يا حبيبتي هو مش خايف يكسرك هو خايف يتدبس اصل تمثيلية نبقى إخوات ومش عايز أظلمك دي النسخة الشيك من أنا زهقت وعايز خروجة آمنة واللي بيراقب الأكونت ده مش حب ده حب سيطرة عشان يطمن إنك لسه محجوزة على الدكة لحد ما يقرر يرجع أو يختفي تماماً فـ فوقي مفيش راجل 20 سنة بجد بيفكر في واحدة 14 سنة إلا لو كان بيدور على حد سهل يتشكل على مزاجه ولما كبرتِ وبدأ يبقى فيه مشاكل خلع ببدلة مصلحتك.

أنا مقدرة جداً إنك حاسة بمشاعر حقيقية، وإن اهتمامه وكلامه الحلو كان "أمان" ليكي في وقت معين، بس تعالي نفكر بالعقل في كام نقطة أنتي كاتباهم بلسانك: ​لعبة "الضحية والجاني": لما يقولك "أنا خايف أكسرك" أو "خايف أخسرك"، هو هنا بيرمي المسؤولية عليكي أنتي. الجمل دي هدفها يخليكي أنتي اللي تدافعي عن العلاقة وتتمسكي بيه أكتر عشان تثبتي له إنك مش هتتكسري. ده نوع من أنواع "التلاعب النفسي" المشهور جداً في العلاقات اللي مش متوازنة. ​المراقبة مش حب: إنه يدخل الأكاونت بتاعك ويراقبك، دي مش غيرة "حلوة"، ده "حب تملك". الشخص اللي بيحبك بجد بيثق فيكي وبيدي ك مساحتك، مش بيحسسك إنك تحت الميكروسكوب طول الوقت. ​فرق السن والخبرة: هو عنده 20 سنة، يعني شاب ناضج، وأنتي 14 سنة يعني لسه في بداية مراهقتك. الفرق ده بيخليه هو اللي "سايق" العلاقة ومتحكم في مشاعرك، وده بيخليكي دايمًا في حالة "Confused" أو لغبطة زي ما أنتي كاتبة. ​الهروب من المواجهة: هو "بيحجج" بوالدتك وبكلام كتير عشان يبرر ليه العلاقة مش هتاخد شكل رسمي دلوقتي (خطوبة وكده). الحقيقة إنك لسه صغيرة جداً على فكرة الخطوبة، وهو عارف ده كويس، فبيستخدمه "كشماعة"

حبيبتي انتوا لسه صغيرين جدا على الكلام دا و هو لسه قدامه سنين مش سنتين زي م بيقول بلاش تستنزفي مشاعرك من دلوقتي ركزي دلوقتي في دراستك و مذاكرتك بلاش تبوظي قلبك من دلوقتي و من الواضح جدا أنه بقا يتلكك بس اين كان كلامكوا مينفعش و انتي هتتضري في الاخر دا غير أنه حرام ياحبيبتي كلامكوا حرام حتى لو أهلك عارفين و موافقين برضو حرام طلاما مفيش حاجه رسمي صدقيني جيالك من المستقبل و بقولك هتندمي و للاسف مش هتعرفي تصلحي دا ساعتها بس في ايدك تصلحي من دلوقتي

بصي انا عندي نفس السن و بقولك دا تمثيل اللي بيحب بجد مش بيدخل اببيت من شباكه

هو ازاي بدأتي معاه العلاقة دي يعني اتعرفتي عليه ازاي وانتي ازاي حبيتي من غير أصلا متشوفيه يعني حتي معجبة بايه ده انتي مشوفتهوش وده مجرد شات أولاً علشان تخرجي بره العلاقة دي من غير خسائر انتي ليه دخلتي معاه في علاقة انتي يا انا دخلتي معاه في علاقة يمكن علشان تشبعي احتياج مش عاطفة في فرق بينهم الحب احتياج ولو معرفتيش تشبعيه بتدوري عليه بره فاي كلمتين حلوين هتسمعيه من اي ولد هترجميه انه حب وده غلط لأن مفيش حب في مرحلة المراهقة ده بيبقي إعجاب وبيروح مش أكتر نصحتي ليكي ده استنزاف لمشاعرك علي الفاضي ومش هتستفادي حاجة اقطعي علاقتك معاه وغير كل ده أصلا دي علاقة محرمة مطلاما مش هتنتهي بزواج

عندي توقع وراي التوقع الجمال نسب وكل بنت ليها نسبة جمال . وفي الاخر بتبقي راحه . بس من الواضح ومتوقع انك جميله نوعا ما وهو كان مشدودلك لانك كنتي بتلمعي في عينه بس خدي وقت وخلاص شاف واحده اجمل وجري عليها ممكن تكون اقل منك جمالا بس في نظره هي احلي فزهق ومل منك وعلفكره ده طبيعي في علاقتكم انتو لانها كانت احتياج وليس عاطفه والاحتياج ده مهم جدا الفكره . بس خليكي واخده بالك طلاما قال مش عايز العقك بيا وخائف اكسرك ده اسمه حيلة دفاعيه بيبرر لنفسه وبيبرر ليكي أن احتياجه مبقاش معاكي علشان وله انى وله هو تواجه الحقيقه أنه زهق وأنه اصابه الملل ودي مشكلة البنات في الوطن العربي عموما أن مفيش تجديد حقيقي ولو في تجديد في العلاقه بيكون أقضية واجب مش حب واحتواء