بابا من وانا طفله وهو بيضرب ويزعق مرة امو واختو موحيينو علينا مرة جاي متعصب ف الشغل وبينفذ كلامهم بالمعني الحرفي يعني مره ضربني عشان كان عايز يقلل مصروفي وانا قول لا مرة كان حرفيا مفيش حاجه وكنا كبرنا ضرب اخويا بالشبشب عشان محولش القناه ع التلفزيون ملما كانت تحب تجمعنا ع الاكل هو اي تجمع لازم ينهيه ب خناقه او حوار مرة كنت ف ابتدائي قعدت استنيتو اقعد معاه اتكلم معاه قالي نصا انا بجي متاخر وانتو نايمين مبحبش حد يقعد معايا مكنش بيديني اي فلوس ف الاجازة بس كان عارف ان ماما بتديني مرة صحاني م النوم يتخانق معايا ويدعي عليا عشان اديلو فلوس وكان اي خناقه ف مدرسه حتي لو معايا الحق يفضل يعتذر و يكسرني قدام الناس عشان بس يريح دماغو كنت دايما عارفه ان مليش ضهر والمدرسين كانو يزعقو و يتكلمو باسلوب زباله عشان عارفين ان محدش هيقفلي بالعكس كان يروح يراضيهم و يزعقلي قصادهم وهما اللي يهدوه مرة كانت ماما معهاش فلوس تنزل الشغل انا واخواتي لمينا م مصروفنا واديناها جت بليل كنت بنام جمبها قالتلي عدي اللي ف شنطتي وانا ماسكه الفلوس قام اتنطر وقعد يزعق وهاتي الفلوس دي مع انه بينام فلوسو ف جيبو ماما قالتلو اعوذ بالله دي فلوسي محدش جه جمب حاجتك وقع وعمل عمليه قلب مفتوح محدش م عيلتو رضا يساعدو ب جنيه ماما اللي وقفت وبعد ما قام منها خد مصروف الييت اداه ل اخوه عشان يصرف ع بيتهم وقبل ما يتعب حلف ع المصحف ان مرتبو ٢٠٠٠ج واهلو بيساعدوه لما تعب ماما عرفت ان مرتبو ٦ تقريبا او ١٠ لانه كان مدير عام وكان الفرق ده كله يديه ل اهله ويشيل ماما الحمل كبرت وانا عارفه ان ماما اللي شايله وجدو قبل ما يتوفي كان شايل معاها وان اهل بابا مبيحبوهاش عشان بتطلب بس حقها فيه يصرف ع عيالو كانو مش عاوزنا نتعلم وهي اللي وقفتلهم ماما توفت ٢٠٢٠ وانا ف ٣ث بعد ما جهزتنا احنا التلاته وورث جدو خلا اخواتي الولاد يعرفو يوضبو بيوتهم اللي ماما جابتها وهو دلوقتي بيحاول ينسب كل الي هي عملتو لنفسو ويشوه صورتها ويقول ان هي كانت فاتحه بيتو ل اهلها مع ان كنت بشوف بعيني جدو وهو بيديلو فلوس وفضل يتبها بعد موتها قد اي تعب وعمل مع ان كل حاجه كانت بتعملها كان يقولها ملوش لازمه انا مش هساعد حد اهلي مساعدونيش وانه بسجهز عيال اختو اللي ابوهم حي ومقتدر وبيصرف علي امو اللي هو اصلا اصغر وافقر عيالها وليها ولد متجوزش مبيصرف جنيه ف البيت والتاني تاجر قطع غيار عربيات بردو مراتو خلتو يامن ولادها الاول كان شغلو الشاغل الفلوس مكافاه المعاش اداها ل اختو و قالي انا البنت معييش فلوس لا اجوزك ولا اكمل جهازك دخلت مجال مبحبوش وموذي عشان اعرف اشتغل واصرف ع نفسي سنتين معهد وسنه الامتياز كان بينقطني بمعاش ماما ومن بعدها مشوفتش منه جنيه لا وكان ييجي يقولي هاتي فلوس وانتو مفروض تدفعو معايا ف البيت انا عايز اللي يديني ويطلع برا قدام الناس مصاريفها ومش مصاريفها وبعد ده كله اهله طالبين ان اودهم واسئل واروح واجي وهو طالب اننا نقعد معاه عشام ميقعدش لوحدو و نشيلو لما يكبر طب انا مش حاسه اصلا ناحيتو حاجه انا لمستو ليا حتي بتقشعرني بحس ان ده حد غريب عني مبنساش كل عمايلو دي ولا بنسي اهانه اهله ل امي شايفه ان كل الرجاله وحشين و هيبقو شبهو انا ف علاقه مع حد ما قارنت طبعا الحد ده احن كتير بس لما بلاقي فيه اي حاجه منه بجد ببقي عايزة نكملش بخاف انا مش هقدر اشيل اللي امي كانت شايلاه واحساس ان ممكن اكون بقطع رحم او هتحاسب معذبني بس انا فعلا نعرفهمش ولا سامحتهم وكون انه بعد موتها عايز يشوه صورتها و ينسب اللي عملتو لنفسو بجد دي كسراني امي كانت كل حاجه وكانت معرفانا كل خطوة بتخطيها حتي ورثي اللي خدتو منها اتخانق معايا وقالي ده حقي وانا سايبهولك بمزاجي مش قادرة اتعامل معاه ولا قادرة اطيق الرجاله وسلبي موت