إحباط

هو الحريم كلها كده وقت الزعل تقولك انت عمرك ما عملتلي حاجه رغم انك معيشها ف عيشه متحلمش بيها ؟ عشان نكران الجميل ده قفلني منها والله و بتتعمد تقل منك وقت الخصام كنوع من انواع العقاب

اية الحل فى مشكلة ان البرايفت شات يقفل فجأة واحنا بنتكلم ؟ الشكل الجديد حلو جدًا وبيحافظ على خصوصية الناس اكتر.. بس ليه تاخدوا مننا الأمل فجأة وتحسسونا بإحباط لمجرد ان فيه كام تحذير حصل بسبب الـai agent اللى عاملينه جديد اى كلمة معينة بتتقال حتى لو مش هنشارك معلومات شخصية بيعتبرها تحذير

كل لما انسى و اتعافى ارجع تاني لنقطة الصفر يعني انا فاهمة انه مشغول مع مراته بس مش من حقه يهملنا يمشي و يعيد على الناس كلها إلا ولاده و يقول انه بيحبنا فين الحب ده نفسي افهم انا قرفت بجد مش عارفة اكلمه ولا لأ و أعاتب تاني ولا لأ و هيكون نفس رد الفعل كل مرة و وعود زي انها اخر مرة و الكلام ده احتفظ بالعتاب لنفسي طالما انه كدة كدة مش بيجيب نتيجة ولا لأ انا تعبت

بحس ان انا محطوط عليا امل كبير انا مش قده ابدا ولا عمري هكون قده سواءان كان من اهلى او صحابي او مدرسيني حتى.. يعني الموضوع ده بجد بيحسسني اني مليش لازمه و بتبقى صعبة بجد لما اخذل حد حاطط عليا امل طب بس هما ليه بيحطوا عليا امل وهما عارفين اني ممكن مكونش قده

هو أن انت تكون sweet talker دي حاجه وحشه الناس بتفهم الواحد غلط خالص انا مش عاوز حاجه انا بس بتكلم كويس ومش معاك انت بس لا مع اي حد ف بلاش تفهموا الواحد غلط عشان بنحس بالاحباط بجد 😔

تعبت من احساس الفشل كان عندي درس و ذاكرت كتير واخر ساعه من الصداع نمت و مرحتش رغم كم التعب اللي بذلته ومبقتش اروح دروسي ولا حتي بذاكر وزعلت اكتر لما اتقالي كل مره بتنزلي مش بتطلعي بتبقي افشل دايما مخنوقه اوي بجد ازاي كنت شاطره كده و بقيت فاشله كده حرفياً فاشله في كل حاجه حتي التمرين مبقتش اروحه ولا محاضراتي ولا بتعلم حاجه جديده

مضايقه اوي احساس انك بتتعب في حاجة بقالك كتير وفي الاخر كل التعب ده ياجي علي مفيش يعني مش عارفة ومخنوقه وكل حاجة بتقولي اني مش هنال اللي عاوزه فعلا تعبت

رمضان السنه دي كان مختلف بالنسبالي ومش الاختلاف الحلو يعني بس الحمدلله برضو فيه حاجات كويسه وللأسف رمضان بيخلص اهو خلاص وصلاه التراويح النهارده كانت كفيله تقلب في الذكريات وتفكرني بناس كتير ، افتكرتها واحنا بنصلي سوا ووانا بحفظها دعاء معين وافتكرته وهو بيسمعلي سوره الرحمن وافتكرت الدعوات اللي اتحققت 🥹 بس في حاجه بجد مفرحاني مش عارفه ربنا استجاب لدعوتي ولا مجرد صدفه بس يارب تكمل للآخر وفي حاجه تانيه معصباني ومخلياني زي العيال الصغيره اللي بتدبدب في الأرض علشان الحاجه اللي عايزاها ، كنت وعدت نفسي اني اكون اول واحده تقوله كل سنه وانت طيب بس للاسف مبقاش ينفع 😡 بس عامه كل سنه وانتوا طيبين وادعولي معاكم ربنا يسامحني ويهديني

عندي مشكلة مع الانجليزي والله بجد حاولت كتير اتعلمه و مش عارفه يعني جربت اخد كورس برايڤت برضو منفعش جربت اتعلم لوحدي من علي اليوتيوب و شويه برامج كدا و برضو لا مش عارفه اعمل ايه تاني صلو علي النبي 🤍 يا جماعه انا خليت البوست برايڤت و معرفش ايه اللي حصل المهم انا بجد تبعت من الاب دا اقسم بالله

الاكتئاب بياكل يومي و تفاصيل حياتي بجد مش متشجعه انظم حاجه ولا اهتم بحاجه و محبطه و مخنوقه و مش عارفه انا عايزه اي او اي هيخليني احسن انا بس نفسي اعيش حتي حياه عاديه و اهم حاجه اخد بالي من نفسي واكمل بس مش عارفه بجد

كنت جبت كتب مراجعة نهاية وبدات احلها بس مشكلتي ان في مراجعة الاحياء بتوقف معايا اسئلة كتير لما قولت للمستر اللي باخد معاه قالي ابعتليلي الاسئلة علي واتساب وبعتهم ومردش عليا الحصة اللي بعدها لفت نظره اني بعت اسئلة قالي تمام هيشوفها ومردش عليا عدي اسبوع واخدت حصة كمان ومجبتش سيرة الاسئلة اصل خلاص قولتله مرة وقبل ما ابعت كان قايلي اصلا ابعت فاللي هو لو مش عاوز تجاوب او مش فاضي مكونتش قولتلي فالمهم حد عنده حل يعني مفروض اعمل اي شات جي بي تي بيحل غلط و علي يوتيوب محدش بدا مراجعه يعني مش بكره في حياتي قد المدرس اللي بيبخل بالمعلومة

صباح الخير وان ليس للانسان الا ما سعى وان سعيه سوف يُرى سعيت كتير ف اتجاه معين ومنكرش ربنا وفقنى فيه فتره كويسه بس فجأه كل حاجه راحت منى وبقيت حاسه بعدم التوفيق طب دا مثلا عشان وقفت سعى ؟؟ تمام رجعت أسعى تانى مش شايفه نتيجه وبدأت ايأس واحس نفسي مخنوقه يعنى انا مفيش دافع يقومنى من النوم ومع ذلك بقوم مخصوص عشان أسعى للحاجتين الوحيدين اللى نفسي فيهم ف الحياه حتى بقيت بقول للمقربين منى صريحه كده ادعولى بكذا بس حقيقي انا حزينه من جوايا رغم ان بحاول أظهر انى كويسه واضحك واهزر واكبر دماغى بس من جوايا لا... يمكن كلامى ملخبط شويه ناو او مش بيشرح اللى عايزه اقوله كويس بس حتى مفيش طاقه انى أرتب الكلام أو اقرأه تانى قبل ما اعمل post

في حجات كتير عايزه اعملها في حياتي وعندي طموح ليها بس مش قادره انفذ اي حاجه مش عارفه ده كسل ولا خوف من الفشل ولا ايه بجد دي حاجه مديقني جدا

جماعة انا بحاول اتخن بقالي كتير اوي رحت لدكتور تغذية وكنت بتخن ببطئ اوي ممكن نص كيلو كل اسبوعين المهم جيت من اول رمضان لدلوقتي حسيت اني بتخن كويس وباين ع وشي وجسمي ورغم اصعب الظروف كنت بحاول استمر لحد من تلت ايام جالي دور سخونية وبرد وخسيت كل اللي تخنته دا وفقدت الشهيه تماما مستنيه الدور يخلص وابدا من جديد انا بجد محبطه وبكره حياتي انا تعبت اوي ع ماتخنت فجأه كل تعبي يضيع ف تلت ايام يارب بجد تعبت من حياتي كل حاجه بايظه من كل النواحي يارب انا تعبت