منذ 4 ساعاتيشعر بـ مذنب
جماعه انا عندي مشكله كبيره وعايزه اسال على كذا حاجه واللي مر باللي انا فيه ياريت يقولي تجربته و رايه انا لسه مخلصه ٣ث وشايله كيمياء وجايبه 58.75% قبل امتحان الدور التاني المفروض بعده ابقى 64.75% المهم عايزه اعرف اي نظام الدور التاني واعمل اي عشان اعدي منغير غش وهل فعلا المراقبين بيدو العيال الاجابات ولا لا بالذات اني فعلا مهرفش اي حاجه في الماده يعتبر انا جايبه ١٢ من ٦٠ بالهبد مكنتش عارفه اي سؤال في الامتحان ومش عايزه اغش عشان حرام ومش عارفه اعمل اي ومجموعي بعد الملحق دا يدخلني اي وهل في جامعات خاصه او اهليه مش بتشترط مجموع او ترضى بمجموعي دا وهل مجموعي دا ممكن يخليني اسافر ادرس برا مصر مش منحه اكيد اقصد بالفلوس ولو حد ليه تجربه في اي حاجه من دول يقولي رايه بالله انا تايهه اوي ومش عارفه اعمل اي
حددى عايزه تدخلى ايه الاول تدخلك اهلى وخاص هنا يأهلك تدرسي فى دوله زى روسيا باين عندك ليبيا فيها جامعات حكوميه تقبل بشري 60% بس شرط تجيب مجموع فى السنه التمهيدي 85% الحكومى 4000 دينار حوالى 25 الف مصري او تدخلى خاص معتمد كمان بس غالى 12 الف دينار تقريبا وبيزيد كل سنه سيكا او شوفى دوله زى روسيا على الاقل ممكن تشتغلى فى الاجازه
ذاكري واعملي اللي عليكي عشان تنجحي وخلاص ذاكري من دلوقتي لحد الامتحان كويس وبس ان شاء الله خير وربنا يوفقك
ايوه عادي هتلحقي جامعات خاصه في الجامعه الصينيه وبردو دوري في جامعات كتير في ناس كتير اوي اعرفها السنه اللي فاتت داخلين خاص فنون تطبيقيه وهندسه من مجموع قريب من مجموعك واعرف واحده طب بشري خاص كانت جايبه 55% ف متقلقيش ع الكليات
ذاكري المادة واعملي اللي عليكي وان شاء الله ربنا يكرمك ويوفقك في حياتك ويجبر بخاطرك ويديكي كل اللي نفسك فيه عشان انتي انسانه محترمه ومش بتقبلي بالحرام فربنا هيراضيكي ، اما بالنسبة للدراسة في الخارج فالافضل حاليا في الفرص هي المانيا و بتقبل باي درجه طالما ناجحة وان شاء الله خير