31 May 2026يشعر بـ وحيد
الفترة دي بحاول أغير شوية حاجات في نفسي وأتعلم حاجات جديدة، بس اكتشفت إن أصعب جزء مش البداية… أصعب جزء إنك تكمل لوحدك. أوقات وجود شخص يشجعك أو حتى يسألك “عامل إيه؟” بيخلي كل حاجة أخف بكتير. يمكن عشان كده الرحلات الطويلة دايمًا محتاجة حد يشاركك الطريق، حتى لو بالكلام بس.
متفهمه شعورك جدا جدا بس هكلمك بالعقل اوقات الانسان لما يحكي عن هو انجز اي في يومه او عمل اية المخ بيفرز دوبامين جامد اوي يعني بتحس فعلا بانجاز لما تحكي لحد انت عملت اية بس دا لية عيب ان انت بقا لما تيجي تنجز اصلا او تذاكر مش هتحس باي انجاز لان مخك مش هيفرز دوبامين غير لما تقول لحد انت عملت اية او انجزت اية ف مش هتنجز حاجة وهتحس بملل طول الوقت والمتعه عندك في انك تحكي او تقول انت عملت اية للشخص دا ودا شي مش صحي ابدا وبالعكس هيأخرك جدا وهيجي عليك بالضرر صدقني انا برضو كنت كدة بس ايقنت ان كل دا كلام فارغ بجد واوقات اصلا الشخص اللي بتحكيله دا بيكون بيكن ليك كره وحقد انت مش متخيله ركز في طريقك ومشوارك ومتحتجش لحد صدقني كدة احسن بكتير
بتوهم نفسك عشان متبدأش لا هي اصعب الحاجه البدايه لوحدك لان محدش بينفع حد اليومين دول
اها اتفهم شعورك ، وقت تبذل مجهود في تعلم شيء جديد او تطور من نفسك ولا حد يلاحظ الفرق ولا يقدر جهدك .. ممكن نكون اصدقاء وندعم بعضنا ؟
محدش بيسند حد للأسف اسندى نفسك وبس
بس مينفعش يبقا اعتمادك ١٠٠ ف المية على تشجيع حد الحياة مبتمشيش كدا
بص اه الطريق الطويل محتاج ونس ومحتاج شخص يسندك بس حاول ديما متقولش كدا لأن لو اعتمدت عل انسان غالبا أو اكيد مش هيكمل معاك المشوار حاول تعتمد عل ربنا عن تجربه شخصيه
لأ مش لازم والله الواحد اكتشف ان كل ده كان خدعة والانسان بس بتيجي عليه لحظات ضعف هي اللي بتخليه مفكر كدة لكن الحقيقة انه مش لازم
فعلاً، الطريق الطويل دايماً بيبقى محتاج ونس يطمنك ويهون عليك التعب بكلمة حلوة ♥️♥️♥️♥️