واقع

جماعه انا بعاني من العيش ف خيالي.. انا عندي حياه وصحاب وعيله وبنزل وكل ده عادي بس دايما بفضل اني اقرأ روايات واتخيل حجات ممكن تحصل وممكن متحصلش وممكن تكون مستحيل تحصل واقعد اعمل ف سيناريوهات!! لدرجة انه وصل بيا الحال اني كتبت اكتر من 20 روايه وكل واحده مختلفه عن التانيه تماما الموضوع وصل لمرحلة اني مبقتش عارفه انجز اي حاجه ف يومي حتى الصلاه مبقتش منتظمه فيها زي زمان ودي حاجه انا بكرها ف بالله لو حد مر بالنوع ده من الادمان ولقى الحل العملي بجد يريت تفيدوني ولو ممرش بيها وعنده حل يريت ميسكتش ويقول يمكن هو شايف حاجه انا مش شيفاها لأن دماغي بقى كلها تشتت ومبقتش عارفه اتأقلم مع الواقع..!

• كـاين واحد المقولة تقووول : ( We suffer in our imagination more than in reality ) معنى تاعها هو رانا نعانو في خيالنا ٱكثر من لي رانا نعانو فييه فالصح عقلك بسبة الـ Overthinking قادر يخلقلك مشااكل و ستراس ٱكبببر من لي كاين في الواقع من كثرة التخمام في لي صرا و في لي رايح يصرَا و كفه و وقتاش و وين.. • يخليك دِير حساب لٱي عفسة شحال من خطرة و بشحال من جاست، و يخليك تتخيل صوالح صعييبة مصراتش مامبا.. و سييفري كاين ميينداك صح ٱوقات طيح علينا يكون فيها تخمامنا مع عقل تاعنا يكون ٱصعب من الواقع

من وانا صغير كنت بسمع ان لازم تجتهد عشان تنجح في شغلك وفي حياتك شفتها حتي في الافلام والمسلسلات كدا لكن الواقع طلع مختلف تماما لقيت المجتهد بيطحن ومبيوصلش لحاجة مبيبقاش مرتاح واللي بينجح ومرتاح اللي واخدنها بالدراع والفهلوة ومبيشفوش شغلهم بما يرضي الله ليه الواقع كدا وليه الدنيا مبتمشيش مع الناس اللي عايزة تنجح ؟!

احنا محتاجين نكون موجودين هنا مع بعض نساعد بعض نحل مشاكلنا سوا مش عاوزين ندوس ع بعض ولا نتريق ع بعض ولا نقلل من المشاكل الآخرين ولا مشاكلنا ولا مشاكل اي حد احنا فعلا محتاجين نكون جمب بعض لان كل الناس اللي هنا عندهم مشاكلهم بيهربوا من الواقع هنا ع امل يلاقوا حد يفهم ويكون قادر سساعدهم

جماعة كنت ف مكان ما المهم لقيت جنية واقع ع الأرض ف روحت للمسئولة عن المكان سئلتها انتي المسئولة هنا قالتلي اه ف قولتلها لقيت الجنية ده واقع جوا قالت تمام ف مشيت اكمل اللي كنت بعمله المهم لقيتها بعتها بتبصلي وهي مكشرة و رايحة جاية تراقبني ف مالها ديه بقي ؟؟! 🙄🙄🙄

ازاي اقنع نفسي اسيب التليفون و انغمس في الواقع بس الواقع اللي بيثير اهتمامي مش الواقع اللي بيتعبني و يخليني امسك التليفون تتني عشان اخفف عن نفسي ، بس حتي لو سبت التليفون هعمل اي احيانا بكون عايز اكتب بالقلم بس مش عارف اكتب اي مش بحب اكتب انا عملت اي النهارده و او افضفض بالكتابه دي مش حاجه بحبها و ممكن اتعب منها و كنت برسم حلو بس في فتره كل اللي حوليا عيزيني ارسمهم و تعبت و سبت الرسم و كل ما ارجعله القيه ممل و مش حاجه بقت تعجبني ، و مش الكوره برضو بقت ممله و كلها خناق مع كل شخص و حاليا محدش بقي بيلعب كوره اساسا من صحابي كلهم ، بفكر اتمرن بس التسويف مش مخليني عامل حاجه كل شويه اقول لنفسي تعبان و اتمرن بكره و بكره اقول نفس الكلام و مش بعرف برضو ، مبقتش عارف اعمل اي كل حاجه بقت ممله حتي التليفون مليش نفس افتحه كل اللي بفكر فيه اني انام و حتي النوم مش بعرف انامه كويس .

انا بحلم احلام مش منطقيه خالص بناس موجدين في حياتي بشكل يومي المشكله ان الناس دي في الحلام بتكون بطريقه مش هقدر افسرها انتو اكيد فاهمين مع اني في الحقيقه مش بفكر في الناس دي كده اصلا ولا في بالي الكلام ده الغريب اني بكون مستمتع بالحلم ده وبقوم مبسوط

الملل والوحدة اخوات.. حاجة كدا متمناهاش لألد أعدائي.. الواحد محتاج ونس.. حد لطيف يحكي معاه يفتح معاه حوار حتى لو حوار هايف وتافه.. يضحكوا سوا يهيسوا.. يتكلموا في كل حاجة وأي حاجة بدون زهق ولا قيود.. يغيروا مود الملل والروتين والتكتيفة اللي الواقع فرضها علينا فرض..

شو منشان الناس الي بتحكم عالعالم مو فكرة التطبيق أنك تحكي وماتخاف من احكام الناس ؟ ياخي انقرضو ماخلصنا منكم عالواقع نلاقيكم حتى هون ؟ فكيو نزلت بوست لقيت حيوان عامللي تلخيص لكل البوستات الي نزلتها من قبل و عليه نرفزني خرا بشكله

ازاي اقدر اتقبل الكليه اللي انا فيها دلوقتي لانها مكانتش اختياري و لا علي بالي ابدا انا دفعه السنه اللي فاتت ثانوي عام ادبي جبت 85.5% و فكرت ان هو ممكن هل اقتصاد و علوم سياسيه اللي حرفيا كنت بذاكر عشانها طول السنه لان السنه اللي قبلها كانت اخده حد ادني نفس مجموعي و قولت لو ملحقاتهاش هدخل السن و عادي هحاول اتاقلم لقيت التنسيقات ظهرت و حرفيا خسفو ب ادبي الارض و لقيت ان اقتصاد اخده من 92 و السن اخده من 87 يعني واقفه معايا علي 2% و لقيت نفس بعد ما كنت كاتبه الرغبات اقتصاد السن اعلام تربيه و كنت كاتبه تربيه كماله عدد عشان املي الرغبات بس لقيتها هي اللي جاتلي من كتر الزعل و القهر علي مذاكرتي طول السنه و ف الاخر ادخل تربية مفكرتش و دخلتها فعلا و كملت معايا ب اني قولت خلاص هدخل قسم تاريخ القسم وقف معايا علي نص درجه و عملت تحويل و اترفض و فضلت ف قسم عربي اصعب قسم ف تربية و الترم الاول شيت ماده و حسيت اني بجد ضايعه و مش هقدر لا بالرغم من ان قسم عربي كله شايل بالسبع و التمن مواد لان قسمي بيدرس ٢٣ ماده و مش هقدر ابدا يجماعه اني احول لكليه تانيه خالص لسببين الاول هو الفلوس لان حرفيا مقدرش اطلب جنيه واحد من بابا حاليا لاني حرفيا انا شايفه ظروف العيشه اللي احنا ليها و التحويل بيعوز فلوس قد كده حرفيا و بابا مش هيقدر عليها غير كده اختي الأكبر مني داخله كليه خاصه و بابا بيدفع كل سنه كتير اوي اوي عليه الله يعينه يارب و تاني سبب ان مش عايزة انزل سنه تاني لان لو حولت هرجع اولي من اول و جديد ف اتقبل تربية ازاي و القسم ازاي

معرفش ليه هكتب بالانجليزي بس حسيت عايزه اعبر كده .. I live what I want in reality only in my dreams. I miss my friends and need them by my side, so I dreamed they came to visit me, spent time together, we hugged each other, I really needed that..

اذا مشاعر الانسان هيا العائق له فالحياة هل يمكن يصل بمرحلة يتخلى عنها ويتحكم في غضبه وحزنه وانفعاله وسعادته ويصير الة بس عمل ونوم واكل هل يمكن انسان يصل للمثالية فالحياة من عمل واسرة وعائلة وعلاقات ومستوى علمي واكاديمي ومالي وثقافي ورياضي وفني وحرفي ونفسي هل اذا تعب راح ينجح او اذا نجح لي مجال لازم يفشل في اخر ويتقبل هذا الامر او يقعد يحاول حتى يموت او ما يحاول مالبداية ويتقبل الواقع

أنا مش صغير ف السن وأنا هنا من زمان اوي وعرفت ناس كتير طول الفتره دي وكانت حياتي أو معظم يومي تقريبا هنا لدرجة اني لما بشوف حد عايز اكلمه ف الشارع أو حصل موقف معين بستني لما اروح اشوفه منزله هنا لأني معتقد ان الناس كلها هنا بس ماشين في الشارع بشخصيات تانيه يعني باختصار كنت هنا ف العالم الحقيقي والي احنا عايشينه هو الي عالم افتراضي أنا مش حابه ومش حابب اتعامل فيه مع ناس مش حقيقيه ، بس من بعد ما كل حاجه اتغيرت والناس راحت ماهما في الاول وفي الاخر فواكه برضو 🤷 أنا مبقتش عارف اروح فين وارتاح

أنا بحس أن أنا أوقات كتير جدا عندي شخصيتين: شخصية طيبة وما بتحبش حد ياخد عندها عليها انطباع سيء، وفي نفس الوقت بحس أن أنا شخصية تانية يعني صعبة قوي لدرجة أنها مش فارق معها أي حد في الدنيا ومش فارق معها أي حد ياخد انطباع سيء عليها أو لأ. طز في الناس، طز في رأيهم، طز في أي حاجة في الدنيا كده كده الناس بتتكلم وانا مش محتاجه رأيهم في حاجه لانه مش هيأثر . بس بحس أن الشخصية الصعبة دي اوقات بتبقي أحسن ودي اللي ممكن تنطبق مع الواقع أو تعرف تتأقلم مع الدنيا ومع الواقع أكتر. وبحس الشخصية الطيبة دي أوقات كتير بتبقى هبلة أو بتبقى عفوية بزيادة لدرجة أن ممكن حد يفهمها غلط أنها مش بتعرف تفكر أو أنها بتتصرف بطفولة أو غباء. فا انتم إيه رأيكم وشايفين إيه؟

هل حد يقدر يساعدني ف اي حاجه اي حاجه المهم نشغل عقلنا ع اي حاجه بتحصل كاننا بنهرب من العالم دا لعالم تاني نفسي اعيش ف عالم إفتراضي بس يكون غريب في كل حاجة 😂😂😂لازم اجربه قبل ماه المهم نجؤب ولا اي

سؤال خارجه نطاق كم الهموم والمشاكل دى بجد حد هنا حاول يبدأ ونجح بمعنى الناس اللى بترسم وتقعد تتخيل كتير قبل النوم أنها بكره هتكون فى حته حلوه مثلا تتعلم لغه جديده تشتغل تغير نمط حياتها الممل هل فعلا بداتوا ولا كلنا محلك سر؟!

انا انسان غريب انا داخل البرنامج ده واى برنامج سوشيال علشان اهرب من ربنا انا مش بصلى ليا فترة ولا بقرا فى الكتاب المقدس ومن اول ما نزلت البرنامج ده احيانا بكدب علشان محتاج تفاعلات علشان احس نفسى انى مهم وانا فى الاساس ( الواقع ) مهم الحمد لله بس مش بحب الواقع اللى انا فيه وبحب حياة الموبايل انا عارف ان ده غلط ومش بحياة السوشيال هبقى كويس ولكن بعمل زى السجائر لما بتتشرب ده علشان الفرحة المؤقته انا حياتى كده فى السوشيال انا اتمنى من ربنا أنه ياخدنى أو يلمنى أنى اقعد معاه بس زى زمان. انا نفسى ابكى ونفسى ابقى كويس انا عارف ان الموبايل بالنسبة إلى وحش ولكن بستعمله علشان بهرب من وجه الله ( من الصلاة والكلام له ) انا مش هقدر ارد علشان معمول بأن بكرة هرد أن شاء الله

للاسف طبيعة الانسان البشرية السيئة بتظهر طول ما هو شخصه مش ظاهر علشان كدا تلاقى فى ناس هنا الواحد عمره ما تخيل انه يقابلهم فى حياته من مازوخيين لاصحاب تفكير شاذ وغيرهم كتير لدرجة ان الواحد بقا حاسس بالخوف انهم يكونوا حواليه فى الواقع وهو مش واخد باله

من الحاجات المهمه في حياتك انك ترتب علاقاتك ، تفلتر وتشوف كل الناس اللي في حياتك وتشوف قيمتك عند كل واحد في حياتك وانت اي بالنسباله وعند أنهي نقطه الشخص دا ممكن يتخلى عنك ، وتتعامل معاه علي الاساس دا، عشان متتصدمش في حد لان صدمة العشم مؤلمه جدا ، وأكيد طبعا لا ترفع سقف العشم حتي لا تصطدم بواقع الخذلان

كان عندي سؤال، لو عريس صالونات أتقدم لبنت و لما راح لقي يعني مستوي عيلة البنت اقل من مستواه، بيت مبني من حجر في منطقة شعبيه مستواهم المادي أقل...حاجه زي دي ممكن تأثر علي قراره؟ و بلاش الجو بتاع انا هتجوزها هي مش البيت ولا مستواها المادي. ننزل علي أرض الواقع هل حاجه زي دي ممكن تأثر علي اختيار الراجل للبنت؟

ادوني مواقف حصلت معاكم زي كدا.. ساعات الواحد وهو قاعد لوحده بتجي له أفكار ويتخيل ويحلم ويتمنى خاصة في الفلوس والمشاعر.. يتخيل انه دنجوان عصره أو تتخيل انها برنسيسة الزمن الجميل ومعاهم فلوس كتير وسفر بقى وفسح وتحقيق رغبات وقصة كبيرة جدااا بعدين لما نرجع للواقع بنتصدم اننا ع الكنبة ومعملناش اي حاجة في حياتنا..

عمري ما هخليهم. يبقو عايزين يهربو من الواقع زيي. هديلهم. الموبايلات. في سن كبير. هخليهم. يشوفو الدنيا. ويسافرو. وعمري. ماهقعد. اكرر عيوبهم والحاجات اللي بتضايقهم قدامهم كتير. وهتجوز واحد حنين يعرف يحتويهم. ويسمعهم. ويحسسهم بالامان والراحه. النفسيه. مش. هتجوز واحد كل شويه ينطوي. في اوضته. ويشيل مواقف. من عياله من كام سنه. ومينساش. وههتم. بتفاصيلهم. هسمعهم كويس. وهحاول اخلي. يبقي عندهم. صحاب كتير عشان ميحسوش بالوحده.

مشكلة الحب والعلاقات ولا تزال تلك المشكلة حتي النهاية ولكنها تطورت معي ظهور معضلة السوشيال ميديا فااصبح من السهل التعرف والارتباط او مايسمي (العلاقات الالكترونية) حب مزيف كل شخص يحاول اظهار الجانب الافضل به ليجذب الاخر وعندما يتم الجواز وهذا بنسبة 5 في المئة من العلاقات التي تتم او اقل فغالبا ما تنتهي العلاق. ببلوك او Blacklist وان تمت فتحدث هنا العقدة الشخص الذي كنت تراسله ليس هو الذي تعيش معه وتبدا تكتشف اشياء اخري كنت لاترها خلف الهاتف فتبدأ الصدمات. نصيحتي الواقع اجمل واضمن من المواقع والسلام ختام. منتظر رأيكم

انا بقيت اعالج اى مشكلة بالنزول القهوة مخنوق من الشغل انزل القهوة مخنوق من البيت انزل القهوة مخنوق من صحابي انزل القهوة بنزل القهوة كتير و لوحدي هل دة هروب من الواقع ولا بحاول امسح المشكلة واكبر دماغي عمري ما حاولت اتكلم مع حد علشان مشاكلى

أنا مش عارف اعمل اي بجد حياتي كانت مليانه ناس وشغل وعلاقات وحاجات حلوه وحاجات وحشة بس انا سيبت كل ده وبقيت هنا ف المكان ده اعرف ناس ونقرب من بعض ونتكلم من غير ما نعرف بعض علي الحقيقه وبيروحو ويجي غيرهم والدنيا مكمله زي ماهي بس فجأة كل حاجه اتغيرت ولا بقيت مرتاح هنا ولا عارف ارجع اعيش زي ماكنت ولسه مستني الناس الي خلوني أبعد عن الواقع لأن الحياة في الخيال احسن بكتير وطبعا مش مع أي حد