هل بتحب نفسك...ولا بتحب الصورة الي عايز توصلها؟

Question

احكيلنا بتحب نفسك ليه ومش بتحبها ليه وايه الي وصلك للحالتين؟

Lemon_71361 🇪🇬 · Answer

انا حبيت نفسي بعد ما عرفت قدرها الحقيقه و عرفت قدرها من احتاكي بالناس لاقيت نفسي احسن من ناس كتير بس هي شويه مظاهر و مناظر على رشه نفاق على حبه رياء و أهم بيمشوا بس انا قررت اكون صح و اعمل اللي يرضي ربنا و تربيتي و الواح. يكون رحيم بالناس و نفسه لان مافيش نفس هتتحملي اكتر من طاقتها

Sugar_72312 🇪🇬 · Answer

الحقيقة ان بحب الصورة إلى عاوزة اوصلها..
المشكلة الكبيرة ان مش غرفة احبب نفسى ازاى.؟ ايه الحاجات والخطوات  الي ممكن اعملها عشان احب نفسي.؟؟ انا بأذى نفسى كتير بعلاقات مفيهاش تقدير وحب ليا لمجرد ان عاوزة الطرف التاني

Marshmallow_72562 🇪🇬 · Answer

إنت مقدارك حل غير إنك تحب نفسك ليه لأن مع الوقت و حبك للصورة إلى إنت عايز توصلها هتلاقى نفسك بدأت تكدب على إلى حواليك إنك بالفعل الصوره دى و مع الوقت هتلاقى إنك بتكتب على نفسك بردو زى فقاعه كدا إنت عاملها حوالين نفسك و هتبداء تشوف نفسك ملكش قيمة من غير الصورة الزائفه دى بينما إنت أصلا كويس يعنى كونك بنى آدم فا إنت تستاهل إنك تتحب ، اه طبعا إلى و حاول تكون أحسن صوره ممكنه من نفسك بس حاول متكونش داخل الفقاعه دى لأنك هتهلك نفسك على الفاضى

Apple_64761 🇪🇬 · Answer

انا بحب نفسى جدا
مش حب الأنانية 
بس حب تقدير الذات والاعتماد ع نفسى 
بجد والحمد لله ع ثقتى وبحب شكلى من اول المظهر الخارجى لحد اعمق نقطة فيا بكامل 
اسرارى ومشاكلى
فعلا كل ما تتعرف ع نفسك وتحبها وتتعامل لشكل مكشوف ويكون مصارحة وتاديب لنفسك 
هتلاقى الحياة اجمل واحسن 
احنا بشر ودا طبيعى

Marshmallow_69067 🇪🇬 · Answer

عايزة مضيعش الباقي منها بحاول احافظ ع الى فاضل.. الى فات كان ماليش يد فيه بس أثر في نظرتي لنفسي وخوفي من كل حاجة وشعورى انى دايما غلط.. انا بحاول مخسرش أخر امل ليا انى أحب نفسي ودا بأنى مضيعهاش ولا أدخلها في علاقة تستنزفها او تكون مع ناس ميستاهلوهاش.. هفضل محافظة على اخر فصل في قصتي ابقدر اكتبه بنفسي انى مش هخلى فيه ناس مبحبهاش او بتحبني بجد مش هتنازل انى اكون في مكان متقدرة فيه ومرتاحة وأحس انى اخيرا وصلت لوجهتي وانا كدا كدا بحب نفسي المتلغبطة ونفسي الى بتحاول توصل و نفسي الى رسمت قصتها الى هتوصلها وهتعيشها 🤍🕊🩷

Jackfruit_62917 🇪🇬 · Answer

بحب نفسي موت ومسببلي نرجسيه جامده مخلياني مش بحس باوقات بالبنت اللي معايا ودايما باصص لبرا عاوز بنت احلى وبنت تستاهلني احسن مش عارف اعمل ايه  وعلاقاتي بدات تكتر شوفولي حل لات الموضوع بدا يبقى معايا متعب بصراحه

Apple_63299 🇪🇬 · Answer

انا مش بحب نفسي خالص ، دايما طموح وللاسف طموحي ده بيخليني تايه و محتار و احيانا مستصعب المشوار، اتمني اشرف اهلي ، اتمني اشرف اخواتي ، اتمني احسس اللي مشيوا انهم خسروني بجد . 
و الاهم من كل ده، اتمني الاقي و اشرف نفسي

Biscuit_50330 🇮🇹 · Answer

بحب نفسي اه و أنا فرحنا بس و أنا زعلنا و متعصبه ببقى فظيعه بطلع الي جوايا علشان في حاجات مكتومه فا لما بتعصب بطلع كلو بس لما بكون فرحانه بنسى الدنيا كلها و الوجع علشان كده مش بحب اوري وجعي لحد بس لما عصبيتي بتطلع ببقى فظيعه فا علشان كده بوري للناس اني قويه و مفيش حاجه تقصر فيا رغم اني شايله حاجات كتير اوووي جوايا

Cherry_74076 🇪🇬 · Answer

انا بحبني جدااااا و دايما عايزة ابقى ف احلي صورة ع وجه الارض لان مش اي حد يستحقني و انا خسارة في اي حد يفكر يأذيني او يجي عليا لاني شوفت كتير و اتأذيت جامد اوي من ناس انا مستغرباهم هما ازاي كده بالسود ده

Jackfruit_53658 🇪🇬 · Answer

بصراحه بحب نفسي جدا و المحبه دي جات بعد كره دام لسنين و سنين 
و عارفه و مقدره قيمه نفسي 
اولا عشان مشوفتش التقدير من حد اكتفيت اني اكون الشخص الوحيد اللي يقدر نفسه و يحترمها
و اكتشفت انها شخصيه طيبه و نضيفه و نقيه و مش مؤذيه و كمان بتدي كل المستطاع 
و قد ايه هي مرت بكتير و عانت كتير و مع ذلك قدرت تتخطى ده و مستمره في حياتها
و قد ايه هي تستاهل تعيش و تشوف حياه جميله و طيبه زيها

Strawberry_74100 🇪🇬 · Answer

ساعات بحس إني بحب نفسي، بس برجع وأقول لا أنا بحب صورة في دماغي، لأني مش راضية عن نفسي دلوقت، مش راضية عن حاجات كتير في حياتي، عايزة أحسن علاقتي بربنا وبأهلي، عايزة أكون شخص ناجح ومتفوق بس مش عارفه، خطواتي كلها فاشلة كل محاولاتي مش نافعة، مبقيتش عارفه ازاي أرضي الصوت اللي جوايا....

Chocolate_74465 🇪🇬 · Answer

صراحه انا بحب الصوره الي عاوز اوصلها اكتر الصوره الحالية و دا بسبب ان الصوره العايز اوصلها ناجحة و معها فلوس  و عملت إنجازات كتير.
كل دا بسبب ان مافي انسان كان بدعمني و بحبني بالطريقه الي انا عاوزها، اتعلمت اني اكتر انسان بدعمني و بحبني و عشان كده عاوز اشوف نفسي في أحسن مكان.
انا بستحق كل خير و كل حاجه كويسه حتى و إذا مافي حد مؤمن بكده كافيه انا حوصل نفسي لمكان الي انا عاوز اكون فيه.
البشر ما مضمونين خليك دعم و صحاب نفسك

Apple_16067 🇪🇬 · Answer

الحقيقه انى مش متأكده لو كنت عارفه نفسى اصلا ولا لا كتير بحس انى مش عرفاها وانى تايهه بسببها بسبب انها مش عارفه عايزه ايه ولا فاهمه نفسها بس برضو بحب نفسى عشان شيفاها من جوا وعارفه قد ايه هي شخص كويس و نفسه يبقى احسن بيعمل كل حاجه عشان يبقى كويس مع اللى حواليه فنا شيفاها طيبه بس حاسه انى مش مدياها حقها ونفسى افهمها اكتر

Plum_74525 🇪🇬 · Answer

انا مبحبش نفسي عشان كنت ضعيفه اوي وانا صغيره وكانت امي بتتحكم فيا جدا لاني الوحيده 
مكنش في ولاد بينجذبو ليا لاني كنت الاولي علي الفصل دايما كانو بس عايزين يغشو مني
مكنش في حد بيبصلي
كنت محرومه من ابسط الحجات والالعاب الي اي طفل بياخدها 
مكنتش بخرج وطول الوقت مجبره اني اذاكر واامي كانت بتضربني كتير وقدام عيلتنا وكنت بحس اني منبوذه ووحشه ومستحقش الحب 
كنت ضعيفه ومحرومه ومكروهه ومنبوذه
لما كبرت بقيت قويه بس مبعرفش احب
او بمعني انا بقيت مريضه حرفيا بعلق الاولاد بيا ومش بحب حد فيهم بخليهم يجرو ورايا وانا استمتع وانا شايفاهم بيتاذو ويتعذبو وباذيهم بكل الطرق خيانه شتايم تجاهل اهمال 
معنديش اي صحاب بنات معرفش ليه مع ان نفسي انا بحب الصحاب واللمه
عملت علاقات جنسيه كتير وبتباهي بيها و بحب اخطف الاولاد الي صحباتي مرتبطين بيهم 
بحب اذخل اي مكان الفت الاهتمام ليا بدون مجهود
بحب الكل يكون معجب بيا وانا اكون كارفه

Cherry_75114 🇪🇬 · Answer

مش بحب نفسى لانها حبت واحده وبسبب نفسى وصلت لشخص بلا شعور وبلا اى حاجة  وشخص انا بكره لن انا مش عاو ز الشخص اللى انا فى دلوقتي علشان انا مش ده انا وكل محاول ارجع لنفسى  نفسى ترجعنى لنقطة الصفر من تانى لغاية لما كرهتها

Waffle_75439 🇪🇬 · Answer

اعتقد إني بحب الصورة إلي راسمها لنفسي في المستقبل هتكون صورة أقرب للكمال بس كامل أكيد يعني الكمال لله وآحده
لأني يعتبر عايش أحلام اليقظة فجاءة أسرح في موقف مألفه أو بتخيله وأنا بشوف نفسي علي حد كان شايفني قليل زمان و أن كل حاجة بحلم بيها بتتحقق

Watermelon_75882 🇪🇬 · Answer

يمكن ساعات بحبها بس فالاغلب لا 
ساعات بحس اني مش حلو اني متحبش ان اصلا محدش بيحبني كلهم بيكلموني عشان انا الحل الوحيد دلوقتي 
ساعات برضوا بكره نفسي من القرارات الغلط الي باخدها ومن تصرفاتي

Tofu_75765 🇪🇬 · Answer

مش بحب نفسي من اكتر من ناحية اولهم الشكل بسبب تنمر في المدرسة او من الاهل لغاية مبقيت انا كمان شايفه وحش ومش عارف اتقبله او الاصح مبقيتش عايز اتقبله عايز اغيره ١٨٠ درجة ودة طبعا مش ممكن لانه مرتبط بحاجات كتير مقدرش اغيرها بعمليات تجميل مثلا  .
.
وثانيا شعور ان الشخص مكروه وغير مرغوب فيه انا كنت طفل هادي عمري ما فهمت ليه حد بيدايق مني او يضربني او يشتمني كنت نتيجة جواز اتنين مش بيحبوا بعض واهلهم مش موافقين علي الجوازة دي ودة ادي ان العائلتين مش عايزيني جدتي ام بابا لما توفي قالتلي انت مش ابني ولا عمرك هتبقي ابني كان نفسي احس بشعور الناس الي بتقعد تتكلم عن جدتها وقد اي كريمة وطيبة بس عمر اهل بابا حبوني كانوا بيقولوا لبابا يروح لوحده الزيارة بتاعة يوم الجمعة دي واهل ماما مش متقبليني علشان بفكرهم ب بابا حتي لما حاولت انتحر و كنت في المستشفي لان فشلت قالولي خالتوا قالتلي موت نفسك ولا اعمل الي انت عايزه بس بعيد عننا متفضحناش

Apple_67876 🇪🇬 · Answer

انا مفيش مرة حبيت نفسي او شكلي او شخصيتي
معرفش ليه مع اني شكلاً مش وحش اوي يعني ممكن متوسط و شخصيتي كويسة
من زمان وانا عندي عقدة ال perfectionism يعني كل حاجة تبقا ١٠ من ١٠
معرفش ليه 
بس ممكن اتربيت على كدة او دة اللي كنت بشوفه من وانا صغير
بقيت بدفن دة فطريقة كلامي و مواضيع بتكلم فيها
بس انا عارف بيني و بين نفسي اني مش هرضة بنفسي غيى لما اغير المكان،الاشخاص،النفوس اللي بتعامل معاها
معرفش دة هيحصل ولا لأ
بس لو حصل فخير ولو محصلش فخير بس بطريقة تانية

Banana_76025 🇪🇬 · Answer

الانسان جوا حاجه اسمها نفس ونفس دي اوسخ من شيطان 
لو سبتلها نفسك نضيع 
نحن لزمن نتعلم من اغلطنا من تجاربنا وتجارب غيرنا 
الحياه فيها حجات حلوه وحجات وحشه 
بس الي عايزين فشلك اكتر من الي عايزين نجاحك 
ونجاحك هوا اكبر رد على كل مغرور حقود اناني 
انك تكون او تكوني انسان بجد كلنا نقدر بس نحط حلم ونحط هدف وربنا يوفقك احلم حلم مش حرام عيش حياتك طلع الي جوانك محدش وخد معه حاجه

Marshmallow_69067 🇪🇬 · Answer

يا الله ع ضعف الإنسان.. زمان كنت بحاول احب نفسي وكنت راسمة صورة لنفسي المستقبلية دى كنت بحبها جدا بس انا بقيت اكبر من النسختين ومريت بحاجات مخبياها ع نفسي الصغيرة .. مش عايزة اخليها حزيمة واقولها ان نفسك الكبيرة موصلتش لحاجة نسختك الى حبتيها وكانت مهونه عليكي الحياة باظت منى خالص .. النسخة الموجودة حاليا بتنجوا من يومها بالعافية حاسة بضغط الدنيا عليها.. نفسك الكبيرة حاليا بتتمنى كل افكارها تموت وكل وجعها ووحدتها وكل حاجة انتى كنتى زمان احسن برغم كل شئ كنتى بتعانى منه زمان بس كان لسه عندك امل وقدامك ايام وخيالك واااااسع.. انا اسفه انى معرفتش اكون اى نسخة تنفع تكون إمتداد ليكي او إنتصار ليكي ع كل حد وحاجة وجعتك ..نفسك الكبيرة نسخة بايظة بتتمنى تنتهى بأى شكل

Coconut_73870 🇪🇬 · Answer

بحبها عشان ماما الله يرحمها دعتلي ربنا يحبب فيكي خلقه .. فعلى قدر ما بلاقي دعوتها بتتحقق .. طيبه و جدعه زي ما صحابي بيوصفوني .. ببقى عايزة راحة البال و اعيش في سلام .. صاحبة بتحب تسمع لصحابها وتتواجد وتحل .. بقيت بطور من نفسي في مجال شغلي الحمد لله .. كنت مصدر فرحة لأمي الله يرحمها و أخت حنينه على قدر الإمكان .. ليا أثر طيب مع ولاد الناس الحمد لله و بحاول ازرع فيهم القيم و الاخلاق .. براجع نفسي و عندي ضمير في شغلي .. بكره نفسي اني ساعات كتير بكسل عن فرص حلوة بتيجي في حياتي .. Loyal لدرجة مؤذية لنفسي .. بقلب في ذكريات وحشه في دماغي تحت مسمى ال overthinking .. ساعات كتير بخش في الاكتئاب وبطلع منه بالعافيه

Banana_76520 🇪🇬 · Answer

بحب نفسي، وبحلم بالصورة اللي عايز اوصلها. 
اصل لو حطيت صورة ثابتة و وصلتلها، هعيش ليه تاني ؟!
أنا دائمًا بحلم 
بس مش دائمًا بحقق احلامي فالوقت اللي حدته ليها 
بس دائمآ بحقق احلامي والحمدلله 
انا انسان عايش بجرب.

Ice Cream_52575 🇪🇬 · Answer

أيوة الحمدلله.. أو يعني بحاول

كنت زمان فاكر إني ممكن أحب نفسي بالعافية أو إني احارب صوت الناقد الرخم القاسي اللي جوايا بس مع الثيرابي و القراية عرفت إن الموضوع عايز صبر و هدوء و حنية..

و اقدر أقول إن دلوقتي بقيت بحس بحبي لنفسي في مواقف و حاجات كتير من غير ما اكون واعي أو مركز بلاقي إني راعيت شعوري و عملت اللي يرضيني و ميجيش عليا.

Pear_77024 🇪🇬 · Answer

ساعات بحس اني حتي مش عارف نفسي انا ايه صفاتي ايه 
انا شايف نفسي ايه مش عارف 
يعني عايز اسئله اجاوب عليها بصدق وصراحه مع نفسي  تخليني افهم نفسي .
هل حد يقدر يساعدني ؟؟؟؟؟

الغريب أن كل ما اقابل حد جديد علي مستوي الشغل أو التعامل عموما بكون شخصيه محبوبه جدا سواء من الرجاله أو البنات

بيشكروا فيا وفي شخصيتي واد ايه انا شخص مريح 
انسان بشوش والناس حواليا بتهتم برأيي في اللي يخصهم سواء في الشغل أو برا الشغل

Chilli_65726 🇪🇬 · Answer

انا مش بحب نفسي اني معناها بكره اني عايش اد ما ظا حقيقي بس دا مس بسحصل بسبب اني اتولدت بكره نفسي لا اكيد بسبب نمو كفل في عيله سامه متربي علي التعنيف الاسري فا اكيد هيبقا ضال يعني 
ولاكن لو جيت بصيت للجانب الاجابي بجد هتلتقيني اجتماعي جدا بعمل صداقات مع كلا الجنسين لساني خفيف تحب تقعد معايا ولاكن دي الصوره الظاهريه 
فقط انا داخليا انا محطم بس 
وسبيل متعتي اني اعمل اي حاجه تخليني مبسوط ودا سببب في دمار اي شخص فاذا كنت فعلا تعبان حابب تشكي اتجوز بنت اصل مش هقولك انزل احكي لصاحبك اصل كل راجل في طاقه لل استماع لاكن الواحده فعلا هيه ال بتقدر تسمع 
اصل انت كا راجل مش محتاج تكون راجع من الشغل تعبان تدخل تشتكي لمراتك لا انا لو نمت في حضنها وحضنتك انت هتحس بي الامان لي الحنين بجد لان الست مخلوقه عشان تكون ال صدر الحنين بعد والدتك تشكيلها مش عشان تاخد حل عسان انت كا راجل محناج حد يسمعك مش اكتر

Potato_75298 🇪🇬 · Answer

أنا بكرها نفسي جدا و شايف اني فاشل في كل وقت

بوترترترعتىخبمرخرمنبمبمرمبمبمربممرمرمرمربمبمبمبمبمبمبمبمبنبممبنبنبمىىنملمبمثمل
ىزىمىمنىنرمننىننبنرمنبممىنىمىمرمنبممبنهقننبنل

French Fries_66226 🇪🇬 · Answer

بحب الاتنين قصه كفاح دلوقتي شقا وتعب عشان اللي عايز أوصله هو اللي عاوز كده اه بعمل حجات غلط كتير نصايب يعني بس الخشه في الرجال يجيب الفقر في الاول وفي الاخر انا بحبني دلوقتي وقبل كده وبعدين لأن نفسي هي اللي تستاهل الحب مش حد تاني ♥️♥️

Avocado_79195 🇩🇿 · Answer

انا حاليا عم اشتغل على حب نفسي . انا تعبانة كثير بحس. مع ذلك الا انني لا اهمل نفسي ولا اكرهها. اما موضوع الصورة لي ابغى الناس تشوفها صراحة مبتهمني أبدا . لأنني عندي قاعدة لي بحبني بحبني مثل ما انا عليه ما لازم مثل شخصية ! هدا خطأ . انا احب نفسي وبتمنى برتاح من العداب بلي أنا فيه 💔

Potato_79093 🇪🇬 · Answer

علطول حاسه اني فاشل في كل حاجه واني ضيعت وقت كتير اوي معملتش في حاجه انا مش صغيره معنديش مستقبل الحاجه اللي عندي شغف اعملها من وانا صغيره ماشيه مع القطيع وخلاص عندي امل اكون حاجه بس مش حاسه انها حاجه ممكن تحصل دراسه مكنتش احسن حاجه شغل وسيبته صلاه وكمان مش منتظمه فيها وعارفه ان ده السبب بس انا تعبانه والله بجد مش بفكر في الانتحار اكيد بس انا بفكر في عدم وجودي كان هيكون احسن مش عارفه اشتغل علي نفسه ولا ابدأ منين ولا اصلح ايه ولا ايه واصلحه ازاي بقيت خايفه انزل من البيت بقالي كتير جدا في البيت بقيت خايفه من كل حاجه اكتر من الاول والتوتر مموتني علطول بجد لو حد يساعدني اني اعمل ايه او ابدا اصلح ايه علشان انا زهقت من نفسي و اصحابي مش بكلمهم ولا عايزه حتي مش كره بس لا بجد علشان مش عايزه ازعل حد لإني علطول بظهر  بشكل اني فرفوشه وبضحك وكده مش بحب النكد بس حاسه خلاص مبقاش في طاقه ولا شغف اصلح حياتي ولا اكلم حد

Coffee_81331 🇪🇬 · Answer

هو انا طبعا بحب نفسي و متقبل نفسي ب كل عيوبي ، بس اكيد بحب الصورة الي عايز اوصلها اكتر … يمكن حققت كتير من الي عايز اوصله ف حياتي بس لسا باقي اكتر ، يعني مثلا من صغري عايز ابقي محامي ر دلوقت اهو بدرس ف حقوق و شغال ف مكتب محامي بس مستني الوقت الي يبقي ليا فيه اسم و ابقي شخصية معروفة

Sugar_47357 🇪🇬 · Answer

هفضل امته عايشه ف خيالي بس .. لا متقبله نفسي ولا شكلي .. قائمة من الاشياء الغير مرغوب بها تتكاثر.. هل انا هذا الشخص التي كنت اتمناه يوما ام لا .. هروب دائم من نفسي في المرآه.. هروب دائم من مواجهة افكاري يتم اخماد نفسي يوميا .. سنه تلوي الأخرى تضيع من عمري وانا كما انا لا جديد .. مش عارفه حقيقي مش عاوفه انا عايزه اي

Croissant_81419 🇪🇬 · Answer

بحب الصورة اللي عاوز اوصلها و كل ما بيعدي وقت بحس اني إيماني بيزيد بيها و بتتحقق و بوصلها و كل ما اوصل لحاجه الصوره تتغير لحاجه تاني و هكذا مش عارف دي حاجة كويسة ولا  لا بحاول استقر علي شيئ و مش بقدر

Marshmallow_83072 🇩🇿 · Answer

Ana rani mea whd smouh karim nbghih bzaf howa sahbi weynia wklch fi hyati aya rana bghyin nrgdou bsh lnach 9adin nrgdo rahlna neas psq mdari nrgdo mea bead aya gbula mkhlnich nrgd eya wproblem t3na hoA sequu mnch 9din nhwso ela b3dana hna kich ndiro ml9ithch 🥹🥹

Orange_82637 🇪🇬 · Answer

بحب نفسي فكل الاوقات لاني قدرت اعدي بمراحل كتير ووقت صعب كتير ووقعت وقمت طبعا برحمة ربنا احنا لا حول لينا ولا بالله العلي العظيم 
بحب نفسي لاني مصدر طاقة ايجابية لكل اللي حواليا برغم اني كتير ببقى محتاجة الحضن والسند بس بسند غيري وبصبر هو أنا لازم احبها لانها الداعم الأول ليا ❤️❤️❤️❤️❤️

Broccoli_84333 🇪🇬 · Answer

لا ، انا كنت بحب نفسي زمان لحد بداية مرحلة الثانوية ،وبعدين بقيت بكره نفسي لأن من بعد دخولي مىدرحلة الثانوية وبدأ كل شي يتغير للأسوأ مستواي الدراسي ، و بدأت إدمان الاباحية ، وبالتالي نفسيتي تعبت و دخلت تخصص انا مش مرتاح فية مش بحب نفسي حاليا

Cookies_84620 🇪🇬 · Answer

بحب الصورة الي عايز اوصلها، عشان هو دا الي بيخليني احب نفسي و اتطور دايما، على سبيل المثال، حلمي اني اكون مبرمج كبير شغال في شركة محترمة و شكلي كويس و جسمي كويس، عشان كدا انا شغال على الموضوع دا، ويوم عن يوم حبي لنفسي بيزيد

Coconut_58539 🇪🇬 · Answer

مبحبش نفسى خالص 
انا بشوف انى اكتر حد مقصر وانا السيء فى كل الرويات .. بل الأسوأ .

ءءءءءءءءءءءءءءءءءءءءءء ءءءءءءءءءءءءءءءءءءءءءء
ءءءءءءءءءءءءءءءءءء ءءءءءءءءءءءءءءءءءءءءءء
ءءءءءءءءءءءءءءءءءء ءءءءءءءءءءءءءءءءءءءءءء

Strawberry_80896 🇪🇬 · Answer

رسالة للاب بس انت أهبل في مخك حضرتك سيب البوست متعصبنيش، متحذفش البوست تاني أحسنلك لو سمحت يعني 🥹

جاية أثير الجدل و أقول...

إني بقيت شغوفة أوى لقرة عيني المستقبلي و أحلامي معاها، لأن أكيد حاجة حلوة انك تكون مع نصك التاني، شعور اني مخلوقه من ضلعه ده بجد أكيد حاجة تحفه، سبحان الله الفطرة دى جميلة جدا، لبيك ان العيش عيش الآخرة❤️‍🩹🌼

مش عارفة انت هتيجي أمتي ولا انت عامل ازاى، بس بجد حابة اقولك انك هتكون محظوظ جدا، و من غير كدب برضو مامتك هتكون داعية عليك في قيام الليل زى ما أهلي و صحابي بيقولوا😇🩵

Chilli_86732 🇪🇬 · Answer

قعدت كتير اوي عبال ماعرفت ازاي احب نفسي .. احساس فشيخ اوي يا جماعة .. الواحد يبقى متصالح مع نفسه و يحبها على وضعها كده بدون مجاملات او تطلعات او تصورات او نظرات .. ازاي اكون متقبل نفسي بكل عيوبي و كل مميزاتي .. ازاي اكون ببص لنفسي بشكل جميل و ابقى حلو في عيني انا .. ازاي مابقاش مستني مجاملة او كومنت من حد او اهتمام .. لاني مكفي نفسي بنفسي .. لا بأس ببعض الأنانية أحيانا ..

Chocolate_87509 🇪🇬 · Answer

بقالي فتره انا مش بعمل الحاجات المفروضه عليه وبهرب بالنت واحلام اليقظه وبسوف جدا وبعدها اجلد نفسي لاني بسوف 
مكنتش كده زمان كنت شخصية بنجز جدا ومتفوقه بس حاسه اني بمر بمرحلة احتراق نفسي لاني ضغطت نفسي في الثانوي جامد ومأخذتش النتيجة الي عاوزاها وده خلاني طول فترة الجامعه مش بذاكر قوي والنتيجة شيلت مواد كثير واتخرجت بعد دفعتي بسنه وكمان لما اشتغلت انا اقل من زمايلي لانهم فاهمين الي بيعملوا انما انا لا بحكم اني كنت مستهتره فترة الجامعة بالمناسبه الي مزود احباطي اني ٢٦ سنه هلحق احسن من نفسي وارجع واطور من نفسي 
حاسه اني اتأخرت جامد 
عايزه حل عملي لوضعي بجد