قلق

ازاى تتخلص من الافكار اللى بتجيلك بعد 12 بجد مبقاش فاهم نفسى ولا عارف مين ده بجد عاوز حل اخلص من الافكار دى و حل تانى عشان اعرف انام نوم كويس بنام نوم متقطع و معدتش قارد استحمل خالص اوفر ثينكينج و النوم المتقطع كتير بجد مع بعض

عايز اعرف امتى بتحسوا بالرضا عن نفسكم، انا عن نفسي لما بخلص كل اللي عليا واكون ماشي كويس في إنجازاتي ومجهز لكل حاجة المفروض وقتها احس اني تمام، بس برجع اجلد في ذاتي اني معملتش اكتر واني كان لازم ابدأ دة من بدري وهكذا ازاي بتهربوا من جلد الذات بالرضا

مسائكم لذيذ اخواتي الفواكه ازاي ابطل اشيل هم كل حاجة و هم الناس اللي معرفهمش و اعرفهم و مشاكلهم ومشاعرهم وعواقب افعالهم اكتر منهم اصلا عشان الواحد مش عارف يعيش والله حرفيا بعيش انا الحاجة مكان الشخص و بتأثر بيها كأنها حصلتلي انا و افضل شايلة الهم و بفكر ف بجد تو ماتش عايزة اعيش ازاي مبقاش بحس

انا دلوقتي نتيجتي طلعت وطلعت واقع ف مادتين من ١٠ مواد ماده كنت متوقعها وماده تاني مجتش ف دماغي خالص انتي ممكن واقع فيها ازاي انا مش عارف انا فاكر اني كنت حالل كويس الماده ساهله ازاي اكون واقع دا مجتش من مواد تاني كنت خايف منها جدا مش عارف ازاي بس الحمد لله دائما وابدا بس انا زعلان جدا جدا وخايف ومش عارف اعمل اي هسجل السمر ل مواد متأخر فيها ومعايا المادتين دول كمان جماعه انا مش عارف اشوف غير ان ذنوبي السبب ف اللي بيحصلي دا مش قادر اشوف غير كده ان ذنوبي هي اللي عامله فيا كده انا والله قلبي تعب ومبقتش قادر استحمل

ادعولي مشيلش مواد كتير عشان نتيجتي ظهرت و معظم صحابي شايلين بالست و السبع مواد و حقيقي الدنيا بايظه خالص و مش هقدر اروح اقول لاهلي انا شايله مواد بجد و حقيقي مش هقدر ادفع ف السمر كل ده اتمني اعدي علي خير وانجح

انا دايما واخد جمب من كل حاجه فحياتي مفيش شغف لاي حاجه ولا في صحاب ولا قرايب عدله ولا تبرير اي حاجه سبت شغلي ال كان من ضمن اسباب تعب نفسيتي وقاعد مش بشتغل حاسس اني تقيل مهو البني ادم تقيل بردو علي البيت وكل محد يجبلي شغل بزهق واتخنق اه بفضفض ان مفيش شغل وعايز شغل بس الخوف ال مجهول مصدرو ملاحقني لما تحس ان قلبك بينبض للخوف والقلق والخنقه والعصبيه وبس مش عشان يضخ دم دا احساس وحش اوي في بلاده كدا حتي تجاه الاهل رغم اني كنت وماذلت تحت رجلهم بس انا حياتي مش عارف حتي احكم هي مشيا صح ولا غلط وفي تفاصيا تانيه كتير مش قادر ابوح بيها (في حد يعرف يقعد شهور مع اهلو وفنفس الوقت منعزل يدوبك كلمه كلمتين لو لزم الامر غير كدا في عزله

في حاجه معينه عايزه اعملها بس في نفس الوقت مش هبقى مرتاحه وانا بعملها ولا هستفاد اي حاجه. الفكرة نفسها مسيطرة على تفكيري ومهما بتجاهلها مش بعرف. اللي مضايقني أنه مش هستفاد حاجه ولا هوصل للي انا عايزاه و رد الفعل من الطرف التاني هيبقي سخيف ولو مبقاش سخيف فهو برضو مش هيعجبني وهيبوظ اللي بقالي اكتر من شهر بعمله. دلوقتي واقفه في النص مش عارفه اتجاهل الفكرة وخلاص

جماعههه انا خطوبتي قربت والمفروض هتبقى اسلاميه ومش مختلطه والاغاني بالدف او بدون موسيقى وكدا بس مش عارفه ايه الاغاني اللي كلماتها عادي تتحط وايه اللي لا لأن خطيبي كمان بيدقق اوي في حوار الكلمات دا ومش عارفه اشغل ايه ف ارجوكو اللي يعرف يفيدني جزاكم الله كل خير يارب😭💗💗💗

زعلانه بجد ممكن لو مكسلين تقروا البوست عالاقل كلكم ادعوا بالسانكم المشاكل كلها تتحل. لو غلطه فشغل زياده عن الميه الف و مفروض شخص التحوله فلوس يرجعهم ومش بيحولهم وكمان رقم مش مصري يبقا اي حلها بجدد . لو في حلول قلولي او لو في كلام دعم حتي احاول اقوله اي ممكن يتقال فالمواقف الزي دي حرفيا حياته و شغله هيبوظ بغلطه

انا مش عارف انا عايز ايه ولا عارف اعمل ايه بفكر اوقف الكام حاجة دول نهائي وانهيهم قبل ما يتحققوا ومش عايز أي حاجة هل لما ابقى فاضي ومفيش حاجة ورايا وابقى شايف كل اللي حواليا بيحققوا نجاحات وانا مش عارف اسبق هتبسط؟ أكيد لا بس برضو كل شوية الفكرة بتسيطر عليا اكتر دة أكيد هروب كدة كدة انا فاهم دة، المشكلة انا داخل تالتة ثانوي وخايف ادخل بنفس الضغط دة، انا فعلا من ساعة ما خدت الاجازة وانا مريحتش دماغي يوم تقريبا انا من اول الاجازة في ضغط وبرضو مش الحل الفراغ، انا ممكن اوقف كل دة وارميه في الزبالة عشان اريح دماغي بس لما اسيب نفسي للفراغ هعمل ايه؟ ولما مسبتش نفسي عملت ايه برضو ما هو ولا حاجة😂 كلها حاجات مش عارف هتنجح ولا لا ولا عارف هتتحقق ولا لا ولا عارف هستفيد ولا لا انا عايز اهدى فعلا نفسي اهدى اوووي

النفسُ إن لم تُدرِك أن الله هو الصاحب الحقيقي في هذه الحياة، ظلت تبحث عن الأُنس في الناس وحدهم، وعن الأمان في وجودهم، وعن القوة في قربهم، وستبقى خائفة كلما غاب أحد، أو تبدلت الأحوال، أو تغيّرت الوجوه. ولهذا ليس السؤال الحقيقي: من معك؟ بل: من الذي تستند إليه حين لا يبقى معك أحد؟ فالله هو الصاحب في السفر والغربة، والصاحب في الإقامة والاستقرار، والصاحب في أوقات القوة والضعف، وفي لحظات الفرح والانكسار. ومهما اجتمع حول الإنسان من أهلٍ وأصدقاء وأحباب، يبقى في داخله مكان لا يملؤه إلا الله، واحتياج لا يُشبعه إلا قربه، ووحشة لا يزيلها إلا أنسه، فالإنسان بطبيعته يحتاج إلى ملجأ يهرب إليه حين تثقل الحياة على قلبه، ويحتاج إلى صدرٍ آمن يضع فيه همومه دون خوفٍ من سوء فهم أو خذلان أو رحيل. وهنا تأتي صحبة الله. صحبة لا تنقطع بمسافة، ولا تتأثر بظرف، ولا تنتهي بخلاف، ولا يغيب صاحبها مهما تبدلت الأيام. فكلما ضاقت الدنيا، اتسع باب الله، وكلما أثقلتك الحياة، وجدت في ذكره راحة، وكلما شعرت أنك وحدك، تذكرت أن الله معك، يسمعك، ويراك، ويعلم ما في قلبك قبل أن تنطق به. ولهذا ليست الطمأنينة الحقيقية في كثرة من حولك، بل في يقينك أن الله معك. وليست القوة في أن تجد من يحمل عنك الطريق، بل في أن تستمد قوتك ممن بيده الطريق كله. فقد تمر عليك أيام تشعر فيها أن كل شيء مضطرب من حولك، لكن يكفي أن يعود قلبك إلى الله، حتى يستعيد شيئًا من سكينته، ويأخذ نصيبه من الأمان الذي لا تمنحه الدنيا لأحد. لذلك لا تجعل قلبك متعلقًا بصحبةٍ قد تغيب، ولا بأسبابٍ قد تزول، واجعل نصيبك الأكبر من الأنس بالله، لأنه الصاحب الذي لا يرحل، والسند الذي لا يضعف، والملجأ الذي لا يُغلق بابه أبدًا. اللهم إنك أنت الصاحب في كل خطوة، وأنت الأُنس في كل وحشة، وأنت الأمان في كل خوف، وإليك نلجأ في كل أمر. د. قمر ريشي

صباح أو مساء الخير علي الجميع كنت حابب اتناقش في حاجه كده بفكر فيها شويه هو أن كل لما اجي افكر اني هعمل ايه في خطوة الجواز الاقي حاجات كتير بتقولي مش هيحصل زي موضوع القايمه ده بقا مرعب اوي بالنسبالي لان سعات كده وانا قاعد بباقي فيديو طلعلي فجاه بيتكلم عن مشكله حصلت بسبب القايمه و عريس مضى علي نفسه حاجات كتير عشان الحب انا مش عاوز أبقا كده مش عاوز في يوم من الايام ابيع اللي حيلتي عشان خاطر ورقه و كمان تاني حاجه انا محدش بيحبني ولا حد حابب اني اكون في حياته أو نعمل ذكرايات سوا فا يعتبر كده مقفله و كده مقفله

أنا بكتب الكلمات دي ومش مستني مجرد "كومنتات" أو كلام مجاملة، أنا حقيقي محتاج دعم حقيقي. ​بقالي فترة حاسس بـخنقة مش بتفارقني، وتايه جداً وسط زحمة الأيام والمسؤوليات. المشكلة مش في قلة السعي، المشكلة إني مش عارف أنا رايح فين، وليه كل الطرق فجأة بقت شبه بعضها وضلمة؟ ​ساعات بنوصل لمرحلة بنكون فيها استهلكنا كل طاقتنا، وبنكون محتاجين بس حد يسمعنا من غير ما يحكم علينا، حد يطمنّا إن اللي جاي أحسن، أو على الأقل يمسك إيدينا لحد ما العاصفة دي تعدي. ​أصعب حيرة هي لما تكون مش عارف إيه اللي تعبك، بس عارف ومتأكد إنك مش بخير

حياتي مش احسن حاجه الفتره دي،، نفسي اغيرها و اتغير حتى لو شويه حاسه اني داخله على بوادر اكتئاب و كذلك داخله تالته ثانوي خايفه و متوتره و ندمانه و وحيده و حاسه بفراغ و حزن و انعدام اهتمام باي حاجه حتى بنفسي و قلة نوم انا عمري ما كنت كده ابدا ولا عمري حبيت اني اوصل للمرحله دي معنديش حد قريب مني بحس علاقتي سطحيه باغلب الناس انا فعلا نفسيتي مش حلوه ابدا و انا مدركه اني اقدر اتغير علشان مش اول مره امر بكده ولا هتكون اخر مره بس المره دي انا مش قادره،، مش قادره اتغير معنديش طاقه انا عندي الطريقه و عندي الخطوات بس مش قادره تعبت حاسه بالوحده و القلق و الندم و الخوف كل المشاعر المؤلمه حاسه بيها

ادعولي بجد ان ربنا يوفقني والاقي شغل كويس و بمرتب حلو وان انا اتقبل ف الانترفيو بجد لاني خايفه جدا اعمل اي انترفيو وعمري ما اشتغلت ف حياتي ولا اتعاملت مع ناس ف خايفه اتوتر او مقدرش اجاوب كويس و كمان انا محتاجه للشغل جدا

خنقة م غير سبب، أوڤر ثينكينج، خوف وقلق من أقل حاجه وأقل مشوار ومش قادرة أعرف سبب كده وازاي اتخلص من الشعور ده، وليه بكره الروتين والتعامل مع الناس بقى شيء مُرهق كده دعواتكم بليز. لا إله إلا انت سبحانك إني كنت من الظالمين🥀

انا واحد عاصي ودايما غرقان ف ذنوب خدت فتره حوالي ٣ سنين ونص كده كنت كويس مش احسن حاجه اكيد كنت بقع وقعات صغيره بردوا وبرجع بس المهم كنت احسن من كده ب كتير دلوقتي انا بقعد بالاسبوع من غير صلاه ولو رجعت ارجع بصلاه او اتنين وبس كده دا غير ذنوبي الكبيره نزلت هنا قبل وناس كتير نصحتني ونصايحكم جميله بس انا واثق من حتى ان محدش هيهتدي الا بأذن الله فعلا انا بعيد اوي عن ربنا الايام دي ومش عارف ارجع ازاي من كتر عصياني وذنوبي بقيت مقتنع اني مستاهلش حاجه ولا اي حاجه حلوه عندي كمان نتيجة امتحانات هتظهر كمان ساعات او يوم ممكن بقيت بقول ف نفسي يارب انا مستاهلش بس انت كريم سترتها معايا دايما لحد دلوقتي وعمرها ما كانت بتعبي انا تعبي ميدنيش حاجه كله من عندك يارب خايف علي حياتي ومستقبلي بس دا بردوا مش الأساس لان ممكن ميجيش عليا نهار تاني وكل اللي بعافر فيه دا ميبقاش موجود وتيجي آخرتي واشوف انا عملتلها اي ودا بردوا شيء مرعب ويخوف بقيت عايش مرعوب يجماعه من كل حاجه ولو عشت مبفكرش شويه اكون قاعد ع التلفون اسمع افلام واكل وانام واصحي وهكذا انا تعبت ومش عارف آخرة حياتي دي اي

ليلة مليئة بالافكار والقلق المبالغ فيه وحاجات كلها ملهاش لازمة خايف ان يطلع الدوا هو اللي بيزود القلق في الآخر هروح أخنق الدكتورة وقتها، نومي خرب عامةً بس اشطا طز عادي قريب إن شاء الله هنخلص

الانتكاسة النفسية دي سيئة اوي بجد، خايف شغفي وطاقتي اللي خلصانين حاليا يأثروا على أدائي في كل حاجة، بدأت اشوف التأثير اهو اصلا وهرجع اقصر في كل حاجة تاني زي الاول بس انا مشش هينفع ومش قادر برضو في نفس الوقت

انا تعبت من نومي، مبقتش بعرف انام من كتر التفكير والقلق الغير مبرر، اه هو في سبب عادي بس مش لكل دة انا بقيت بنام في الليل ساعة او اتنين والساعة دي كلها كوابيس وتفكير في كذا حاجة وبصحى مش بعرف انام تاني من كتر التفكير وبفضل على الحال دة، طاقتي استهلكت خلاص مش لاقي حل والدوا مش جايب نتيجة وحاجة آخر زهق ونومي بايظ ومسافر انهاردة وخير إن شاء الله ربنا يهدينا جميعا

جماعة انا مركبة تقويم ماشي والدكتور كان قايل لي هنشيله بعد سنة او سنة ونص ودلوقتي حرفيا سنتين وكل اما اقوله هشيله امتى يقولي بعد شهر بعد شهرين مع اني الحمد لله بقيت كويسة كان عندي سنتين طابقين على بعض ودلوقتي بقوا صف واحد بس خايفة اشيله غصب عنه السنتين يرجعوا مكانهم تاني وبابقى اوقات كتير بكلم حد ومندمجة في الكلام يقاطعني ويقولي انتي هتشيلي التقويم دا امتى؟ اللي هو مش شكله حلو بس انا باتجاهل كدا وهما بيفكروني

نفسي ابطل ازعل علي حاجة مستاهلش يعني انا بقيت اتعلق بالناس ليه بجد والله مكنتش كدا بقيت ازعل علي حد ارتحت معاه ف الكلام ومشي او انا اللي مشيت وبقيت دايما بحس بعدم الراحه لو حد اتصل بيا. بس لما حد بيحتاج حاجة مهم بحب أقف مع اللي يستاهلو مش عاوز اكون راجل بتتحكم فيه مشاعره اعمل اي وفي نفس الوقت انا بحب اختار الوقت اللي مثلا نخرج او انزل القهوة او اروح لزمايلي ف الشغل القديم بحب اكون مرتاح كدا ف قراري بس الحوار ده عايد عليا ب اني باخد قرارات سريعة برضو انا مش فاهم حاجه من نفسي بس حاسس اني خرجت اللي في دماغي اكتر حاجة بتخليني اقل في نظر نفسي لما الشه9ة تعميني واريلاشن مع بنت شات ولا كول بنام واصحي اكني كنت مضروب علقة مع اني انا اللي بضرب وبهين والقرف ده بس بكون متضايق اوي بس حوار القعدة مع نفسي والله بالدنيا 😂

ازاي اواجه القلق الموضوع بيتطور عندي لدرجة اني مبقتش بنام وبصحى من نومي بال ٤ و٥ مرات وافضل كتير على ما انام تاني بسبب القلق والتوتر بنام ممكن في الليل ٣ ساعات او ساعتين وارجع انام مقطع تاني الصبح بسبب الافكار الكتيرة ودماغي ولما بنام مش بعرف انام بجودة كويسة بسبب كتر الافكار والقلق لدرجة اني بحلم بيهم وبصحى وانام عليهم القلق هنا مش من حاجة كبيرة لا دة اضطراب قلق وتوتر عشان أوضح يعني انا تعبت أقسم بالله

مخي تعب لدرجة أنو ما عادش قادر يفكر و إلا يحسب و إلا يحكي بلغة أخرى لدرجة أني فشلت في كل المجالات اللي كنت نقرا فيهم، فقررت أنو نستغل العطلة في الراحة في البداية كنت متقبلة النتائج لكن عيلتي كانت تشوفها فشل و كارثة و أني قضيت على مستقبلي فبديت نتأثر و نقلق لكن الشي اللي قلقني أكثر هو لما شفت اللي قدي و اللي أصغر مني كيفاه ينمو في مستواهم منهم اللي بدا يخدم، اللي يتعلم لغة جديدة، حرفة جديدة. أي واحد فات بتجربة زي هذي بليز قلي كفاه ما خليتيش كلام الناس يأثر فيك، و كفاه ما قارنتيش روحك بالناس.

حاسس بحاجات كتير اوي و من كترها و كتر ما بكتمها مع مرور الوقت مبقتش عارف احدد انا حاسس ب ايه بظبط بس كل اللي عارفه اني بقيت بقعد لوحدي كتير جدا مبقتش بحب اقابل الناس مع اني مكنتش كده في كيمة ضغط داخلي كأني تحت المايه و بغرق و كل ما بغرق الضغط بيزيد و نور الشمس بيختفي واحده واحده مش عارف اعمل ايه ؟

جماعه حد يساعدني انا بنهار مش عارفه أوقف دماغي ازاي والله صوتها عالي جداا والله انا مغلطتش بس هي قاعده تقنعني اني غبيه ومغفله وان كل حاجه انا ال غلطت فيها بس والله مغلطش والله حد يساعدني ازاي حتى اهدي دماغي مش عايزه احكي ولا حد يسمعني انا عايزه أوقف دماغي نفسي انام

انا هحكي حاجه هي عشوائيه و مش مفهومه بس اتمنى حد يفهمني حاليا انا ف علاقه مع شخص و مرتاحه جدا و بحبه مع ان في حاجات ممكن تكون بتضايق و احنا قربنا اوي ع الخطوبه و كده بس ساعات لما افكر مثلا أنه ممكن يزهق مني بعدين أو يبطل يحبني مثلا أو يشوف غيري بتضايق مع أن بقالنا كتير ف العلاقه و كتير اوي سنين من و احنا صغيرين بس الفكره اني بخاف مثلا حاجه زي كده تحصل و بخاف برضو من كتر المشاكل أو خناقاتنا أنه ف مره يزهق و يبطل يحاول معايا أو يبطل يبقى باقي عليا و كده مع اني والله بضحي كتير اوي عشانه و بحاول و بحبه و حنينه معاه و كل ده بس بجد التفكير ف الموضوع مرعب جدا أن مثلا ف يوم يبرد أو كده بحس اني عاوزه اعرف ازاي اتعامل صح ف اوقات معينه عشان احافظ ع العلاقه و كده بجدد التفكير تعبنيي

انا تعبت من كتر الخوف والقلق بقلق واخاف من اي حاجة حرفيا حاجة حصلت ولو بسيطة بخاف مرض بكبره في عقلي حتى لو شوية برد واوصله لحاجات مش حلوة بحاف من اي حاجة وكل حاجة وده مش باين عليا ده بيكون مع نفسي بس انا تعبت والله دايما عايش في خوف وقلق دايما باخد دوا عشان ضربات قلبي ونفسي ابطله بس مش هقدر لاني بخاف ابطله لو عدى ع الجرعة ربع ساعة بس وماخدتوش لو انا مش واخد بالي عادي اول م اخد بالي اخاف واقلق واتبرجل تعبت والله عارف ان مفيش إنسان معافى وكل واحد مبتلى بس انا بمسك ف اي حاجة بتحصلي حتى لو صغيرة اخر سنة دي اصعب سنة مرت عليا في حياتي ولحد دلوقتي خايف من بكرة مش عارف اعمل حاجة اتسند عليها او اسند اهلي عليها حاسس اني عالة على اهلي اكتر منا عالة على نفسي ، نفسي اعيش يوم واحد من غير قلق وخوف خصوصا من المرض نفسي اتقبل ان فكرة المرض عادية وكله بيمرض مش لازم اكبر الموضوع ، جماعة انا نفسي اعيش

جماعه انا تالته ثانوي و حرفيا معرفش كلمه في الكيمياء و الامتحان يوم الخميس يعني فاضل يومين و نصف ف انا محتاجه اخلص المنهج و احل كمان عليه خلال اليومين و نصف دول ف لو حد عنده حل يقول او مش لازم اخلص منهج انا عايزه انجح و خلاص ف لو حد عنده حل يقول لو حد هيفتي يبقى يخلي رايه لنفسه لانها مش ناقصه

هو الموضوع عبيط بس انا لبست فيه بصو الشغل اللي كنت فيه المشرف بتضايق فينا علشان تخصملنا وانا اخر ما اتضايقت سيبت الشغل ف بقيت بتخصم اليوم الغياب بتلاته المهم واحد من صحابي تلفونه مسروق ف انا بسيبه عادي يتعامل بتلفوني ف هو كان عارف حوار المشرفه ف الموضوع استفزه ف جاب رقمها ورن من تلفون تاني غير تلفون ومسكها هزقها وشتمها وبهدلها المهم ف هي بقيت بترن عليه وتقوله هات عمار وترن عليا ف انا لما اسمع صوتها اكنسل واعملها بلوك رنا عليا من خمس ارقام مختلفه لحد دلوقتي انا عارف اني غلط في حوار اني سيبت التلفون ليه بس مش عارف اعمل ايه دلوقتي

مش عارف بس انا شخص أما بمر بمشكله أو مواجه حاجه معينه حتي لو تافهه بحس حياتي بتبقي واقفه لحد ما الموضوع يخلص ياعني دماغي تبقي شغاله ٢٤ساعه وبتأثر عليا بالسلب بس مش بقدر ابطل موضوع مرهق ومتعب حاولت كتير بس بحس إن مفيش فايده

في مرحلة انفصال (طلاق) سني صغير جدا جدا مش عارفه اشيل من دماغي التفكير في حياتي ما بعد الطلاق عامله ازاي .. انا متفائله بس اوقات كتير بحس كل حاجه هتبقا مقفله في وشي واوقات احس ان لأ هقدر اعيش واحسن كمان .. لو حد عدي بنفس المشكله ياريت يفيدني ( لان مش قادره اقول لاي حد حواليا الكلام دا ) لان القرار دا قراري ....

هو انا لى بجد مش لاقيه راجل مناسب اقدر اكمل معاه، مش لاقيه راجل يكون بيحسسنى بالأمان، احس معاه إنى مطمنة، مش عايشة فى قلق أو خوف من ردود أفعاله أو إنه يختفى فجأة، يكون محترك و يحترمنى فى كلامه مش شخص بيدور على شهوته و ملزق، يكون بيعرف يشيل مسؤولية نفسه، شغله، وقراراته، وميهربش من المشاكل، يقول الحقيقة حتى لو كانت صعبة، ومايبنيش العلاقة على الكذب، يعرف يتكلم ويحل الخلافات، مش كل مرة ينسحب أو يقفل الباب، يقدر يسمعنى و يفهمنى، يخلينى واثقة إن مكانى محفوظ عنده، ميخليش كل مشكلة تبقى نهاية الدنيا، ويعرف يفرق بين وقت العصبية ووقت الحل لى بجد مش لاقيه حد يكون كدا....؟!

جماعه ♦️♦️ تالته ثانوي ♦️♦️ باختصار شديد لموقفي علشان تعرفوا تدوني حلول أنا عايز حل لللكيميا حضرت اول شابترين بس، و بعدها وقفت، فدلوقتي عايز حل للأربع ايام دول، في مدرس هيجيلي كل يوم و ممكن يجي مرتين مش عارف هيحل ولا هيشرح ولا الاتنين، بس هو اكيد عارف هيعمل ايه فلو حد عنده نصيحه أو شبهي أو عنده فكره حلو يقول هو جه انهارده شرحلي و حلينا الجزء بتاع المسائل بتاع شابتر 2 و3 و4 بس مش عارف اعمل ايه بجد حاسس اني ممكن معديش بجد و اي حد هيجرح فيا فانا مش مسامحه قدام ربنا و شكرا

روحت شغل جديد من شهر ودايماً بيحسسوني اني غبية او مش فاهمة او بطيئة مع اني بجد شاطرة بشهادة كل حد اشتغلت معاه من تاني يوم شغل المدير بيزعق علي اسباب تافهة ومبتبقاش غلط مني يعني مثلاً تاني يوم شغل اول ما جيت سألني تعرفي كذا (اسم شخص) فسألته مين هو ؟ زعقلي وقالي ازاي تاني يوم شغل متعرفيهوش ( مع العلم الساعة كانت 9 صباحاً ) وكنت لسه بتعرف على الناس انا فعلاً حاسة ان كرامتي متهانة بقالي شهر ومش عارفة اتعود ومش عارفة حتى اكل ولا انام ومش عارفة اظبط اي حاجة في حياتي

صاحبتي بقالنا فترة عايزين ننزل و بيحصل اي حاجة و الخروجة تتكنسل و اظن إن اكتر الكنسلة مني عشان مش عارفة اظبط نومي ف بنقرر نخرج الضهر وانا بصحى متأخر و بعد العصر عندي تدريب مينفعش وكده ف المهم اول امبارح صحيت بدري الحمدلله بس امبارح للاسف صحيت متأخر و اتكنسلت الخروجة بسببي وهي مش بتعترض تقولي مفيش مشكلة الله المستعان وكده ف وعدتها إن خلاص وعد النهاردة هننزل و كنت ناوية أطبق بس نمت على ٧ صحيت ١٠ و خلصت اللي ورايا و كنا بنلبسوا فجأة معدتي تعبتني أوي تقريبا من المروحة ف كلمتها اني نص ساعة بس ههدى و البس قالتلي لو مش قادرة بلاش ننزل عشان متتعبيش برا وكده قولتلها لا مش هأجلها تاني هننزل النهاردة و للاسف الوجع زاد حرفيا لحد دلوقت اهو ف كلمتها قولتلها ماشي و قالتلي الف سلامة و الموضوع عدى ، هي اكيد هتزعل مني صح؟ خصوصا إنها غالبا مش بتخرج و عايزة تخرج بقالها فترة يعني و في حاجات كتير مأجلينها نعملوها سوا و خايفة بجد تكون زعلت مني والله مش بأيدي حاجة على يدها كل يوم بحاول اظبط نومي ، تفتكروا زعلت ولا لا و اعمل اي ، احنا لسة صحاب بقالنا كام شهر لو تفصيلة هتفيد

عوزة استفسر عن حاجه لو فيه شخص معاه متعلم لغات برمجه وشغال ف أمن سيبراني من وخبرة ١٠ سنين هل ممكن يخترق تلفوني؟ للعلم هو ممسكش فوني ومبعتليش لينكات غير لينكين ل بيدج فيس وكانت بتفتح عادي اعمل فولو وخلاص

انا مراكمه حاجات كتير عربي و نحو مش بعرف احل خلاص يعتبر فاضل 5 ساعات علي الامتحان و قسم بالله محتاجه اعيط بجد خايفه اوي معرفش انا هحل ازاي بكره اساسا اه كان عندي 3 ايام قبل الماده بس حرفيا كانت نايمه فيهم كانت تعبانه جدا مش عارفه اعمل اي مش عارفه للي ممكن يحصل بكره الامتحان هيجي سهل ولا لا عوزه اعيط معرفش بجد اعمل اي بحاول الم اي حاجه بس حاسه ان فقدت الامل

السلام عليكم نا تالته ثانوى النهارده ليله الامتحان والحمدلله بس انا على غير المعتاد مش زى كل سنه مش قادره اذاكر او مش عايزه كل سنه كنت فضل سهرانه وعماله اذاكر بكل طاقتى لكن فى الامتحانات السنه دى مش عايزه وعايزه اكل وانام وبس زى الحيوانات والله انا متضايقه من نفسي جدا وخايفه جدا والمفروض اني مدخلش هنا واركز وبس ولكن انا مش قادره ممكن حد يساعدني

السلام عليكم انا تالته ثانوي النهارده ليله الامتحان والحمدلله بس انا علي غير المعتاد مش زي كل سنه مش قادره اذاكر او مش عايزه كل سنه كنت افضل سهرانه وعماله اذاكر بكل طاقتي لكن في الامتحانات السنه دي مش عايزه وعايزه اكل وانام وبس زي الحيوانات والله انا متضايقه من نفسي جدا وخايفه جدا والمفروض اني مدخلش هنا واركز وبس ولكن انا مش قادره ممكن حد يساعدني

انا تعبانه اوي بجد .. من فتره بدأت أحس أن حياتي حلوه هي حلوه اوي فعلا فيها مشاكل كتير بس كويسه واحسن من ناس كتير .. نعم ربنا يعني .. بس انا مش مبسوطه حاسه ان فجأه كل حاجه حلوه هتمشي تعبت حاسه مشاعر غريبه .. اي حاجه حلوه حاسه انها حلوه بلون رمادي كده هيروح كده كده.. تعبت جدا بجد .. مفيش نوم ولا اكل ليا نفس ليهم .. وفوق ده عندي احساس وحش بيقولي اني بمثل رغم أن دي حقيقه انا مش قادره ابتسم حتى بسهر لفتره طوييلهه حاسه اني هروح أو أنه كل حاجه حلوه هتروح .. وللعلم انا منتظمه ف صلاتي الحمدلله

🍟🍩 طب ايه طب ايه الي حصل و انا عملت ايه غلط مش فاهم يعني اختفاء مفاجئ ده غريب و يقلق و خليك ترسم سيناريوهات وهمية كتير لي يا ترا كان ايه سبب ولا ده غصب عنه ولا حصل ليه حاجه مبقتش فاهم ولا عارف اعمل ايه و بكتب و خلاص 🍟🍩

اليوم الرابع من محاولة التعافي مش عارفة ايه الدنيا مش عارفة انا حاسه بأية بس وبعد مدة خرجت من البيت واتعاملت مع بشر بس كنت حاسة اللي هو ايه لا روحوني على سريري يجدعان 😂 يمكن بس حصل حاجة هتخليني افكر عشر سنين ادام قبل ما اتنيل اعمل اي حاجة تانية (هقوم اموت نفسي دلوقتي بسببها) بس مش عارفة انام تماما يخواتي عارفين النوم الكلابي انا بنام نوم كلابي حرفيا بالرغم اني هموت وانام بجد فعلا عايزة انام جدا بس مش عارفة خالص ف مكسرة طبعا بس كان يوم خفيف يعني محصلش احداث

انا عايز اخد رايكم ياجماعه في موضوع ممكن يغير حياتي كلها في البدايه انا شاب لسا في بدايه حياتي درست الحمدلله وربنا كرمني واتخرجت من هندسه بس حصلت كم مشكله معايا مش في الشغل لا في البيت وانا قرايبي مش بيحبوني فا بعيد الشر عليكم انا وقعت وقاعدت من الشغل فا كونت بفكر في فكره مشروع خاص ليا انا يكون مريح ومفهوش مجهود اقدر اكمل حياتي بي اذا امكن يعني واسف علي الاطاله❤️🌹

شعور غير مبرر جوايا مع انى مبعملش حاجه فى حياتى غير انى اشتغل عشان اقدر اجيب اللى انا عيزه ويكاد يكون حجات بسيطه واساسية وتحول حياتى ل ٢٠ ساعه شغل فى اليوم لدرجه انى مرضت ومرضى مرتبط بانى بسهر وعندى استريس كتير الى انى عشان اشترى حاجه محتجها بردو هبقى محتاج اقسطها او احوش كتير وادخل جمعيات انا سعيت اوى فى انى اسافر عشان نفسي اشتغل ولما اجيب الفلوس واروح اجيب بيها حاجه ما القيهاش زادت او مش قادر اجيبها دلوقتى حقيقى الموضوع بقا تاعبنى اوى حاسس انى بحفر فى الماية وبسعى للسفر بس حتى دى محتاجه فلوس مش محتاج حل انا بس بفضفض

انا خايفة من الجواز، انا مرعوبة منه. لما كنت لسه بادرس كنت بارفض دلع اللي هو انا لسه صغيرة، دلوقتي لما يتقدم لي حد بادخل فترة صعبة جدا، ضغط وتفكير وحسابات واللي هو فعلا ما بابقاش عارفة اختاره ولا لأ فمن قبل ما اشوفه واقعد معاه بابقى تعبانة نفسيا!

هالو انا بجدد اوضتي ف نزلت انا و بابا و ماما اتفرجنا كتير كذا مره لحد م عجبتنا اوضه غاليه و اوضه متوسطه ف بعد كذا يوم بابا قالي انزلي اشتري الغاليه لأنها احسن نزلت فعلا النهارده انا وماما اتفرجنا و اتكلمنا المهم بفتح الدولاب لقيت كذا خبطه رجعنا للراجل قولناله عايزين واحده غير دي لان فيها كذا خبطه (احنا اوڤر) قالنا انه عنده حته تاني في المخزن متغلفه ف دخلنا شوفناها شلنا التغليف و اتاكدنا و كتبت عليها ف بقول لبابا قالي طلما عنده حته تاني يعني دي مش هتبقي كويسه وفضل يقولي انتي مش حاسه بالمبلغ اللي اتدفع و تعبي و شقايا وكلام كتير و قلقني منها و المفروض عمو هيجي و يتركبها بعد شويه واحنا دفعنا جزء كبير من فلوسها اكتر من نصها وبابا قلقني اوي رغم اني فتشت فيها كويس انا وماما بس خوفني اوي و فضل يقولي بتاعت العرض احسن وكلام كتير و بعد لما كنت فرحانه بيها حسيتني ندمانه

حوار السخونة ال الواحد فية دة بقي غريب لدجة انا بيطلع مني صهد لما بسخن مش عارف من التمرينات ول اية بس حاسة حاجة غريب والاغرب بقي ان لازم اعمل عشان اهدي وارجع تاني دة من التمرينات ولا فيك حاجه معاياااا.؟

اليوم الثالث من محاولة التعافي الجزءالاول من اليوم مش قادرة احدد احساسي انهاردة لاني نايمة طول اليوم (كنت بصحى اصلي وانا صاحية المغرب 😂) واخيرا بعد حوالي اسبوع من انقطاع العلاقة بيني انا وماما رضيت عليا وكلمتني انهاردة 😂 يمكن دي حاجة بسطاني حاجة تانية اني قمت كلمت صحابي (مكنتش بكلم فيهم حد نهائيا) وكان عندي اوبشن اني اخرج بس فكست ( لسه حاسة اني I'm not ready اني اتعامل مع حد دلوقتي) وعملت حاجة ضايقتني وكنت متأكدة اني هضايق لو عملت كده بس هنقول ايه بقى قاومت احساس اني عايزة اعيط وقمت عملت ايس كوفي (بقالي كتير معملتش ف ده انجاز برضو 😂) وبس يعني ممكن اقيمني انهاردة 7/10 احسن من ايام تانية كتير ✋ الجزء الثاني من اليوم احباط.. مش قادرة اكمل.. مش قادرة اقاوم دموعي.. صحيت بتعب شديد.. صاحية لقياني بعيط.. تقل شديد على قلبيي.. خنقة.. رعشة في جسمي مش طبيعية.. ضربات قلبي مش طبيعية..(حاسة اني بتعاطى 😂😂) اول ما وقفت بين ايد ربنا مقدرتش امسك نفسي وانهارت عيطت كتييير ادي نفسي -10/10

لسا متخرج و قدامي ١٠ شهور لحد ما ابدا الجيش مش عارف اعمل ايه في حياتي مش عارف اختار طريق امشي فيه و عمري بيضيع و بجد محتار ادور علي شغل ولا اطور من نفسي ولا اختار كارير ايه اصلا عشان محدش بيشتغل بشهادته

جماعة انا عندي تفكير مفرط جدا وبجد ده مضايقني اوي لاني بفكر في الحاجه كتيرة لدرجة اني بتعب بعدها جسديا وعياط كتير وحرفيا لو موقف بسيط بفضل افتكره شهور وسنين واغلب الناس بتقولي عادي انسي وفكك ماهو لو هقدر انسى هنسى بس انا مش عارفه بجد وعلاقتي بربنا كويسه انا بس من كتر التفكير بحس دماغي هتنفجر بجد بحس بصداع رهيب وبعيط كتير بسبب تأنيب الضمير وتعبت بجد ناس كتير اتمنى انساهم ومش عارفه نفسي امحي اي حاجه في ذاكرتي بجد حد مر بنفس التجربة بتاعتي وقدر انو يعديها؟

كنت راكبة توكتوك و ديه تاني مره اركب معاه لقيت الراجل هو سنه كبير مشغل بخور و يقولي ايه رأيك ف البخور قولتله حلو قالي ريحته حلوة يعني قولتله انت حاططلي فيه حاجه ولا ايه قالي لا عادي وكنت مشغله مع واحد من شوية ويقولي مبشمش عندي جيوب انفية و قاعد يضحك قولتله اه انا كمان عندي ف قالي بنحاول نضحك يعني أصلها مش ناقصة ماله بقي الراجل الاهبل ده

جماعه لو حد ليه ف الانترفيوهات يرد عليا ... روحت انترفيو و عملولي اختبار اكسيل علي الكمبيوتر و كان المفروض ادخل للاتش ار فضلوا مقعدتي ساعة ف الريسيبشن وف الاخر واحدة قالتلي الاتش ار عندها كذا حد مقدم هتشوف وهترد عليكوا بس وشها مكنش بيضحك انا كده اترفضت ولا ايه 🥲🥲🥺🥺

نعمل ايه في حالة استحقار وكره الذات بتاعت بليل، مش لاقي لها حل وحاسس اني اتحبست جواها وخايف اني اسيب نفسي ارجع ادخل في الوضع دا ومش بخرج منه غير بعد يومين تلاتة، اعمل ايه ابطل استحقر نفسي ازاي

انا متضايقة بجد ف الاوقات الصعبة بكتشف ان مليش اهل او هو فعلا انا مليش اهل مش عارفة بفكر دايما او بحس اللي هو انا لو ف يوم لقدر الله اتطلقت او اي حاجة هروح فين ولا هعمل اي وانا مليش حد خالص والله الموضوع مرهق نفسيا بطريقة محدش يتخيلها وانا بحاول ابين ان مش هاممني وعادي

عوزه اتكلم في الفتره للي بمر بيه دلوقتي فتره الامتحانات انا كل ده و لسه مش دخلت في المواد المضافه انا عندي توتر صعب انا مش عارفه اقلل التوتر انا من ساعه ما بدأت انا بشرتي ادمرت كل حاجه بقت تتدمر زي بشرتي بشرت بهتانه اوي شكلي تعبان اوي و طبعا الحبوب تاني حاجه انا تخنت انا لما بكون نفسيا مش كويسه بتخن عيني بتوجعني بترعش جامد و بعدين بحس بي اعراض البريود و هي لسه بدري فاضل حاجه و 20 يوم لسه بدري و يعتبر هي جيت انا في حاجات كتير مني باظت حرفيا من شكلي جسمي نفسيا انا مش عارفه اعمل اي حرفيا مش عارفه اعمل اي انا حاسه في اخر امتحان ليا انا اكون موت كدا خلاص انا مش عارفه اعمل اي انا بدمر

في بنت معايا في الشغل معجب بيها شوفتها مرتين و اتكلمت معاها شات اسبوع تقريبا و بعدين اعترفتلها بكل حاجة و قولتلها اني دوغري و مش بتاع لعب و عايز اتقدملها و هي طلبت فرصة تفكر لان هي وافضه الجواز دلوقت و في ناس من الشغل اتقدمولها و هي رفضت بس مش عايزة تظلمني ف هتفكر انا فضلت ساكت تماما و بعدها بيومين امبارح دخلت كلمتني انها لسه مفكرتش و معندهاش وقت تفكر و هتصلي استخارة و لو محصلش نصيب مش عايزة حساسية بيننا في الشغل و كده و اليوم اللي بعده اللي هو انهاردة دخلت تتكلم و ترغي معايا عادي زي الاول قبل ما اصارحها ف انا مش فاهم ده كده معناه ايه و اعمل ايه انا قولتلها الصراحة بدري عشان مبحبش الارتباط او حتي الصداقة و انا جوايا مشاعر و في الاخر ميبقاش في نصيب بينا و قلبي يتكسر عشان كده اتقدمتلها بدري قبل ما اتعلق بيها و دلوقت داخله ترغي عادي و ده ممكن يعلقني بيها و يعشمني و قلبي يتكسر برضه لو مفيش نصيب

انا سهرت الليل كله بسبب إدمان السوشيال ميديا و نمت 2 ساعتين و رحت الشغل، عملت كده كذا مرة هل لو استمريت كده ممكن اموت ؟ اعتذر إذا كان كلامي غير مفهوم انا فقط مشوش جدا 😭 . . . . ا اثثثث ث ث ث ث ص ص ثاكاكا ا ا غ فف ق

كنت بكشف عند دكتور و هو بيشرحلي حالتي ف انا طبيعي بصاله و سرحت منه شوية بصيت ف الأرض و بصيتله تاني لقيته اتكسف وبص تحت وضحك وتاني مرة الاقيه رجع سند ضهره ع الكرسي اكنه داخ كده ومسك القلم قعد يلعب بيه و يتهته ف الكلام ويبلع ريقه بعدها الاقيه فرد ضهره و بص لرجلي فجأة زي دقيقة كده وبص لعيني وضحك ... ده ماله بقي 🙄🙄

الشعور بالوحدة وانت حوليك ناس شعور غريب اوي واحساسك انك وراك دايما حاجات لازم تخلص مقرف وتحس انك خايف دايما من اللي جاي وكل خطوة تبقى اصعب من اللي قبلها امتى الواحد هيحس انه وصل للي هو عايزه

بقالي كتير مادخلتش الapp سبع شهور تقريبا قرقان و ملان جدا حياتي اتشقلبت خالص يمكن قبل سبع شهور كانت مش عجباني حياتي بس فعلا الواحد مش بيحس قيمه الحياه غير لما الدنيا تتشقلب ، دخلت الجيش و من ساعتها وانا حياتي اتغيرت 180درجه ، دخلت سلاح صعب جدا بقت حياتي كلها ميري مش عارف افهم الدنيا بيحصل فيها اي بره يا دوبك بنزل اجازه ببقا مطبع بالحياه العسكريه مش فاهم الناس و الناس مستغربين يومي حتي اقرب الناس شيفين اني بعدي يومي بطريقه مختلفه اتعودت علي موعيد اكل و موعيد نوم و تمارين اتعودت علي قله الكلام و ده مزعلهم و زعلهم بيطلع غلط بيخليني ازعل ع نفسي نفسي ارجع زي زمان نفسي ف راحه البال

يا شباب اغيثونييييي عندي امتحان بعد بكرا ومش عارف انام حسبي الله فالكلية الي تعمل فالواحد كدا كان لازمتها اي الكلية المقرفة دي بسسسسسسسسسس انااااا جبتتتتتتتتتت اخرييييييييييييي

اني اكون شخص اجتماعي او محبوب علي الاقل او ناجح في شغلي ال انا لسا معرفلوش طريق ولا مهيأ له نفسيا وشكراــــــــــــــــــــــــــــــــــــــــــــــــــــــــــــــــــــ🤍

تخيل إنك صحيت بكرة ولقيت إن في كتاب مكتوب فيه كل تفاصيل حياتك من أول يوم لحد آخر يوم كل قرار هتاخده وكل شخص هتقابله، نجاحك و فشلك، الشخص اللي هتحبه، اليوم اللي هتموت فيه، وكل حاجة وعندك اختيارين تقرأ الكتاب كله حالا أو تحرقه من غير ما تفتح صفحة واحدة لو قرأت الكتاب هتعرف الحقيقة كاملة ومش هيفضل عندك أي شك أو قلق تجاه المستقبل كن في المقابل هتفقد عنصر المفاجأة، وهتعيش حياة غالبا مش هتحبها ولو حرقته، هتعيش حالة من الخوف من المجهول بس هتحتفظ بحرية الاكتشاف والخوف والأمل والتوقع اسألة الساعه ٣ بليل

انا صاحبي علي طول واقف علي حيله حتي بعد 12 ساعه او اكتر برا البيت، مفيش حاجة بتريحه بشتغل وتقريبا مفيش عندي وقت فاضي في يومي غير النوم علطول وبردو واقف علي حيله مش بينام (21 سنتي) فانا مش عارف بقي هل هيعرف يرتاح؟

من يومين كنت في فرح ناس معرفه حرفيا القاعه كانت فاضيه يمكن كان الطرابيزات اللي عليها ناس مكملوش ٦ الوضع كان غريب اووي العريس مكنش فيه حد حواليه مفيش صحاب مفيش حد غير ناس كبيره جايه تقضي واجب وقاعده يمكن البنات اللي كانوا موجودين قاموا بالواجب مع العروسه بس العريس بجد كان شكله يحزن لولا الشباب اللي شغالين في القاعه بجد جم رقصوا معاه كان الفرح باظ من قله الناس وام العريس خدت بالها وقعدت تعيط مع اني عارفه ان الشباب في الطبيعي بيدوسوا في اي حاجه وبيحبوا يملوا الدنيا ويكونوا حوالين صحابهم بصراحه مستجدعتش الناس اللي العريس دول معتبرهم صحابه قعدت افكر فيها هل عشان هو مغترب فصحابه نسيوه محدش فيهم فكر يقف معاه يشوف يا ترى عامل ايه في الزنقه بتاع الفرح ولا عشان ايه يعني بصراحه مش عارفه وفي نفس الوقت قعدت افكر لو الموقف ده حصل معايا هكون عامله ازاي وقتها ازاي يوم مهم زي ده محدش يجيلك او يفكر فيك والموقف ده احتمال كبير يحصل عشان معنديش صحاب كتير او هما زمايل مش صحاب بس في الاغلب مش بيروحوا في مكان هي فكرة الفرح في الأصل مش حاجه محببه بالنسبالي ومش في الحسبان بس ليه بجد حرفيا تم فتح تروما جديده 🥲

بخاف احتياجي للحب و الاهتمام و ان حد يشاركني يومي يخليني ارضى بأقل حاجة 🙁 دي حاجة مضيقاني اوي بجد و محسساني اني ممكن اقبل ب دا او اتمنى حد اقل مني عشان بحس فوجوده اني مش لوحدي، حتى لو صاحب عادي مش قصدي relationship تحديدا

انا مرتبط ببنت و كانت الفترة ال فاتت عندها امتحانات و كان كلامنا قليل جداً بسبب انها بتذاكر و كنت متفهم دا و بدعمه ، ولكن بعد ما خلصت الامتحانات و بقت في بالاجازة الموضوع استمر نفس الاختفاء بترد بعد ساعة، مفيش كلام متصل بينا تبعت الرسالة و تختفي و ترجع بعد ساعة أو اكتر لو انا مبعتش هي متبعتش ، لينا يوم قررت ما ابعتش و طبعاً مفيش اي حاجة منها انا وضحت ليها انها مختفية فكان ردها انها نومها متلغبط او انها برة بتزور جدتها او مشغولة بتعمل كروشيه سألتها بوضوح هل مشاعرها متغيرة هي مش مجبرة تقلي بحبك قالت لي انا بحبك و متتكلمش بلساني انا مش مجبرة و دلوقتي عدي يوم من غير ما تبعت...تنصحنوني اعمل ايه ؟

دلوقتي انا مطلق وعندى ولدين ومديون ومن شهرين مبقتش بشتغل وطليفتي منعت عني الولاد انا بدفع لهم كل احتياجتهم لمدة 3 سنين وكنت بحرمم نفسي ده حقهم المهم دلوقتي واحد انا مديون ليه ف مبلغ 200 الف جنيه وباعت ليا مع قرايبي ف فكرت انى اقوله افتح تاني واشتغل ويموني بالبضاعه وانا اصلا ماضي ليه وصلات امانه محنار وتعلت ونفسيتي مدمره مش عارف اقنعه ازاى يموني لانه لو رفض مش عارف هاعمل اى وانا الولاد وحشوني قوى ونفسيتى ادمرت

لما بنت بيتقدمها حد اهلها بيسألوا عليه المحاوطين بيه زي جران و ناس في شغله مثلا . بس بحس ان دي حاجه سطحيه يعني اصلا اغلب ناس مش بتبان شخصيتهم الحقيقيه غير مع ناس القريبيين ليهم صحابه مثلا بس معروف صعب نوصلهم الا لو في معرفه مشتركه . بس انا فكرت فحاجه هو حكي قبل كده ان جارته كانوا قريبيين شبه اخوات و متربيين مع بعض وكلام دا .ينفع اسألها عنه ولا ممكن تضللني مثلا ؟ حاسه اجرب وخلاص بس هسألها ازاي و هقولها اي انا العرفه عنها انها اكبر منه بسنتين تقريبا و بتشتغل في مكان جمب بيت كاشير بس معرفش اسمها ولا شكلها 😂

انا اليأس دمرني بجد، حياتي بايظة وحاولت كتير اوي اصلحها كتير اوي بجد كل مرة بفشل لحد ما وقعت ومش قادر اقوم تاني بجد كل حاجة بايظة وللأسف بسببي انا لوحدي دلوقتي مفيش حد حواليا، مش قادر اكلم حد ولا قادر اتكلم مع حد انعزلت مع نفسي دخلت جوا قوقعة ومش عارف بجد اخرج منها، حاسس ان كل حاجة بقت تقيلة وبجد مش قادر، عمال اشوف فيديوهات واسمع واحاول بس مفيش بجد انا خايف اكمل حياتي كدا انا فعلا مش عارف اعمل ايه مش قادر حتى اوصف احساسي او الحالة اللي انا فيها

انا لظروف شغل معينه بضطر ارفع كم البلوزة شوية، دا عشان ال sterilization and safety بمعنى اني مينفعش هدومي تلمس اي حاجه. لو دخلت دراعي وهو متغطى جوا ال incubator هبقى محتاجه اغير هدومي كلها، طبعا دا مش هقدر اعمله، وبيكون في كاميرات و زمايلي رجالة. اتجنب دا ازاي ولا اعمل شيفت كارير ولا اعمل ايه عشان سألت زميلتي وقالت انتي بس لسه جديدة🤡

حاسه اني متلخبطه و متضايقه و تايهه و مش لاقيه اي حل نهائي مفيش تقدم في حياتي مفيش خطوات واضحه مش عارفه انا بعمل ايه في حياتي مش قادره احط ايدي على المشكله و لو حطيت ايدي عليها بفضل واقفه مش عارفه المفروض اعمل ايه نفسي اغير من نفسي و اوصل لاحسن و اشطر نسخه بس مش عارفه ابدأ منين و ازاي و ايه الخطوات اللي المفروض اخدها و نفسي اعرف مميزاتي و عيوبي حقيقي مببقاش عارفه اعرفها ازاي فعلا نفسي اعرف نفسي و افهمها علشان اعرف احل المشكله بس للاسف بسوف و بكسل و بفضل الراحه اللحظيه على الراحه الدائمه و كل شويه انتكس و ارجع لنقطه الصفر تاني ولا كأني بدأت

سؤال و تفيدوني دلوقتي انا و ولد بنحب بعض بس بقالنا فتره سايبين بعض و هو دلوقتي بيكلمني أنه عاوز يجي يتقدم و انا لسه بحبه بس المشكله أنه مش بيعرف يواجهه و وقت الزعل ساعات كان يفضل يومين من غير كلام بس لما يبعت كان بيصالحني و نتعاتب و كله تمام (هو اللي كان بيبقي غلطان) انا بقي خايفه من حته أنه مش بيعرف يواجهه هل الجزء دا هيأثر علي تحمله المسؤليه و كمان هو اتربي في بيئه فيها مشاكل بين باباه و مامته فالجزء دا مع عدم مواجهته بيخليني اقلق اكتر حد فاهمني

انهارده عرفنا ان ماما تعبانه شويه ربنا يقومها بالسلامه هو الوضع يقلق بالاخص لما عرفت انه مش سهل و لكن مش مستحيل الحمدلله بس برضو خايفه عليها اوي و عاوزه اعيط ف حضنها و اقولها خفي ابوس ايدك انا مليش غيرك بعد ربنا بس بحاول قدر المستطاع اتماسك قدامها و مخوفهاش مش عاوزه اسيبها و اروح ف حته بس غصب عني والله عندي شغل ادعولها كتير بالشفا.....

ليه التفكير في الماضي كل ما بنكبر في السن وكمان الزعل ع قرارات اكتشفت دلوقتي انها غلط وبقي فيه خوف من القرارات الجاية و كمان قلة ثقة في النفس...والليل بقي اسوء وقت لانه بيكون فيه التفكير بزيادة وبالتالي قلة نوم ...

أنا آسف عندي سؤال هل أنا هفضل طول عمري كده يعني لما احب مره و خلاص نسيب بعض كده كليش محاوله تاني أنا حرفيا حاسس ان قلبي اتقفل طب ما علينا هفضل برضو كده وحيد يعني كنت زمان بتكلم و افضفض دلوقتي بقيت صامت دي حلها أي مثلا و آسف جدا

انهارده كان اول امتحان ثانويه عامه و بقيت مخنوق من صعوبه الامتحان و غالبا هشيل و بقيت محبط و خايف من باقي الامتحنات و معنديش امل اني هجيب المجموع أو الكليه الي أنا عايزها و بقيت بفكر لو مجبتش مجموع أو سقطت اعمل اي

السلام عليكم انا تالته ثانوي والنهارده كان اول امتحان ليا والحمدلله عدي وكان كويس بس بجد انا متوتره جدا ومش توتر عادي انا النهارده مكنتش عايزه اصحي كنت عايزه اموت بس مبداش امتحانات وعماله اتخيل انه هيحصل كذا وهنسي كذا مش عارفه اقول ايه خايفه اوي من الامتحانات وخايفه من النتيجه اكتر انا معملتش احسن حاجه بمنتهي الصراحه بس انا تعبت اوي نفسيا وجسديا السنه دي دا غير امي امي وبس هي الي عملت عشاني هو دا طبيعي طيب اعمل ايه انا بس معرفتش اقول لحد او اتكلم هو انا مكبره الدنيا بس بجد انا حاسه بتوتر فعلا جدا هو ممكن دا بسبب اني بمر بحاله اكتئاب وعندي قلق عام ولا دا عادي

السلام عليكم ورحمة الله وبركاته 🌸. رحت لطبيب نفسي انهاردة، واتكلمت ف حاجات كتير اوي يمكن انا حتى كنت دافناها بيني وبين نفسي واتشخصت واتكتبلي علاج وكده، وحاسة بالاطمئنان والراحة بصراحة، بس ستل خايفة مش عارفة ليه. حاسة بالتشاؤم والخوف والقلق بلا اي سبب، او ممكن بسبب، بس سبب غبي شوية، وهو اني متعودتش اني حياتي تمشي حلو كده فترة طويلة، وهي حقيقي بقالها كام يوم سيئة جدا اصلا، بس مش عارفة، حاسة ان فيه حاجة مش عاجباني ابدا هتحصل الفترة دي، ومش قادرة اتخلص من الشعور ده. عارفين المشكلة ايه؟ ان كل مرة المشاعر دي بتطلع صح. انا مدركة انه شيء لطيف ومِنَّة من الله يعني اللي بيكون عنده شفافية في الحاجات دي، بس بيرعبني اوي احساس التشاؤم المفاجيء ده، بعرف ان فيه مصيبة مستنياني، خصوصا لو مش قادرة احدد الزمن بتاعها او هتحصل امتى، الموضوع بيكون اسوأ بمراحل بفضل على اعصابي، وبرضو مش مطمئنة مش قادرة احس اني مرتاحة بلا شوائب كده كل ما احس ان بالي بيهدى ارجع اتضايق تاني. طبعا ده فضا وتخلف عادي هنكنسله عشان انا واحدة مختلة، المهم ادعولي بس عشان شكل الموضوع هيبقى سيء ف تالتة.

السلام عليكم يا اخواتي هو الموضوع اني نزلت شغل من اربع ايام قولت انزل اي حاجه قبل ما ابدا تالته ثانوي الشغل نفسه حلو بس المشكله في المشرف اللي عليا لو مثلا زبون سبلي تبس عايزني اقسمه معاه في زباين بتسيب وجبه مثلا وسط العيد ميلاد يدهوهالي وهما ماشيين ف يجي ياخده وينزل ياكل تحت وحاجه قمة العبط(المهم انا عملت موقف كنت هموت من الاحراج بعدها وهو اني وانا بغير الزباله الكيس اتقطع في السحبه (الزباله ممكن توصل ل خمسه وعشرين كيلو عادي لانن بنقعد نضغط لتحت المهم ف طلبت من واحد في الممر يسحب معايا بعد ما غيرنا وحطيت الكيس الجديد ف لقيته بيقولي انت جديد هنا صح قولته ايوا وقولتله اسمي لقيته بيقولي اتشرفنا وانا اسمي كذا اللي عرفته بعد ما سألت المشرف انه مدير الفرع🙂🤡) الحمدلله مطردنيش

عندي مشكلة !! كنت بحب واحدة وابوها رفضني وبعدت عنها .. وحبيت واحدة واخوها قالي هجوزها صاحبي .. وصاحبة الاكس عايزة ترتبط بيا .. وكنت متجوز واحدة اجنبية وطلقتها .. انا 20 سنة 🙃 المهم دلوقتي ان البنتين اللي اترفضت من اهلهم رجعو والاتنين اهلهم وافقو بعد محايلة وانا مبقتش عارف اعمل اي وفي بنت رابعة رجعتلي ولقيتها لسا لابسة دبلتين كنت جايبهملها من ٣ سنين لحد دلوقتي محتفظة بيهم عليهم اسمي .. طب وبعدين وربنا ما بهزر محتار اعمل اي وخايف اقهر حد فيهم انا غلطتي من الاول اني دخلت علاقات ورا بعضو بس اي الحل دلوقتي !!

فاضل ساعات علي الامتحان انا مش قادره أتخيل و انا قاعده في اللجنه و ممكن مش اعرف احل انا ممكن اموت فيه انا التفكير ده في دماغي خايفه جدا جدا أن اقعد. و امسك الامتحان معرفش احل انا حليت كتير و عملت للي قدرت عليه بس جوايا خوف صعب حاسه ان هموت قلبي وجعني اوي ممكن حد يشوف أن انا اوفر بس بجد م شقتظره بموت

المشكلة مازالت قائمه الورقه المطلوبة فالشغل لسه مش عارفه اجبها والمشكله أن احتمال كبير اوي العقد اللي مضيته معاهم يتلغي تلقائيا فمحتاجه دعواتكم ليا ضروري بالتوفيق بكرا اخر فرصه ولازم تظبط بجد لأن مافيش حل تاني 😔

جماعه هو انا لو فاضلي درجتين ونص عشان انجح ف ماده العلوم و نقصت الدرجتين ونص دول جبت 17.5 من 40 هل لو انا عملت تظلم ممكن اخدهم ولا لازم عشان الدرجتين ونص ابقى دور تاني و امتحن الترمين و اجيب 20 درجه

سامحوني لو طولت بس انا فعلا محتاج اكتب كل اللي جوايا دلوقتي انا بعاني من الرهاب الإجتماعي من وانا صغير الرهاب بمعني الرهاب حرفيا مكنتش بخرج من البيت بالشهور ولا كنت بعرف اتكلم مع حد غريب نهائيا كنت زي الأخرس ولا كنت بعرف اتواصل بصريا مع الشخص اللي قدامي طبعا مع الوقت ولما كبرت وعرفت وفهمت المشكله بدأت اتحسن عن الأول بس متحسنتش نهائيا لسه بردوا الخوف والأعراض بتظهر عليا حاليا انا شغال طول م انا في الشغل جهازي العصبي متوتر وبرتعش حتي من غير ما حد يرزل عليا ولا يكلمني قاعد طول الوقت حاسس بالقلق حتي انا في الشغل مش بتكلم نهائي جربت وشوفت فيديوهات وحلول وبردوا مش لاقي نتيجه حاسس اني هيحصلي حاجه لإني باجي علي نفسيتي اوووي وزعلان من انطوائيتي بس غصب عني عارفين احساس ان مجرد اشخاص لما يكونوا قاعدين معاكم بيسببلكوا رعب مش فاهم ليه عقلي بيخوفني من حاجات انا فاهم انها مش تخوف وصدقوني انا حربت كل الحلول يعني في عز م انا بكون مخنوق وقلقان كنت بشوف مكان واقعد اشجع نفسي ولا كل اللي عقلي بيقولي عليه مش حقيقه واجمد كده وكل الكلام الإيجابي ده بس بردوا مش شايفله تأثير بيكون لحظي فقط اول م بخرج واقعد مع الناس بترجع كل حاجه زي م كانت نفسي ابطل اخاف واتكلم بدل الإنطواء اللي جابلي اكتئاب واقدر اهزر واتقبل الكلام واللي يحرجني احرجه يعني انا ملخص حياتي اني تايه 🥲

دلوقتي انا داخله علي شهر اهو دايما مدايقه طول الوقت مفيش حاجه مفرحاني نهائي دا اثر علي اكلي بقيت ممكن اليوم كله اكل نص رغيف و بالعافيه كمان و دا اثر برضوا ع ماما بقيت لما تشوفني كدا هي كمان تعبت و اثر علي دقات القلب كمان كنت دايما بحب انزل حاليا مش بنزل من البيت و لما بنزل مبكملش ساعتين و ارجع تاني البيت مليش نفس لاي حاجه عامتا ايه ممكن يكون الحل

مش عاجبني طريقة تفكيري و ده بينعكس على تصرفاتي اللي برضه مش عاجباني ١. انا ليه طول الوقت قلقان او بجلد ذاتي ع حاجات خلاص عدت و لو مفيش حاجة حصلت قريب عقلي بيجيبلي حاجات عدي عليها سنين و يندمني عليها ٢. انا ليه كتاب مفتوح و اللي في قلبي على لساني و دايما برجع اندم على اللي قولته و اللي بيكون نتايجه دايما سيئة ٣. انا دايما عارف الصح و الغلط و بختار اعمل الغلط ،انا عارف اني لازم اصلي و طول الوقت ربنا بيبعتلي رسايل و برضه بقطع في الصلاة و بكسل، و عارف اني ذنوب الخلوات مدمرة حياتي و برضه مكمل فيها ٤. انا ليه بخاف، ليه شخصيتي ضعيفة و بيهمني كلام الناس و مش باخد قرار كل الكلام ده مخليني طول حياتي مليش أصدقاء و مش جذاب لان حد انه يقرب مني و انطوائي، مع اني نفسي يكون ليا اصدقاء و احباب و عزوة و بالتالي انا ٢٦ سنة و عندي جفاف عاطفي اكني مراهق ،

جماعه فى حاجه انا قلقانه منها اوى دلوقتي انا كان فى حياتى شخص لمدة خمس سنين، احنا متربين سوى "كنا جيران و من سن بعض، احنا الاتنين دلوقتي عندنا ٢٠ سنه" بس احنا حاليا بقا بينا مسافات لان احنا نقلنا ل محافظه تانيه من سنه بالظبط فمش بنشوف بعض خالص و فى اخر خمس سنين دول كنا بنحب بعض واللى هيسال هو لى طول الخمس سنين مخدش خطوه رسمى فهو بسبب الظروف " و الاهل كانوا على علم بان احنا بنحب بعض " المهم يعني مؤخرا انا و هو حصل بينا خلافات كتير و بعدنا عن بعض، مش من كتير بس انا لسه مش عارفه اطلع حبه من قلبى و حاسه انه لسه بيحبنى برضو وحقيقى انا بنيت حياتى كلها ع الشخص دا بس انا مؤخرا بقيت حاسه اننا خلاص حتى لو رجعنا فهنتخانق تانى و هنبعد عن بعض تانى و اخرتها مش هنكون من نصيب بعض و دا مجرد احساس يعنى فالسؤال اللى انا جايه عشانه بقا هل هقدر اتخطى الشخص دا و احب حد تانى بعده فعلا و لا هظلم اى حد تانى هيجى ل حياتى بعده انا خايفه افضل احس مع كل حاجة مثلا بعملها مع اى شخص تانى غيره، اللى هو انا كنت عايزه اعملها مع احمد و افتكره و ازعل اننا مكملناش فكدا هكون بظلم الشخص التانى دا انى معاه و بفكر فى حد تانى ياريت اى حد مره بالتجربه دى يقولى انا فى عريس متقدم و خايفه اوافق بسبب الاحساس دا

هو انا مش بنام ليه، حاسس ان الدوا بدل ما ينيمني بيأثر على نومي بالعكس ودي حقيقة انا مش عارف انام صح بقالي تلات ايام بسببه، بس يلا خير بقا اديني بحاول اني اكمل ال ١٥٠ بس مش عارف اقول ايه بس خلاص كملتها اهو

دي كتبتها ونا حاسه بفراغ الطريق الطويل وانا راجعه من الكليه أهلًا... أعلم أنني ضعيف للغاية، سريع الغضب، يرافقني القلق أينما ذهبت، كثير البكاء، خائف من أفكاري ومن كل ما يدور في رأسي. لكن هناك شيء يؤلمني في أعماقي، ألمٌ يمتد إلى أطرافي ويربك روحي. عزيزي، أرجوك ساعدني هذا الألم لا يهدأ، بل يزداد يومًا بعد يوم، ويبعثر ما تبقى مني. لقد أخبرتك عنه كثيرًا حين حدثتك عن إرهاقي، وحين ارتعبت انت من تلك الهالة الكئيبة التي أصبحت تحيط بي. أخبرتك عن السواد الذي استقر أسفل عينيّ، وعن التعب الذي ينهشني دواخلي بصمت. ألم تنصت يومًا إلى نبرة صوتي إلى تلك الغصة التي كانت تخنق كلماتي أتذكر حينها شعرت بوخزةٍ مؤلمة في حلقي فالتزمت الصمت خوفًا من أن أبكي أمام الجميع نظرت إليك حين رأيته يقترب، "أرجوك... أبعده عني. إنه سبب كل تلك الندوب التي أحملها في داخلي." لكن بدلًا من أن تسأل أو تجيب، ضممتني إليك. دفنت رأسي بين ذراعيك، وأطلقت العنان لحسرتي ولتلك التنهيدات التي أتعبت صدري وحلقي رفعت رأسي بعد لحظات، ووجهي مبتل بالدموع، وصوتي متقطع من شدة النحيب، "أنا متعب... مثقل بالهموم. منهك إلى حد لا أستطيع وصفه. أنا شخص سيئ ومتعب، فأرجوك لا تقف في صف الحياة ضدي." لكنك واجهت دموعي بابتسامة هادئة، ابتسامة بعثت في قلبي شيئًا من الراحة التي افتقدتها طويلًا ثم عانقتني من جديد، فالتصقت بك أكثر، ودفنت وجهي في عنقك أستنشق رائحتك التي كانت تهدئ الفوضى التي تجوب داخلي. وهمست في أذني بصوتٍ دافئ: "تلك المجرة الصغيرة التي تحيط بنا لا تجلب الحب إلا لقلبك. أنتي فقط، يا وديعتي الصغيره. لست حبيبتي فحسب، بل موطني وسكينتي." حينها شعرت وكأن السلام يُتلى على قلبي المتعب، وكأن ذلك النحيب الذي مزقني طويلًا بدأ يهدأ أخيرًا. غمرني قدرٌ هائل من الطمأنينة، ومع ذلك بقي شيء صغير في داخلي خائفًا، قلقًا من أن يزول هذا الشعور الجميل كما زالت أشياء كثيرة قبله.

السلام عليكم 🍬. عندي مشكلة كبيرة اوي بجد ومش عارفة اعمل فيها ايه (ده بجد المرة دي). اللي بيتايع كيدراما وشاف if wishes could kill هيفهم الرعب اللي انا فيه حالياا. دلوقتي انا شفت الحلقة الخامسة، وهي تحفة وزفت ف نفس الوقت، ف انا حاليا ثريلد اوي وف نفس الوقت هموت من الرعب ومش عارفة انام 🙂.

بحس بضيق في فترة الليل بحس انت مش بتنفس بطريقة جيدة و بحس مش طايقة نفسي و بدخل في حالة نفسية وحشة و احباط مش بعرف ةتقبل و لا حاجة لا دراسة و لا اي موضوع خايفة اتقلق اكثر ليه بيحصلي كده حسب رايكم

جماعه عندي مشكله عايزه اتكلم معاكم فيها انا عندي مشكله في اللغات من زمان وانا بكره جدا الانجليزي و بجد عقدتي جدا و مش قادره اوصفلكم هوا بنسبالي عقده قد اي و عندي مشكله اني اصلا مش بعرف اترجمه وله احفظ كلمات دخلت ثانوي و عديت في اوله و تانيه دخلت تالته حولت في اول السنه اذكر انا مش عارفه نهائي و كان عندي قعده من ااحصه و بتخنق جدا بجد ركنت الماده لاني كدا كدا مهما. فهمت و حفظت انا مش بعرف اترجم انا بذكر كل المواد كويس بحيث اني اعوض فيهم هل في امل اعدي اجيب النص بس لاني بجد انا شايله هم المادي دي جده لدرجه ي جماعه نفسي يوم الي همحتن المادي دي ميجيش عليا بجد لاني هدخل احل حاجه اول مره اشوفها و مش عارفه اترجمها وانا ي جماعة عندي ضمير عمري ما اغش أبدا لاني مش معرف اخد مجهود حد انا بدعي ربنا كتير جدا و حط امل بس نفسي اطمن بس لاني دخله الامتحان و عارفه اني هشلها

مزال ماشفت والو فحياتي، وعلابالي مزال نزيد نعيش ماخير، ومزال نزيد نعيش الاسوء، علابالي لا ربي طولي في عمري مزال نزيد نتعدب كثر، وراح تفرج عليا ونعاود نفوت نفس التجارب، علابالي بلي واش راني نفوت دوك راح يبانلي غدوة صغير، وبلي كل خطوة عشوائية راح تديني لطريق ماخيرتهاش، حتى الطريق لي راني حابها ممكن تكون معمرة محان وشقى، مزال كاين حكايات راهم يتكتبو دوك، فالوقت لي انا راني غافل ومخليها على الزهر برك، علابالي بلي فحقيقة الامر مانعرف والو، وكلش فوق يدي، وفي يد ربي سبحانو..

السلام عليكم اجازة ما قبل تالته ثانوي مش عارفه اعمل ايه حاسه اني عاوزه استغل الاجازة بس حقيقي مش عارفه اعمل ايه و بس يعني في جفت (🎁) بيعمل ليك على البوستات القديمة و كدا طيب انت مش روش و مش مرعب يعني فـ كفاية😀

بعيش حالة ركود في حياتي مع قلق و وسواس قهري مع اني في مقتبل العمر و بروح لطبيب نفسي لكن مش بسعى و لا بتحرك دائما مزاجي معكر مش بقدر اسيطر على مشاعري و خوفي احيانا و المشكلة اني مش بعرف اقرب من ربنا ابدا و حتى لما بتسمع نصائح و قصص دينية مريحة و ايضا على اهمية الصلاة و الدعاء مش بدعي و مش بصلي بحس نفسي بعيدة جدا و مش مرتاحة مش عارفة انفذ اي هدف و انجز دائما نائمة و ماسكة التاليفون بعيش حالة فشل في الحياة من نواحي كثيرة

بسم الله في كل بداية والى الله المصير والنهاية هححح حابب احكي عن موقف حصلي النهاردة واتمنى تسمعني بص يا باشا النهاردة كانت اول جلسة ليا عند دكتور نفسي بعد الكشف والتشخيص (اتشخصت اضطراب قلق عام ) عموما نسكيب حوار الكشف والتشخيص دة ونزوم على السيشن بجد الموضوع شاغل دماغي من اسبوع ومكنتش بنام بسببه قلقان هايسألني في ايه ولا هاروح هاقول ايه يسطا وانا الفترة دي عندي اكتئاب صعب ومش عارف اتكلم وبكتب البوست دة بالعافية كأني بفكر بصوت عالي عموما نرجع لموضوعنا بجد كنت عاوز اهرب وماروحش بس انا كدة كدة رايح بضغط من البيت وانا محتاج الحوار دة فعلا ف سيطرت على نفسي الى حد ما وروحت انا رايح يسطا قلقان ومرعوب (وحران بصراحة علشان مشيت كتير تحت الشمس ) +ان انا مخنوق من الاول روحت دخلت للدكتور وانا رجل جوا ورجل برا بجد سألني عامل ايه قولتله الحمد لله تمام (اجابة بديهية جدا ) اخدت بالي من ايده تحت التربيزة ماسك الكراسة والقلم وبدأ يغسلني اسألة من اللي هي عاوزاك تحكي في ١٠ سطور دي وانا بجد مش عاوز اتكلم مش قادر اتكلم خايف اتكلم ف كانت اجابتي مقتصرة جدا وكانت في بعض الاحيان غشيمة شوية (بدون دخول في تفاصيل علشان نسيت ) بس فاكر الاحساس اللي حسيت بيه اني محتاج اتكلم بس مش قادر هو فرفوش وجميل وكان بيحاول يهزر ويلطف قدر المستطاع بس انا بجد تعبان يسطا انا رايحله بقوله مش قادر اتكلم وهو عاوزني احكيله قصة حياتي عموما ف انا طلعتله اسود جزء مني وحاسس باحراج حاسس اني محتاج امسح الجلسة دي حاسس اني عاوز اهرب ومش عاوز اروح تاني واللي دايقني اكتر من كدة ان بعد ماخلصت وطلعت اختي دخلت تستفسر منه عالتشخيص ا*ا يسطا انا بجد خايف هي عرفت ايه ايا كان انا مش عاوز حد يعرف حاجة عموما طلب مني تاسك اني اكتب الموقف اللي اتعرضتلها عموما وبسبب التاسك دة افتكرت حاجات كتير كان نفسي انساها ومش طايق نفسي حرفيا عندي امتحان يوم السبت الجاي ومش قادر اذاكر بجد والمادة دي تقيلة والامتحان مقالي والابشع من كدة ان تاني يوم بعد المقالي فيه شفوي عااااه مش عارف ابص للكتاب ولا استوعب ولا اي حاجة بس عمال بعافر وبذاكر صفحة واقعد بعدها ربع ساعة ابص للسقف بس عالاقل احسن من مفيش خايف ماخلصش المادة قبل الامتحان خايف ماعرفش اكتب في الامتحان خايف من الشفوي خايف من الجلسة الجاية عاااااه المهم سيبك مني شكرا انك قريت كل دة بجد انت جميل وحقك عليا لو في لفظ ضايقك انت عامل ايه ؟

يا جماعة جه فبالي سؤال اكتر من مرة هو حد فيكم يجرؤ انه يقول لحد الاب ده يعني تقولوه لصحابكم قرايبكم كده او مثلا حصل فمرة ان حد عرف انكم على الآب بالصدفه زي انهم سمعوكم او شافوا المشكلة بتتعتكم مالوفه ؟؟

حقيقي مبسوطة من نفسي النهارده مع أنه يوم مليان ومضغوط على آخره بس مبسوطة بكل التعب دا وانشغال اليوم بيصب في مصلحتي من أوله لاخره فدا كويس. صاحية بدري جدا النهارده و جه في بالي أن غالبا دي هتبقى حياتي الاربعين سنة الجايين بصحى بدري وبلبس عشان انزل الشغل وطبعا مع مسؤوليات اكبر واشخاص تانيين هيبقوا مسؤوليتي واتضايقت جدا أن حياتي ممكن تبقى روتينية ومملة، معرفش حياتي هتمشي ازاي بعدين و قررت اخليني في النهارده وطالما انا مبسوطة بكل الشغل والضغط دا و زي ما النهارده عدى على خير الحمد لله يبقي اكيد باقي الحياة هتعدي🫠

حد فيكو عمره حس ان هو و دماغة اعداء؟ يعني مثلا بحس دماغي بتحب تفكرني بحاجات هبقث احسن لو مفتكرتهاش وبتخليني اقلق من حاجات عمرها ماهتحصل ولو جالي فرصة لحاجة لازم افضل افكر في كل الاحتمالات لحد ما الفرصة تضيع اصلا محتاج اتصالح انا ودماغي واتوقع مش هيبقي عندي اي مشكلة بعدها

عندي احساس اني هموت قريب جدا جسمي مش سليم و كل شويه حاجه جديده توجعني و مبتخفش بالعكس بتعب اكتر و اعصاب وشي مشدودة مبعرفض اتحرك وضربات قلبي سريعه و سناني وجعاني و مبشوفش كويس ولا بسمع كويس و عندي طنين وعيني و جعاني و صداع و جيوب انفيه و دوخه و وجع بطن كل ما اكل و احيانا برجع و طبعا مع كل دل مبعرفش اعمل اي حاجه ف حياتي بالعافيه بصحي و بنام يعني حرفيا مفيش حاجه فيا شغاله الحمد لله ومن اقل اقل مجهود بتعب يعني لو نزلت من البيت ورجعت ممكن اقعد أسبوع عشان اعرف انزل تاني وكل ما اقول لحد يقولي بطلي دلع حتي صحابي بعدو عشان كل شويه يقولولي انتي علي طول تعبانه كدا و انا بجد مبدلعش والله ياريته كان دلع مكنتش هبقا كدا و الدكاتره كلهم مبيفهموش كل ما اروح لتخصص يقولي دا توتر او انيما معرفش ايه من غير ما اعمل تحاليل ولا اشاعات لدرجه انهم زهقو مني ف البيت و مبقوش يودنوني لدكاتره و عملت تحليل الزفت الانميا معنديش حاجه كويسه وكل دا مخليني احس انها اشاره اني قربت خلاص بحاول اقرب من ربنا بس خايفه بردو مش عارفه انا حاسه اني لسه مبدأتش حياتي حتي عشان تتاخد مني بس الحمد لله يعني بحاول اتعايش بس خايفه يحصلي حاجه والله بفكر اشتغل عشان اروح اكشف ف اماكن احسن بس بخاف يحصلي حاجه او اتعب ف الشغل وانا لسه متخرجه ومش لاقيه شغل اصلا حرفيا مش عارفه ابطل تفكير وحاسه اني هنام ف مره من غير ما اقوم ومحدش ف الدنيا دي كلها حاسس بيا و كله بيقول اتنشن و خرا يا ريتني كنت اتينشن والله انا بس نفسي اعيش حياه طبيعيه زي البني ادمين

البوست ده عملاه لاي حد كان علمي رياضه او علمي رياضه حاليا عايزه اعرف ال كانوا علمي رياضه كانوا داخلين الامتحانات و هما بجد فاهمين كل حاجه و مفيش مثلا فرع او جزئيه كانت واقفه معاكوا؟ يعني مثلا انا حاليا كل لما براجع على فرع ببدء انسى ال قبله و حاليا بحاول الم التفاضل و التكامل و الاعداد المركبه انا بحل فيها كويس لكن في اسئله بحسها صعبه سيكا و الاومجا مثلا و الديناميكا بحس مفيش وقت اكون بيرفكت في كل دول رغم اني مذاكراهم بس لسا في اسئله مش بعرف احلها و المشكله خلاص نفيش وقت و بدات بجد ابانك جامد لاني عايزه اقفل الرياضه و خايفه

أنا حاسس إني شايل جوايا حاجات كتير مش مترتب أفكار ومشاعر داخلة في بعض، ومش دايمًا عارف أحدد أنا حاسس بإيه بالظبط فيه أوقات ببقى عايز أفهم نفسي أكتر، كأني بدوّر على إجابة أو معنى لحاجات مضايقاني ومش واضحة أنا مش بتكلم لمجرد الكلا أنا غالبًا ورا كل كلمة بقولها حاجة حاسس بيها ومش عارف أطلعها بشكل مباشر يمكن جوايا شوية قلق، أو ضغط، أو حتى حيرةإحساس إني مش ثابت على حالة واحدة وفي نفس الوقت، أنا واعي إن فيه حاجة جوايا محتاجة تتفهم عايز أوصل لنقطة أكون فيها فاهم نفسي ومشاعري بدل ما هي مبعثرة كده أنا محتاج أرتب اللي جوايا ومحتاج حد يفهمني من غير ما أشرح كتير.

السلام عليكم 🌸. اكتشفت مشكلة متخلفة جدا فيا انهاردة. وانا ماشية في الشارع، لقيتني بدندن اغنية اطفال مسمعتهاش من ييجي ست سنين، وحافظة كلماتها والحانها حتى. مش المشكلة في الاغنية، المشكلة اني لما راجعت نفسي، اكتشفت ان فيه حاجات كتير اوي بجد ملهاش لزمة واخدة حيز من عقلي، اغاني اطفال مناهج قديمة اشكال ناس غريبة تفاصيل ملهاش لزمة اسماء ناس مش فاكرة هما مين حتى ولا ايه علاقتي بيهم، حاجات كتير جدا لا تُعد ولا تُحصى، اكتشفت انها مُخزنة عندي في الذاكرة طويلة الامد، في حين اني وانا بذاكر مثلا، بعاني عشان احفظ كلمة واحدة، وفي الآخر بنساها تاني. ف انا عايزة حل بجد عشان امحي الحاجات دي، عشان انا بقيت بنسى حاجات اهم بمراحل على حسابهم.

ممكن حد يقولي الحل ايه في الوسواس واني مش متاكده دايما من اي حاجه الموضوع عادي بس لما بيزيد بيكون متعب انا مش قادره اشخص لو دا وسواس قهري او لا بس علطول مش متأكده من اي حاجه وممكن اروح اتأكد من الحاجه عشر مرات و اجي ادخل انام مثاا اقعد افكر بردو قفلت الباب ولا لا مع اني متاكده اني قفلته وكدا في كل حاجة بقى وانا صغيره كنت كدا و اكتر من كدا بكتير كنت ممكن اقوم من النوم مخصوص عشان مش متاكده مثلا البلكونه مقفولةولا لا و اقوم اتاكد و ارجع تاني واروح اتاكد و الموضوع وقتها يعني والدتي قالتلي لو قعدتي تعملي كدا هنوديكي ل دكتور و هيديكي حقنة و خوفتني من الموضوع فا سكتت شوية و الوقتي حاسه بدات ارجع كدا تاني الموضوع مرهق

عندي مشكلة وهي الخيال انا حرفيا بعيش حياتي كلها فخيالي كل حاجة نفسي فيها بعملها فخيالي وده مخليني طبعاً مخزن مشاعر حب ورومانسية عاليه جدا وخايف اوي اني لو خطبت او ارتبط اندفع بمشاعري ف تفتكر اني كداب او مدلوق وقلقان اوي بجد

عايزه نصيحه يا جماعه ازاي واقف شك في لو شخص دخل حياتي ع طول بحس أنه بيخوني أو بشك ع طول ودا بيخنق الشخص اللي قدامي عايزه حل من فضلكم يعالج الموضوع دا لاني مش عارفه اتخلص من الإحساس دا خالصصص

انا نحفت كثير وماعم اقدر اكل بسبب انو مرضت وهيك فخلاص كرهت حالي حرفيا وحتى عندي عري عن قريب انو ماضل كصير كثير ممكن عالاكثر شهر وبدي اسمن لانو العرس رح يكون تبع خال خطيبي انو كل عائلة خطيبي رح تكون لازم اكون حلوة وانا جسمي رقيق💔بطلت اعرف ايش اساوي بليز ساعدوني اعطوني خلطات تسمين او مابعرف اي شييي حرفيا انو نوع فساتين ممكن ماتفصل كثير الجسم

عارفين اي الأخطر من العبط الهبل حرفياً انا بواجهه الاتنان من نفس الشخص لدرجه كرهتني فصوته حتي وصدقت مقولة من اعتاد القلق ظن الطمأنينة فخ كنت فاكره اني اول ماهبدأ شغل الدنيا هتخف من عليا شويه لكن إذاي لازم أبتلي بحاجه منا مش هعيش مره مرتاحه فاللهم الأربع شهور دول يعدو هوا عشان كدا كتير عليا والله 😢

السلام عليكم اولا 🌸 انا حابه اني اتكلم بس انا بخاف دايما ان ممكن اكون باثر علي حد بالسلب بس انا بمر الفتره دي ب اكتئاب انا اول مره اعترف بدا بس مبقتش قادره عماله احاول اكون ايجابيه وكويسه غصب عني بس مش قادره بكاول اضحك غصب عني بردو مش قادره ومش حاسه باي شعور وحاسه اني عايزه اموت وخلاص ودا غلط اكيد علشان كدا انا استحاله اعمل في نفسي اي حاجه لان انا عارفه ان الروح دي مش ملكي دي ملك للي خلقها وبس وكمان بخاف بخاف اوي من ربنا والموت انا الدنيا صعبه اوي عليا بحاول اواجه بس مش قادره انا بخاف حتي احكي لاي حد مع اني مش بعمل حاجه غلط بس بخاف من الناس بجد بخاف ادي ثقه لحد دايما لما بكلم اي حد بتخيل اني هياذيني اكيد هياذيني انا سني صغير ايوه بس والله العظيم انا مش اوفر انا فعلا مقلتش اني تعبانه الا لما خلاص تعبت تعبت اوي بقي عندي قلق ونوبات هلع ونوبات بكاء بتيجي في اي مكان واي وقت حتي مش بقدر اعيط فيها معرفش انا تايهه انا حتي مش عارفه انا بكتب ليه او انا محتاجه اعمل ايه الظنيا ضيقه عليا اوي وصعبه جدا وانا عارفه ان دي اختبارات من ربنا بس الاختبارات دي صعبه اوي عليا والله انا مبقتش قادره اعمل اي حاجه بقيت اكل بطريقه صعبه جدا باكل كتير اوي وانام كتير اوي بردو بس انا عايشه بجد في بيئه سامه حاسه ان دايما تعبانه ودايما حاسه بوهن شديد وصداع

أنا كل ما بيكون فيه شخص في حياتي دايما بكون شاكه أنه بيخوني أو مش انا الوحيده اللي في حياته وبناءا بردو ع حاجات غريبه هما بيعملوها مثلا حد يخفي ظهوره فجأه أو حد يخرج من الشات وانا مش بقدر استحمل و بواجه وطبعا الأشخاص بتهرب بعدها بسبب شكي فعايزه اعرف الحل واتصرف ازاي

جماعه عايزه اخد رايكم في حاجه ليا واحده صحبتي انا و هيا كنا صحاب اوي يعني بس انا مش برتاحلها كدا المشكله ي جماعه بقا بقالها فتره بلاقيها بتصورني صور غريبه و القيها واخد صوري اسكرين من استوري و بفتح الموبايل بتاعها بصدفه لقيت صور ليا كتير و كل شويه تصورني لوحدي و كدا يعني مش مثلا انا و هيا سوا لا و بجد ببقا وقفه بلف القيها وقفه بتصورني انا مبقتش مطمنه و خايفه تكون بتبعت الصور دي لواحد مثلا او بتكلم حد علي اساس اني انا و كمان بقالها فتره بتزن عايزه تيجلي بيت وانا مش بحب ادخل حد بيتي خصوصا و شكه فيه يعني فا انا مش فاهمه حاجه بجد و مش عارفه اعمل اي و كمان فكره اني ابعد عنها كدا فجاه من غير مبرار مش هينفع و كمان هيا بتبقا موجوده علطول في مكان الي ببقا فيه

خلاص فاضل يومين واخلص امتحانات وادخل كلية ان شاء الله هل بقا هلاقي بنت الحلال ولا مش هلاقيها ف الزمن دا مش عايز حد يقولي ركز في الكلية او شغلك او الخ الحمدلله كل دا محسوب ومقدرش استهين بيه بس لازم بردو افهم هلاقي بنت الحلال ولا لا

كنت حكيت قبل انو انا ٣ ثانوي ومش عارفة شو القرار القرار طلع وطلع عندي تقديم وانا مش جاهزة هل انا نهرت؟ بصراحة لا بس ترقبوا رح انهار هيك بعد كم يوم بس انتو ادعوا انو يا اما انجح يا اما اخد افادة وانقبل بتخصص احلامي انا تعبت

جماعه انا عندي خوف علي الناس الموجوده ف حياتي غريب خوف اني اخسرهم اني اعمل حاجه غلط تخليهم يبعدوا عني وخوفي الزايد دا زمان ضيع مني ناس كتير معاملتي غريبه والناس اللي كنت بخاف تبعد عني بقت بتبعد فعلا ان انا حاليا صحابي مش كتير يتعدو ع الصوابع معايا صاحي دا البيست أقرب حد ليا فيهم انا بخاف عليه جدا يجدعان صديقي دا وصل بيا الحال اني ع حزنه وهمومه بقيت انا بكتئب ودايما ف دماغي وقلبي دايما مقبوض كده خايف يحصله اي حاجه وخايف بردوا من انه يتغير عليا ف حاجه او من انه يزعل مني ولا كده اقسم بالله بقا بالنسبالي حاجه كبيره جدا جدا ومن تطور مكانته عندي دي مع انه صاحبي من زمان جدا بقيت ع قد تطور مكانته عندي دا خايف من اني اخسره انا بقيت من الصعوبات اللي هو بيمر بيها حاليا شايل همه ليل نهار وخايف عليه جدا يا جماعه عادي دا طبيعي يعني الخوف دا انا عايز تفسير اي الخوف الغير مبرر دا هل الخوف دا عليه من الصعوبات اللي بيمر بيها دلوقتي ولا انا خايف مكنش سند ليه كفايه ف اخسره ولا انا خايف من انه دا اكتر حد ثقه ف حياتي كلها ودا اللي طالع بيه من الدنيا ف خايف من لو خسرته اكون لوحدي ومش واثق ف حد ولا الخوف اللي عندي تشكيله من كل دا

بصراحة، من فترة وأنا حاسس إن موضوع الجواز بقى أصعب مما كنت متخيل. أنا شخصيًا نفسي أرتبط وأكوّن أسرة، لكن حاسس إن الوصول لشخص مناسب بقى تحدي حقيقي. مشكلتي مش إني مش عارف ناس، لكن إني مش لاقي البيئة أو الطريقة اللي تخليني أقابل حد عنده نفس الجدية ونفس الهدف. كل ما أبص حواليّ ألاقي ناس كتير من الولاد والبنات بيتكلموا عن نفس المشكلة. في ناس عايزة تتجوز فعلًا وتستقر، لكن فرص التعارف الجاد محدودة، والاختيارات المتاحة غالبًا بتكون عشوائية أو غير واضحة. ساعات بحس إن فيه عدد كبير من الأشخاص المناسبين، لكن كل واحد عايش في دائرته ومش عارف يوصل للتاني. وده بيخليني أتساءل: هل فعلًا المشكلة في إن الشخص المناسب نادر وصعب تلاقيه، ولا إننا لسه ما لقيناش المنصة أو الطريقة الصح اللي تجمع الناس الجادة ببعض وتخلي الوصول لبعض أسهل؟

ليه حاسه بضغط من كل حاجه حواليه بجد عاوزه افهم عندي توتر وقلق من اي حاجه لو صحيت في وقت مش كنت اللي مخخطاله بحس بضغط ويومي كله يبوظ لو لقيت حد كلمني تليفون بحس بتوتر وقلق وضغط فمش برد واقول اي حجه ليهم عشان ارتاح بس انا مش مرتاح حسه بضغط وخنقه وتوتر وقلق معظم وقتي مش عارفه ده سببه ايه بجد لو حد يعرف حل ياريت عشان تعبت😥

انا محتاج حل لمشكلة دوار المواصلات زمان كان بيبقا مجرد دوخه وخنقه واحس اني حران موووت واعرق ودا كان بيحصلي لما مركبش مواصلات فتره وبعدين ارجع تاني اركب ولما اخد على الموضوع خلاص بيروح وبيبقا نادر بس بقاله فتره غبي والنهارده لاول مره يحصل قيئ وانا اكتر حاجه بكرهها ف حياتي الدوخه والقيئ ف محتاج حل قبل ما الموضوع يتطور ويبقا قيئ علطول

ادعولي بجد محتاج شويه دعوات كتار كدا لانى بجد خايف واول مرة اكون خايف كدا فربنا يسترها عليا وعليكم عندى امتحان لمادة صعبة جدا انا بس بلكلك علشان الحروف ادعولي بالتوفيق والنجاح واياكم بالمثل وجزاكم الله خيرا جميعا

أحتاج لبعض النصائح والدعاء. انا امر بفترة امتحانات استدراكية في الجامعة هذه الأيام و امر بضغط نفسي كبير؛ لانو هناك مخاوف بسبب عدم التوفيق في السنة الماضية، وقلق من تكرار الأمر هذا العام وتراكم الخسارة لسنتين متتاليتين. أتمنى الدعاء لي بالثبات والتيسير

جمااااعه مرمورا خريجه الا ماده ف طبلولى بقااا شجعونى قولولى اى حاجه احكولى الحياة عامله ازاى بعد التخرج مبسوطه انى بتخرخ بس حاسه انى خلاص بقيت ف حياة الكبار بقا وانا لسه صغيرة على الكلام دااا شويه positive energy بقا كداااا

Very tired الاوفرتينكين يقتلني يوم بعد يوم قد ما تحاول تسكت الصوت لي يجيني قبل النوم ننجن صراحة اعطونا حل و هل هناك شيى تنصح بيه ؟ للعلم احتاج للنصيحة اكتر من المواساة لأنني نخمم في كتير اشيأء

عندى شعور بالوحده مش طبيعي معنديش صحاب ولا اى حد حتي صحابي الكانوا اقرب اتنين ليا بقوا بيطنشوا وبيبعدوا عني مش عارف ليه مع اني مقدمتش ليهم حاجه عموماً مشفوش منى غير كل جدعنه غاليه يعملوا كدا منهم واحد قولتوا نتكلم عشان مخنوق وكدا فامردش عليا مع أن هو ايجت عليه فتره كان كل يوم يطلب مني اتكلم معاه وكنا بنفضل بالساعات نتكلم وعمر مابينت اني زهقان أو كدا مش عارف اقطع علاقتي به خااالص ولا اسيبه مجرده معرفه أنا زهقت من حياتي والتفكير خصوصاً داخل على ثانويه

جماعه انا مخنوق وفي عليا ضغط رهيب اكمني ثانويه عامه و كل حاجة بتبوظ نفسيتي زي الزفت السنه دي خسرت كل حاجه وخسرت نفسي واول امتحان ليا الاسبوع الجي للعلم انا ولد .. كل حاجة بتضيع مستقبلي بيضيع وعمال اعيط ع غير طبعتي انا مكنتش اعرف يعني اي عياط غير لما بدات السنة دي بجد اصعب مرحله عدت علية بس بردو كمني متعود ع حاجه تاني وعمال مغمور ف المعاصي ومش عارف افوق بجد مستني نصيحه تفدني

السلام عليكم 🌸. دلوقتي انا داخلة تالتة السنة الجاية، ف الطبيعي ان ماما اصلا بتبدأ معانا بايو من قبل الدروس ف نص او اواخر سبعة كده مثلا، عشان كده كده هي طبيبة وفي نفس الوقت نبدأ مذاكرة بالتدريج، بس انا عشان اول دفعة للـ integrated science ف انا يعتبر مأخدتش بايو ولا مرة غير شوية سمك كده ف اولى ومش عارفين هيتغير ولا لا. ف اضطرينا نكنسل الموضوع ده لحد ما يطلع قرار بخصوص البايو، وبما ان انا زهقانة ومعنديش حاجة اعملها بجد ف قررت اذاكر فيزيكس. انا شاطرة اوي فيها وبحبها وبحب اذاكرها واقرأ فيها بعيدا عن المذاكرة، ف هي بالنسبالي سهلة وكل حاجة، بس انا مش عارفة هل ده هيأثر عليا في آخر السنة؟ انا لما قلت لماما قالتلي انها فكرة حلوة طالما انا فاضية عادي، بدل ما ابدأ الدراسة بضغط واراكم وكده خصوصا ان انا بتشتت بطريقة مستفزة، ف قالتلي ابدأي على خفيف اقرأي بس الكتاب شوفي محتوياته ومحتاجة فيه ايه او ايه مش فاهماه صعب ولا سهل وكده، وبس. ف انا قرأته قراءة سريعة وهو باين عليه مستوى متوسط بالنسبالي لان فيه حاجات انا معرفهاش اوي، خصوصا ان اول شابتر اصلا كله electricity وانا آخر معلوماتي فيها من تالتة اعدادي. ذاكرت جزء من اول درس وحاسة الحوار ممتع اوي وماشي معايا، بس زي ما قلت مش عارفة هل ده هيفصلني في الآخر ولا لأ.

انا بصراحه شايف الوحده مريحه (بس مش هتبقى مبسوط) ف انا دلوقتي ف محاولة اني اكون مع ناس ومبسوط وكدا وخصوصا اني كمان شهرين هتعجن من تالته ثانوي ف هتبقي وحده بالاجبار لان كل صحابي قالولي ان مينفعش نتقابل كلنا غير بعد تالته علشان ناخدها جد والكلام دا وانا عايز استمتع بالاجازه بس بفكر انزل شغل ومحتار اعمل ايه

ازاي الواحد يتخلص من فكره التعلق بشخص متعلقه بيه حدا لدرجه اني بوقق يومي كله لحد ما يبعتلي و يكلمني مع ان بيبقي ورايا حاجات كتير و مذاكره للكليه و مع ذلك ببقي حرفيا قاعده مش عارفه ابدا حاجه عشان مستنياه يبعت و مش بيبعت و الشخص ده معتقدش انه متعلق بيا اصلا هو عادي بيتكلم عادي بس مفيش تعلق اوي واللي هو بيبعت كل يوم و كده ممكن اكون باعته رساله ميردش عليها الا تاني يوم بيقول انه ف الشغل مبيلحقش يرد علي حد بس لما بيبقي اجازة بيكلمني و هو طبيعي بصراحه حاسه ان انا اللي مش طبيعيه و مش عايزة اتعلق بحد

اولا .. الحمدلله على كل حال مش عارف فى حد هيفهمنى بس حاسس ان الحياه بعد التخرج محتلفه بشكل يضايق تسويح دماغ بحاول اهرب بالشغل وتطوير الذات وحاجات كتير بس دماغى مبتهداش .. حاسس ب فضى حاسس انى فاضى هل دا عادى بحاول ادور على اي حاجه تملانى ومش عشان تدينى قيمه بس عشان احس انى عايش وكدا الفراغ بيقتلنى

عملتوا ايه عشان تتغلبوا على الوسواس القهري ونوبات القلق والهلع غير القرب من ربنا ؟ وهل خطوة الدكتور النفسي خطوة مفيدة ولا الادوية النفسية مؤذية؟ عايزة نصائح من قلبكم لشخص حياته متدمرة

يا جماعة دلوقتي انا سمعت كلام على حد قريب مني زعلني ، الحد ده قاعد في نفس بيت اللي إتكلم عليه والجو بينهم مكهرب، اللي اتكلم عليه في ضهره عنده حق في نقط معينة بس طريقته غلط خالص ومليانة إهانات حتى لو بدافع النصيحة، فأنا بدون ما اذكر اللي هو قاله انا طلبت من الشخص التاني أنه يشوف مكان تاني يقعد فيه علشان تجنبا للقيل والقال وعلشان ميخسروش بعض، فهو اتنرفز وخمن أن التاني السبب وأنه اكيد قال حاجة لأن علاقتهم متوترة من فترة، هل انا غلطان؟

دايما بحس اني في المكان الغلط، لا ده مكاني و لا بنتمي لهنا. انا عايشة برا بلدي من ١٢ سنة تقريبا، و طول الوقت حاسة ان كل حاجه مؤقتة، لا انا في بلدي ولا ده بيتي في الاخر ولا دي الناس الي بنتمي ليها و بحس معاهم بالأمان. و لما بنزل بلدي اجازات بحس اني غريبة اوي عنهم، لا انا من هنا ولا انا من هناك، ولا بحس بالأمان في بيتي في بلدي خالص. انا كنت دايما و انا طفلة كدة بردو للاسف لما اجي افكر فس الموضوع شوية، لا عمري حسيت بالأمان في بيتي خالص، كنت دايما حاسة بقلق و خوف مش طبيعين ان طفلة عندها ٦_١٢ سنة تحس بيهم في بيتها مع اهلها. انا بجد ممتنة لأبي و امي على كل حاجة والله وانا مش شخص مش راضي بالنعمة، و الحمد لله بجد على كل النعم الي حاوليا، بس انا تعبت بجد، و دايما حاسة بكدة، و مش قادرة انسى حاجات وحشة اوي من طفولتي و بتجيلي منها كوابيس كتير.

محتاج ولد ضروري يساعدني في الموضوع ده ... اعرف بنت بقالي ٦ سنين و بحبها و حقيقي اتمنالها الرضا ترضا و بحبها و مش بكلم غيرها و حاططها رقم واحد في حياتي بس بقيت اخر فتره أنها مبقيتش تحبني زي الاول ولا تهتم و حصل منها كام موقف بسيط بس قلق قلبي منها و أنا حد تفكيره زايد ف محتاج ولد استخدم صوته في شات انا هدخل اكلمها فيه و ابعتلها الريكورد ده علشان متشكش اني انا الي بكلمها

جماعه انا تالته ثانوي وبصراحه في حاجات كتير اوي واقعه مني وانا مبقتش قادره اذاكر خالص وخايفه لقدر الله ميحصلش الي انا عايزاه وخايفه من امي تعايرني في يوم من الايام لدرجه اني خلاص قررت اني اشتغل بعد ما اخلص علطول علشان ادقع ليهم كل الفلوس الي دفعوها ليا وعماله افكر لو محصلش الي عايزاه هعمل ايه وقلت هتعلم إنجليزي اكيد كويس والماني وبرمجه علشان اكون مأمنه نفسي حد يعرف اتعلم الحاجات دي ازاي وابدا منين وعايزه ارجع اذاكر تاني انا بمر بفتره صعبه اوي مش هقول بعيط كل يوم ياريت هقول اني نفسي اعيط مره واحده او احس باي شعور

حاسس اني بدأت اتضغط من تالتة من دلوقتي مش مجرد الفكرة بس كدة اللي ضاغطاني، بس عشان عارف ان دة آخر صيف ليا قبل ما أكون طالب جامعي وحياتي هتتغير ف محتاج اني انجز حاجات كتير دلوقتي بل وكمان ابدأ في حاجات تانية انا مخططها ولسة مبدأتش فيها، فكرة ان معايا شهرين لازم اخلص فيهم كل دة حاسس اني هدخل تالتة وانا مضغوط وطاقتي خلصانة اكتر انا فعلياً ممكن الحق على شهر 8 أو 9 اكون خلصت 70% من الحاجة دي وأكون بدأت الحاجة اللي محتاج ابدأها وامشيها بعد كدة عادي، بس دة لو انا مكسلتش يوم، وانا كل شوية بقع وبضيع كتير بس خير خير هنلحق إن شاء الله هنلحق

حقيقة اريد حلا لا أعرف متى بدأت أفقد نفسي بالتحديد واگرهها لكنني أعرف أنني لم أعد كما كنت أعيش مع عقل لا يعرف الرحمة ولا يمنحني هدنة حقيقية يفتش في الماضي ويقلق من المستقبل ويحوّل أبسط الأمور إلى معارك طويلة لا تنتهي أشعر بالتيه في كل شيء تقريبًا في قراراتي وفي مشاعري وفي نظرتي لنفسي وحتى في الطريق الذي أسير فيه كأن الجميع يعرف إلى أين يتجه إلا أنا الوحدة تؤلمني لكنني في الوقت نفسه أصبحت معتادًا عليها إلى درجة مخيفة أكرهها حين تحاصرني وأخاف من الناس حين يقتربون فأبقى عالقًا في المنتصف لا أنا قادر على الهروب من وحدتي ولا أنا قادر على التخلص منها أما نفسي فقد أصبحت علاقتي بها معقدة جدًا ألومها كثيرًا وأقسو عليها أكثر مما ينبغي وأحملها مسؤولية أشياء ليست كلها بيدها أنظر إلى أخطائي فأراها أكبر من حجمها وأنظر إلى محاسني فلا أكاد أراها أصلًا وهكذا أظل عالقًا في دائرة لا تنتهي من المقارنة والندم والشك هناك أيام لا أريد فيها شيئًا من الدنيا سوى أن يصمت رأسي قليلًا أن تتوقف الأفكار عن مطاردتي أن أشعر أنني موجود دون أن أكون في حالة حرب دائمة مع نفسي أحيانًا لا أحتاج حلًا لكل ما أمر به أحتاج فقط أن أشعر أنني لست تائهًا إلى هذا الحد وأن كل هذا الثقل الذي أحمله داخلي لن يرافقني إلى الأبد

لما بتبقوا مش عارفيين تناموا بتعملوا ايه؟ مشكله النوم لما يبقا في ضغط بتبقا مزعجه و خصوصا لو وراك حاجه مهمه و لازم تنام باخد ميلاتونين سعات بس مش بحب اعتمد علي حاجة زي كدا عشان متبقاش عاده

أنا حابب أشرح بشكل مرتب طبيعة علاقتي ببنت قريبة مني جدًا وتأثير الموضوع ده عليا نفسيًا، لأن بقى مأثر بشكل واضح على حالتي ومشاعري وطريقة تفكيري. أنا أعرف والدها من سنة 2012 تقريبًا، والعلاقة بيني وبينه كويسة جدًا من زمان، وهو بيعتبرني زي أخوه الصغير. وكمان كنت أعرف والدتها الله يرحمها، وكان بينا معرفة واحترام، وروحتلهم البيت قبل كده في رمضان مع ناس من أصحاب والدها. وبعد وفاتها روحت عملتلها عمرة في مكة. بالنسبة للبنت نفسها، إحنا بدأنا نقرب ونتكلم بقالنا حوالي 3 شهور، وبقينا بنتكلم بشكل شبه يومي سواء شات أو مكالمات طويلة، وفي بينا راحة وونس وضحك وهزار واهتمام واضح جدًا. في عيد ميلادها جبتلها هدية إنسيال وسلسلة إكسسوار ستانلس ستيل، وكانت هي اللي مختارة شكلهم، بس كنت واخد الموضوع بطريقة غير مباشرة، وهي فرحت جدًا وقبلت الهدية وشكرتني، وكمان كنت أول واحد يهنيها في عيد ميلادها. إحنا أحيانًا بنتقابل في مكان شغلها لأن والدها شغال معاها، وأنا بروح هناك بشكل طبيعي وبنتكلم وقت ما تكون فاضية، ووالدها عارف وموافق بشكل عادي، ومفيش أي تجاوزات بيني وبينها لا في كلام ولا تصرفات. مع الوقت بدأت أحس إن وجودها فارق معايا نفسيًا بشكل كبير جدًا، وبقيت أحس براحة وهدوء لما بنتكلم، ولما التواصل يقل أو تبعد شوية بحس بتأثر نفسي واضح وقلق عليها. هي قبل كده قالت إنها حسّت إني ممكن أكون بضغط عليها عاطفيًا أو براقب أي تغيير في كلامها، ومن وقتها أنا بحاول أكون أهدى ومتزن أكتر في التعامل. وفي مرة حصل إنها كانت مضايقة وحكتلي، وأنا وقتها سمعتها واحتويتها، لكن بعد كده لما الموضوع اتفتح تاني حصل نقاش خلاها تزعل وتقول إنها غلطانة إنها حكت، وده خلاني أحس إنها بقت أحيانًا تكتم اللي جواها. في نفس الوقت علاقتنا مش مبنية على مشاكل أو فضفضة بس، بالعكس فيها هزار وضحك وقرب وراحة كبيرة، وأنا بحس معاها أمان وارتياح. أنا عندي مشاعر حقيقية ناحيتها، وهي غالبًا حاسة بده من أسلوبي، لكن لحد دلوقتي مفيش اعتراف رسمي كامل من ناحيتي، وخطتي إني أكون مستقر شغلًا الأول وبعدين أتكلم بشكل رسمي ومحترم. أنا خايف جدًا من الرفض أو إنها تبعد، لأني متعلق بيها نفسيًا، وبحس إنها مصدر راحة وأمان كبير في حياتي، وده بيخليني أتوتر لما كلامها يقل أو يبقى مختصر. كمان أنا بحكيلها أحيانًا عن ضغوط البيت ومشاكلي العائلية، وبحس إنها بتسمعني بطريقة مريحة. وفي نفس الوقت، بعد ما صرّحت لها بمشاعري حصل حوار مباشر بينا، وهي قالت إنها حسّت إن أسلوبي متغير معاها، وأنا اعترفت بده، وقلت إني فعلًا مهتم بيها بس مش عايز أضغط عليها أو أخسرها. هي سألتني عن طبيعة مشاعري، فقلت لها إن فيه إعجاب وارتياح وقبول، وإن أنا متقبلها جدًا، وهي من ناحيتها قالت إنها مش حابة تكون سبب في أذى أو تعلق حد بيها، وكمان قالت إن فيه فرق سن وإن والدها ممكن يرفض، وإن فيه كذا شخص متقدم لها وهي محتارة. أنا طمّنتها إني مش مستعجل، ومش عايز ضغط، وإن أي قرار لازم يكون براحتها ومن غير أي توتر، وإن لو في قبول هنتكلم بشكل رسمي مع الأهل في الوقت المناسب. ومن ساعتها وأنا في حالة انتظار لردها النهائي، ومش عارف إذا كانت هتوافق أو ترفض أو هتحتاج وقت أكتر. اللي حابب أفهمه: هل تعلقي بيها طبيعي ولا زائد؟ إزاي أوازن بين الاهتمام والخوف؟ إزاي أتصرف بشكل صحي من غير ما أضغط عليها؟ وهل الأفضل أستنى ردها الأول ولا أتكلم بشكل مباشر تاني؟ وإزاي أتعامل لو حصل رفض أو قبول؟ أنا مش عايز أضغط عليها خالص، وكل اللي يهمني إنها تكون مرتاحة وصريحة مع نفسها ومعايا، حتى لو النتيجة مش في صالحي.

حلمت انهاردة ان الشيخ بتاعي نزل توهيل وسمع صوتي وبقا متابعني عليه، بل وكمان قدر يتواصل مع ناس يعرفوني من هنا وبقوا كلهم يعرفوا بعض وجاب بوستاتي القديمة كلها وعرف كل حاجة عني كمية عبث مش طبيعية

عمري ما نشرت بوست هنا في حياتي ب غرض اني محتاج كمساعد ب العكس بيبقا ممكن بنتقد حاجه او كدا بس المرادي انا فعلا مش حاسس اني كويس انا مش كويس خالص الفتره ده متقدم فيا محضر في الكليه والموضوع كبر وراح للعميد والموضوع ماثر علي نفسيتي جدا يكوني شخص وحيد طول عمري مش عندي حتي اخ ولد ف مش بتاع مشاكل ولا اتعودت اكون جزء منها اتعودت ابعد عن اي حاجه فيها مشاكل علشان مش عندي شخص يقف معايا حتي ف الصحاب محدش بيحبني مش احسن شخص يكون صحاب ممكن ناس كتيؤ تعرفني بس في نفس محدش بيعتبرني شخصو محوره في قصته بحب الجيمز بحسها بتعيشني في عالم تاني بحب اتخيل بس بجد مش عارف مالي الموضوع بتاع المحضر ماثر عليا ومش عارف مصيري اي مذاكرت سنين انا من اوائل دفعتي الموضوع لو تحول ل رفد او تعطيلي سنه عن الدراسه ممكن يدمر مستقبلي المهني كلو معرفش هبقا انا زي ما انا بعد ميخلص ولا لا دعواتك وشكرا لكل حد قرا كل الكلام❤️

انا متشخصة شخصية حدية و لما يحصل موقف يضايق دماغي بتعمل سيناريوهات تنكد عليا اللحظات الكويسة اللي انا فيها دلوقتي عشان بفضل افكر ف الوحش اللي لسا هيصل بعدين حتي لو بعيد او احتماليه حدوثة قليلة

أرهقتني الحروب التي لا يراها أحد تلك التي تدور في داخلي كل يوم دون صوت أن تبدو بخير بينما أنت تتآكل من الداخل ليس أمرًا سهلًا كما يظن الناس أن تحمل همومك وحدك لأنك لا تجد الكلمات المناسبة لشرحها ليس أمرًا هيّنًا أن تستيقظ كل صباح محاولًا إقناع نفسك بأنك قادر على المواصلة بينما شيء ما في داخلك يريد فقط أن يستريح لقد تعبت من كثرة التفكير ومن الأسئلة التي لا أجد لها إجابة ومن المعارك التي أخوضها وحدي أحيانًا أشعر أنني غريب حتى عن نفسي وكأنني فقدت الطريق ولم أعد أعرف أين كنت أريد الوصول أضحك وأتحدث وأمارس حياتي بشكل طبيعي لكن هناك جزءًا مني يظل صامتًا يحمل ما لا أستطيع قوله أشتاق لأشياء رحلت ولأشخاص تغيروا ولنسخة قديمة مني كانت أقل حيرة وأكثر طمأنينة ولست أبحث عن شفقة أحد ولا عن مواساة مؤقتة كل ما أريده هو أن تنتهي هذه الفوضى التي بداخلي وأن أجد يومًا واحدًا أشعر فيه بالسلام دون أن أقاتل من أجله انا مش عارف اعمل ايه وتايه وحرفيا بكرة نفسي مش قادر اتصالح معاها

في عالم سريع الإيقاع لم يعد التفكير مجرد أداة لحل المشكلات بل تحوّل لدى البعض إلى عبء نفسي يُثقل العقل ويستنزف المشاعر. فالتفكير الزائد أو ما يُعرف في علم النفس بـ Rumination ليس مجرد تحليل عابر للأحداث بل هو تكرار قهري للأفكار حول الماضي والحاضر والمستقبل دون الوصول إلى حلول حقيقية. وهنا تبدأ الحلقة المفرغة التي قد تقود إلى #الاكتئاب.

حصل حاجة في شغلي وهي أن مديري عرف اني باخد فلوس من الشيفت اللي انا ماسكاه وقبل ما حد يتكلم في حرام وحلال انا عارفه أن عليا ذنب ولازم اتوب منه بس انا دلوقتي مش عارفه اتعامل مع مديري ازاي خصوصاً أنه لمح كذا مره أنه عارف حاجة وانا مبقتش مستحملة اخبي اكتر من كده خصوصاً اني بعزه جداً وهو كان كويس معايا ياريت حد يقولي رأيه أو يقولي اتصرف ازاي واعترفله اني عملت كده واسيب القرار في ايده ولا دي هتكون فضيحة.

يا جماعه معلش اسمعوني يمكن الحاجه الي هقولها تكون تافهة بالنسبالكم بس بالنسبالي انا في مشكله الموضوع اني في تالته اعدادي و امبارح كان عندي امتحان هندسه و والله كنت مذاكراها كويس و حله امتحانات و منمتش اليوم دا خالص معرفتش انام و دي كانت اول مره منمش خالص قبل الامتحان انا عادةً بنام ساعه قبل الامتحان او ساعتين بالكتير المهم في الامتحان اتوترت اوي و عيطت و بصراحه عكيت خالص حليت الاختيارات و برهان واحد هو الي متأكد منه و اتنين تاني مش متأكده خالص و مش عارفه اصلا كنت بكتب ايه فيهم و سؤالين تقريبا سبتهم و حاجات مش مكمله حلها كل دا بسبب التوتر و اني مش قادره افكر المهم سلمت الورقه ف هل كدا هنجح و هعدي اصل انا الترم الاول جبت في الهندسه 14 من 15 و الرياضه كلها جبت 28 من 30 و الجبر الترم دا حليته كويس لكن الهندسه زي ما قولتلكوا ف سمعت أنه في الترم الثاني مجموع الترم الاول رياضه بيضاف للتاني هل كدا هعدي رياضه إن شاء الله ولا هيحسبوا الهندسه لوحدها الترم دا محتاجه حد يفيدني و يطمني من غير تريقه ياجماعه انا قلت اقول عشان انتو اكبر مني و اكيد عارفين وانا خايفه و عندي امتحان بكره و م قادره اوقف تفكير في الموضوع و اسفه ع الإطالة👈🏻👉🏻

انا الحمدلله دخلت الكلية الحربية والله الحمدلله السؤال هنا انا طول الوقت ف الكلية هل هعرف اتعرف علي بنت احبهاا بجد وتحبني مش عايز اتجوز بنت كدة و خلاص مش عارفة هيحصل ول لا بس هل عادي البنات تستحمل انو يكون بعيد اكتر الوقت خصتآ ف اول فترة تعارف و كدة و بس كدة

حاسه أنه الحمد لله اللي كنت بخططله من مده طويله وبسعي أنه يجي بقي يجي بسهوله ودا مش مريحني لأن عمر مافي حاجه جاتلي كدا إلا ولازم اتعبلها واحاول كذا مره وفي الاخر تضيع مني فكون اني اكون قاعده مستنيه الحاجه وفعلا تيجي دا بالنسبالي حاجه مرعبه ومش عارفه افكر بشكل إيجابي الحمد لله بعد تعب كبير ولف لاقيت شغل بشكل سريع جدا بعد امتحانتي وان شاءالله هبدأ بكرا اتمني تتمنولي التوفيق وادعولي دعوه حلوه من القلب 🤍🙏🏻

كل حاجه بتبوظ مذاكرتى وشغفى وطاقتى كل حاجه مش موجوده والمذاكره باظت فعلا وخلاص مبقاش فى وقت والماده دى مينفعش تتذاكر ليله الامتحان انا عمرى ما كنت كدا عمرى ما كنت بالفشل دا وفقدان الطاقه دا حاسه مش قادره اتنفس والصداع مش راضى يروح

مش عارفه ، عماله أأجل جلساتي النفسيه خوفًا من أنها تشخصني بيه ، ولاني متاكده أن كل حاجه تدل على أنه عندي هو واضطراب ما بعد الصدمه ، اكمل الجلسات ولا لا ؟ خايفه ادخل ف دوامه كبيره وخايفه اسيب نفسي للعبث اللي انا فيه دا

يا جماعه معلش اسمعوني يمكن الحاجه الي هقولها تكون تافهة بالنسبالكم بس بالنسبالي انا في مشكله الموضوع اني في تالته اعدادي و امبارح كان عندي امتحان هندسه و والله كنت مذاكراها كويس و حله امتحانات و منمتش اليوم دا خالص معرفتش انام و دي كانت اول مره منمش خالص قبل الامتحان انا عادةً بنام ساعه قبل الامتحان او ساعتين بالكتير المهم في الامتحان اتوترت اوي و عيطت و بصراحه عكيت خالص حليت الاختيارات و برهان واحد هو الي متأكد منه و اتنين تاني مش متأكده خالص و مش عارفه اصلا كنت بكتب ايه فيهم و سؤالين تقريبا سبتهم و حاجات مش مكمله حلها كل دا بسبب التوتر و اني مش قادره افكر المهم سلمت الورقه ف هل كدا هنجح و هعدي اصل انا الترم الاول جبت في الهندسه 14 من 15 و الرياضه كلها جبت 28 من 30 و الجبر الترم دا حليته كويس لكن الهندسه زي ما قولتلكوا ف سمعت أنه في الترم التاني مجموع الترم الاول رياضه بيضاف للتاني هل كدا هعدي رياضه إن شاء الله ولا هيحسبوا الهندسه لوحدها الترم دا محتاجه حد يفيدني و يطمني من غير تريقه ياجماعه انا قلت اقول عشان انتو اكبر مني و اكيد عارفين وانا خايفه و عندي امتحان بكره و م قادره اوقف تفكير في الموضوع و اسفه ع الإطالة👈🏻👉🏻

بكتب المشكلة دي وانا مش عارفة الحقيقة هستفيد بالاراء اللي هشوفها ولا لأ بس حرفيا انتهت حلول الارض ممكن تعمل ايه لو ظروفك المادية متسمحش انك تدخل كلية انت دخلت ثانوية وخلصت بس مش قادر ماديا تكمل في الكلية (كلية مالهاش مستقبل تمامًا) تدخل الكلية دي بلا فايدة وتتكحرت ماديًا اكتر عشان تعدي منها ده لو قدرت؟ (مع العلم انك متقدرش تشتغل وانت فيها) ولا متدخلهاش وتشتغل وتاخد لغة وتشوف مستقبلك بعيد عن التعليم الجامعي؟

حد اشتغل قبل كده فالساحل في فترة الصيف انا حاليا مش لاقي شغل قلت ان في ناس كتير بتروح الساحل فالوقت ده بتشتغل لانه المرتبات بتبقي كويسة هناك انا عاوز اعرف بتلاقوا شغل الساحل منين وايه الشغل اللي حلال فيه لان حاسس انه تلت اربعه حرام ا

يوم الاحد الجي هيكون اخر امتحان ليا في الجامعة.... طول فترة الامتحانات كنت عادي لغاية ما خلصت مادة قبل الاخيرة، وهنا انا بدأت ادرك واستوعب ان خلاص... نهاية مرحلة كاملة من حياتي انتهت من غير ما احس ولا اخد بالي.. جوايا شعور مختلط.. مش حزن ولكن قلق يمكن او خوف من الواقع... الشعور الغالب هو اني ملحقتش استمتع كفاية بالمرحلة او الشعور الاغلب هو اني مسروق وجي افوق بعد ما الرحلة خلصت... اللي عدى بالمرحلة دي يقولي اعمل ايه وانا داخل على ايه

لسة زي ما انا لدرجة اني بقيت اتمني البلاء من ربنا عشان افوق نفسي بس تظبط المرادي المرادي بس عشان ابويا والله مش اكترر نفسي افوق مش عارف اذاكر مش عارف طيب وبدعي كتير انا اه مقصر فيي كلل حاجهه في حياتيي حرفياً كل حاجة بس بجد اهلي ملهمش ذنب انا ثانوية عامة وخلاص امتحاناتي كمان عشر ايام مش عارف اعمل اي وبدعي كتير وبعمل كل حاجة مش هكدب الصلاة مقصر فيها جامدد بس بنزل اصلي وادعي الغريبة اني لما بدعي برجع بكسل اكتر م الاول مش عارف الاقي تفسير ل دا ومش فاهم انا مش معترض علي قضاء الله بس المرادي بس تظبط اكسب ثقة ابويا والدنيا هتبقي تمام لو ع الذنوب والله هبطل ووالله هسعي اني اعمل كل صح وابطل الغلط انا اصلاً بسعي دلوقتي بس الجزاء يجي في الحاجة اللي بحلم بيها همووت ودي بس تعدي والنتيجة تبقي تمام مش اكتر نفسي ربنا يعطيني الهمه عشان اذاكر واعرف اجيب نتيجة مش طالب اكتر من كده بعد كده حياتي بقا انا هسعي فيها وربنا يقدم اللي فيه الخير بس دي تعدي مش اكترر وبس كان نفسي اقول كده ونفسي الاقي حد ارغي اقول الكلام دا بس ملقتش غير هنا والسلام عليكم

الساعه بتجري واليوم بيخلص ويبدا يوم جديد وشمس جديده بتطلع وانا دماغي مش بتفصل مش بتنام وبتفكر في كل حاجه ومش بترتاح حتي بتفكر في حاجات قديمه جدا المفروض اكون نسيتها النوم مش عايز يجي بعيط ليه وعلي ايه بجد بعيط وخلاص مفيش حاجه حصل معايا بجد النهارده عشان العيط العياط ده كله جه منين وبسبب ايه

عندي مشكله دايما اني بخاف من بكرا دايما خايفه و قلقانه من كل حاجه حوليا حتى لو ف اوقات هاديه بحس بقلق غريب علطول معنديش استعاد لبكرا و بخاف من المستقبل و بحاول التفائل بس برضو جوايا دايما خوق مخفي مش قادره الاقيله حل اعمل ايه!؟

حاسس اني عايز اهرب من كل حاجه من ضغط دراسه و شغل و اهل و مجتمع و اقعد لوحدي بس معنديش وقت اقعد لوحدي حتي عندي كل دقيقه لو مش استغلتها حل حاجه بتبوظ و اكن في قطر مش بيقف و مينفعش أوقفه تعبت اوي مع اني في يوم من الايام كنت اتمني الوظيفه اللي انا فيها و الكليه و الناس أو المجتمع اللي انا حوليه بس بجد انا عايز اهرب مش قادر احارب اكتر من كده

خمس شهور بحالهم خمس شهور بدور عليا بدور على انا الشاطرة الحلوة الملتزمة في دينا ومش، بتقارن نفسها بحد وعارفة انها ماشية على الطريق الصح حتى لو هي مش اسرع واحدة فيه انا المتفاءلة السعيدة الي مفيش حد يقدى يدخل يبوظ حاجه في حياتها انا الجميلة المضحكة الي بضحك وبخرج انا الي كل هدفي في اليوم اني اخلص الي ورايا وكنت بخلصوا انا الي مبسمعش اغاني انا الي مش منزلة انستا انا الي مش منزلة فيس انا الي معرفش ولد واحد حتى انا فين مين ديه والله عارفة ان الظروف بتغير الواحد بس دي مش انا انا وانا بكتب الكلام دماغي مش مصدقه وبتقولي لا هو انا بجد عملت ده هو انا فين طب اعمل ايه اختفي وابدا من تاني اعمل ايه عشان اوصلها محدش يقولي اني خلاص كده ضعت انا حضرت لشخصيتي دي فترة كبيرة اوي من حياتي واستمتعت بيها وفرحت اوي ليه ده مكملش مين الحيوان الي بوظ كل الي عملتوا لا مش شيطان لا الشيطان كان ولا حاجه بالنسبالي انا كنت اقوى منه بكتير لا لا لا لا لا لا لا لا لا لا دي مش انا انا بقيت بستغيث في كل حاجه لدرجة اني بفتح فويسات وافضل اشتكي فيها من نفسي واسال انا فين بعيط في كل وقت وفي كل مكان ده لو العياط جالي اصلا واترحمت قلبي غير منتظم بسبب حالة القلق والغضب الي انا فيها انا ماشية في طريق مش بتاعي وبحاول ابعد ومش عارفة انا تعبت نفسي مقرفه والله انا عايزة انا الهادية العاقلة الي بتحب تمارس هوايتها بعيدا عن الناس فجأة بقيت شايفه الكل احسن مني حتى في اكتر الحجات الي بحبها انا تعبانه حد يقولي ارجوكم ارجع بسرعه دلوقتي في الثانية دي ازاي انا مش هقدر استحمل اكتر من كده

كمية ارهاق وقلق رهيبة كل حاجه مكلكعه فوق دماغي انا عمرى ماكنت محتاج اترمي في حضن حد اكتر من النهارده ازاى محدش موجود .. ازاى ممكن افكر اني حتي اترمي في حضن حد ولو حتي دفعتله تمن ده ليه كل التعب والارهاق ممكن ييجوا فجاءة او اكيد مش فجاءة بس كنت بحاول استحمل

ليه بعيش في السيناريوهات! لما بكون قاعدة فاضية أو بدخل في النوم بلاقيني بعمل سيناريوهات وحوار كامل مع أشخاص مختلفة عن أي موضوع واقعد احكي لشخص في دماغي عن حاجات كتير، مش بيكون شخص معين بذاته وكل مرة ممكن يتغير. ممكن كمان الكلام يستمر ساعه او اكتر. ساعات كمان بتخيل اني باجي احكي لكم هنا سواء بشارك مشكلة أو وجهة نظر او اي حاجه. مش بفهم ليه بعمل كده وانا عادي اقدر اتكلم مع صحابي في اللي انا عايزاه و وقت ما انا عايزه

انا دايما شايفه اني مقصره فس مذاكرتي برغم اني بعمل مجهود مش طبيعي ابدا بس انا شايفه اني مقصره مع ان بردو انا شاطره وبذاكر كويس اوي انهارده خرجت من الامتحان سايبه 3 اسئله وطبعا لما كلمت مامتي ادايقت حاولت اكلم اي حد عشان كنت مخنوقه اوي بس ملقتش معرفتش اعمل ايه فقولت ادخل اكتب هنا يمكن اخرج شويه طاقه من طاقه الحزن اللي انا حساها بالذات ان انا معايا في اللجنه بنت فاشله بمعنى الكلمه لدرجه انها ممكن تغش الاملاء عادي والامتحان كان متسرب اصلا بس انا مكنتش اعرف وهي دخلت وحلت وخلصت ونامت كمان وانا قاعده قدامي ورقتي ومجهودي طول الترم ومش عارفه اعمل حاجه في الورقه قدامي امي وهي بتقولي انا واثقه فيكي وابويا وهو بيقولي ابقي قابليني لو فلحتي حلمي اللي انا حاسه انه هيروح مني وانا مش عارفه الحقه لثواني حسيت اني قصرت واني اللي معملتش اللي عليا بالرغم ان انا كنت ممكن ماكلش عشان اذاكر واخلص لكن حاسه انه لا كان محتاج مني مجهود اكبر او لا انا معملتش كل اللي عليا مش عارفه حاسه اني خلاص مش قادره ولا عايزه وتعبت مش عارفه

أنا حابب أشرح بشكل مرتب طبيعة علاقتي الحالية ببنت قريبة مني جدًا وتأثير العلاقة دي عليا نفسيًا، لأن الموضوع بقى مؤثر بشكل واضح على حالتي النفسية وطريقة تفكيري ومشاعري. أنا أعرف والدها من سنة 2012 تقريبًا، والعلاقة بيني وبينه كويسة جدًا من زمان، وهو بيعتبرني زي أخوه الصغير ودايمًا أسلوبه معايا لطيف ومريح. كمان كنت أعرف والدتها الله يرحمها وكانت تعرفني كويس، وروحتلهم البيت قبل كده في رمضان أنا ومجموعة من أصحاب والدها وفطرنا عندهم. ولما والدتها توفت، روحت عملتلها عمرة في مكة، لأني فعلًا كنت مقدّرهم جدًا وقريب منهم نفسيًا. أما بالنسبة للبنت نفسها، فإحنا بدأنا نقرب ونتكلم بقالنا حوالي 3 شهور تقريبًا، وخلال الفترة دي بقينا بنتكلم بشكل شبه يومي، سواء شات أو مكالمات فون طويلة، وفي بينا راحة وونس وضحك وهزار واهتمام متبادل بشكل واضح جدًا. في عيد ميلادها جبتلها هدية عبارة عن إنسيال وسلسلة إكسسوار ستانلس ستيل، والطريف إن الاختيار كان منها هي أصلًا، لكن على أساس إني بجيبهم لبنت تانية، لأني كنت خايف لما تعرف إنهم ليها ترفض تختار أو تقولي لا. فاختارتهم، وأنا جبت نفس اختيارها واديتهم لها في بوكس هدية صغير بشكل مرتب، وهي فرحت جدًا وقبلت الهدية وشكرتني عليها بشكل جميل. وكمان يوم عيد ميلادها كنت أول واحد يهنيها ويتصل بيها. إحنا كمان بنتقابل أحيانًا في مكان شغلها، لأن هي ووالدها شغالين مع بعض، وأنا بروحلهم هناك وبنقعد نتكلم وقت ما تكون فاضية، ووالدها عارف إني بتكلم معاها وبيشوف ده بشكل طبيعي، لأن بيني وبينها كل احترام ومفيش أي تجاوزات سواء في الكلام أو التصرفات. وفي مرة والدها كلمني وقالي إنها محتاجة دبابيس لدباسة وأنا رايح لهم، فقولتله بهزار: “بس كده؟ دا إحنا عنينا ليها… هي تؤمر بس وإحنا ننفذ” وهو ضحك جدًا وقتها. مع الوقت بدأت أحس إن وجودها فارق معايا نفسيًا بشكل كبير جدًا، وده بان حتى على شخصيتي وطريقتي وحالتي النفسية، واتقالي إني بقيت أهدى وعندي طاقة وشغف أكتر من زمان. أنا فعلًا بحس إن وجودها بيريحني وبيطمني، ولما بنتكلم ببقى مرتاح ومبسوط جدًا، ولما التواصل يقل أو تبعد شوية بتأثر نفسيًا بشكل واضح، وده مخليني أحيانًا أخاف من فكرة بعدها أو تغيرها معايا. هي في فترة قبل كده كانت حاسة إني بضغط عليها عاطفيًا شوية أو مركّز زيادة في أي تغيير في كلامها أو مودها، وقالتلي إنها لو رجعت تحس بنفس الأسلوب اللي مكانش مريحها طبيعي هتتغير. ومن وقتها وأنا بحاول أهدى وأكون متزن أكتر في تعاملي وكلامي معاها. حصل قبل كده إنها فضفضتلي عن موقف ضايقها وكنت وقتها بدعمها وبسمعها، لكن بعد فترة لما الموضوع اتفتح تاني ناقشتها في بعض تصرفاتها وقلت إني شايف إن في جزء ممكن يكون اتفهم غلط منها، وهي زعلت جدًا وقالت إنها غلطانة إنها حكت أصلًا. ومن وقتها بقيت حاسس إنها أحيانًا بتكتم ومش بتحب تحكي كل اللي جواها، وأنا ده بيضايقني لأني بحب إنها تعتبرني مساحة أمان وتحكيلي أي حاجة مضايقاها. في نفس الوقت علاقتنا مش قائمة على الفضفضة والمشاكل فقط، بالعكس، بينا هزار وضحك وكلام خفيف وونس وقرب واضح جدًا، وأنا بحس براحة كبيرة معاها وبحب طريقة تفكيرها ونضجها وأسلوبها جدًا. كمان هي لما كانت بتكلمني وهي مضايقة أو بتعيط كنت باحتويها وأهديها، وده قرّبنا أكتر من بعض نفسيًا. أنا عندي مشاعر حب حقيقية ناحيتها، وهي غالبًا حاسة بده من أسلوبي واهتمامي وطريقة كلامي، لكن لحد دلوقتي أنا معترفتش بشكل مباشر. وخطتي إني لما أشتغل وأكون مستقر أتكلم معاها بشكل واضح ومحترم عن الارتباط، ولو في قبول أكلم والدها بشكل رسمي. في نفس الوقت عندي خوف كبير جدًا من الرفض أو إنها تبعد، لأني متعلق بيها نفسيًا بشكل واضح، وبحس إنها مصدر أمان وراحة كبيرة بالنسبة ليا. وأوقات بقلق زيادة لما ترد باختصار أو تقلل كلام بسبب ضغط أو تعب، ودماغي تلقائيًا بتفكر إنها متغيرة أو زعلانة مني، رغم إن ده غالبًا بيكون بسبب ضغطها أو تعبها فعلًا. أنا كمان بحكيلها أحيانًا عن مشاكل البيت وعلاقتي بأهلي وإحساسي إني مش متشاف أو مش قريب منهم بالشكل اللي نفسي فيه، وبحس إني مرتاح جدًا وأنا بحكي معاها لأنها بتسمعني بطريقة مريحة ومتفهمة. حابب أفهم أكتر: - هل تعلقي بيها طبيعي ولا زائد؟ - إزاي أوازن بين الحب والاهتمام وبين الخوف والقلق؟ - وإزاي أبقى قريب منها بشكل صحي من غير ما أحسسها بضغط أو احتياج زائد؟ - وهل طريقتي الحالية صح من ناحية التدرج والهدوء ولا محتاجة تعديل؟ -وهل اتكلم معاها واصارحها الاول ولا اتكلم مع والدها الاول ؟ -وفي حالة انها رفضت انا الموضوع بالنسبه ليا هيبقي صعب جدا ف هل اتكلم تاني او اتكلم مع والدها بس من غير ما اقوله اني كلمتها ف حاجه ولا خلاص هي مره وانتهي لاني عاوزها بصراحه ونفسي تشاركني باقي عمري ؟ -والكلام الافضل واتس ولا فون ولا وجها لوجه علما بان لو وجها لوجه هيكون في مكان شغلها لاننا مش بنخرج مع بعض واكيد هنبقي انا وهي بس علشان محرجهاش قدام حد .. حابب اعرف رايكم بشكل عام ونصايحكم واسف اني طولت ف كلامي

دي اكتر فترة انا ضايع فيها،مليش غير شوية الاوزان اللي بفش غلي فيهم في الجيم وكام صاحب جدع بيواسوني هنا بليل،مبقتش متوقع اي حاجة حرفيا معرفش انا هبقي فين كمان ساعة نفسي ادوق الاستقرار نفسي ابقي مطمن

عندي مشكله امتحاني يوم التلات يعني معايا الليلادي وبكرا كامل باذن الله هطبق النهارده وبكرا هنام قبل الامتحان معرفش اي حاجه عن الماده للاسف ودي اول مره ازنق نفسي كدا المهم عليا ٩ محاضرات شرح وبنك اسئله و ٦ ملازم من مكان ما فيهم تلخيص برضو للتسعه هذاكرهم كلهم وهجيب اكبر قدر ممكن الليلادي باذن الله ونسيت كمان مذكره ٣٢ صفحه اسئله عليهم اللهم انت المعين توكلنا على الله الخطه كالتالي هذاكر المحاضره من الملزمه الاول وبعدين المحاضرة (خط الدكتور صعب اوي ف هبدا بالملزمه عشان افهم) وبعدين هجيب جزء الاسئله اللي في المذكره احله وبين كل محاضره والتانيه بريك هحل فيه مكعب روبيك ودا هياخدله دقيقتين تلاته واقوم اشرب مايه وافصل دماغي شوية وبعدين ارجع (ودا ياخد بالكتير عشر دقايق ) هرجع الفجر باذن الله اقول عملت ايه توكلنا على الله 🤍

حد عنده فكرة احسن من مذاكرتي ازاي؟ انا عارف انه مش وقته وانه الامتحانات خلاص موجودة بس هو تساؤل عشان انهاردة انا كنت بذاكر في مادة طول العيد و فيه احتمال اني اشيلها اصلا بعد كل ده انا خدت باغلب النصايح اللي على النت يعني ابعد المشتتات عني، اغير المكان من وقت للتاني، ابعد عن التليفون والسوشيال ميديا، اخليهم اهداف صغيرة و الحاجات دي كلها انا غالبا بتبعها فعلا بس مش حاسس بالنتيجة اللي تريحني، حاسس انه فيه حاجة ناقصاني دايما

خوفي هو شعور الغيرة الذي ينتابني والذي بدء يسيطر علي ،تجاه اي شخص اقابله ، لم اعد امدح مزايا الناس كما كنت ، بل فقط اغار منهم ، خاصة المهارات الاجتماعية ، اكثر ما يقلقني هو مهاراتي الاجتماعية السيئة

عندي دايما فوبيا و خوف من ان تيجي خطوبتي و فرحي و يبقي الاجواء هادي و ساكتو ممل و مفيش ناس كتير حتي صحابي معتقدش انهم هيعملو جو و هيصه و انا اصلا ف العادي معارفي مش كتير خالص و معنديش صحاب غير اتنين او تلاته و مش مقربه غير لواحده و حتي عيلتي مش كبيرة ف دي من اكتر الحاحات اللي ممكن تقلقني او تخوفني لما اجي اتخطب او اتجوز و المشكله ان الموضوع واصل معايا ب اني بفكر ان لما اتخطب احاول اقنع خطيبي اني مش عايزة لا خطوبه كبيرة ولا حتي عايزة فرح و معنديش ادني مشكله

عارفين احساس انه جواك حاجات كتير مكتومه انت مش عارف تعبر عنها مش قادرر تتكلم مش كويس ظاهر من بره تمام وعادي بس من جواك مهزوز كمان مع كتر التفكير واحساس انك ماشي في اتجاه غلط حاسس ان الدنيا بسبقك وانت مش قادر تواكب عموما اللي عنده حاجه يتكلم فيها يتفضل 🥲😔

انا بقالي فتره كل لما اتكلم مع حد مثلا دكتور الجامعه او المشرفه بتاعتي او اي حد مسؤل بحس ضربات قلبي سريعه وايدي بتترعش ولو النقاش طول شويه عيني بتدمع مع اني عمري ما كنت كده بس الموضوع ده بقالو مثلا اربع سنين ..الموضوع ده بجد تاعبني جدا واوقات كتير بتجنب اني اتكلم مع حد حتي لو ليا حق او خدمه او استفسار مثلا عشان محسش بالاعراض دي..انا مش عرفه اتصرف ازاي ف الموضوع ده وهو ليه بيحصل كده اصلا

في شعور دايماً بحسه مش عارفه في حد زيي ولا لا وهل في حد هيكون فاهمني ولا لا بس عارفين الشعور بتاع انك بتحب تقعد لوحدك دايماً بس في نفس الوقت بخاف اوي اني افضل لوحدي بس دايماً بحس اني كويسه وانا بعيده عن الناس عامةً يعني بحس اني مرتاحه اكتر ومن غير وجع دماغ بس بيفضل في شعور جوايا خوف اوي من اني افضل وحيده

الجنس بقي كابوس كل العرب حرفيا ايه سبب التحرش والاغتصاب هل الي بيتحرشو دول محرومين لا مرضي حضرتك لانهم بيبق عنده بيدوفيليا تجاه الطفال يعني ممكن جدا يكون متجوز ويعمل كدا في طفل حقيقي الموضوع بقي مريب انت انهارده بتشيل طفل تجبلو حاجة حلوة تحس الناس بيبصلوك غلط المجتمع باظ حرفيا ربنا يرحمنا

جماعه 🥲 بليييزز ادعووولي كتيييير اوي عندي امتحان بعد كام ساعه و ماده رخمه اووووي و المنهج كبير. اوي اوي اوي عشان البوست يتقبل انا عندييييي مشكله فظيعه منهاااااره والله😭😭😭😭 كارثه فعلا يارب الليمت يخلص 💔

كنت امبارح منزله بوست ان بيجيلي بانك اتاك لما بزعل او اتعصب وكده وفي كذا حد قال حلول بس اغلبهم مش هعرف اعملهم الفتره دي بس لو حد يعرف طيب حاجات اعملها لما يجيلي تهدى الاعراض و الحاجات اللي بتحصل ساعتها عشان الفتره الجايه هتبدا الامتحانات بتاعة ثانويه عامةً فاظن هيجيلي كتير فانا عايزه حلول ان ازاي اهدي الدنيا بذات في العرض بتاعه ضيق التنفس و في حاجه كمان عايزه اسال عليها حد يعرف ايه سبب ان مؤخراً بقيت بحلم احلام غريبه كتير و احلام يعني اللي هو ممكن تحصل عادي و ساعات بيكون في الحلم ناس عارفاها وساعات لا بس دايما بكون في الاحلام دي خايفه يعني اصلا بصحى و بكون مخضوضه ومش بعرف انام تاني يعني مجرد ما بصحى بكون خلاص مش عايزه انام تاني و بتحصلي اكتر في الايام اللي بكون فيها يعني مرهقه او مضغوطه اوي او يوم مفرهد عامةً بس الحلام بحسها قريبه انها تتحقق او انها تبقى واقع يعني فهل دي حاجات عادي عشان مثلا الفتره دي متوتره وكده ولا هل ممكن تتحقق فعلا ولا ايه بظبط

الماده صعبه جدا جدا حاجات كتير وبرانشات كتير ليها الامتحان بكره الصبح ودماغي وقت مش قادر حاسس مذاكرتي دلوقتي قرايه فقط مش حفظ انا عارف اني مقصر والله ومقصر ف كل حاجه ف مذاكرتي وف علاقتي مع ربنا وذنوبي كتيره وكمان اذنبت ف فترة الامتحانات دي انا برجع واستغفر بس انا زعلان من نفسي جدا وعلي نفسي جدا خايف علي نفسي وعلي مستقبلي خايف من عقاب ربنا ليا انا عارف ان ربنا مش بيعاملني ب ذنوبي يعني مش انا اذنبت ف مش هتوفق انا استغفرت ربنا ورجعت له وظني ف ربنا دايما خير انه مش هيضيعني ابدا ولا يكسرني دايما بيجبر بخاطري انا حاليا تعبت تعبتت جدا وطاقتي خلصت مش عارف اي دلوقتي الامتحان بكره وانا تايه تايهه جدا

مع كل تريند عن الطفوله بتخنق وبتصعب عليا نفسي الصغيره اللي انا مش قادره افتكرلها اي ذكريات غير خوف وقلق وقاعده ساكته لوحدها لسه شايفه ريل ان بتبقي صعبه لما متلاقيش ذكريات وحد من الام او الاب بيلاعبك كانت لحظه ادراك كده لحاجه مكنتش واخده بالي منها انا كارهة الفراغ والاحتياج اللي جوايا بكره احساس اني محتاجه لحد جنبي معرفش ايه الحل غير اني بقاوم نفسي ومتمسكه بمبدا معين حتي لو صعب بعيط وانام وايام وبتعدي

حاسه اني بقيت انطوائيه جدا مع اني كنت بحب اتكلم وافرفش مش هنكر اني م النوع اللي مش بيحب يتكلم كتير ولو مريت بحاجه مش بحب احكي لحد الا القريبين جدا مني سواء اصحابي أو غيرهم بس بردو كنت بحب اقرب من الناس وكان عندي شغف أن ابقي حاجه كويسه بس دلوقتي شايفه اني مستاهلش اي حاجه انا محبوبه جدا من الناس وكلو بيحترمني بسبب أخلاقي وسلوكي الكويس مع الناس وعشان اهلي بو معروف عنهم أنهم من الناس الكويسه وبسبب اجتهادي ف دراستي بس للاسف عمري م مريت بفتره زي كده . مانكرش أني خفيت كتير عن الاول لأن ف أولها خالص كنت حرفيا حاجه غريبه بعضا من اصحابي قالي انت اللي يشوفك يقول عندك توحد . ممكن تساعدوني اعمل اي عشان تخفف عن اللي انا فيه لأن حرفيا بقيت مريضههه نفسيا

انا تالته ثانوي و امتحاناتي خلاص بافي عليها حوالي ١٥ يوم و م عار اعمل أنا م ضايع ف كل المواد بس مذكرتي دي متجبش ٧٠ فلميه حتي فا هل حد هندو حل الله الله الله الله اكبر الله اكبر الله اكبر الله اكبر

انا لاعب جودو وكل ما العب بطولة محلية تكون عادي وكذا بس لما اروح الوطني يجيني خوف الي عند حل قلي كيف اشيلو لنو الموضع فوق ما هو خوف جالس يخليني ما اروح اشارك اصلا اتمنى المعنى وصل لكم 00001

من فتره كده هنا عرفت بنوته دمها خفيف فشخ بس لظروف ما اختفت اول مره ازعل ع اختفاء شخص ما ع الرغم اننا اتكلمنا يومين بس ف مش عارف هي كويسه ولا لا بس ايا كان اتمنى انه تكون كويسه وان الحوار الكبير اللي قالت عليه يكون اتحل

انا تعبت من كتر التفكير نفسي الاقي الحب احب واتحب وللأسف البنات كلها دماغها ملخبطه عندي 32 سنه ومش عارف اخطب ولا اتجوز وبروح لبنات اقل مني اجتماعيا بيرفضو من غير سبب اساسا خايف اكمل حياتي لوحدي من غير ونيس

صباح الخير ... أنا طالب ف أحد الكليات ف السويس وطبعا زي الاغلب متغرب عن بلدي لما خلصت 3 ثنوي الحمد البيت عندي كان متقبل النتيجه جدا وكانو مبسوطين بيا كمان بعد فتره من سفري والدي تعب جدا واحتاج يعمل عمليه ف الدماغ والحمد الله عمل العمليه وعدت علي خير بس انا مبقتش بخير ف الوقت دا كان حوالي 3 شهور تقريبا ف البدايه والدي كان عندو نذيف ف المخ قدر من الله سبحانه وتعالي .." انا ف الوقت دا كنت باجي من محافظتي اللي هيا كفر الشيخ لاني طبعا سبت الدراسه وكل حاجه وبقيت جمب والدي انا لسا فرقه اولي المهم كنت بسافر كل يوم من كفر السيخ للقاهره عشان اخد كلمه من دكتور او دكتوور يودينا مستشفي كويسه نعمل فيها العمليه ف الوقت انا فضلت اكتر من 40" كل يوم سفر تقريبا مكنتش بنام كان لينا قرايب في شبرا مصر بس انا نرضتش اروح عند حد معلس يعني انت ف وقت لو حد اداك بق ميه تشرب هيحسبها عليك جميله وانا نفسي عزيزه شويه الحمد الله فكره السفر كل يوم دي دمرتني بس دا وجع جسدي وسهل جدا بيروح ووالدي فداه اي حاجه ف الدنيا والدتي ربنا يديمها ليا تعبت معانا جدا ف الموقف دا هيا اول حد لحق والدي وانا مسافر لما محدش كان جمبه انا من عيله الحمد الله اننا عايشييين يعني بس الحمد الله والدي متوسط الحال فكانت والدتي معاها فلوس ومحتجناش غير لربنا وبس ومستنناس حاجه من حد والدتي كانت بتسافر لما احدد معاد مع دكتور او مستشفي والدتي هيا اللي كانت بتسافر مع والدي ف الوقت دا ال 3 شهور اعصاب والدي مكنتش كويسه كان ديما ممكن يتعصب علي والدتي ف اي مكان وف اي حته وعلي اي حاجه ممكن طبعا ليه الف عزر بسبب تعبه حبيبي ووالدتي استحملت الحمدالله اتحددت العمليه فيه حجات كتيره حصلت تزعل ان مثلا حد عايز يجي مع والدي ع الاقل يدفع لنفسه اجره السكه لا دا كان بيجي ووالدتي كانت بتحاسبله ودي حاجه دايقتني والله مش بخل بس ان الاصول اللي هقرا كلامي هيفهم ان دا مريض يعني معلش كل جنيه اللي هيقعد هناك هنحتاجه لو هتيجي وعايز تعمل واجب قدر وتعالي علي حسابك حتي محدش طلب منك حاجه المهم وكل دا خلص وعمل العمليه الحمد الله اللي كانت سبب النزيف والمستشفي كانت متعاونه جدا مشاء الله بس مش المستشفي بالتحديد كان بس التمريض والدكاتره اي حد تاني حتي الامن كان عشان تدخل من باب يقولك فلوس اول يوم كنت بدفع بقول احنا اسبوع لما ادفع. مره هيفهمو بس لقيتهم اغبيه لو طلعت اشتري خاجه وارجع الاقيهم عايزين فلوس تاني عملتلهم مشاكل وقدمت فيهم شكوي للشركه والرد كان محترم وحاسبهم فعلا محدش يقولي بازي حد ف شغلي هوا لما يطلب اكتر من حقو دا عيب انا دفعت اول يوم وبذياده والله كل واحد كنت اديله 50" او 20" علي حسب هوا مهم قد اي عشان ارتاح من الزن وعشان راحه والدتي ومحدش يتكلم معاها بس هما زودوها ودا مس حقهم اصلا المهم والدي عمل العمليه ودلوقتي قعدنا عند قريبنا اللي ف شبرا انا معرفتي بيهم كانت قليله جدا طلعو ناس محترمه اوي واستقبلونا احنا التلاته انا وماما وبابا وفعلا كانو كويسييين جدا معانا بابا وماما كانو راحو عندهم قبل كدا ف في هناك بنت تعتبر بنت عمي علي حسب صله القرابه يعني ماما كانت عايزه تخطبهالي انا كان نفسي أشوفها بصراحه بس اخدت عهد علي نفسي كالما انا داخل البيت دا ضيف مش هينفع اشوفها فضلت طول ال 4 أيام اللي قعدتهم لحد الظهر قاعد ف الاوضه وبنام واصحي ع الفطار كنا ف رمضان لما كنت المحها او حتي اشوفها ابص ف الارض او اسغل نفسي بالموبيل لحد اول فرصه عشان ادخل الاوضه مش عايز اشوفها ولا المحها اصلا شايف انهم امنونا ودخلونا بيتهم عشان حاجه معينه اللي هيا نرتاح بعد العمليه عشان بابا مش هينفع يسافر ولازن اصون الامانه والثقه دي الهم لما رجعنا بيتنا خلاص هنرتاح مفيش تعب خلاص خلصنا لا ......

انا تعبانة بقالي فترة كبيرة متلخبطة وقلقاهة دماغي مش بتبطل تفكير ومش ومضطربه وبأذي ناس وبتأذي ف مدعكة ف حياتي حرفيا ومش بتكلم مع أي احد عن أفكاري أو اضطراباتي كل حاجة بتنهار جوايا ف صمت قواعد ،مبادئ ،افكار علاقاتي حتى

كلام كتير غبي دوشه ملهوش معني افكاري ضدي نغزات القلب رجعت بقيت شخصيه سيئه جدا مع كل اللي بيحبني حتي نفسي.. بكرهني كنت بعيط وحاولت اتكلم مع نفسي اتكلمت فهمت مفيش نتيجه مفيش أجابه..كله جلد ذات منمتش لسه كده كده خربانه كلام عشوائي في دماغي بقولوا لاني اتجننت الطاقه خلصانه مشاعر خلصانه ...حياه بلا هدف بلا شغف..بخوف بقلق بق..رف الحمدلله دعواتكم 💗💫

عايزه حل للبانك اتاك بس مش عايزه ان هو لما يحصلي ازاي اسيطر عليه لا انا عايزه ان اصلا ميجليش عشان بيجيلي كتير اوي لما بزعل او اتعصب والموضوع بجد بقى صعب اوي و رخم وفي كذا حد كان قالي ان بلاش تكتمي جواكي الزعل بس المشكله ان انا مش بعرف يعني مش بعرف اتكلم عن حاجه مزعلاني فاعمل ايه عشان ميجليش خالص

هو عادي اني معرفش ارتبط او اصاحب بنات ف سني او اصغر مبعرفش اتعامل غير مع الاكبر و بس عشان مبحبش البنت اللي عقلها صغيره كدا وقليل لما بلاقي واحذه دماغها حلوه ف سني كله ف الاكبر عالطول عادي ولا اي

لو حد صاحي دلوقتي وشاف رسالتي دي فحابه اقولك ماتخليش غشاوة مشكلتك تغلوش علي بقية حياتك صدقني حياتك اهم من أنها تقف عند حاجه معينه مش بقولك قوم كسر وانحت فصخر بس بالعقل ليه تضيع العمر من ايدك فحاجه يمكن مش هترجع تاني مش يمكن الحاجه اللي مستنيها تحصل واتاخرت مش كويسه ليك فالوقت دا مش يمكن مشكلتك دي اقل من المشاكل اللي وجهتك قبل كدا بس انت اللي مكسل تقاوم، فيها ايه لو متحبتش خلاص اكرهم هي جت عليك، اتظلمت ادعي عليهم وكما فالطريق سابك ؟؟ روحي يابنتي اعملي الشيب المظبوط وابدأي لنفسك من جديد واتعلمي أنه كخ كدا ماتمديش ايدك فالزباله صفي ذهنك الخوف والقلق والزعل كله هيعدي بس انت طنش شوية ماتفضلش تفكر فكل حاجه كدا مش هقولك انت ابن مصر انت ضدد الكسر بالعكس اتكسر وازعل وخاف بس مش لبقية عمرك فاهمين اتمني من كل قلبي ليله مريحه للكل 🤍 وشكرا 🙏🏻

الي هقوله ده غريب شويه لاكن انا عندي رعب من اليوم الي هسمع خبر وفاه حد من عائلتي مش شرط من درجه الأولي عادي من درجه تانيه فكره ان في حد من عائلتنا يتوكل علي الله دي مرعبة اوي و مش قادر اتخيل يوم ده هيجي ازاي أو مفروض ايه الي اعمله و كميه الندم و ازاي اقدر اقف علي رجلي كام يوم دول و اعيش طبيعي انا معرفش اناس الي اهلهم توفي ازاي بيقدروا يقفوا في عزاهم عادي انا لو مكانهم هعزل نفسي في اوضه اعيط كام يوم

بتعملوا ايه لو دقات قلبكم بتزيد بجد وبتحسوا انك هيحصلك حاجه من الخوف انا مش عارف اتصرف ولو دي حاله بتيجي لناس ياريت المساعده وضغطي بيوطي كمان وبحس بدوخه انا خايفه ومش عارفه ده طبيعي عادي

انا عندي خوف من الجواز بشكل عام مش بسبب عدم القدرة الماديه أو اي شئ ولكن بسبب اللي بسمعه وبشوفه عن أخلاق البنات حاليا لما بسمع أن ولد في الشرقيه عمل علاقه مع 20 بنت او زمان واحد عنتيل عمل علاقه مع 30 واحده ومتزوجات كمان وكله متداري ومستور امال الواقع بقي اللي لم يكتشف يبقي ايه يبقي الواحد يلغي فكرة الجواز كلها من قاصرها

مش كل الناس الموجوده في حياتنا هتفضل مكمله معانا علي طول فيه ناس بتدخل حياتنا علشان تعلمنا درس وفيه ناس بتقضي في حياتنا معانا مرحله ما وفيه ناس بتفضل موجوده علشان هما بيكونوا شبه نسخه قديمه مننا اول ما النسخه ديه بتتغير هما كمان بيختفوا معاها علشان كدا مينفعش تربط قيمتك كشخص ببقاء الناس مش معني ان الناس مشيت ان انت غلط ومش معني ان الناس لسه موجوده ان انت صح لان ده علي طول بيحطنا تحت قلق وتوتر علي طول خايفين ان الناس تسيبنا وتمشي او بتتمسك بيهم اكتر من اللازم وفي النهاية مش مهم ان الناس تبقي او تمشي المهم ان انت تفضل متمسك بنفسك حتي لو كل حاجه اتغيرت حواليك

انا هخرج كمان ساعه كده لوحدي متوتره اوي مش عارفه ليه مع اني مش اول مره اخرج لوحدي دماغي تعبانه بجد او ممكن لاني مش كويسه مش عارفه ومش عارفه اروح فين ولا اعمل ايه انا هخرج كمان ساعه كده لوحدي متوتره اوي مش عارفه ليه مع اني مش اول مره اخرج لوحدي دماغي تعبانه بجد او ممكن لاني مش كويسه مش عارفه ومش عارفه اروح فين ولا اعمل ايه

فاكره من شهرين كنت اكتيف هنا وكان في م--ون راجل محترم طبعا وبيفهم اووي كان مولود سنة 88 53 عايزه اطمن بس (القهوة والشاي والنسكافية واي كافيين والبنادول مبقوش بيعملوا شغلهم بقيت باخدهم انام ودا اي هبد يعني انتو فاهمين)

حلمت بواحد من اكبر كوابيسي واللي كنت بتخيله زمان وصحيت جسمي بيرتعش وبطني وجعتني زيادة على الصوت اللي شغال في ودني معرفش ايه دا بس هو مش auditory hallucinations وعندي امتحان بكرة و زهقت من المذاكرة بقالي شهرين مذاكرة وامتحانات وخلاص تعبت وكل شوية الاقي mouth ulcers في مكان مختلف وشوية وتختفي يمكن دا burnout او مجرد ارهاق

كل يوم باجي على اخر اليوم في اخر نص ساعه دي اللي بتبقى قبل النوم دي وبقعد اراجع يومي كله واحكي لنفسي اللي حصل والمواقف اللي مريت بيها وانا كان احساسي عامل ازاي في المواقف دي وبكلم الانسان اللي بحبه بس بيني وبين نفسي مش عارفه حد فاهم انا اقصد ايه ولا لا عموما انا مش كويسه تعبت وقلبي وجعني وروحي وجعاني انطفيت معتش زي الاول اتخنقت من البيت والاهل والناس عموما نفسي اهرب نفسي اجري نفسي ابقى حره من غير اي التزامات ولا عادات حاسه اني متكتفه ومش قادره احرر نفسي ولا اخرج نفسي من الحاله دي من كام يوم حصلي بانك اتاك وانا في الشغل محدش كان فاهم اي اللي بيحصلي دا واكتر حاجة دايقتني اني معرفتش امسك نفسي ولا اتحكم في الشعور دا كل مره كنت بهرب بدخل الحمام او بخرج بره خالص لحد.ما اهدى وبرجع اشتغل تاني بس المرادي مقدرتش وفي حاجه لاحظتها النهاردة اني متسرعه اوي في قراراتي واوقات بضيع فرص كويسه مني وناس كمان بسبب غبائي لحد ما بقيت بجد لوحدي اتخنقت من اهلي ومشاكلهم المستمره ومحدش منهم اخد باله اني مش كويسه بس عموما كويس انا مش عايزه حد ياخد باله اصلا سوري اني طولت عليكو

ليه محدش قال ان فترة الجامعة هتبقى مليانة توهة و صعبة و مش ممتعة بالطريقة دي فكرة انك فجأة بقيت شخص كبير دي مرعبة وبعد التخرج هيبقى خلاص انتي كبرتي و المفروض تتجوزي و بعدها نخلف طب هلحق اعيش حياتي امتى بجد

انا بوردار لاين ، حرفيآ الموضوع صعب، لما تطلع في بيئه شبه بيئتي، عايش مع ناس مكبوته ، كل شخص عايز يبان الجامد او هو المنقز الوحيد الحكيم، مش قادر احس تاني انهم اهل، لاني شوف حنية العالم و شوفت قسوتهم، مش حابب احكي من البداية، بس هحكيلك من عمق التجربة، لما كنت 23 سنه، و اشتغلت كتير في اماكن، بس اخدت قرار ، انك عايز تعمل حاجه حقيقثة لنفسك، حاسس ان العالم دي مش شبهك، بس انا عارف اي الي شبهي، قررت اخد اول خطوة في طريقي، حبيت اجرب اول تجربة ليا مكنش فارق معايا الخساره علي قد ما كنت عايز احس اني بحاول في حاجه ليا، مانا طول عمري كنت بحاول، بس المرادي انا بحاول في حاجه شبههي، كان كلي شغف و متحمس، قررت ابدا اتعلم حاجه جديدة اقد اشتغل فيها، سواء فري لانكسر، او في شركة، وهو مجال برمجة المواقع انا كنت فاهم اني هتعب و هجتهد و هحاول و هوصل، كنت عارف ان اه هتعب ، بس هوصل، لان مكنش فيه عقبة قدامي، بس مكنتش اعرف ان العقبة الوحيده الي مستنياني هي، عقبة الاهل، مكنش افهم معني ان، ان العالم كله يدعمك، بس اهلك يوقعوك، كنت فاهم العكس، قوانين الكون كلها بتقولك ان اهلك، هيدعموك، و العالم هيحاول يوقعك، كنت انطوئي بسبب، ان اهلي متسلطين، كانو بيشحنوني، ان اد اي الناس وحشة، وان قد اي العالم صعب، بس اكتشفت قد اي ان هما العقبة و المشكلة، دمروني حرفيآ، كل حد فيهم كان بيسقط عليا مشاكله، انا مش بني ادم مادي، بس هما كانو بعبدو الفلوس، كانو بيقلولي انت مش هتتجوز، انت هتعيش و تموت كدا، انت هتعمل اي لما تكبر، هتشحت من الناس، احنا مش عايشينلك، انت مش هتجيب لبس جديد ولا اي، انت لبسك بقي قديم، عندم هدوم مقطعة، كانو بيفضحوني عند قرايبي، و يتكلمو عليا في ضهرى، و يخلو ناس تدخل في خصوصياتي، وكل يومين حد من الناس يكلمني ينصحني، بسبب انهم بيشتكوني للناس 😂😂 ، كانت مشكلتهم ، ان مفيش حاجه اسمها شغل من البيت ، و مش هتنجح، وحرفيا كانو فاكرين انا كداب،و بهرب من اني اشتغل، كانو بيخلوني ابررلهم ، يعني اي شغل اونلاين، و ازاي هجيب فلوس، بعد ما اتعلم برمجة، رغم ان مرتبات البرمجة كبيره جدا، و بعد ما كنا ببرر ده ، كنت بتقابل اني بألف و بتفلسف، و اني كداب، وانا. بضحك عليهم ، حاليآ انا شغال اونلاين ، بس مش في البرمجة لاني وقفتها، بسبب الضغط بتاعهم، اتأثرت بيهم، انا حاليآ في عتبة، واقف علي رجلي من غيرهم، قطعت معاهم، وريت كل واحد وشه الحقيقي، عرفتهم ان المشكلة فيهم، بقيت ريلاكس، و فطريقي اني اعدي اول عقبة، الي هي اهلي، بس تخيل بعد الي قولتو ده، انا لسه هويتي القديمة، بتحب اهلي، كنت زمان، من دون هوية، لان حرفيا كانت هويتي، بمتصها من اهلي، انا حاليا مريت بتجربة، تفتيت الهوية المزيفه، وخلق هوية حقيقية، و بقولك سبحان الله، انا دايما بدخل ربنا في كل حاجه، و حابب اقول ان ربنا عظيم، والاختبارات الي بتمر بيها مش عبثية، حرفيا، هي انت ربنا بيصنع البني ادم من ظروفه الصعبه، انا فاكر اني كنت بدعي وانا صغير مش عارف هي دعوه صح ولا غلط، كنت بقول يارب اديني رزقي كله في شغلي مش ف علاقاتي، يقوم بشاء القدر ان، علاقاتي تكون اكبر درس عليا، علشان ربنا بصنع مني نسخه عظيمه، انا حاليا في مكان المنتصف مابين الهويه القديمه الي لما بترجع بتحسسني بازنب، واني ماينفعش اعمل مع اهلي كدا، و بين الهوية الجديده، الي عارفه هي مرت باي، واد اي كان صعب، اكمل تجربتي، في وسط بيئه، زي دي، واني لازم اكمل علشان اخطي خطواتي لحياتي الجديده الي اخترتها، شكرا لو سمعتني، حابب اعبر عن سعادتي، انك سمعتني و شكرا ليك، ❤