حد بيعاني كن كونه ملوش كبير؟ وكلامي جديا بالمعني الحرفي يعني مش مبالغه او اني جامد وكد دا اسوء شئ بيعملك احباط بشكل مخذي يعني اغلب اللي بتكون وصلتله هوا دا اللي موجود مفيش حد هيقلك بعد كد النهارده كنت ف تجمع مع قرايبي كلهم اكبر مني سنا و ليهم خبرات اكتر مني بكتير كنت قاعد ع اساس هبدء اخد معلومات جديده وتناقش وما الي ذلك لكن حرفيا لما قعدت لقيت الكلام كله اللي بيتقال كا نصيحه محدش هيقولك عليها هيا اصلا اللي انا ماشي عليها من فتره كبيره بنائا ع اللي قابلته تجاربهم اللي بيحكوهالي انا مريت بزيها و عارفها يمكن عارف تفاصيل اكتر منهم ودا خلاني احبط بشكل كبير و فضلت اني اسكت و ابدء امثل انها معلومات قيمه واول مره اخد بالي منها لكن ف الحقيقه حرفيا مفيش حاجه اتقالت بهرتني او كنت مش عارفها ودا فحد ذاته مهلك عامل زي المرض اللي ملهوش علاج طبعا مش بقول اني اعلم اهل الارض ولا حاجه خارقه بس بتكلم ف اني بقعد مع ناس ضعف سني ناجحين ومواكبين واغلبهم بشوف كلامهم ممل و نا عارفه يعني و عادي جدا
يمكن المشكلة مش إنك عارف كتير يمكن المشكلة إنك لسه ملقتش الناس اللي تضيفلك حاجة جديدة. ساعات بنحس بالملل مش عشان إحنا أحسن، بس عشان مش في المكان الصح. طول ما عندك قابلية تسمع وتتعلم، يبقى أكيد لسه في حاجات كتير تستاهل تسمعها