منذ 21 أياميشعر بـ مكتئب
كنت نتمنى نتربى مثل باقي الابناء او بالاحرى باقي الفتياة بكن والديا كا عندهم رأي آخر ، طفات الشعلة لي كانت شاعلة الشمعة ،الشخص كي مايحسش بالامان مع اقرب الناس ليه مينجمش يعيش كي ناس منجمتش نعبر على الشعور اللي فداخلي حاسة هاد شي صعب😞💔 الطريقة لي تربيت بيها أثرة على شخصيتي وعلى اسلوبي مع الناس بشكل كبير ورثت على والديا العصبية وهاذي منحسهاش وراثة لانو كتمان المشاعر يشكل تراكمات وهذا شا صرالي انا💔 وبالتأكيد ان شاء الله راني فرحلة اعادت تربية نفسي بنفسي و كي نكبر نولي مسؤولة على روحي نروح لطبيب نفسي قبل ما نتزوج و نجيب ولاد باش نربيهم تربية سليمة و نعطيهم وش تخرمت انا منه
جربي الكتابة كتبي مشاعر لي فداخلك سلبية وكتبي ثان اجابية حوايج لي ممتنة عليهم وحوايج حابة تبدليهم وخطي ايامك باش تلهاي طوري نفسك برك متبقايش فدوامة الماضي مريت بهاذ مرحلة كنت شخص نعاني غير باش نتخلص من هاذيك مشاعر ولا تفكير سلبي مي درت فاصل بيني بين ماضي قررت نمنح نفسي فرصة كاملة باش نعيش حياة بشكل مليح ونطور روحي ونفوت كامل صعاب ونكتشف شخصيتي الحقيقية نخليها تضهر لناس مهم حاولي تكتبي عادي تطولي فمدة كتابة انا قعدة عامين غير باش نعاود روحي من اول وجديد حمد الله حاليا انا فرحانة ممتنة على كامل واش فوتت وراضية بيهم انشاء الله ربي يعوضنا فلمستقبل
نفس الشيء بالنسبة ليا رغم اني ولد لكن مكانتش بذيك البساطة والاسوأ كانت العائلة كامل مش غير الاب لدرجة انو صراو عقد وصدمات بزاف لحد الان نحاول نتعامل مع نفسي فيهم ونوعا ما الحمد لله اني نتعامل معاهم بطريقة ما ليتني نقدر ننفعك بيها وننصحك بسك صعيبة والله ربي يقدرك ان شاء الله
جبر الله خاطرك