التربية

Marshmallow_69067 🇪🇬

منذ 3 أيام

شعور عاطفي

عبّر عن شعورك بشكل مجهول

إحنا جيل بنيته النفسية متدمرة و مشاعر كتير متغذتش جوانا وفضل مكانها خاوى.. حتة كدا بتفضل ناقصة مهما حصل مبتتملاش وأكتر جزء فيك فاضي هو أكتر جزء كنت محتاجه عشان تكون متوازن.. إتربينا ع الخوف والحب المشروط وتجنب التجربة خوفا من إننا نغلط ف بنطلع للحياة ساذجين جدا بنصدق الناس بسهولة لإننا اتربينا ع نظرية إبعد عن الشر وغني له لكن هتتفاجئ ان ف وقت ما الشر هو الى هيدور عليك وهتكون دى اول مواجهة ليك مع الحياة الحقيقية ومعرفتك بيها هتتبنى ع صدمة هتعلمك ف وقت بسيط كل الى المفروض كنت تتعلمه من وانت صغير بس بدل م كنت هتتعلمه بشكل صحي هتتعلمه بشكل مشوهه وبالتالى هتشكك فأى مشاعر بتتقدملك هتبدى سوء النية فكل حاجة هتحس دايما ان اى حد بيتعامل معاك بيتعامل عشان مصلحة مش عشان بيحبك.. مش هيكون عندك اى إنتماء لأى حد يمكن ولا حتى لنفسك..
وكل دا بيترتب عليه أمراض نفسية الى كلنا تقريبا بنعانى منها وقتها مش هتفتكر الصدمة نفسها ع اد م هتفتكر طفولتك..
الإنسان طبيعي يتعرض لصدمات طبيعي نتعرض لواقف صعبة وخذلان وكذب و ألوان كتير من الشر 
المشكلة في بنيتنا النفسية الهزيلة و إننا متعلمناش نواجهه ونتعامل و نحط حدود لمصدر الأذية من غير م نفقد الثقة ف كل حاجة حوالينا..
انا نفسى نوقف كمية اللغبطة دى عندنا و ف المستقبل نقدر نربي ولادنا بشكل سوى مش بمزاجنا ولا مخاوفنا نعلمهم إنهم يعرفوا يختاروا وإمتى يقولوا لا من غير خوف..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_85300 🇩🇿

منذ 3 أسابيع

شعور مهتم

Chocolate_80048 🇩🇿 الحل هو اجتماع اولياء التلاميذ و سحب ابنائهم من المؤسسة اما ان تخرج المعلمة او لن يكون قسم سنة اولى قد يضيع عام للطفل لكن لن تضيع حياته

عرض الكل 6 نصيحة

عبّر عن شعورك بشكل مجهول

يوم الأربعاء الفائت كان دخول ابنتي السنة الاولى ابتدائي وتفاجأت بأن ابنتي قالت لي أن معلمتها قامت بصْـ / ـر... التلاميذ بعصى(حطب) على رؤوسهم  وقامت بصْر/...بها  هي ايضا بالعصى على رأسها في اول اسبوع لها دراسة بحث عنها لأتكلم معها فوجدتها لا تستقبل الأولياء فذهبت الى المدير وقال لي أن قانون الجزائري يمنع الصْر/...  خاصة الصْر/... ب  المبرح وعلى الرأس كما قال لي أن العديد من الأولياء على مر السنوات قامو يالإشتكاء عليها وهو بنفسه قدم تقرير لكن التقارير حسب ماقيل لي أنها تمزق قبل وصولها للمعني بإتخاد إجراءات ضد هذا التصرف الذي يمس القطاع التربوي  يعني أن الأستاذة التي تقوم بتعـ / ـن... التلاميذ لديها معريفة في مديرية التربية لذلك تلك الشكاوي لم تأتي بنتيجة. وعند سماعها بأني ذهبت الى المدير قامت بتجليس إبنتي وحدها في آخر القسم واستبعادها من القسم وبعثث لي ورقة بأن إبنتي لا تتجاوب مع الأستاذة ولا تحفظ دروسها  مع العلم الرسالة جاءت بعد يومين من الدخول المدرسي بيداغوجيا لايمكن تقييم اي طفل خلال يومين او حتى اسبوع وهذا عنـ ـ ف نفسي تقوم به أيضا. ماهي الاجراءات القانونية في حق هذه الاستاذة التي تحقد على الطفل وتقوم بتعـ  / ـني.... الاطفال في سن خمس و ست سنوات آمل أن تجيبو على استفساري
وأخيرا لا أقصد الإساءة للأساتذة  بل لتصرف هذه الأستاذة التي تظلم البراءة في عمر يجب أن تكون لهم مربية وأستاذة يتذكرونها بالخير وشكرا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_49832 🇪🇬

منذ شهر واحد

شعور مرهق

Nutella_13726 🇮🇶 اغلب الناس يعانون نفس المشكلة بس لازم نفكر من وجهة نظر ثانية انو امهاتنا مو ملائكة ومو معصومين ولا يمكن ان يكونوا محقين دوما لم ينجبوا قبلنا الف طفل كي يتعلموا كانت تجربتهم الأولى معنا لم يذهبوا اطباء تفسييين كي يتعاملوا معنا او يبحثوا في الغوغل او في الذكاء الاصطناعي لقد كانو على نيتهم لم يكونوا متدربين ولكن الأهم في قلوبهم حب كبير لنا لو خيروا بين انفسهم وبيننا سيختاروننا

عرض الكل 7 نصيحة

عبّر عن شعورك بشكل مجهول

اكبر اضطراب كان ومازال فى حياتى كان بسبب امى 
امى هى اللى قالتلى انى طيبة ...وهى اللى قالتلى انا اجيبك تحت رجلى لو معجبتنيش 
امى قالتلى انى حلوة ...وهى بردو اللى علقت على وزنى لما واد شوية ولما ظهرلى حبوب فى فترة 
امى قالتلى انى حضنى حلو لما نامت جنبى .....وهى بردو اللى قالتلى عنك ما ارتحتى المهم انا اكون مرتاحة 
امى جابتلى هدوم غالية ....وبردو هى اللى فى تفس اليوم كانت بتقولى انى مش بقدر اللى هى بتعملن ولا انها بتحرم نفسها عشانى وان مفيش حد بيلبس زيى ولا ام بتعمل اللى هى بتعمله عشانى
امى هى اللى اخدتنى للدكتور لما حسيت انى ممكن يكون عندى ورم برغم انه كان مجرد شك ...وهى بردو اللى شافتنى بنهار قدامها مفكرتش تطبطب عليا 
امى هى اللى دعت علياا لما عصبتها ...وهى اللى دعتلى لما عملت حاجة بسطتها 
امى هى اللى زعقتلى لما حست انى بفرض نفسى على حد برغم انى كنت طفلة وقالتلى خلى عندك كرامة ... وهى بردو اللى نزلت بالقلم على وشى لما اتعصبت 
امى هى اللى كانت بتبعد ابى عنى لو زعقلى او دايقنى ...وهى بردو اللى ضربها ليا والخرطوم علموا على جسمى ايام 
امى هى اللى قالتلى وزعقتلى عشان مش بقعد معاهم ومبقتش اخرج من اوضتى كتير ... وهى بردو اللى صدتنى الف مرة لما كنت ارجع من المدرسة عايزة احكيلها اليوم كله وتقولى مش وقته ولما تفضى تندهلى عشان اتكلم بس بيكون الحماس واللهقة دول خلصوا خلاص
امى هى اللى مش بيعدى نص ساعة غير وهى بتصرخ فى وشنا مليون مرة ...وهى بردو اللى اعترضت لما نبرة صوتى بدات تعلى غصب عنى    
امى فضلت تقولى الف مرة ابطل اسمع اغانى وانتظم فى الصلاة ....بس لما طلبت منها انى البس شرعى رفضت وقعدت تعددلى فى ذنوبى 
امى ضحت لما اتطلقت ورجعت عشانى ..بس كسرتنى كتييير
امى هى اللى قعدت تشتكيلى من ابى ومن جموده او قسوته عليها ...وهى بردو اللى كانت بتطالبنى انى اكون بحبه فى وقت صورته فى عينى كانت مشوهه فعلا  
امى هى اللى لما قعدت معاها وبعتلها فيديوهات لشيوخ واحاديث بتحرم الضرب والاهانة لولادها ردت وقالتلى وربنا امرك تطيعى امك حتى لو كافرة .
انا والله ما بكره امى ومسامحاها عاادى ..بس مش قاادرة احبها ،مش قاادرة اخاف عليها 
مسامحاها لانى مش ملاك واكيد قصرت فى حقها كتير ونسامحاها لانى عمرى ما اتمنى اقف معاها قدام ربنا ويكون ليا حق عندهاا .
متصعبوش البرر على ولادكم ياا جماعة ...راعوا انكم بتتعاملوا مع بشر زيكم وعندهم قلب وكرامة واحساس ، مش هتضرب وتشتم وتهين وتطلع رااهب ما هو بيتعلم منك ،ولا تنتظر منه انه يسكت ويسمع وخلاص ما هو مش صخر .
راعوا ان ولادكم عندهم ضغوط زيكم واكتر بس بالنسبة لسنهم وانتو متعرفوش عنها حاجة ، راعوا انهم كمان فى اوقات بيتعصبوا ويحسوا ونكم بتستفزوهم بالرفض او بالعقاب 
راعوا انهم بيخافوا ويحتاجوا يتطمنوا ،
كلكم راعٍ وكلكم مسؤول 
ربنا يهدينى واياكم ويقدرنا نكون خير آباء وامهات لولادنا اللهم امين 🌿🤍❤️‍🩹

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_72527 🇪🇬

منذ شهر واحد

شعور عاطفي

عبّر عن شعورك بشكل مجهول

من زمان وانا مبعرفش اعبر عن مشاعري خالص ، مبعرفش اتكلم قدام حد عن زعلي أو عن انبساطي
يمكن ده نابع من كذا حاجه من صغري ، زمان خالص ماما لما كانت تتضايق مني كانت بتشغل ال silent treatment ومكانتش بتكلمني خالص 
ف عشان اصالحها كنت بكتبلها رسايل ، وده خلاني مبقتش عارفه اتكلم مع حد face to face اصالحه ، اقنعه بوجهه نظري ، اتكلم عن حاجه مضايقاني أو اي حاجه فيها مشاعر بتقودها عامةً
ابويا..بالنسبالي كان أقوى شخص في الدنيا لكن بالنسبالي كان شخص مش بيحس..كنت بشوفه كده لانه عكس ماما ، مامتي بتظهر كل أحاسيسها تقدر تفهمها من كلامها وحتى نظرات وشها
زمان كنت شايفه ابويا مش بيحس لانه مش بيعيط خالص ، ونادرا لما يتكلم عن مشاعره ، نادرا لما يضحك ، حتى لما كنت ازغزغه زمان مكنش بيضحك بردو
وقتها سألته ليه ؟ ليه لما بتزعل أو تفرح مش بتبين؟ وقتها فهماني بطريقة أن اظهار الزعل اني بدور شفقة..
لحد انهاردة الموضوع مترسخ في دماغي ، مبقتش عارفه اعبر غير عن طريق ال journaling زي ما قولت قبل كده في بوست تاني
اهلي بيتضايقوا من الموضوع ده بالذات ماما لأنها شايفه اني مش حنينه عليها ، مع اني بعمل كل حاجه اقدر عليها عادي بس انا بتكلم بالافعال ، و لما كنت في ريليشن بردو كان هو بيظهر دايما و انا لا، ف بدأ يحس اني مش بحبه
ف هل في طريقه اصلح كل ده ؟ مبقتش عارفه اعمل ايه..

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_71361 🇪🇬

منذ 3 أشهر

شعور مليء بالحياة

موضوع:

هل بتحب نفسك...ولا بتحب الصورة الي عايز توصلها؟

انا حبيت نفسي بعد ما عرفت قدرها الحقيقه و عرفت قدرها من احتاكي بالناس لاقيت نفسي احسن من ناس كتير بس هي شويه مظاهر و مناظر على رشه نفاق على حبه رياء و أهم بيمشوا بس انا قررت اكون صح و اعمل اللي يرضي ربنا و تربيتي و الواح. يكون رحيم بالناس و نفسه لان مافيش نفس هتتحملي اكتر من طاقتها

Marshmallow_69067 🇪🇬

منذ 3 أشهر

شعور متحمس

موضوع:

اهلك عملوا معاك ايه مش هتعمله مع عيالك؟

Banana_65522 🇪🇬 انت راجل ولا ست

عرض الكل 2 نصيحة

عبّر عن شعورك بشكل مجهول

مش مهم عملوا ايه معايا المهم اني بقى عندي القدر الكافي من الوعي الي هيخليني اتعامل مع ولادي صح 
اني احبهم حب مش مشروط 
اني افهم اني في الدنيا هنا عشان اساعدهم مش عشان احاسبهم او احكم عليهم 
عمرى ما هقارنهم بحد هعلمهم يقارنوا نفسهم النهاردة بامبارح
هملى قلوبهم وروحهم حب 
عملى ودانهم كلام حلو ودعم 
هقولهم دايما اني فخورة بيهم 
هطمنهم طول الوقت
هعلمهم انهم عادي يغلطوا نغلط ونتعلم
هعلمهم ميخافوش من اي حاجة 
هعلمهم يعظموا ربنا في قلبهم ويراقبوة ويعملوا كل شئ يرضيه
هقولهم انا اسفه لو غلطت
هحضنهم كتير كتير كتير 
هكون دايما موجودة عشانهم عمرى ما هلومهم ولااحسسهم اني بمن عليهم باني خلفتهم بالعكس هحسسهم اد ايه انه متحاجة وممتنة لوجودهم 
... 
عندى امنية اني اخلف ولاد مش بنات مش عنصرية بس فيه بنات كويسة كتير نفسي يكون عندي ولاد كتير 
اعلمهم يخافوا من ربنا 
اعلمهم دينهم صح وهخليهم يحفظوا القرآن من صغيرهم 
هعلمهم ازاي يحبوا 
اعلمهم الرجولة والصدق
اعلمهم الرحمه 
اعلمهم البذل والعطاء والكرم 
اعلمهم النبل والاخلاص
اعلمهم المروءة والغيرة 
اعلمهم الاصول وغض البصر
اعلمهم انهم لما يحبوا يحافظوا ع بنات الناس 
هعلم ولادي يعنى ايه قوامة
وان القوامة مسؤلية ورحمه 
هعلمهم يعرفوا يعبروا عن مشاعرهم بالكلام والافعال
هعلمهم مخافوش غير من ربنا

Pineapple_62201 🇪🇬

منذ 3 أشهر

شعور لا مبالٍ

أغرب حوار حصل وأنا راكب العربيه السوزوكي الصغيره. واحده بتسأل راجل كبير على بنته هل تخرجت وبتشتغل وقال لها: "لا، أنا عندي بنت واخويا عنده بنتين وهو أكبر مني وخلف بناته قبلي. اخويا ساب بناته الاتنين بعد ما يتخرجوا يشتغلوا وهم الاثنين دلوقتي عندهم 40 سنه وما اتجوزوش ومش عايزين يتجوزوا بحجه أن ما حدش ي

Avocado_62047 🇦🇪 مع احترامي لي حضرتك تتصنت علي الناس 😂 هو غلطان أو لا انتا لي تتصنت

عرض الكل 6 نصيحة

Nutella_66996 🇪🇬

منذ 3 أشهر

شعور متعب

موضوع:

اهلك عملوا معاك ايه مش هتعمله مع عيالك؟

اللي اتعمل معايا مش هعمله مع عيالي اني مش هضربهم هعقبهم مش هحرمهم من حاجة بس مش هخليهم يشترو علي الفاضي و المليان هصحبهم و نحكي سوا عشان ميخبوش عليا حاجة مش هجبرهم علي حاجة بس هنتناقش علي حاجات الصح و اللي تنفع و الحاجات الغلط اللي متنفعش هدخلهم النادي يتعملمو رياضات كتير هنمي مهاراتهم هخليهم يثقوا

Sugar_49832 🇪🇬

منذ 3 أشهر

شعور لا مبالٍ

French Fries_32968 🇪🇬 الكلام الي قولته دي كان ديما جوايا بس مش عارفه أطلعه في اي صوره بس كلامك لخص كل حاجه

عرض الكل 20 نصيحة

عبّر عن شعورك بشكل مجهول

من يومين كدة سمعت واحدة على فيسبوك بتقول ان الام اللى بترمى ولادهاا ومش بتسال عنهم ولا تهتم بيهم لما بيكبروا بيروحوا ليهاا وبيكونوا متعلقين بيها جدا 
على عكس الام اللى بتفضل تضحى عشان ولادها وتاخد من نفسها وتديهم بيكونوا اول ناس يبعدوا عنهاا ويسيبوها لما تكبر 
انا شايفة ان دة ليه اسباب 
الام اللى بتضحى عشان ولادها.. غالباا مع كل مرة بتاخد من نفسهاا عشاانهم بيتخلق نوع من الضغط او الزعل ودة شىء لا ارادى طبيعى لما تتنازل عن راحتك مش هتكون مبسوط 
مع الوقت ضغط فوق ضغط بتتحول التضحية دى من حاجة حلوة ونقية الاولاد يقدروها لحاجة حرفيا بتدمرهم مع كل مرة الام هتخلص طاقة التضحية دى وتنفجر فيهم وتزعق او تقول كلام يوجعهم حتى لو من غير قصد الاثر بيكون بااقى 
مع كل مرة بتقارنك بغيرك اللى شايفة ان اهله مش بيضحوا زيها انت ليه مش زيه 
ومع كل مرة بتحسس ولادهاا ان اللى بتعمله دة فضل عليهم طبيعى بتبعدهم عنهاا 
ومع كل مرة هتاخد هى قرارات تخص حياة ولادها بحكم انهاا ضحت بعمرهاا عشانهم 
فى وسط كل دة بتنسى ان ولادها محتاجين منها حضن وطبطبة ومواساة وتفهم 
كل دى حاجات مع الوقت بتحول علاقة الام بولادها لسجن ما بيصدقوا يكبروا عشان يهربوا منه 
ولما بيبداوا يستوعبوا تضحياتها دى بيبقى صعب اووى انهم يقدروها بعد كدة لان غالبا لا الام اسلوبها هيتغير ولا ولادها هيستحملوا السجن دة تانى 
على عكس الام اللى نفسهاا بالنسبالها اولوية اولادها مع الوقت بيرحعوا محرومين للمشاعر بس لان الانسان بفطرته هيتعايش مع وضعه المادى سواء كان كويس او لا لكن احتياج الامومة دة صعب.. وقتها احساس الحرمان دة بيتغلب على زعلهم منها مهما كان بيحاولوا يعملوا اى حاجة عشان بس تكون راضية عنهم 
مجرد وجهة نظر قد تكون غلط بس حسيت انى محتاجة اتكلم فى الموضوع لان كلامها اثر فيا 
مع العلم اناا مش مع الام اللى تسيب ولادها للدنياا دى ابداا متخلفش من الاول احسن
الامومة تضحية قبل اى حاجة بس التضحية دى مينفعش تكون سبب الاذى الاعتدال حلو وديماا لازم الدعم المعنوى يكون رقم واحد بالنسبة لاى ام لان دة اللى هيبقى فى قلوبهم طول العمر 🩶🍃

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_64751 🇪🇬

منذ 3 أشهر

شعور متحمس

موضوع:

اهلك عملوا معاك ايه مش هتعمله مع عيالك؟

كل حاجه عملوها معايا مش هعملها بيتي هخليه أمان ودفئ هخليه المكان الأول اللي ييجوا عليه فيه حاجات كتير لو فضلت احكي من هنا للسنه الجاية مش هتخلص بس الملخص كل حاجه المفروض الأهل الاسوياء اللي عارفين ربنا مش مجرد عقوق والدين بس و عارفين أن فيه عقوق أبناء كمان هعملها معاهم هخليهم أقوياء عارفين أن ليهم س

Carrot_62530 🇪🇬

منذ 3 أشهر

شعور مستنزف

موضوع:

اهلك عملوا معاك ايه مش هتعمله مع عيالك؟

الخوف اسوأ حاجه ممكن تزرعها في ولادك بسبب التربيه الغلط الخوف هيفضل معشش في عقلهم ووجدانهم لحد مايكبروا والافه اللي ممكن تقتل اي ابداع فيهم أو حتي انجاز ممكن يحققوه عشان كدا مهم جدا العيال بعد سن معينه ابدا ميحسوش بالخوف لكن ممكن استبدله بشعور إيجابي زي الاحساس بالمسئوليه ومهم اوي يتربوا لما يكون عن

Croissant_64491 🇪🇬 كل حاجه عملوها معايا مش هعملها مع عيالي هعلمهم ازاي يحضنو بعض ميتكسفوش هعلمهم ازاي يبقو حنينين علي بعض هعلمهم ازاي يطبطو علي بعض مش هخاصم ابني بالشهور لمجرد انو غلط مش هعامل ابني علي انو مش بني ادم وملهوش رآي هعلمو انو عليه واجابات وليه حقوق هبقي ف ضهرو طول الوقت هديلهم كل الحب والثقه بالنفس الي هيحتاجوها هحبهم واطبطب عليهم واحتويهم هعرفهم اني ف ضهرهم والي يجي عليهم هبقي معاهم مش العكس

عرض الكل 1 نصيحة

Strawberry_59887 🇪🇬

منذ 4 أشهر

شعور مكسور القلب

عبّر عن شعورك بشكل مجهول

وانا طفله صغيره كان ابويا بيحبني وبيدلعني جدا اول بدأت اكبر وجسمي بداء يظهر بدا ابويا يتغير معايا تقريبا زعيق طول الوقت واي لغطه مغلطهاش حتي يقول هقتلها انا فاكره ده كويس حاجات كتير كان بيزعقلي عليها بدون سبب انا يمكن لو لقيت سبب سعتها كنت فهمت لبسي كان بيتقطع قدامي مع اني والله لبسي كان طويل وواسع حتي لو كنت بنت عندي 10 سنين كنت بالبس خمار لحد ركبتي وجيبه كبيره اوي ولما كبرت اكتر كان ممنوع اخد دروس بعد المغرب لو غصب عني حصلت واتأخرت بسبب ان المستر اتأخر دي كانت مصيبه كبيره ممكن يقولي مفيش نزول من البيت تاني ( ملحوظه احنا من القاهره مدينه مش ارياف يعني) عمره ما حضني ولا حسيت في يوم انه واثق فيا احيانا لما كنت في اعدادي كان نفسي بس اعمل حاجه غلط عشان بس اقوله انا بعمل الغلط اهو بس مكنتش بقدر مع ان اللي حوليا بيكلمو في اعدادي كانو بيعملو الغلط كتير بس انا كنت مش عارفه اعمل اي حاجه عشان خايفه من ربنا عمري ما شفت نظره الفخر في عينيه مع ان كل الناس كانت بتقولي احنا نتمنا ان بناتنا تكون زيك 
لسه في كتير واصعب من ده هو عيشهاني بس الحاجات دي بس جابتلي ترومات كتير جدا بحاول استشفي منها ومش عارفه 
اكيد وجود اب في حياتي نعمه واكيد خير يمكن ربنا جعل الحاجات دي ابتلاء ليا انا عارفه 
واكيد هو بيحبني وبيخاف عليا يمكن بيتصرف غلط عشان هو نفسه معندوش وعي كفايا بس انا مش عارفه اصلح كل اللي هو كسرو جوايا في حاجات كتير اكتر من اللي قولته كمان

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pumpkin_10776 🇪🇬

منذ 8 أشهر

شعور مهتم

سؤال بس عاوزه اعرفله اجابه هل احنا ممكن نتاخد بذنب اهلنا؟ يعني مثلا واحده قريبتي والدها شخصيه مش كويسه وبيعمل حاجات غلط كتير جدا و وهو شاب كان عنده علاقات كتير مع ستات وممكن انه يكون اذى حد منهم فهي دعت عليه يتردله او حاجه ممكن يتردله ده في بنته ولا حاجه مع ان البنت دي محترمه جدا وفي حالها وشايفه

Donut_52185 🇪🇬

منذ 9 أشهر

شعور مليء بالحياة

موضوع:

كيف هتربو اولادكم ؟

هبعد عن الحمايه الزائده لأن بينتج عنها ضعف شخصيه و خوف من تحمل المسؤوليه . لو حصل اى خلاف بينى و بين ابوهم مش هدخلهم و لا هعرفهم بيه. لازم اهتم بتصرفاتى الأول لأن الأطفال بيتعلموا بالملاحظه. هكون وسط يعنى مش قاسيه و لا متساهله هدعى ربنا يقدرنى اوازن بين انى اكون حازمه و فى نفس الوقت حنينه .

Carrot_51737 🇪🇬 الحمد لله الجيل الجديد واعي وحريص إنه يربي أطفاله بطريقة بعيده عن الصدمات اللي تعرضلها. ربنا يوفقك ♥️👏🏻

عرض الكل 2 نصيحة

Strawberry_11964 🇪🇬

منذ 10 أشهر

شعور عاطفي

الواحد كل ما يكبر كل ما بيحس ب قد اية دور ابوه وامه كان عظيم في حياته لسه ف بدايه حياتنا وحاسين اننا دايرين في ساقية رغم كل الرفاهيات ال فيها اتولدنا واتربينا وكبرنا من غير ما ناخذ بالنا من المجهود الكبير اللي اتعمل والضغط اللي كان عليهم علشان نعيش مرتاحين ويشوفونا احسن الناس ربنا يراضيه

Chocolate_64253 🇪🇬

عايزة أكون أحسن علشان متحسش إني قليلة لما أتخطب

انا لو شايفه نفسي مش حلوه اي الصفات اللي مفروض تكون فيا علشان فالمستقبل لما اتخطب محسش اني قليله طبعا الاخلاق رقم واحد ، غير كده ايه الصفات اللي الشباب بتحبها فالبنت غير شكلها ، انا بتكلم علشان يبقي عندي خلفيه فالمستقبل ... ...عرض المزيد

1 الدعم

26 نصيحة

Sugar_87672 🇪🇬

مش بعرف أكون صداقات حقيقية.. حد عنده نصايح؟

حاسة إني مش بعرف أكون صداقات أو علاقات اجتماعية حقيقية. بحاول أفتح نفسي للناس، لكن غالبًا بحس بالمسافة أو البرود، ومش عارفة إزاي أكوّن روابط تستمر. أغلب الصحاب اللي بعرفهم، علاقاتهم بتنتهي بعد فترة الدراسة أو الشغل، وبعدين كل واحد بيكمل حياته ومش بيكون موجود. ساعات بحس إني لو حاولت أتعرف على حد، هيتكرر نفس النمط، وده بيخليني أرجع أتمسّك بعزلتي. حد عنده نصائح أو مرة بتجارب زى كدة ...عرض المزيد

1 الدعم

19 نصيحة

Biscuit_87034 🇪🇬

مش عارفة اتخطى حب مراهقتي وبقيت حياتي واقفه

انا كنت بحب حد والحد ده سابني بقاله سنتين وعشر شهور انا مش عارفه اتخطاه خالص مش عارفه حاولت كتير اوي الموضوع تاعبني نفسيا اوي نفسي أنساه بجد بس مش عارفه المفروض أن ده كان حب مراهقه كنت صغيره اوي 17 سنه ولحد هذا الان بقيت 20 ومش عارفه يمكن عشان الوقت الي حبيته فيه كان في مشاكل كبيره اوي انا متربيه من صغري علي المشاكل والخوف بسبب ابويا لدرجه أن الي كنت بحبه ده كان حنين عليا فوق الوصف فعتبرته ساعتها بدل ابويا يعني كان هو مصدر امان بالنسبالي ومن بعد ما سابني وانا كل مشكله بتحصل معايا بفتكره هو اول واحد هو اول واحد بيجي في بالي بفتكر حنيته عليا تعبت من كتر التفكير فيه يوميا لازم افكر فيه قبل ما انام يوميا لو زعلانه بفتكره تلقائي كده بقيت حاسه أنه شاغل تفكيري كله هتقولولي اشغلي نفسك اقسم بالله بروح كليتي وارجع علي الشغل بخلص 10 بليل واول ما بحط دماغي علي المخده بفتكره بردو وبقعد أخلق مواقف حلوه وهميه بيني وبينه والحاجات دي مش موجوده اصلا بس مش عارفه الي بيحصل ساعات بقول ياريته كان معايا دلوقتي وساعات ببقي مش طايقه ابص في وشه كل ما اقول خلاص نسيته برجع افتكره تاني برغم أن مش بشوفه اصلا وعملاله بلوك من كل حته وكمان هو اصلا مش عايزني ولا انا عايزاه هو ارتبط ب 2 بعدي وعاش حياته انا حاسه حياتي واقفه عليه نفسيتي تعبانه اوي ...عرض المزيد

0 الدعم

18 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع