بص يا جماعة أنا عندي مشكلة بجد مش عارف أحلها ومحتاج نصيحة من حد فاهم أنا شغال في مجال البرمجة وعندي مهارة كويسة جدًا الحمد لله وبعرف أعمل شغل نضيف واشتغلت مع ناس قبل كده وحققت معاهم نتائج كويسة، بس مشكلتي الأساسية إني مش عارف أسوق لنفسي خالص يعني لا عارف أوصل لعملاء صح ولا عارف أعرّف الناس أنا بعمل إيه ولا حتى عارف أبيع الخدمة بتاعتي بشكل يقنع اللي قدامي بحس إني تايه شوية… عندي المهارة بس مش عارف أظهرها، وعندي شغل كويس بس مش عارف أجيبه قدام الناس جربت كذا حاجة بس مفيش نتيجة واضحة، وده مخليني حاسس إني واقف في مكاني رغم إني ممكن أكون أقدر أوصل لحاجة أكبر بكتير فلو حد مر بنفس المشكلة أو عنده خبرة في التسويق لنفسه كمبرمج يقولّي أبدأ منين بالظبط وإيه الخطوات الصح اللي أركز عليها عشان أجيب أول عملاء بشكل فعلي محتاج كلام عملي يتنفذ مش مجرد نظريات عشان أنا فعلًا عايز أتحرك وأكبر في المجال ده