أسلوب

Jackfruit_64058 🇪🇬

منذ يومين

شعور مرتبك

انا دلوقتى كنت معجب بواحده بس سنى ميسمحش انى اتجوزها. ولسه قدامى مشوار عقبال ما اتجوزها. المهم صحبى كلمها و قالها على كل حاجه والبنت بدالتنى نفس المشاعر. واتكلمنا شويه وطلعنا منسجمين سوى. بس انا مكنتش عايز اكلمها باسلوب ده انا كنت عايز اخدها من الباب. دلوقتى مش عارف اسيبها ازاى بدون ما ازعلها او اك

Tomato_89561 🇪🇬 مفيش حاجة يصحبى اسمها هتكسر بخاطرها ولا الجو ده ، احنا متربين على دين ميسمحش بكده بكل صراحة كده و لاتختفى برضو ولا الجو ده هتقنعها انك مش هتعرف تاخد الخطوة دلوقتى والله يبنى الحلال تقبلت و تمام اعرف انها بنت حلال و كويسه و هتستناك متقبلتش ده فا اعرف انها مش حابه تستنى ولا الجو ده ساعتها تنسحب على طول و تعرف انك هتلاقى الاحسن وافتكر من ترك شيئا لله عوضه الله خيرا منه

عرض الكل 3 نصيحة

Biscuit_88943 🇪🇬

منذ 6 أيام

شعور غاضب

بدون كلام كتير..🤫 محدش هنا يستاهل النصيحة او المساعدة أيا كان مين هو ..لا ولد ولا بنت ..لا كبير ولا صغير ..من هنا ورايح هغير اسلوبي مع كل الناس علي الأبلكيشن بلاش قرف نارناؤانزااظيزاؤناؤناؤناؤناينلءناؤناءناؤنلؤلنؤنلينلينلؤنلؤنلينلؤنلؤنلؤلنلءنلءنيانايانؤماؤناي

Strawberry_86910 🇪🇬

منذ أسبوع واحد

شعور مزعوج

واخيرا خدت الجرأة وقولت لزميلتي اللي معايا ف الشغل اللي دايما معصباني ( انتي اسلوبك فظ وغير محتمل الصراحه مش متخیلین ارتحت قد اي اللهم صل وسلم علي سيدنا محمد اللهم صل وسلم بارك علي سيدنا محمد ... .... ... ....

Watermelon_69433 🇰🇼 كويس

عرض الكل 4 نصيحة

Avocado_67615 🇪🇬

منذ 3 أسابيع

شعور مرتبك

لو انا في مكان والي حواليا بحبهم بس كل اسلوبهم شتايم صعبة وكلام جرئ مش احسن حاجه وانا صراحة مبحبش الكلام دا وبضايق منه ولما حد بيعترض او بيضايق منهم بيقلبوا الدنيا ف اسيبهم ولا اكمل و لو شفت حاجه مضايقاني اطنش وماركزش وخلاص خصوصا ان بحبهم ملحوظة انا بنت

Carrot_28547 🇪🇬 وجودك معاهم هيوصلك مع الوقت انك تتساهلي مع الي بيقولوة او بيعملوة لانهم مش هيحسسوكي ان في حاجة غلط لو عملتي زيهم واحدة واحدة هتحوني زيهم وانتي مش حاسة انتي انهردا بتنصحيهم بكرا هتكوني بتعملي زيهم متقطعيش مرة واحدة لاكن واحدة واحدة قللي الكلام

عرض الكل 6 نصيحة

Chilli_57574 🇦🇪

منذ 3 أسابيع

شعور متعب

يا جماعة انا انسان كويس ومحترم وكل اللي يشوفني يقول عليا طيب بشتغل كل مادخل حاجة جديدة انسان تشوفني بالطريقة دي ويدوسوا عليا جدا والاسلوب بتاعهم يبقي زفت لغاية ما بطلع عن شعوري وببقي حد تاني فا من هنا يبدا الكرة ليا اعمل اية

Lemon_52708 🇪🇬

منذ شهر واحد

شعور آسف

النهارده كان يوم صعب… يوم حسّسني قد إيه الشغل ممكن يضغط على البني آدم ويكسره لو مفيش مساحة إنسانيته تتشال في الاعتبار. أنا معترف… آه، غلطت في شغلي. قصّرت في مهامّي. تأخرت في حاجات كان لازم تتعمل أسرع وأدق. ودي غلطات أنا مسؤول عنها، ومش ناوي أتهرّب منها ولا أدور على شماعة. الاعتراف مش مشكلة عندي… بال

عبّر عن شعورك بشكل مجهول

النهارده كان يوم صعب… يوم حسّسني قد إيه الشغل ممكن يضغط على البني آدم ويكسره لو مفيش مساحة إنسانيته تتشال في الاعتبار.
أنا معترف… آه، غلطت في شغلي. قصّرت في مهامّي. تأخرت في حاجات كان لازم تتعمل أسرع وأدق.
ودي غلطات أنا مسؤول عنها، ومش ناوي أتهرّب منها ولا أدور على شماعة.
الاعتراف مش مشكلة عندي… بالعكس.
أنا شايف إنه أول خطوة للإصلاح.

لكن… اللي حصل النهارده كان أكبر من “مناقشة شغل”.
الأسلوب كان قاسي… جارح… فيه إهانة مش لازم تحصل حتى لو أنا غلطان.
اتقال كلام صح، لكن اتقال بشكل غلط.
صوت عالي، لهجة حادة، إحساس إنك متحطوط في زاوية، وإن كل خطأ بيتحوّل لحُكم عليك كشخص… مش كموظف.
وده اعتراض واضح مني: الاحترام مش مكافأة، الاحترام حق.
ولا الغلط مهما كان حجمه يدي مبرر للإهانة.

وجعني كمان إن الناس اللي كنت فاكرهم سند… وقفوا يتفرجوا.
حد عمل وش خشب، حد طنّش، وحد كمل يومه عادي.
وده كشف لي إن مش كل الناس بتشوفك زي ما إنت شايفهم.
مش كل الناس بتحس بوجعك.
ولا كل الناس مستعدة تقول “كفاية… نهدّي الكلام”.

أنا اعترف بخطئي…
لكنني أرفض طريقة التقليل منّي.
ورافض أحمّل نفسي أكتر من طاقتي.
ورافض إن يوم واحد يخليني أشوف نفسي بشكل مش حقيقي.

أنا مش كامل… بس ليا قيمة.
وليا حق في الاحترام… حتى وأنا بغلط.
يا ريت اللي يرد عليا حد ناضج

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_78399 🇪🇬

منذ شهرين

شعور غاضب جدًا

انا دلوقتي على طول عندي مشكله اني ما بعرفش اعمل صحاب بسهوله ودلوقتي انا في كليه ومعظم الشعبه اللي معايا اسلوبهم مش حلو معايا يعني في اسلوبهم نوع من التناكه والزعيق وكلام من ده والغرور يعني هو ما حدش منهم قل ادبه عليا بطريقه مبالغ فيها او شتمني او كده بس كلامهم بيضايقني فانا مش عارفه اعمل لنفسي شخصيه

Pineapple_60236 🇪🇬

منذ شهرين

شعور متوتر

صباح الخير يا جماعة عايز أسمع رأيكم في حاجة دلوقتي أنا بشتغل في معرض آلات موسيقية لسه جديد، الافتتاح بعد يومين احنا 3 بنشتغل، ومعانا راجل رابع كبير في السن مسؤول عن النضافة والبوفيه.. بما إن لسه المكان بيتوضب ففيه حاجات ما خلصتش أوي، من ضمنهم المطبخ، جايبين أنبوبة وبوتاجاز صغير كدا.. المهم الحج

عبّر عن شعورك بشكل مجهول

صباح الخير يا جماعة
عايز أسمع رأيكم في حاجة

دلوقتي أنا بشتغل في معرض آلات موسيقية لسه جديد، الافتتاح بعد يومين

احنا 3 بنشتغل، ومعانا راجل رابع كبير في السن مسؤول عن النضافة والبوفيه..

بما إن لسه المكان بيتوضب ففيه حاجات ما خلصتش أوي، من ضمنهم المطبخ، جايبين أنبوبة وبوتاجاز صغير كدا..

المهم الحج صاحب المكان جه امبارح يشوف الحاجات اللي ناقصة دي نعملها سوا وكدا، فجه عند الأنبوبة ما عرفناش نركبها عشان ناقصها حاجات..

عم (سين) مسؤول البوفيه ما كانش شاف الحج قبل كدا غير امبارح أول مرة ولسه ما يعرفوش بعض، فقالي روح نادي عليه، رحتله قلتله الحاج عايزك فجه قال له طبعا انت بتعرف تركب الأنبوبة وكدا وبتاع، ليه ما ركبتهاش، فهو رد عليه بطريقة وحشة وقال له ليه أركبها يعني وانا مالي انت بتكلمني كدا ليه وبتاع..
وانا واقف ساكت، فالحاج اتعصب وزعق فيه وكان هيضربه أو بالفعل زقه يعني ومد ايده عليه، وانا قلتله خلاص يا عم (سين) دا الحاج وكدا..

المهم دلوقتي الحاج عايز يمشيه وانا مستحرم قطع العيش، وفي نفس الوقت انا مش المدير..

حتى الحاج قالي انت بتديله تعليمات؟ قلتله لا هو الراجل عارف شغله وانا هنا مش المدير، بس الحقيقة يعني أنا بتعامل على إني المدير، والحاج من أول يوم مديني وضعي وبيعاملني معاملة مختلفة، فانا دلوقتي مش عارف أتكلم مع الحاج وأقول له خلاص بلاش تمشيه ولا أسيبه يعمل اللي هو عايزه..
مع العلم إن عم (سين) دا أسلوبه وحش فعلا ومش شايف نفسه غلطان أصلا 🤷

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_61979 🇪🇬

منذ شهرين

شعور مكسور القلب

ازاى تتخطى كلام سلبي من امى اتقالي كتير وانا صغيره كانت بتلود عليا جامد وعيزانى احسن واحده بس بأسلوب وطريقه اجريسف اوى وكلام كتير مش عارفه أنساه خالص يمكن لما كبرت اتغيرت بسيط عن الاول وبحاول اصفي وانسي كلامها اللي سمعته بس مش قادره

Potato_31970 🇪🇬

منذ 3 أشهر

شعور خجول

السلام عليكم ورحمة الله وبركاته ردوا السلام يولاد المهم احنا بدأنا مدارس حابه اقول حاجه نصيحه والله ليس الا ياريت يبنات نحسن من اسلوبنا شويه ف اللبس والكلام في المدرسه ومع المدرسين احنا مثال للادب والحياء مينفعش بنوته تلاقيها ماشيه بتتكلم زيها زي الولاد ولا بتشتم زيها زي الولاد دي مش حاجه كو

Chocolate_52370 🇪🇬

منذ 3 أشهر

شعور وحيد

موضوع:

اهلك عملوا معاك ايه مش هتعمله مع عيالك؟

كل حاجه انا ممكن اكون انا اللي غيرت نفسي للاحسن شكل و النظفه الشخصيه و اسلوب هو اه مش احسن حاجه بس هما السبب مش عارفه ابقي احسن في اسلوبي انتقادات كتيره وبيقللوا مني بالذات قدام الناس اول مره نشوفهم لازم يتكلموا عليا وانا ببقى قاعده ساكته والناس شايفاني محترمه بس بيغيروا فكرتهم دي خالص والناس بتبدا

Sugar_49832 🇪🇬

منذ 5 أشهر

شعور متوتر

اسفة جدا على اللى هقوله دة بس يعنى ايه ام تقول لبنتها لو بتز*حفى على الارض بردو هتعملى اللى انا عايزاه دى كلمة تتقال من ام لبنتها وهل دة اسلوب تعامل من الام اصلا ايا كانت شايفة بنتها بتتدلع ينفع دة يكون اسلوب الحوار عارفين المشكلة فين انها شايفة انها بتضحى عشان تعمل حاجة انا مش عايزاها ومدايقان

Banana_49850 🇪🇬

منذ 6 أشهر

شعور متعب

عبّر عن شعورك بشكل مجهول

انا حبيت قريبتي من واحنا اطفال واحنا بنحب بعض لما كبيرنا هيا راحت في طريق وانا في طريق بس كنت لسه بحبها وهيا عارفه وكنت دايما اخرج معاها لو مخنوقه اجعلها اي حاجه تطلبها اروح اجيبها من الدروس ايام الدروس بتاعت الثانوي وهيا ال كانت بتطلب كل دا كنت فاكر بتطلب مني دا كلو عشان بتحبني في جيت اتقدمتلها رفضتني وقالت لا احنا اخوات الكلام دا من سنه طبعا انا زعلت وعاتبتها طب لي كنا بنخرج لي بنتكلم بالساعات لي في اي مشوار بتخديني انا والمهم الموضوع خلص وعملنا بلوكات لبعض وبعدنا وبعد فتره اتكلمنا واتعبنا والموضوع خلص جيت من اسبوع جالها عريس هيا في تانيه كليه هو لسه مخلص كليه ومعندوش شقه مش شغال لسه هيدخل الجيش ف انا لقيت انو ميستهلهاش وانا احسن منو في حاجات كتير كليه اعلي وشقتي خلصانه وشغال ومرتبي الحمدلله حلو جدا ف روحت لخالتي وتبقا خالتها واتكلمت معاها في الموضوع تاني وقالتلي انها قالتلها نفس الكلام وهيا اقتنعت وموافقه عليا والدنيا تمام جيت تاني يوم لقيتها بعتالي بتقولي احنا اخوات واقفل علي الموضوع دا بصراحه زعلت جدا وكلمت خالتي افهم ف اي قالتلي بصراحه هيا كانت خايفه من أسلوب ابوك عشان ابويا من الناس القديمه ال بتزعل دايما واخويا الكبير طالعلو ودايما بيشد مع مراتو في الكلام وبيزعقو بس يوم ما البنت وفقت عليا اخويا مسك مراتو ضاربها في هيا خافت ان يجي عليا يوم ابقا زيو مع انها عارفه ومتاكده قد اي انا بكره ان واحد يضرب مراتو واني بحبها وعمري ما اعمل حاجه زي دي بس هيا اتقفلت وبصراحه حقها مقدرش ألومها بس انا بردو قلبي وجعني اوي علشان خسرتها وخدتني بذنب ابويا واخويا حاجه انا مفروض عليها ومش هعرف اغيرهم لو عيب فيا كنت غيرتو وبصراحه انا عندي اخ بردو كل مابيتقدم لواحده بيرفضوه بسبب اخويا وابويا بس دي بتبقا ناس غريبه وحقهم لكن دي عارفاني وحفظااني لي تعمل كدا وتكسر قلبي انا بصراحه مستحملتش زعقت ابويا واخويا وحسيت ان هما السبب في ال بيحصلي وقررت اقعد في شقه لوحدي وعملت كدا فعلا وغيرت ارقامي وقفلت كل حاجه سوشيال ميديا وقبل ما اقفل بعتلها عاتبتها انها رفضتني علي سبب انا مليش ذنب فيه وقفلت كل حاجه هل انا صح ولا غلط واعمل اي عشان اعرف ااقرب منها ولا ابعد احسن مبقتش عارف حاجه ودماغي فيها ألف حاجه ياريت تنصحوني فعلا لاني محتاج النصيحه اوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_57808 🇪🇬

منذ 6 أشهر

شعور ضائع

انا واحد عنده ١٩ سنة وفي طب عندي اهتمامات زي الدزينينج و السايبر سكيورتي وبحب اسافر رحت السعودية وبحب الاكتشافات والحجات الحديدة اوي عندي اهتمام باللغات اتعلمت فرنساوي واسباني a1 والانجلش الحمدلله B2 بعرف اتكلم شوية ياباني بحب الاستايل وطريقة اللبس والألوان المناسبة مع بعض لو في واحدة زيي تبعتلي نست

Toast_56872 🇪🇬

منذ 6 أشهر

شعور مستنزف

Chocolate_57413 🇪🇬 يؤسفنى ان اقولك ان دى متنفعش تبقى صاحبتك ولا ده شخص ينفع تكملى معاه بغض النظر ان الصحوبيه حرام مش موضوعنا بس الصاحبه ال بجد وال بيحب بجد بيقدم النصيحه بحب واحترام من ناحيه هيخليكى تتغير عشانهم ومن ناحيه تانيه مش هتتقهرى زى ماحصلك نصحيه ابعدى عنهم وحاولى تتغير عشان نفسك♥

عرض الكل 25 نصيحة

عبّر عن شعورك بشكل مجهول

انا حكيت الموضوع دا وهحكيه تاني عشان محدش قال الرد اللي في دماغي لسه اتعرفت علي ولد كنت مسمياه وزه وهو كان غبي فاكر أن كده بدلعه يعني وكده 😂 كان أول ولد في حياتي عمري ما كلمت ولا تجرأت اني احط الفكره دي في دماغي هو مفهوش حاجه مميزه دا كان زفت علي عينه شبه رجله كده وشه شبه قفا استغفر الله العظيم يارب الرحمه اصل بردو اللي حصل مش قليل انا تناولت واتكلمت معاه عشان اشوف ايه الصحبيه دي المهم أن اسلوبي شويه صعب مع الغرب مش برتاح ليهم بسرعه بس بحكي اي حاجه ليهم بس بأذيهم بالكلام من غير مقصد المهم قالي انت محدش هيستحملك بأسلوبك دا ويا تغيري اسلوبك يا اما انا مش هفك البلوك اصله كان عملي بلوك واتس اتقهرت جامد اووي بقا انا استحملتك واتنازلت وقعدت اقول عيب دي خلقه ربنا عيب يا بت وانت فنشت ريشك عليا اهاااااا يا قلبي بجد المهم هو عمل كده ليه بقا كان بيرن عليا في الجامعه وانا مش برد عايز واحده ملزقه رومانسيه بقا وقلة ادب وانا رفضت دا حتي أخلاقه هو غير اخلاقي لذلك انا مقهوره من الموضوع دا قولولي اعمل ايه في الوزه دي + واحده صحبتي اووي قالتلي أن أسلوبي وحش وأنها كتر خيرها انها مستحملاني ومستحمل تعبي وان انا عارفه أن مفيش حد يرضي يصاحبني ف موضوع الأسلوب دا موترني هل انا كده فعلا ولا هي كانت في وقت عصبيه بتقول اي كلام اصل الكلام اتكرر علي وداني من ناحيتين انا والله ببقي كويسه أو مش كويسه احيانا بس مش عارفه موضوع اسلوبي دا بجد صعب عليا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_89205 🇪🇬

فخوره بيا أوووي! نزلت أول روايه و تالت كتاب ليا

حقيقي انا فخوره بيا اوووي النهارده نزلت اول روايه ليا و تالت كتاب اطبع و حاسه بفخر اني بقيت كاتبه بجد حاسه اني مبسوطه وانا متوثقه اني كاتبه ادبيه مصريه بجد كميه فخر مش في حد افرحو بيا يا جماعه انا زي اختكم فهمين 😂🫶🏻. ...عرض المزيد

12 الدعم

28 نصيحة

Kiwi_59601 🇪🇬

عارفة سر وحدة وحش.. أقول لزوجها ولا أسكت؟

بطلب نصيحه لو انا عارفه حاجه و حشه عن وحده و اتفضحت قدامي اقول لجوزها و لا اسكت+ في حاجه جوايه مش مرتاحه بتقولي قولي مش عارفه امشي ورا الصوت الي جوايه ولا لا و هل دا صح ولا لا اتمنى نصيحه حقيقية ...عرض المزيد

2 الدعم

25 نصيحة

Diamond_89796 🇪🇬

بتمتص الطاقه السلبيه من كل واحد! فكره حلوه بس اعععع

سوري ي جماعه ف اللي هقوله أنا لسه منزله الابليكشن النهارده وكنت عايزه اشوف دماغ الناس اي مشاكلهم الجانب القاسي ف حياتهم ولعل وعسي ارتاح هنا واعرف اتكلم وعماله حرفيا بنصح كل واحد علي قد معرفتي بس أنا حاسه بطاقه سلبيه جدا حاسه اني بمتص الطاقه السلبيه بتاعت كل واحد لا بجد شئ صعب اوي هي فكرته حلوه بس ف نفس الوقت لو حد فضل عليه طول الوقت جماعه اععععع ينييميميىرزعيخصخصخرسرنسخسنسرسرسررطنطهخطمطو و و ومخطنبنيريرثوينينيريريوينيثنثنثنثننرطرطرينينممخ ...عرض المزيد

1 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع