموت لوحدي ومرات كتير تعبت ودوخت ووقعت وكنت لوحدي ومش عارفة حتى اجيب كوباية مياه لنفسي وبعد ده كله الناس ساعات تقولك انتي اللي عملتي في نفسك كدة سواء بالتلميح أو صراحة.. بس هو والله قدر ونصيب مكتوب وربنا يصبرني عليه ويصبر أي حد عايشه

من كتر ما اتسبت لوحدي مبقتش عارف انا حاسس بايه ولا بقيت اعرف احكي ولا اتكلم كان نفسي زمان الاقي حد يسمعني بس او احكي لاي حد بس اتسبت الموضوع دا مخليني مش عارف انا حاسس بايه او اي هموم تاني بتجي كانها مجتش كان قلبي مبقاش موجود

ي جماعه انا جايه أقولكوا ان كل حاجه بتحلل الحمدلله من عند ربنا و كله بيعدى و متبطلوش تدعوا و ربنا يناولكوا كل الى بتتمنوه فى موضوع كان شاغل بالي جدا و حاسه انى مستحيل مطلعش ب خساير كتيره يعنى كنت حاسه انى ملهاش حل بس الحمدلله ربنا حلها من عنده و رغم كل حاجه بجد حاسه ان فى جبل اتشال من عليا الحمدلله بجد🤍

سهرانين ليه طيب حد بيكلمكو عمالين تتخنقو فلمود انتو بطلعو النجتف انرجي علي بعض ليه طيب يا شباب احنا كلنا عندنا مشاكل هموم طيب انا مخوق اجي اتخنق معاكو بجد خلونا نساعد بعض عارف انو كلام بس فحيتكو مش طيبين خليكو هنا حلوين بجد واسف لو حد اضيق مني

جدااا خاصة في مشاكل الآخرين الواحد مخي بيدي نصايح و بيكون بيحتوي اللى قدامه ولا كأنه لايف كوتش بقاله ٢٠ سنة مثلا 😂 ييجي يبص بقا ع حياته الشخصية يلاقيها يا ساتر يارب بشعة 😂💔 مش عارفه المشكلة فين بالظبط ممكن عشان اتعودنا نشيل هم غيرنا بس همومنا لازم تكون مهملة لازم نساعد غيرنا بس ماحدش يساعدنا

منذ ان اخذت الباكالوريا و انا احس نفسي ضاءع خاءف من المستقبل و احس نفسي وحيدا داءما خصوصا بعدم وجود سند قوي من جهتي (ابي رحمه الله) و انا متردد بين أن اكمل الدراسة التي تتطلب وقت و سنين ام. اخرج للعمل المبكر لمساعدة العائلة. احس نفسي اني حامل هموم و مسؤوليات شاب 20 سنة لا يحملها أبدا