ثانوية عامة

جماعه عندي مشكله عايزه اتكلم معاكم فيها انا عندي مشكله في اللغات من زمان وانا بكره جدا الانجليزي و بجد عقدتي جدا و مش قادره اوصفلكم هوا بنسبالي عقده قد اي و عندي مشكله اني اصلا مش بعرف اترجمه وله احفظ كلمات دخلت ثانوي و عديت في اوله و تانيه دخلت تالته حولت في اول السنه اذكر انا مش عارفه نهائي و كان عندي قعده من ااحصه و بتخنق جدا بجد ركنت الماده لاني كدا كدا مهما. فهمت و حفظت انا مش بعرف اترجم انا بذكر كل المواد كويس بحيث اني اعوض فيهم هل في امل اعدي اجيب النص بس لاني بجد انا شايله هم المادي دي جده لدرجه ي جماعه نفسي يوم الي همحتن المادي دي ميجيش عليا بجد لاني هدخل احل حاجه اول مره اشوفها و مش عارفه اترجمها وانا ي جماعة عندي ضمير عمري ما اغش أبدا لاني مش معرف اخد مجهود حد انا بدعي ربنا كتير جدا و حط امل بس نفسي اطمن بس لاني دخله الامتحان و عارفه اني هشلها

سلام عليكم انا عمري 19 و في August سيصبح عمري 20 المشكلة هي اني حتى الان لم أحصل على شهادة باكالوريا ( في بعض البلدان يسمونه توجيهي او شيئ كهذا او حتى ثانوية عامة ) سقطت في سنتي الأولى في ثانوية و بعدها اجتزت باكالوريا خسرت و ثم هذا العام أشعر اني لن انجح مرة أخرى لقد قدمت كل أستطيع المشكلة كنت انسى و كنت افكر كثيرا لهاذا واجهت مشكلة في اختيار المواضيع و حتى في الحل المهم أشعر أن حياتي مدمرة و ليس لي مستقبل لا اعلم ماذا اريده و ماذا اريد فعله في مستقبل انا خائفة حقا ماذا تنصحونني و ايضا هل هناك حالات مثلي اكملت الدراسة بشكل طبيعي مع أن العمر كبير و هل يعني لم يتأثر مستقبلها

السلام عليكم غبت ورجعت اتوقع ما حدا رح يعرفني بس مش مهم المهم انو حاليا بأصعب فترة لأني ٣ ثانوي وبسبب الحرب يمكن افادة ويمكن امتحانات ويمكن نعمل امتحان ويمكن لا انا ما عم ادرس ما عم اقدر ادرس واسا المشاكل النفسية والتفكير والوحدة الي انا فيها والجفاف العاطفي خايفة خايفة من الفراغ الي ممكن يصير بالصيف شو اعمل خايف يكون في امتحانات وانا مش دارسة جماعة انا دارسة المنهج بس في اخر شي لا والباقيين لازم راجعهم بس عايشة على امل افادة (يعني تلتغى الامتحانات وانجح وصير جامعة ) مخنوقة اليوم صارت مشكلة خلتني اتمنى انو عنجد لو اني ما ولدت او لو وادت شب وقديش مجتمعنا دائما مع الذكر مهما كان معنا الحق نحن كبنات حرفيا كرهت كل الشباب كل ما شفت شب حس حالي قرفانة (قصة طويلة مش قادرة احكي بس لازم افش غلي شوي ) (اي انا من لبنان لا حد يعلق عالموضوع )

جماعه انا مخنوق وفي عليا ضغط رهيب اكمني ثانويه عامه و كل حاجة بتبوظ نفسيتي زي الزفت السنه دي خسرت كل حاجه وخسرت نفسي واول امتحان ليا الاسبوع الجي للعلم انا ولد .. كل حاجة بتضيع مستقبلي بيضيع وعمال اعيط ع غير طبعتي انا مكنتش اعرف يعني اي عياط غير لما بدات السنة دي بجد اصعب مرحله عدت علية بس بردو كمني متعود ع حاجه تاني وعمال مغمور ف المعاصي ومش عارف افوق بجد مستني نصيحه تفدني

بيج مشكله استاذ في زنق نفسي بعد المرور بمرحله سيئه استمرت لكذا يوم وبالتالي معرفتش اذاكر اي حاجه ف الامتحان الصبح وفاضلي تلت اقسام وذاكرت قسم واحد المؤشرات بتقول هلحق ان شاء الله ذاكرت الاداره وفاضل الاقتصاد والمحاسبه والاحصاء المحاسبه والاحصاء عملي بحث ف سهله جدا تتلم المعضله في الاقتصاد والاداره ف يتم البصمجه وفي خطوه اكتر من رائعه جايه في رحلة التغيير بخصوص خطوة الاخ الحنين اختى خلصت امتحانات (اعداديه) ارجو تدعولها بجبران الخاطر (بنات بس اللي تدعي) وادعوا لاخواتي التوأم داخلين ثانويه عامه وطايشين ربنا يهديهم يارب وادعولي بالهدايه والصلاح هرجع بعد الفجر ان شاء الله مخلص خالص

أنا ثانويه عامه و امتحناتي كمان اسبوع و حرفيا بصحي من النوم اعمل قهوه و اقعد اذاكر و الم المتراكم و احل و بمسك التلفون ساعتين بكتير في نص اليوم بعيد عن السيرش الي بعملو أو أسالتي للai عن المنهج و بصراحه اهلي مطلعين عيني اوي بجد يعني احنا المفروض ننقل العفش عشان هنروح بيت جديد عشان بيعمل البيت ده عشان مشاكل ورث و كدا المهم انو المفروض نمشي بقالنا شهر و هما لا بيعملوا حاجه فشقه الي هناك ولا بينقلو حاجه من هنا و كمان راحوا يقولو لمالك الحديد يسيبنا شهر كمان رغم انو سابلنا 7 شهور لحد ما نلاقي بيت تاني فنا بقولهم خلونا ننقل عشان منجيش اخر الشهر ده ننقل بسرعه و تخلوني اعمل معاكم و اشيل و هيكون ورايا امتحنات قامو مزاعقلي انتا بتتحجج عشان لو مجبتش مجموع و ملكش دعوه و مش هنخليك تعمل حاجه نفس اليوم بليل بيقلولي انقل الشاشه بتاعت التلفزيون و انزل هات و روح اعمل و كدا و جيت انهارده أنا قافل علي نفسي بقالي 3 ايام و معنديش سوشيال مديا و ناسي الباسوردات اصلا فا حوار عشان ارجع اي اكونت و هيا امي جيالي تقولي انشر الغسيل و ريحه الاوضه وحشه و لو جيت قلت أنا محتاج حاجه حتي لو بسيطه يعملولي حوار رغم اني قعدت من الدروس بدري باسبوع تقريبا عشان اوفر عليهم و حاليا أنا زهقت بجد و مش عارف تلقيها منين ولا منين هل من المنهج الي عليا لسه و الحل الي قدامي و المذاكره و المراجعات و الجداول ولا منهم ومن حوار البيت ولا من مشاعري الي مبقتش فاهمها من كتر منا بقالي سنين دافنها

جماعه هيا ثانويه عامه ليه فيها كميت الضغط دي بجد بعيد عن المنهج الواحد مرا فيها بتجارب وحش جدا و هل فعلا بعد مذكره دي كلها امتحان هيجي ميتحلش و مستقبلي بقا يقف علشان امتحا جه صعب او اني اتوتر مثلا و ليه بحس اني مش في دماغي مذكره او اني مقصره انا مش عارفه اوصل الحاجات الي بفكر فيها بس هيا فتره المفروض تبقا ضغط بس انا مش عارفه اضغط نفسي و خايفه اعيد السنه بجد لاني مش هقدر اعيد كل ده تاني

انا شاب في اولي كليه قربت اخلص اول سنه ونا في ثانويه عامه كنت ملتزم ودنيتي تمام حصلتلي انتكاسه بعد النتيجه ولحد الان مش عارف ارجع حاسس بخنقه كبيره اوي اوي انا بمر باوحش فتره في حياتي مش عارف ارجع ازاي كل لما ارجع نش قادر مش عارف كل حاجه حوليا بتوقفني عندي امتحانات نفسيتي في الارض حرفيا وفي امتحان حليت فيه وحش وخايف منه مش عارف اعمل اي لا بقيت بصلي ولا عارف ازاكر ولا عارف اعيش ومش عارف اعمل اي لو حد مر بنفس التجربه وخرج منها ياريت يفيدني

السلام عليكم انا ليا واحده صاحبتي اتعرفت عليها في تالته اعدادي المهم في اولي وتانيه ثانوي كانت بتسألني في الامتحانات وبديها الاجابات عادي بس هي بقت بتشوفها حق مكتسب ودي حاجه بدأت تقرفني لان في تانيه ثانوي كان بيبقي نماذج نفس الاسئلة بس متلغبطه اما المقالي مختلف ف لقيتها بتقولي بدلي الورقة بقولها ورقة ايه بتقولي ورقة المقالي حليلي بتاعي وزعلت مني اني مرضتش احللها انا اصلا مكنتش لسه لا خلصت الاختياري اللي في التاب ولا المقالي عشان احللها وهي اصلا مبتذاكرش وزادت فيها انا والله عادية مش اللي هو دحيحة ولو حد طلب من سؤال وانا حلاه بقوله عليه عادي بس هي بتطلب الامتحان كله وبحللها المقالي كمان كأني داخله امتحن مرتين ومره كنت قولتلها لا دخلت برقم اخوها الصغير وبعتت لنفسها علي الواتس وبتقول لنفسها ان انا مصحباها مصلحة وبتحذرها مني المهم اني عرفت انه رقم اخوها انها كانت لما موبايلها باظ بتكلمني من رقم اخوها ف لما بعت الاسكرين دخلت اسيرش علي الرقم لقيته متسجل ب اسم اخوها ده فدخلت علي الواتس لقيته نفس الرقم ومعرفش هي ليه عملت كده لحد الان المهم ان السنادي انا تالته ثانوي وامتحاناتي خلاص كمان 11 يوم وهي علطول بتبقي ورايا في اللجنة فمردش عليها لو سألتني ولا اعمل ايه عشان انا بتشتت اوي وخايفه اتشتت واتوتر ومعرفش احل وشكرا واسفه جدا لو طولت🙏🏻💗

انا كنت ثانويه عامه السنه اللي فاتت حصل عندي مشاكل مكنتش بذاكر شايله ٥ موات انجليزي فرنساوي احصاء وتاريخ جغرافيا مرعوبه بجد المفروض اول امتحان يوم ٢٣ وانا برضو معرفش اي حاجه في المنهج في المواد وضايعه فيهم خالص حد يعرف طريقه كويسه احل بيها خصوصا اني مش بعرف اقرا انجليزي او فرنساوي خالص بجد مرعوبه اوي

لسة زي ما انا لدرجة اني بقيت اتمني البلاء من ربنا عشان افوق نفسي بس تظبط المرادي المرادي بس عشان ابويا والله مش اكترر نفسي افوق مش عارف اذاكر مش عارف طيب وبدعي كتير انا اه مقصر فيي كلل حاجهه في حياتيي حرفياً كل حاجة بس بجد اهلي ملهمش ذنب انا ثانوية عامة وخلاص امتحاناتي كمان عشر ايام مش عارف اعمل اي وبدعي كتير وبعمل كل حاجة مش هكدب الصلاة مقصر فيها جامدد بس بنزل اصلي وادعي الغريبة اني لما بدعي برجع بكسل اكتر م الاول مش عارف الاقي تفسير ل دا ومش فاهم انا مش معترض علي قضاء الله بس المرادي بس تظبط اكسب ثقة ابويا والدنيا هتبقي تمام لو ع الذنوب والله هبطل ووالله هسعي اني اعمل كل صح وابطل الغلط انا اصلاً بسعي دلوقتي بس الجزاء يجي في الحاجة اللي بحلم بيها همووت ودي بس تعدي والنتيجة تبقي تمام مش اكتر نفسي ربنا يعطيني الهمه عشان اذاكر واعرف اجيب نتيجة مش طالب اكتر من كده بعد كده حياتي بقا انا هسعي فيها وربنا يقدم اللي فيه الخير بس دي تعدي مش اكترر وبس كان نفسي اقول كده ونفسي الاقي حد ارغي اقول الكلام دا بس ملقتش غير هنا والسلام عليكم

حبيت افرحكم يا اخواتي اخوكم لسه جايب نتيجتي انهارده ونجحت جايب 75% بس المشكله اني خايف من تالته ثانوي والبيت هنا محسسني انهى سجن ومحدش طايقني من بعد ما حولت ادبي علشان شوفت انهى انسبلي وبحب موادها او على الاقل بعرف اذاكرها ازاي مبقاش زي ابن خالتي وازاي مبقاش زي ابن صاحبت امي دكتور او مهندس اللي مشتتني اكتر اني مش باني لنفسي هدف بعد الثانوي ولا كليه ادخلها ف انا بتردد كل يوم اكتر من اللي قبله

كنت امبارح منزله بوست ان بيجيلي بانك اتاك لما بزعل او اتعصب وكده وفي كذا حد قال حلول بس اغلبهم مش هعرف اعملهم الفتره دي بس لو حد يعرف طيب حاجات اعملها لما يجيلي تهدى الاعراض و الحاجات اللي بتحصل ساعتها عشان الفتره الجايه هتبدا الامتحانات بتاعة ثانويه عامةً فاظن هيجيلي كتير فانا عايزه حلول ان ازاي اهدي الدنيا بذات في العرض بتاعه ضيق التنفس و في حاجه كمان عايزه اسال عليها حد يعرف ايه سبب ان مؤخراً بقيت بحلم احلام غريبه كتير و احلام يعني اللي هو ممكن تحصل عادي و ساعات بيكون في الحلم ناس عارفاها وساعات لا بس دايما بكون في الاحلام دي خايفه يعني اصلا بصحى و بكون مخضوضه ومش بعرف انام تاني يعني مجرد ما بصحى بكون خلاص مش عايزه انام تاني و بتحصلي اكتر في الايام اللي بكون فيها يعني مرهقه او مضغوطه اوي او يوم مفرهد عامةً بس الحلام بحسها قريبه انها تتحقق او انها تبقى واقع يعني فهل دي حاجات عادي عشان مثلا الفتره دي متوتره وكده ولا هل ممكن تتحقق فعلا ولا ايه بظبط

حد عندو فكرة ازاي الم منهج 3 ثانوي المتراكم عليا قدامي 20 يوم الفيزيا 8 فصول مذاكره منهم 3 الكيميا 5 مذاكرة واحد الاحياء 7 مذاكره منهم 3 الانجليزي 12 Unit مذاكرة منهم 9 من غير الكلمات العربي اتبقالي جزء صغير نحو و الادب كلو

انا تالته ثانوي و امتحاناتي خلاص بافي عليها حوالي ١٥ يوم و م عار اعمل أنا م ضايع ف كل المواد بس مذكرتي دي متجبش ٧٠ فلميه حتي فا هل حد هندو حل الله الله الله الله اكبر الله اكبر الله اكبر الله اكبر

انا ف تالته ثانوي ازهر وامتحاناتي هتبدا بعد بكرا الإنجليزي كنت وانا براجعه وبحل بس كنت مضغوطه اوي ومحاضرات مراجعه الحل طويلة ف مكنتش بسمعها ودلوقتي انا مش عارفه ال انا بحله دا صح ولا لا ف لو حد عارف اسم أي ابـلكيشن عشان مضيعش وقت ف المحاضرات

سلام عليكم دلوقتي عندي مشكلة امتحاناتي كمان ١٨ يوم ثانوية عامة لغاية دلوقتي مبعرفش احل وبحاول وافضل احل ورا المدرسين وبردو مبعرفش الفيزيكس عندي مشكلة والكيمستري مشكلة اكبر والماث اكبر واكبر واكبر لسة فاتحو انهاردة عارف الصياح هنا ملوش حل ارجوك لو عندك نصيحة قولها بضيع وكل المواد عندي فيها مشاكل مش عارف اعمل اي والله بذاكر ومش بنام وبردو معرفش في اي بسعي ومفيش نتيجة في الحل وبنسي بسرعة ومش ملاحق الموضوع فارق معايا اوي عايز افرحهم والله انا كده كده مستاهلش وانا عارف نفسي

عائلة دائما تدمرني نفسيا و مفيش كلمة عدلة دايما انت فاشل و مش ناجح و عمرك ما هتنجح وانا صغير ٣اعدادي كنت ابتاديت اتعلم برمجة واعت احلم باد أية اني هبقا غني والخ الخ زي أي طفل و متفائل اوي مع الوقت كبرت وتعمقت دلوقتي انا خلصت ثانوية عامة و المجموع كان زي الخرى بسبب أخطأ في التعليم و طبعا بقوا مسكين حاجتين تهزيق من النتيجة+معايرة بالأحلام اللي كنت بحلمها وانا صغير ولسا معملتش حاجة و لحد دلوقتي بحاول و جمعت تيم صغير مع صحابي من النت و شغالين على مشروع و جاب فوق ال١٠٠٠ مشترك يوتيوب بس بنسبلهم مجبتش فلوس و مفدتش البيت يبقا انت فاشل و مش ناجح انت اصلا عيل و هاتك يا دعك في اي جملة تحكيمية ممكن تيجي في دماغك بكرههم بجد😭😭😭😭 ومش عارف اعمل ايه ط

كلامي طويل بس محتاج رأيكم ضروري والله و بالاخص البنات لأنها هتفهم اكتر انا ثانويه عامه و حبيبتي في نفس عمري و عارفين بعض من ست سنين و بينا محافظات و عمرنا ما اتقابلنا و دلوقتي هي مدايقاني ب حاجتين أولهم أن اختها الكبيره حاطه صورتها هي و حبيبتي و انا طبعا بغير غيره شديده جدا ف رافض الموضوع ده و هي حبيبتي اصلا مش بتحط صورها في اي حته ف بقولها خلي اختك تشيل الصوره ب اي شكل يعني تمسكي موبايلها من وراها أو تقوليلها و هي بتقولي مش عايزه اجادل معاها و عماله تقولي اي حجج و بس و مش حاسسها مديه اهميه للموضوع اوي ف ده مدايقني و تاني حاجه أنها خرجت و حطت مسكرا و كحل في عينها من غير ما تقولي قبلها و لما شوفت الكحل في الاول بس رحت سالتها حاطه حاجه تاني في عينك ولا لا وحاطه مسكرا ولا لا قالت لا بعدها لما صممت اشوف صورتها و خدت بالي قالت إنها حاطه مسكرا بس قال يعني مسكرا فاضيه رغم اني قولتلها مفيش حاجه اسمها كده و هي عامله سواد في رموشك بس مرضتش اقلب وقتها و انكد عليها خروجها مع صاحبها لأنها مش بتخرج كتير و كان جو عيد و الي مدايقني بالاخص أنها مستهونه موضوع الصوره و انها مقالتليش حتى أنها هتحط الميكب ده و هي نازله و الصوره بقالها ١٥ يوم محطوطه و كل شويه تقولي نأجل الكلام في الموضوع ده و انا مش فايقه و انا معرفش ايه و الميكب موضوعه من خمس ايام و بردوا نفس الكلام بتأجل الكلام فيه ب حجج كتير اوي يعني و انا فعلا بأجل و بسكت و بعدي و بتعامل عادي و مش بقسى عليها بس طب و بعدين بجد انا مش عاجبني التهاون بتاعها في التعامل معايا مش معنى اني حنين عليها و مش بسيبها و اسكت تبقى تستهون في المواضيع دي و مبرضاش اقسى و بقول زي بنتي و علشان متعاندش اكتر و في نفس الوقت بحس الحنيه الزياده غلط لأنها في مره في لحظة انفعال منها قالت إن مش كل حاجه باللين تنفع ف طب اعمل ايه طيب و اتعامل معاها ازاي

هحاول احكي موضوع طوييل جدا فوق مما حد يتخيل بس مش هعرف اكتبه لانه فوق ال 1600 كلمه اعتقد ف هخلي البوست برايفت لو حابين تعرفوا بالتفصيل يعني "عشان محدش يتف في وشي هنا لانه طويل بغباء" المهم ..أنا مضغوطة ضغط مش طبيعي بسبب صاحبتي هديها حرف "أ" والتانيه "ب" المهم "أ" اللي عشرة خمس سنين هي بنت حلال وبتحفظ سري بس حبها تملك وخانق بتعمل خناقات تافهة بسبب غيرتها الطفولية وتخليني دايماً أبرر وأصالح ومبتصالحنيش خالص لدرجة إني بقيت بوزن كلامي معاها والقعدة مبقتش مريحة من خمس شهور عرفت " ب" وبقينا صحاب عشان شبهي ومطرقعه بس فضلت أ هي الأولوية المشاكل زادت بينهم ويوم عيد ميلادي لما طلبت من أ تمسح ستوري عشان مراعية مشاعر ب قلبت الترابيزه عليا وطلعتني أنا الغلطانة وعايشة دور الضحية واتهمتني إني دخلت ب بيننا وقالتلي خدي بريك أنا انفجرت بسبب تراكمات وضغط ثانوية عامة والبيت وكمان لأن أ قبل كده فتشت تليفوني ومسحت بوستات فيس بوك بدافع الخوف عليا فقررت أبعد عن الاتنين وأشتري نفسي بعد ما مشاعري اتصفّت ووصلت للبرود مشكلتي الحالية هي تأنيب ضمير بيموتني ووحدة خصوصاً لما ماما قالتلي إني غدارة عشان سبت أ فتقفلت منها اكتر وصدقت إني وحشة وسيئة وهفضل بطولي رغم إني لسه سبعتاشر سنة كتمي للزعل خلاني أسرح لدرجة إني اتكعبلت ووقعت في الشارع ومبعرفش أعيط وبداري وجعي في الضحك والهبل كأني كلاون انا خليت شات جي بي تي يلخص فعشان كده مش هتلاقوا الكلام فيه مشاعر🥸

عاملين ايه يا جماعه ايه الاخبار يارب تكونوا كويسين ياريت اللي يشووووف البوست ده يدعيلي عشان انا في امس الحاجه لدعوه اي حد عارفه ان صياح ثانويه عامه بقى كتير الفتره دي بس انا مش جايه اصيح انا قاعده هاديه اهو و بشحت دعاوي بس 😂

بلشت بكره الذات لما كنت بعمر ال10 سنين كنت اسمع اكثر من كلمة مؤذية وضل الموضوع لحد عمر17 كنت اعاني من الموضوع صرت اقلد الناس لأنه ماعندي شخصية وصرت اهتم بأهتمامات ما بحبها عشان الكل يتقبلي وبعمر ال18 وهي سنة الثانوية العامة بلشت بعلاقة كسرتني بزيادة بس ما علبنا من بعد العلاقة هاي صرت اسوي الي بحبه وصرت اقول اذا الي حبيته ما حبني ليش اتعب حالي عالفاضي بالفترا هاي كان الكل ما يحب اسلوبي ولا يحب اشي مني بس لأني صرت اقله لا وارد عليهم بنفس القسوة والحمد لله هيني عايش احلى حياة وببساطة الي ما بعجبني ما بسويه

السلام عليكم ورحمة الله وبركاته عاملين ايه انا بجد بجد من الناس اللي بتحب لأي حد الخير سواء حد اعرفه او لا السنة الجاية هبقى ثانوية عامة وهيبقى معايا في عيلتي كتيير بجد وكلهم قرابة درجة اولى ابن عمي بنت عمي كده يعني وفي قرابات تانية بعيدة يعني المهم اني اقسم بالله بتمنالهم الخير وعمري ما غرت من اي حد منهم بالعكس لو حد فيهم جاب درجة احسن مني في اي حاجه كنت دايما ببقى مبسوطة من قلبي بجد بس انا خايفة خايفة من السنة الجاية جدا اخواتي الاكبر مني ما شاء الله كلهم في كليات حلوة وكانوا جايبين مجاميع كويسة جدا الحمد لله عندي خوف من اني ابقى اقل من اي حد فيهم مش غيرة بجد على اد ما هو اني هبقى مضايقة من نفسي ان كلهم كويسين وانا اللي كمستوى اقل ماما وبابا بجد مش هيبقوا راضين عني حد فاهمني؟؟ حاسة ان محدش هيبقى فاهمني غير لو حد في نفس موقفي يعني بس بجد بجد بتمنالهم كلهم الخير وعمري ما اكره انهم يبقوا في مكان احسن مني بجد

انا بجد محتاره و مش عارفه اعمل ايه و عايزه بجد حل و محدش يقعد يفتي و يدي حلول مش نافعه دلوقتي انا علمي رياضه و مفتحتش كيمياء و العربي حرفيا يعني معرفش فيهم كلمه و الفيزياء انا لسا في الباب الاول اصلا الرياضه انا تمام فيها و ال English هيتلم مش صعب و هحاول اخلص الفيزياء او على الاقل اذاكر الينجحني الفتره الجايه انا معايا بالظبط 25 يوم على امتحاني ف انا قدامي حلين اول حل اني اقسم الكيمياء و العربي و اصلا اهلي مش هيوافقوا بس بقول مثلا لو وافقوا انا كده برضو مش هجيب مجموع في بقيت المواد ف ملهاش لازمه اوي الحل التاني اني اروح امتحن و احتمال اسقط و احتمال انجح بس الفكره ان انا مش عايزه ادخل اي كليه معفنه انا عارفه ان مليش حق اقول كده بس انا عايزه ادخل يا cs يا هندسه (انا هدخل خاصه اصلا ف مفيش مشكله من الناحيه دي) المشكله بس ان حتى لو نجحت خايفه مجبش مجموعها خاصه و من ناحيه تانيه انا لو سقطت مش قادره اتخيل الوضع هيكون عامل ازاي انا مش عارفه اعمل ايه بجد

بكرا اخيرا اخر امتحان...لسا النهارده الصبح كنت على اقتناع تام اني هكون اسعد انسانه ف الدنيا لو خلصت امتحانات بس الغريبه اني مش مبسوطه ولا حاجه الوقتي .. انا حرفيا حياتي المدرسه وحياتي كطالبة لابسه لبس المدرسه والشنطه هتوحشني اوييي هتوحشني النسخه دي من نفسي جداا ومش قادره اصدق ان خلاص كده هكون ثانوية عامة...كنت عارفه اني هكبر بسرعه بس مش بسرعه اوي كده

يا جماعة انا طالبه في ثانويه، وبكتب البوست دة وانا حقيقي حاسه اني مدمره وتعبانه ومضغوطه فوق ما اي حد يتخيل انا بمر بحاله تجمد ذهني تامه (وهن عقل/أثينيا) او مش عارفه إيه التشخيص بالظبط.. بس المشكله الحقيقية اني مش عارفه اذاكر خالص عايزه اوضح حاجه مهمه دة مش كسل انا بكون من جوايا عندي رغبه حقيقيه ومستعده اني اذاكر، ولما ببدا وبحاول اعمل كده مش بعرف، وحتى لما ببدأ خطوه خطوه واحده واحده بردوا بلاقي نفسي مش قادره وعقلي واقف تماما انا حاولت بكل الطرق ومفيش فايده ونفسيتي تعبت جدا من كثره التعب والضغط انا بقيت بشك ف كل حاجه مش عارفه ايه اللي فيا بالظبط لدرجه اني بقيت بسال نفسي هل الموضوع دة ممكن يكون حاجه روحانيه يعني حسد مثلا او سحر او ضغط محتاج علاج روحاني وتقرب بطريقه معينه ولا دة ايه انا بجد تايهه ومش عارفه اعمل حاجه * بلاش حد يكتبلي روحي لطبيب نفسي .. مع كامل احترامي وتقديري لكل الدكاتره بس الاقتراح دة بيمثلي ضغط عصبي ومادي كبير جدا الوقت ضيق والامتحانات قربت والوقت عند الدكتور بتكون محدده بالدقائق وبمبالغ مش سهله دة غير اني مش هعرف اخد راحتي في الكلام بسبب كدة وكمان مش اي طبيب بيكون شاطر وبيفهم الحاله صح انا محتاجه منكم كلام واقعي وعملي جدا حد مر بنفس التجربه دي وقدر يكسر العجز والتجمد دة ف الوقت الضيق ولا لا و ازاي ارجع استوعب واذاكر وانا طاقتي منتهيه كدة بليز متتجاهلوش البوست ومحتاجه ردودكم.ومشاركه رايكم جميعا

عايزة أمل يخواتي أرجوكوا أنا تالتة ثانوي و واقعة في الكيمياء و الأحياء و حرفيًا خايفة إن أنا أدخل الامتحانات بسببهم محتاجة دعواتكوا بجد أنا خايفة آكل كمية شماتة آخر السنة ممكن أنت.حر منها

حصلي موقف محرج واتضايقت منه،،،،، صحاب الثانوية العامة بقالي 3 سنين مكلمتش حد فيهم ولا اعرف حاجة عنهم وانا حاليا 3 كلية،، جمعت ارقامهم اللي ضاعت وقولت لكل حد ابعتلي رقم فلان وجمعت الأرقام عملت جروب بعت رسالة قولت ازيكو وكل ده وسلمت عليهم وقولت عايزين نتجمع محدش فينا يعرف حاجة عن التاني راح كله شاف الرسالة مردش، لية حاجة زي دي حصلت ؟

يا جماعة أنا طالبة في ثانوية عامة، وبمر بفترة صعبة جداً ومش عارفة أتصرف. بقالي فترة حاسة بـ (تجميد ذهني) تام أو إنهاك فكري شديد، لدرجة إني مش قادرة أركز ولا أستوعب المذاكرة خالص، وتعبت نفسياً من الإحساس ده والوقت بيجري وخايفة جداً من الامتحانات والمستقبل، بكون عايزه اذاكر بس لما بحاول أبدا مش بعرف وسواء بدأت او لا بحس اني كل ما بقدم خطوه برجع ورا.. وللأسف التواصل مع طبيب نفسي صعب حالياً في ظروفي، وأهلي مش مستوعبين حجم الضغط اللي بمر بيه. أنا حاولت كتير وعملت كل اللي عليا ومش عايزة أستسلم، بس بجد طاقتي خلصت.. مش محتاجة كلام إنشائي أو نصائح تقليدية، أنا محتاجة كلام واقعي وتجارب حقيقية تخليني أعرف أتحرك من مكاني وأكسر حالة التجمد دي. كمان في حاجة مسببالي رعب وتوتر حقيقي ومأثرة على أعصابي، وهي رهبة اللجان وأجواء الامتحانات والتفتيش.. أنا بسمع كلام مرعب بيقلقني جداً، فلو بنات من دفعات سابقة يطمنوني بشكل واقعي: إجراءات التفتيش للبنات بتم ازاي جوه اللجنة؟ وإزاي أهيأ نفسي نفسياً للأجواء دي عشان متوترش وأنا أصلاً ملتزمة ومش معايا أي حاجة؟ وازاي في بنات اعصابها بتكون بارده وعادي؟ وممكن بلاش الرد اللي هو متفكريش. أتمنى متتجاهلوش البوست ومحتاجة ردودكم الواقعية بجد، وشكراً

انا السنه الي فاتت كنت ثانويه عامه كان حلمي ادخل كليه صيدله ورتبت حياتي كلها علي اني دخلتها حرفيا ودخلت السنه ف بدايتها كنت بذاكر وبلتزم وزي اي حد ف نص سنه وقعت واحباط ومش بذاكر وكدا و فالاخر رجعت فوقت تاني وبدات اذاكر والم كل الي راكمته ونزلت دروس برايفت عشان المدرسين يسعدوني والحمد لله كنت لحقت نفسي ودخلت الامتحانات وانا واثقه بس طبعا كان في توتر وقلق الامتحانات واقعد افكر ف كل حاجه انا لو مدخلتش صيدله هدمر وكل حاجه رتبتهم هتبوظ واقعد ادعي كتير واصلي قيام الليل واقعد اعيط وادعي اه كنت اثرت بس لحقت نفسي ف الاخر... وكل المدرسين كانو متوقعين ليا اني اجيب مجموع وادخل صيدله فعلا.. وبعد الامتحانات كانت كل اجباتي اراجعها مع المدرسين وحسبت درجاتي بالظبط وعرفت اني هجيب مجموع ف حدود من 82ل 85.... وبابا قالي هدخلك صيدله خاص او اهليه لو لحقتها.. رتبت اموري من بعد الي امتحانات اني خلاص بجد هدخلها لدرجه اني ف الاجازه بدات اذاكر منهج صيدله اقسم بالله وبدعي ان يحصل معجزه واجبها حكومي عشان ادخل الجامعه الي انا عايزاها ومن بعد نتيجه ثانويه عامه وانا خدت صدمه عمري اتدمرت من كل حاجه نفسيا وصحيا والله كاني ف غيبوبه من يومها وانا مش عارفه انا فين وبعمل ايه... جبت 59 معرفش ازاي محدش مصدق ولا انا وقهرتي وقهره اهلي امي عيطت وكان اسوء يوم ف عمري كله فضلت قاعده ف الصدمه وانا مش مصدقه عايزه اعمل تظلم الكل قعد يقولي لا مش هتستفادي حاجه ومنعوني ومخلونيش اعمل حاجه.. معرفش اي المكان الي دخلته بس مكنش اختياري ولا اختيار اهلي كانت غفله رجلي خدتني وقدمت ف المكان دا كان جايلي تربيه نوعيه بس كنت رفضاها ومش طايقه اي حاجه روحت دخلت معهد عالي نظم معلومات معرفش دخلته ازاي والله بس انا حرفيا ف غيبوبه معرفش انا بعمل اي مبذكرش مبحضرش مش فاهمه ازاي انا مش ف صيدله عدي الترم الاول مكنتش بذاكر وكنت بقرا الماده ف الموصلات وانا راحه امتحن عشان مشيلش مواد ويبقي فشل من كله عديت الترم الاول بgpa 2.6 دلوقتي انا ف الترم التاني الامتحانات خلاص كمان كام يوم وانا معرفش اسماء المواد الي عندي و ف غفله ومش قادره افوق منها كل ما افتكر اني ف الاخر دخلت معهد بتصدم كل مره وكإني لسه بكتشف مش متقبله المكان مش قادره ابص ف المواد وااكرها كارها كل حاجه حوليه حتي نفسي حتي زمايلي الي معايا ف المعهد مش متقبلهم دمغهم مختلفه عني 180درجه بجد والله مش عارفه افضفض لحد واقوله اي الي مضايقني بقول لاهلي يقولولي احنا مخترناش ليكي حاجه انتي الي اخترتي لنفسك وانا والله معرف انا قدمت ازاي هناك مش قادره اتقبل ومش عارفه اعمل ايه بضيع سنين من عمري علي الفاضي وانا مش عارفه اخرتها اي..... واما اقعد اعيط اقول لنفسي ايه الي بتعمليه دا انتي بتعترضي علي امر ربنا... ووالله غصب عني مش قادره استحمل. اما اتكلم مع واحده زملتي تقولي احنا اخرتنا هنتجوز ونقعد ف البيت وانا مش عايزه كدا وبكرهه الدماغ دي حرفيا كل الي معايا نفس الدماغ دي ف بيجيلي احساس بقا اني ف وسط مجتمع غريب ومش شبهي ومش قادره استحمل سنه عشان استحمل 4سنين من عمري. بقا منظري يخوف من العييط والحسره علي نفسي وفقدان الشغف حرفيا انطفيت من كل حاجه حوليه. جبرت نفسي اني اتحرك واعمل حاجه ل مستقبلي ورحت حجزت كورسات ودفعت لڤيلات كتير ونزلت دفعت اشتراك جيم عشان اخرج وافك عن نفسي شويه مستفدتش حاجه غير اني خسرت فلوس وقعدت ف البيت مروحتش حاجه... بضيع نفسي ومستقبلي وانا قاعده ببكي علي الاطلال... وعارفه اخرت الي بعمله دا وحشه ومكمله برضو مش قادره اتحرك مش عارفه اطلع الي جوايا لحد عشان مفيش حد حوليه فاهمني فكرت ف اني احول وادخل حاجه تاني... اهلي يقولولي مكنش من الاول ليه لا مش هتضيعي سنه من عمرك.. معرفش هضبعها ف اي اي الفرق ف اني اتخرج عني 23سنه بدل 22... بس بعيد عن كدا انا ممكن اعمل دا بدماغي بس انا نفسي مش عارفه هروح فين ما اي مكان هروحه مش هتقبله طول ما هي مش صيدله مفيش كليه خاصه بتقبل صيدله بمجموعي دا غير الكليه الي ذات قطاع خاص وبتبقا ف حدود ال300الف كتير جدا جدا علي اهلي ومش هسمح بكدا مش عارفه اعمل اي قاعده بضيع عمري علي الفاضي..

كل ترم اراكم زي مانا عامله كده ومش عارفه الم حاجه السنه الجايه ثانويه عامة والبعدها كمان خايفه اعك بجد خايفه اوي كمان بعرف الم نفسي علي اخر لحظه بس برضو السنه الجايه اكيد مش هينفع كده بجد

اهذا انت ؟ اهذا ما كنت ؟ اهذا ما اردت ؟ هحححخ ٧ ايام على اول ماده وفيض من التراكمات كالعاده يمر علي طيف الثانويه العامه واني كنت زي دلوقتي من السنه زي الخرا ومراااااكم وخدت اكتر مما استحق ٧٦.٠٩ هحححح عارف لما تبقا بتسعى في حاجه مكنتش عايزها ؟ وستيل مش عايزها برضو ما هي كلها ربا وحرام ف حرام وحاجه خرا (تجاره) عارف انك هتقول نظره سطحيه والكلام دا وفي مجالات كتير فيها والكلام الحلو دا بس اهو بقا فوق بقا وبطل اوهامك دي داخل على ١٩ سنه ومش حافظ جزء عم كامل انت عبيط يعم انت اهبل ضيعت عمرك ف ايه هتفضل تسوف كل حاجه لحد امتا يابا هتتعدل امتا هتتنيل تفوق امتا فوق بقا وبطل هبل وتضييع وقت ف قرف عشان وراك بلاوي سوداء ولو شايف ان اكبر كسره كانت الثانويه تبقا اهبل لسه في اقلام اكبر الشاطر مش اللي ياخد قلم واحد الشاطر اللي ياخد القلم ويفوق عشان اللي بعده (مقوله من ابويا ) (النص التاني دا تدخل اضطراري من شخصي التاني بس هو غشيم شوية) طب ما تديها واحده والله ما هتم ٢٠ سنه الا لما احقق حاجه وزي ما تيجي بقا يا انا يا الدنيا "اتجننت"

من الحاجات اللي مش عارف اتخطاها. اني في يوم كنت بحب بنت او بعشقها مش مجرد بحبها الموضوع دا كان في تالته ثانوي. طبعاً مقدرتش اقولها حاجة زي كدا فضلت بحب البنت دي ومتعلق بيها سنين كتير حتي بعد ما دخلنا كليات مختلفة. فقررت فجأه اني اعرفها فبعتلها مع بنت قريبتي اني بخبها وعايز اتقدملها. فكان قرارها الرفض بحجة انها مش بتفكر في الموضوع دلوقتي وانا بصراحه اضايقت وحسيت ان جالي عقدة من الموضوع.لحد ما النهارده عرفت انها كانت بتحب شخص وسابها وخطب غيرها. مش شمتان فيها والله بل بالعكس زعلان عليها. وكل ما بقعد مع نفسي بحاول افهم الحكمة من الموضوع. لاني عارف ومتاكد ان دا الخير سواء ليا او ليها 🙂‍↕️🙂

صباح الخير فاضل علي امتحانات ثانوية شهر وحوالي 12 يوم كل ما الم حاجة المتراكم يزيد بحاول ازود مجهود انا معترف اني مش عامل اللي عليا بس مش عارف بجد اعمل اي تايه خالص حاجة زي الماث مفتحتوش من اول رمضان ومخلصتش حتي المنهج والفيزيكس مش عارف اعمل فيها اي حاجة لأني لسة بادئها عشان مفتحتهاش من اول رمضان بردو الكيمستري بدأت وراجعت خلاص والعربي زي اي حد فين بقا الحل مشكلتي حتي في مادتين مش عارف اعمل حاجة ولا لاقي مدرسين ولا فيه مدرسين اصلاً كل ما اكلم حد يا ميرضاش يا يطلب رقم يجيب بيه سبيكة دهب من حصتين والله عندي حلم نفسي احققو نفسي افرح اهلي والله ونفسي اعيش حياتي عندي احلام كتييير بس ثانوية عامة عاملة ازمة كبيييرههه وبس كده حاولت افضفض زي ما حد نصحني

ازيك ي شباب انا حابب احكي قصتي وأتمني اجد حد نفس أفكاري أو مر بنفس ظروفي لأني أخر حد كان بيهون عليا وجدي ف الحياة دي أنتحر الله يرحمه بتبدأ حكايتي و انا ف تالته ثانوي وولدتي توفت الله يرحمها وكانت أول مرة اقف انا والموت وش لوش صحيح كل يوم نسمع عن حد توفي إلا أنه مش بنفس القدر ولا نفس الاسأله اللي تجيلك لو حد عزيز عليك توفي ومنها بدأت أسال نفسي اي لزمة الحياه وأي معني لوجودي مدام كدا هموت بعد ما أنجح واتزوح ماذا بعد ولا شئ ودخلت في أكتئاب حاااد وصل بيا للأفكار انتحاريه وازمه وجودية دمرتني تدمير وعليها أجلت في الثانوية تلت سنين وبمعجزة ما قدرت انجح وادخل حقوق وبعد ما كنت متفوق طوال عمري في الدراسة ذقت مرارة الفشل في الثانوية دخلت حقوق صحيح انا تفوقت فيها إلا أنه في نهاية مش شايف معني لا للنجاح ولا حتي للفشل سنين مرت وانا مريض اكتئاب حاد وأصبحت حاد الطباع واقعئ ويسخر من كل شئ مهما عظم وأصبحت متمرد علي كل شي لا جواز ولا عادات وتقاليد ولا منتمي لأي شى وأصبحت متشائم بدرجه تخوف اي حد يعرفني أو يصاحبني وعندي رغبه واحده بتهون عليا وجودي ف الحياة القراءة عندي هوس بالقراءة ويمكن دي الحاجة ال أنقذتني من الانتحار خلاف صاحبي ال مستحملش عب الاكتئاب وأنتحر رغم تفوقه وعبقريته في هندسه وحاليا انا بلا أصحاب ولا أهل لأنهم كلهم توفوا عندي رغبه في البوس ونظره سوداوية مخيفه وعطش للنجاح مجنونه وفي صراع مابينهم لا قادر اهزم الاكتئاب ولا عارف اهدي الانسان اللي نفسه يعيش ويحلم وينتمي للمجتمع انا مش عارف حتي احزن انا ولدي توفي بعد ولدتي علطول ومعرفنش لا ابكي ولا احزن عليه مشكله الناس بتظن أن المكتئب حزين المصيبه أن حتي الحزن مش حاسس بيه ودا أقل القليل ال حاسس بيه اتمني اجد نصيحه تنقذني بعيدا عن الدين أو الطب النفسي لأن ف كليهما مش لاقي اجابه مريحه لاسألتي انا اتولدت ليه وأي معني من حياتي

بعد ما خلصت ثانويه عامه ونتيجتي طلعت كانت اسؤا فتره بعدي فيها ف حياتي انا كنت قطعت كل علاقاتي بصحابي وانا ف ثانوي ف اما خلصت كان في فراغ ف حياتي و فنفس الوقت كانت نفسيتي متدمره بسبب نتيجتي ف في ابلكيشن كنت بهرب فيه من حالتي النفسيه ف الابلكيشن دا يعني تجمعات وبتعرفي تكلمي ناس وكدا هو معروف بس مش عايزه اذكر اسماء المهم كنت كل ما ادخل ل مكان اقعد احكي قصه حياتي ف ثانوي كنت فرغ الطاقه الي محبوسه جوايا لحد ما اتعرفت علي ناس وكان فيهم ولد المهم كنا كلنا اصحاب بنات والولد دا بس الي معانا وهو اصلا الي معرفني علي البنات كنا بنتكلم مع بعض كل يوم جروب كلنا يعني وعدي شهر واتنين والولد دا كنت بعتبره اخويا بظبط كان محترم جدا جدا وحرفيا هو الي بيحافظ علي حدوده قبلينا يعني ثقه يعني وميتخفش منه وهو كان بيحترمني جدا وكان بيقعد يقولي علي اسرار ليه وبيشاركني حاجات كتير وكان بيقولي اني انا اول حد بيثق فيه وانو بيعزني جدا وكدا والله اخوات مش اكتر حتي هو كان بيحب وحده وحكيلي عنها و فحياتنا ما جه ف دماغي ولا ف دماغه فكره الحب دي خالص عشان متفهمونيش غلط بس واحنا كنا اخوات وفضلنا كدا لحد ما عدي حوالي 3شهور ونص كدا انا بقا ضميري بيأنبني طول الفتره دي انو غلط بنت تكلم ولد مهما كان حرام في دينا احنا كان اخرنا شات وبس ف البرايفت والجروب لكن ميعرفنيش ولا يعرف اي حاجه عني غير اسمي ولا حتي يعرف صورتي ولا اي حاجه و ف حياته ما طلب حاجه عارف حدوده من نفسه المهم ف الفتره الي ضميري انبني فيها قولت خلاص لازم ابعد ومعتش اتكلم معاه رغم ان دا كان صعب عليا اووي والله عرفت ان في يوم مميز ف حياته قرب وبيحتفل بيه وكدا واني لو مشيت ف الفتره دي هنكد عليه ف احسن يوم ف حياتي ومينفعش وقلت خلاص هستني لما اليوم دا يعدي واختفي جيت قبل اليوم دا بيوم بالظبط قعدت اعيط واقول هو انا ضامنه اعيش بكره؟!! لازم ابعد ومعتش اتكلم معاه... رحت خدت الخطوه من غير دماغ ومن غير رساله اخيره اقوله اني همشي عشان كذا خلاص انتهي كل حاجه ومسحت كل اكونتاتي الي يعرفها مفيش غير البنات الي قدرو يكلموني عشان معاهم رقمي كلموني وقالولي هو عايز يكلمك... هو انتي عملتي كدا ليه.. وايه الي حصل... روحت قولتلهم ان حرام مهما كان حتي لو بينا حدود بس مينفعش وانا خدت القرار خلاص وقالولي طب نقوله ايه هو عايز يكلمك قولتلهم انا قولتلكو الي عندي اعملو الي تعملوه بقا.... ف قعدو بقا يقولوله اي حجج عشان يدارو علي الموضوع زي النت فاصل وهي مقرره تغير اكونتتها بس مش اكتر واي حاجه بعد ما عدي حوالي اسبوع من الموضوع بنت بعتتلي وقالتي هو بيقولك اهم حاجه تكوني كويسه مش عايز منك حاجه تاني .... ف قولت اني لازم كنت افهمه بجد انا عملت كدا ليه روحت فتحت اكونتي وبعتله اني عملت كدا عشان حرام اني اكلم ولد ومفيش حاجه ف دينا بيتقول ان عادي يبقا في صداقه بين بنت وولد وانت كنت انسان محترم والله وبعزك حدا بس دا الصح الي لازم يتعمل بعت الرساله وقفلت الاكاونت علي طول مستنتش رده عشان خلاص معتش فيه كلام يتقال.... بعد فتره عرف يجيب رقمي وبعتلي رساله معاتبه وانك خليتي احسن يوم ف حياتي يبقا اسوا يوم ف حياتي ومنك لله.... اتقهرت اوي وقعدت اعيط طول اليوم من الكلام الي قاله ومعرفتش ارد عليه وعملت بلوك ومسحت الشات لاني كنت بموت من الزعل والله اني مش قصدي اي حاجه من دي... وبعد فتره عرف اكونتي الجديد وراح بعتلي رساله.. ممكن اتكلم معاكي؟ قولت اخيرا دي فرصتي اشرحله واتأسف انو كان ف يوم غلط غصب عني... وقولت اه ممكن تتكلم وتقول الي عندك.. وانا عارفه اني هملت كدا ف وقت غلط بس دا الي كان لازم يحصل محدش عارف هيموت امتا ولازم نفوق لنفسنا ويارب تكون فهمتني.... قالي وانا عايز اعرف انتي عملتي اي غلط متقوليش اي كلام وخلاص انا مكنتش بقولك انا بحبك ولا اي كلام من دا كان كل كلامنا عادي ولو علي ان مينفعش نتكلم برايفت كنت ممكن تقوليلي وانا مكنتش هتكلم معاكي عشان كدا بس كنا نفضل ف الجروبات مع بعض عادي وكل فين وفين ابقا اسالك عامله ايه وبس كدا مفيش اي حاجه غلط... إلا بقا لو كنتي حبتيني ف عايزه تبعدي عشان كدا كش عارف اقولك اي بس انا كنت بعتبرك اهم حد. ف حياتي وكنت فاكر اني مهم عندك كدا.. شوفت الرسايل ومبقتش عارفه ارد اقول ايه وهو مش قابل يفهمني ومش عارف يفهمني وانا والله ما فكرت ف حب ولا كلام من دا بالعكس انا ضد ان حد يحب اصلا وف حياتي ما فكرت ف كدا... فضلت يومين مردش وقالي مش بتردي ليه وبعدها بيوم رحت عملت بلوك من غير ما ارد لان خلاص معتش في كلام يتقال وهو مش فاهمني خالص ولو قولتله لا محبتكش هيفكر اني بدافع عن نفسي وخلاص ف سكت بقا دلوقتي طول الوقت بفكر اني انا كدا مؤذيه وهبقا انسانه مؤذيه دخلت حياته ونفسي افهمه بجد بس مش متقبل انو يفهمني عايزه انسي عشان ارتاح واول ما احاول انسى اقول لنفسي اي الي انتي بتعمليه دا ازاي عايزه تنسي كدا .... وتايها بجد.. و فنفس الوقت مش عايزاه ينساني عايزاه يفتكرني بالحلو ويفهمني.. بدعيله ديما ف صلاتي يكون فهمني وبدعيله ربنا يوفقه ف حياته ويحقق احلامه.. وكل ما افكر اني افهمه تاني للمره الاخيره اقول ممكن دا يكون اختبار من ربنا ليا عشان يختبر انا توبت بحد ولا ممكن اضغف وارجع ... تصرفاتي قدامه بتدل اني وحشه اوي بجد وانا والله بموت كل يوم.. انا اتعلقت بين زي ما اتعلق بيا وهو بيعاتبني: ليه علقتيني بيكي من الاول! وانا مقصدش حاجه والله.. كان نفسي نفضل صحاب واخوات زي ما احنا بس كل علاقه بدايتها لا ترضي الله نهايتها لن ترضيك الموضوع ف دماغي 24ساعه ومش عارفه اعمل اي 😔

اختي ونا في ثانويه عامه كنت بقولها نفسي ابقي جراحه قالتلي انتيييي؟ تبقي جراحه؟؟ بطلب هبل انتي اخرك تجيبي حاجه و ٦٠ في الميه وابوكي يقعد يلف بيكي علي الجامعات الخاصه وهتدخلي معهد عالي معايا في الاخر

أنا ثانويه عامه و مش قادر اذاكر اي حاجه و تقريبا مستوايا صفر و اظن في مواد محضرتهاش من اول السنه و خايف مجبش مجموع و الفكره اني مش قادر اذاكر و مش قادر استوعب ولا قادر افهم خالص و نفسيتي بتتقفل مره واحده و بخاف اكتر من الامتحنات و مع ذلك بحاول و لسه مش قادر استوعب ولا حتي في الدروس بقدر استوعب كلمه حاولت أخرج و اتمشي و البس بس مفيش أنا مش عارف اعمل اي

حد يعرف باغة التابلت بتاع الثانويه بكام اخويا قعد عليه تنا الهاوسينج وكسر الباغه وفي نقط بسيطه في الشاشه محتاجه ضروري اوي بذاكر عليه وامي شغاله منه وادعوا لاخواتي ربنا يهديهم بالله عشان تعبت

مدايق ومخنوق اوي م عارف اعمل ايه انا برجع من الجامعه مرهق نفسيا وجسديا انا مراكم جامد لاني مكنتش بحضر من اول الترم وخايف من أعمال السنه اصلا المواد انا اغلبها إن شاء الله بلمها انا بذاكر بطلوع الروح بس بإذن الله هتتلم انا اول مره احس اني تعبان نفسيا اوي كدا انا في ثانويه عامه مكنتش كدا حد عند حل عشان زهقت

السلام عليكم ورحمة الله وبركاته عاملين ايه يشباب دلوقتي في حاجه انا حاليا تانيه ثانوي تمام السنة الجاية تالته إن شاء الله حاجه بدهيه جدا يعني المهم انا دلوقتي عندي مشكله اني مش عارفه احدد علوم ولا رياضه احنا مخدناش احياء ف السنتين تمام بس انا برضو بحس اني مش بحب الرياضة اوي وفي نفس الوقت انا بفكر حاسبات ومعلومات ذكاء اصطناعي الكليات العملية الفتره دي يعني من زمان وانا نفسي ف طب بجد بس انا عارفه انها ملهاش شغل يعتبر وانا عايزه كلية عملية يعني مش شهادة اخدها واروح اتجوز المهم ان طريق الحاجات دب اسهل من علمي رياضه وتنسيق علمي علوم مش مضمون بالمرة التفكير ف الموضوع مرهق والله مش عارفه اعمل ايه رأيكوا يشباب بس انا حاسه اني ميالة لعلمي علوم اكتر عشان مش بحب الرياضة بس لما فكرت بمنطقية اكتر لقيت ان علمي رياضه اضمن فاهمني قولوا رأيكوا

بدأت أحس اني مصدق كل فكرة سلبية عني، وإن الأفكار السلبية دي لم تكن مجرد أفكار لجلد الذات أو لإلقاء اللوم على ذات معينة والراحة منها، إنما بدأت احس إن فعلا دة كشف لحاجات موجودة فيا كل فكرة سلبية عني فكرت فيها قبل كدة في لحظة غضب من نفسي حاليا هي مسيطرة بشكل كامل وبيقين مني بقيت عارف ومتيقن اني شخصية زبالة والمشكلة اني مصدق دة، اللي مخليني متناقض حاجة، صوت المنطق ودة بيقول لي إن دي حالة نفسية خصوصاً اني عارف اني مش طبيعي، وحاجة تانية نظرة الثيرابيست عني وكلامها ليا معرفني ان وضعي مش صح وان اللي فيه دة أفكار مَرَضْيّة ليس إلا، بس عارف؟ كل حاجة بتحصل انا مش بجلد ذاتي بس، لا انا بطحنها بقهرها حرفيا بكمية كلام معفن يخليني أفقد الشغف في كل حاجة أقولك يعم، سيبك من كل القرف دة يترمي في الزبالة يعم طز فيا أولع، المشكلة الحقيقية في نتائج دة، لما بتوصل بيا الحالة لكدة بقرر اني انسحب من كل حاجة موجودة حواليا، كل حاجة حرفيا يعني انا دلوقتي في تانية ثانوي، قررت اني مش هذاكر خلاص السنادي وشطبت مذاكرة على كدة عشان انا أقسم بالله ما قادر افهم حرف ولا اركز في حرف واحد ودة مش في نص ساعة لا دي بقت حالة عامة بسبب القرف دة لما دة بيحصل ببدأ انسحب من الحفظ والتسميع وكل مرة بحِجة مختلفة عن المرة اللي فاتت لحد ما الاقي نفسي ضيعت فترة لما دة بيحصل بقعد في البيت ولا بنزل الجيم ولا بنزل اصلي ببقى كاره اني اعمل أي خطوة لقدام كاره اني اعمل أي حاجة تفيدني وقتها بفضل اعمل كل حاجة ممكن تضرني في الدنيا وبرضو تحت وضع جلد القرف الذات السنة الجاية تالتة ثانوي !!! مش هينفع ابدا يبقى دة وضعي فيها انا معلق مستقبلي كله على السنة دي وكل أحلامي في المستقبل على السنة دي لو انا دخلت السنة دي اللي هي بعد كام شهر بالوضع دة انا هعمل ايه بجد؟؟!؟؟؟ حاسس بحسرة اوي على نفسي البوست دة همسحه بعد ساعتين عشان محدش يشوفه

انا مش عارفه اعمل ايه صاحبتى و اختى بتمر ب اسوء فتره في حياتها تقريبا و ساكنه بعيد عني وعندها مشاكل في البيت و مذاكره ثانويه عامة و عايشه اصعب عيشه بجد و بتمر ب اكتأب وحاله نفسيه زفت ومع ذالك لو اي حد قعد معاها عمره ما يقول ان الانسانه دي عندها مشكلة في حياتها واكبر مشاكلها ان صاحبها سابها مثلا بس بجد البنت قويه لدرجة انها استحملت حاجات كتيره اوي وفي وقت واحد بس خلاص هي مبقتش مستحمله البنت كل ما بقعد معاها بكتشف بالصدفه مره انها كانت في اوبر و اغمى عليها و راحت الطوارئ وقلبها وقف و عملولها صعقات علشان يرجع تانى و مره اكتشف انها حاولت تنتحر و عملت كده بالفعل و كل شويه تحصلها مصيبه وانا مش قادره ابقى جنبها خالص نفسي بجد الاقي حل عشان احسسها انى معاها

انا ولدي و ولتي منفصلين بسبب مشاكل كتير لكن اهم حاجها فيهم انو سكير، و انا ف 3ثانوي قررو اني اروح اعيش معاه اجبار و لما سكت و استحملت علي امل انها سنه و تعدي و لما جت المراحعات من فتره طلب اني ارجع استقر عندها تاني لان المدرسه بتاعتي كانت قريبه منها ف ردتلا لنا مش عيزاك انا مش حمل قرفك ولا تنقص درجه و ابوك يصدعني انا اسعدك بفلوس بس خليك هناك، رغم اني كنت متوقع فعل زي ده بس مكنتش متخيله هيجي بالطريقه دي و حاليا واخد وعد علي نفسي ان المعامله تكون علي القد زي الغريب بظبط و مش هروح ليها زيرات تاني

انا حاليا ف 3 ثانوي و باقي 55 يوم علي امتحاني و انا مش مذاكر نص المنهج و ده جزء كبير منه بسبب اهلي، انا ابويا و امي منفصلين بسبب الاختلفات و المشالكل المديه و قررو للسنه دي بدون اخذ رائي اني هروح اقعد عند ابويا، و امي وافقت رغم انها عرفه عيوبه زي انو سكير و انو عايش ف شقه صغيره جدا43 متر حرفيا و انو عجوز 66سنه و صعيدي اي متحكم جدا و مش بيغير رايه و اكيد بالتابعيه سليط اللسان، و رغم كل القرف ده انا عشت معاه و صبرت و استحملت من17/8/2025 كنت بروح ازور امي خميس و جمعه بس كل اسبوعين، و علي النظر التاني امي برضو مش مريحه بس الاسوء انها غير مباشره زي ابويا لا هي ممكن تشتم ف نص الكلام ف متعرفش تعترض و حتي لو دخلت معاها جدال او خناقه بتستخدم اسليب وحشه زي ان احنا بنتعلي عليا بسبب فرق التعليم الي ف صلحنا و حاجات زي دي كتير، انا كنت صابر اخلص امتحنات و ارحع اعيش تاني عندها لحد ما جت القشه التي كسرت ظهر البعير، و مع بداية النراجعات طلبت منها اني ارجع استقر عندها بما ان مدرستي اقرب ليها و هي قلت لي بمنتهي الوقحه لا لنا مش عيزاك انا مش حمل قرفك ولا تنقص درجه و ابوك يصدعني انا اسعدك بفلوس بس خليك هناك، مكدبش انا قلبي اتكسر رغم اني كنت متوقع فعل زي ده بس مكنتش متوقعه ب الطريقه دي. بعيدا عن كل ده انا عايز مساعده هل انا لو دخلت جامعة ف محافظه هل هيكون الوضع احسن ولا لا اصل امي ف القاهره و ابويا ف الجيزه ف سهما حرفيا فقلب الشغل و الموصلات و الحاجات دي ف انا مش عارف هل لو رحت محافظه تانيه هل هيكون الوضع كويس ولا لا اقعد هنا و خلاص مع العلم اني ناوي انزل شغل من اخر ايام الامتحنات ف اكيد الشغل هيكون هناك احسن من المحافظات، ده عير ان هما اصلا كنا عيشين ف بدر بس بعد الطلاق ابويا راح الجيزه و عشت انا و امي و اختي ف بدر كام سنه تاني و حياتنا كانت مستقره بشكل كبير او علي الاقل حياتي كنت اعرف صحابي شوارعي مدرستي لكنه مره واحده عزلو من تانيه ثانوي يعني مكملتش مع المدرسين الي اعرفهم و رحت بقا السلام تانيه كلها و قاعد ف الجيزه ثالثه كلها، بس لحسن الحظ انا لسه مع تواصل قوي مع اصحاب بدر لانهم عشرة عمر، ف من رائيكم اروح خحافظه جديده خالص ولا اقعد و حياتي برا البيت هتساعد. و شكرا ليكم

انا في تاني سنة تالته ثانوي معايا اربع مواد كنت ماجلاهم هشرح حالي فيهم ب اختصار وعايزة رد منطقي وحقيقي منكو . من غير بقا تعاطف و تحفيز انا عاوزة اعرف هل ب وضعي الحالي دا. وانا قدامي بالظبط ع امتحاناتي 35 يوم لما اشيل اسبوع قبل الامتحان يعني ... يعني اي اقصي نتيجة ممكن اوصلها ؟ واي مستحيل ولا مش ممكن بصراحه ف وضعك دا ا الحق اظبط اللي فايتني واخش الامتحانات انقص ف كل مادة من درجة ل درجتين بس مثلا ؟ الفيزيا 4 فصول كهربية و 4 فصول حديثه فايتني نص الفصل 2 و نص 3 . و4 كاملا وفايتني فصل 7 و 8 يعني مزاكرة اول فصل و 5 و 6 والنص الاول من الفصل التاني والتالت الكيميا حالها احسن ..مزاكرة 70ف الميه منها لكن ناسيه بس ومش حله كتير بدات مراجعه وراجعت الباب 4 و نص الباب 5 ناقص باقي الباب 5 والابواب 1 و 2 و3 واللي يعتبرو اخف شويا الاحياء مزاكرة كويس فصل 1 و 2 ... 3 نص نص 4 متراكم ... 5 كويس و 6 متراكم الرياضة البحته نسياها .. وفايتني زي اربع دروس مثلا محتاجين سماع شرح لكن الباقي عاوزة مراجعه كدا لكل فرع وهتبقا الدنيا تمام التطبيقية كلها ع بعضها 12 درس مزاكرة منهم زي 3 او 4 دروس بس مش شايلة همها بصراحه لانها هتكون اخر مادة همتحنها وقبلها فاضي 10 ايام بالظبط يعني حرفيا عندي الشجاعه اسيبها اخلصها ف 10 ايام لانها مش اصعب حاجه يعني عادي

جماعه دلوقتي انا ثانويه عامه و دلوقتي انا مثلا مسكت الجبر راجعت عليه كويس و بعرف احل كويس اوي اول لما جبت النماذج الاسترشاديه و قلت أحلها لقيت في كذا سؤال وقف معايا!!! و دي مصيبه لان المفروض النماذج الاسترشاديه مش صعبه و الفكره ان ده كده و لسا في الجبر يعني ده لسا الرياضه فيها جبر و هندسه و تفاضل و تكامل و استاتيكا و ديناميكا ف انا لو كل فرع هقف دي مصيبه لان فاضل شهر و نصف و لسا في مواد تانيه انا في مواد لسا مخلصتهاش اصلا!!! المفروض اني كنت براجع رياضه!!! انا حاسه اني بضيع و خايفه اسقط لان مش طبيعي ان النماذج الاسترشاديه تكون صعبه بالنسبه ليا و انا كده بضيع عمتا

انا بقيت اني عايشه بلا هدف مع اني منستش حلمي ولا نسيت كليه احلامي بس انا بقيت مغيبه تماما ولا بكلم حد ولا بقعد مع حد انا امتحاناتي باقس عليها اسبوعين ومش عارفه اي حاجه في المنهج حرفيا + كمان شهرين او 3 هكون في 3 ثانوي بس انا مشتته اوي ومش عارفه اعمل ايه كل اللي عايزه اعمله هو اني ابعد عن اهلي الفتره دي واخرج او اتفسح او اسافر وانا اصلا مش معايا ولا مليم 🙂 بجد حاسه اني حته مش عارفه انا عايزه ايه وتعبانه ومرهقه جدا مع ان بصراحه مش ببذل مجهود 😔🫠.

النهارده ٢٥ ابريل امتحاني ١٦ مايو يعني بعد ٢١ يوم من دلوقتي (حاسس اني رجعت لايام ثانويه عامه ،هححح) المهم انا في ماده تقريبا بيرفكت فيها من سبعه وواحده ضامنها ان شاء الله والتانيه تتلم تمام وهبقا كويس فيها كدا فاضل اربع مواد تقريبا ميح فيهم قررت ابدا بالميح دول من النهارده ان شاء الله النهارده عزا المتراكم الخطوات ( يمكن تفيد حد) هذاكر من المحاضرات هذاكر من ملزمه خارجيه واخيرا هعمل اسئله ب notebook lm والنظام دا محاضره محاضره فاللهم عونك يارب اهديني يارب ابويا وامي يدخلوا الجنه يارب ويارب اهدي اخواتي يارب

مش عارفة هي علاقة واحدة حرفيا و محشورة فيها من كتير معرفش هل خدت اكتر من حجمها او اكتر من وقتها ولا ايه ، بس بيتهيألي اه لأن استنزفتني حقيقي و حاسة اني خلصت انا اصلا مكنش عندي مشاعر او حب اديه لحد كان عندي مشاكل كفاية و حياتي كفاية عليا كنت بحاول اعدي م اللي انا فيه بس كان وقت زهق الثانوية ده و مكنتش بفكر ولا ف ارتباط ولا حب ولا اي حاجة اصلا بس جه بالصدفة مكنتش عايزة اقع بس حبيته و اعجبت بيه و كنت بتاخر نفسي منه عشان خايفة يبقي حب من طرف و واحد و هو كان بيعتبرني اخته الصغيرة و بيقولهالي ف اليوم مليون مرة بس بعدين طلع هو كمان بيحبني و ارتبطنا كنا حلوين و كنا كويسين و كنا شبه بعض جدا و متفاهمين و كلو بس بقي مفيش حاجة بتفضل ع نفس الحال و انا مكنتش حمل ضغط كفاية الثانوية ف مكنش مقدر الوضع ابدا و حسيته اناني من وقتها عايز بس ليه و انا مجتش اصلا هو توكسيك جدا بالنسبالي هو و العلاقة من اول علاقتنا و هو بيقولي زهقت و كل واحد ليه طاقة و جبت اخري ف اتقلبت و بقيت انا اللي بقول كده حرفيا ف الشهر اسيب يجي تلت مرات بقيت مستتقلة الدنيا و هو شخصيا و مش طايقة حاجة بجد ف زهقت من اني اسيب و ارجع و برضو مش عايزة افضل بعيد عندي حب ليه بس فنفس الوقت بقت اي حاجة منه تضايقني اتقفل منه علطول ف تايهة جدا دلوقتي و مش عارفة انا عايزة ايه و مش مرتاحة ف الحالتين ف تعبت بجد و مش عارفة اعمل ايه

أنا في رابعة حقوق (English Section) وعندي مشكلة بقالها سنين ومش عارف لها حل… كل مرة أقرر أظبط حياتي وأبدأ أذاكر… أتحمس يوم أو يومين وبعدين فجأة… كل حاجة بتقع مش بكمل 15 دقيقة بلاقي نفسي بسرح في خيالات أو الماضي أقوم أتمشى أو أمسك الموبايل بدون سبب طاقة غريبة ومش عارف أتحكم فيها ببقى عصبي جدًا… أي كلمة تضايقني وأقطع مع الناس مع إني أصلًا بحب الكلية والمذاكرة! الغريب بقى… طول الترم أكون ماشي كويس أول ما جدول الامتحانات ينزل… كأني بتشل مبعرفش أذاكر، أو أفتح قبلها بنص ساعة بالعافية الموضوع ده بدأ معايا من ثانوية عامة ولسه مكمل… حاولت أسأل أهلي، محدش عنده إجابة وحاسس إني تايه بين إني عايز أنجح… ومش عارف أتحرك لو حد مر بحاجة شبه دي… أو فاهم ده إيه ممكن يقولي أعمل إيه؟ حتى لو نصيحة بسيطة… هتفرق معايا 🙏

عندي مشكله ف مذاكره انا ٤ حقوق لغه كل ما احاول انظم دنيا و ابدأ اذاكر و استمر الاقي نفسي مكملش ١٥ د الاقي نفسي قايم متمشي او اكلم نفسي فخيالات اي حاجه ف ماضي طاقه كبيره اوي بدون سبب تنطيت فبيت ملو عصبي متحملش اي كلمه من اي حد و اقطع مع كل ناس مع اني بحب كليه و مذاكره طول ترم اذاكر و اتابع اول باول لحد ما ينزل جدول امتحانات كاني عليا عفريت او ملبوس مذاكرش كلمه او اذاكر اخر نص ساعه بالعافيه ليله امتحان موضوع ده معايا ف ثانويه عامه و اثر فيا بردو اول ما جدول نزل حالي باظ مع اني كنت وقتها من ٨ بادئ سالت اهلي معندهمش اي حاجه يقولوها لو حد عارف اي ده او اي حل ياريت يقولي

عايزه نصيحه اختي ثانويه عامه وعايزه تقعد من الدروس وبتقول بتضيع وقت ومش بتستفاد من الدروس ومفضلش حاجه علي الامتحانات وبتضيع وقت ف البيت كمان ومش بتحل كتير وبتنام وقت طويل وانا تعبت بصراحه ووالدتي وهي بيعاندوا وماما رافضه تسيب الدروس تماما ، وانا مبقتش عارفه اعمل ايه يعني اوافقها عشان متلومناش بعدين او ترمي علينا سبب النتيجه لو لاقدر الله مجبتش اللي بتتمناه ، اعمل ايه ؟

انا حاسة ان حياتي كلها غلط من اولها لآخرها انا ثانوية عامة و مش بذاكر ولا بفتح كتاب انت لو بتجيلي الامتحانات لحد عندي مش هبقى كده و يا ريب رايقه ده بتأنيب ضمير… متقطعه في الصلاه او زي منقول كده مش بصلي اصلا اتوب يومين اعصي شهر مش بعرف اذاكر دقيقتين على بعض عندي ADHD و تركيزي اقل من الصفر و المشكلة اهلي ميعرفوش ده ايه و قلت لهم هيقولوا ده اكيد من الموبايل ال هو انتو فاهمين دماغهم … انا مفيش حاجة صح بعملها لا باكل كويس ولا بنام كويس ولا بذاكر اصلا ولا بصلي و قريبة من ربنا و لا عندي هدف عايزه احققه و زيد كمان ان من بعد الفصل الأول و انا مش عارفه اركز اكتر بسبب النتيجة الهباب ال جبتها (٩٠٪؜) و المفروض ان ده الفصل ال اعوض فيه عشان ارفع النسبه بروح المدرسه مش بهدف اني اخد معلومه لا، بهدف ان دي حاجة مجبره اعملها و خلاص و ماما مش بتعمل اي حاجة غير انها تقارن و بس شوفي دي و بصي لدي انا مش فاهمه حاجة و مش عارفه حاجة … بجد تايهه اوي😭😭😭😭😭😭

نصيحة للثانوية العامة بما ان في كتير هنا من شباب الثانوية العامة و بما اني حالياً في امتياز بشري... فحبيت اشارك بمعرفتي للمساعدة... و بإذن الله اقدر اساعد ... في النهاية مرينا بالفترة الصعبة دا و كنت محتار و ظنيت انها نهاية العالم بس مش دي الحقيقة و الأمور اهون بكتير....ف هيئة بإذن الله

انأ ثانويه عامه كل يوم مش بنتج بسب انى بحط مهمات كتيره اوى اوى مش عارفه انتج لقيت انى من اول السنه مش بنتج بسب انى بحط مهمات كتير فاضل شهرين ومش بنتج خالص انا مش عارفه ارجع لدروس اجيب شرحها من الاول ولا المرجعات كافيه

أنا ثانوية عامة ( علمى علوم) وهل طبيعي ابقى لغاية دلوقتى معنديش هدف معين او طموحى كلية معينه او حتى مجال معين عايزه ادرسه وشعور التوهان الى علطول حساه ده برده طبيعى ؟ حقيقى فتره صعبه مش عايزه تعدى

الامتحانات خلاص قربت و هخد الاجازه و فرحانه اني اخيرا هخدها🤦🏻‍♀️بس نسيت اللي مستنيني السنتين الشهاده اللي جين 😂🤦🏻‍♀️عماله ادعي ان الحرب تقوم او يحصل اي حاجه بس مدخلش تانيه ثانوي و تالته خااالص😂😭🤦🏻‍♀️ ــ

تبا لحياتي تبا للثانوية العامة تبا لمستقبلي تبا لطموحاتي العالية اللي معيشاني في حالة جلد متواصلة تبا لأمال الحوليا فيا تبا لدماغي بنت الجزمة دي تبا لكل المحاضرات اللي ورايا تبا لكل الشوامل تبا للطب

بقى عندي ضعف شديد ف التركيز وتشتت وخاصة ف الدراسة كنت ثانوية عامة السنه اللي فاتت وراحت عليا علشان بس مش عارفه اركز وخرجت بملاحق بس نجحت فيها وانا طول عمري شاطرة ومستوايا الدراسي كويس جدا بس اللي كان حاصل معايا طول السنه مكانش طبيعي للاسف ودخلت بمجموعي معهد دبلوم فوق متوسط سنتين ومش عارفه اذاكر بضمير حتى لو عالجت التشتت اللي عندي مع أن عندي طاقة اني اتحسن بس بقول مش هبذل مجهود ف المعهد ده ونجحت في الترم ده ب مواد فيها مقبول مش عارفه اتعايش من ساعتها وكل اللي بقوله اني عايزه اعيد السنه وانا اتغير علشان ادخل كلية احلامي او عالاقل كلية مش معهد ومحدش هيرضى

انا في تالتة ثانوي علمي علوم و متراكم عليا حاجات كتير بسبب ظروف معينة ف انا مش عارفه اعمل ايه و تائهة و عايزة اجيب مجموع يفرح امي لانها تعبت معايا كتير اتمنى لو في حد كان مكاني يقولي هل هيا صعبة زي ما بيقولوا و لا بيضخموا الأمور و لا انا اللي مستهترة لاني كل ما اسئل حد يقول معرفش

يوم جديد بمشكله جديده 😮‍💨 انا السنه الجايه ٣ ثانوي بحس اني متوتره اوي و مش قد المرحله دي و ان السنه هتكون تقيله عليا و مش هقدر اذاكر حابه اسمع تجربيتكم و ازاي السنه دي عدت و هل همل و هحس بالوقت ولا اي الدنيا

انا والدى و والدتى انفصلى بسبب مشاكل و طريقه تعامله الوحشه معانا و ان هو مش بيقدرنا و على طول شتيمه و زعيق و سب دين على اى حاجه تافهه و المشكلة انهم انفصلوا قبل كده و بعدها رجعوا لبعض تانى و انل كنت الوسيط انهم يرجعوا لبعض عن طريق انى وعدت مامتى انه اتغير لانها لما مشيت من البيت هو فعلا اتغير بقى بيصلى و بطل شتايم بس برضوا كان على طول بيتهضنى لانى كنت واقف فى صف مامتى و على طول كان بيفرق بينى و بين اختى لأنها مكانتش بتقول رأيها فى الموضوع فكان بيبهدلنى بأنه يفزعنى من النوم كل ما يرجع من الشغل فى حين ان اختى لو نايمه و هو اتخانق معايا على حاجه تافهه كالعاده و هى بس صحيت كان بيخش يعمل نفسه نايم علشان ميزعلهاش او ميبينلهاش انه بيبهدلنى علشان متزعلش منه ده كله لأنها مبتقلش رأيها و لما رجعوا لبعض اكتشفنا انه متغيرش مبقاش بيصلى خالص و على كول متعصب لدرجه انه وصلت بيه انه مد ايده على مامتى فى عدم وجودى ده طبعا غير اللى كان بيعمله فى وجودى بس انا كنت بحميها و دلوقتى احنا مشينا مع مامتى و قعدين فى بيت جدتى مامة مامتى و هو على كول يقعد يشتم فى مامتى و اهلها و يقعد يقلنا انهم هما اللى بيحردونا على عقوقه و ه مش بيحصل و على طول يقعد يقلى انت بغبغان و ماشى وراهم و خلاص لأنى بعارضه و بقله انه غلطان و هو بيصرف عليا انا بس دروسى لانى فى تالته ثانوى و اختي حتى جامعتها مامتى اللى بتدفعها اللى هى برقم مع انه عارف ان والدتى شغلها ميديهاش الرقم ده بس انا بقيت بكدب عليه فى فلوس الدروس و ازود فيها شويه يمكن اقدر اساعد مامتى علشان بجد الرقم صعب عليها انها تدفعه لوحدها و فعلا قدرت اساعدها من الفلوس الزياده اللى باخدها منه فانا عايز اعرف دلوقتى هل انا كده غلطان انى باخد من والدى فلوس زياده ولا لأ ؟

أنا في ثانوية عامة، حاسة بضغط رهيب، الوقت بيضيع وخايفة جداً ملحقش، والكل بيقول هيعدي وأنا شايفة حلمي بيتهد. محتاجة حل عملي للي زيي وبدأ متأخر، مش مجرد كلام تصبير.. وبقالي فترة حاسة ان الوقت بيجري مني وخايفة جداً اني ملحقش أخلص اللي ورايا أو اني مجبش المجموع اللؤ بتمناه والإحساس ده مخليني مش عارفه اذاكر ومشلولة عن الحركه وكل ما أفكر في الامتحانات ببدأ اعيط وبحس إن كل مجهودي ضاع. محتاجه حل

انا ف ثالثه ثانوي و بجد تعبان ابويا و امي منفصلين و قررو السنه دي ان انا اروح اعيش معاه و امي بعد ما كانت عماله تقول لي قول رايك ولاما قلت مش عايز ولا اي حلجه حصلت و رحت عنده ب الفعل، الشقه ضيقه 50 متر تقريبا مكان معرفوش ناس معرفهاش هو طبعه صعب ده بخلاف انو سكير و بيشرب برا و احينا بيجب معاه البيت و بيقد يزعق و يشتم و قد يكون الاسوء انو مبسعرف يطبخ ف انا الي كنت بعمل لينا الاكل ف كان بيكون شارب و بيدوق الاكل و يحط المعلقه الي مطرحه بقه ف الحله تاني و انا كنت بقرف من الموضع ده، و لما كنت بشتكي ل عمي و عمتي كان بيردو ب منهتي البرود (نعمل ايه يعني ما هو طول عمره كده استحمل انته راجل) و كذالك امي برضو بخلاف انها عاشت معاه و عارفه طباعه بس انا لما كانت اعصابي بتفلت و ارد عليه كانت هي بتغلطن، قلت بس الامل ف الثانويه احنا نخلص و نقدم ف اي جامعه محافظات و اخلص ف قررت اسيب كل الهويات بتاعتي زي تمارين البيت لان هو كان رافض اني انزل جيم او نادي او حتي حديقه عامه ف كنت بتمرن ف البيت و قللت كلام مع صحابي ب امره لحد ما اتمنع خالص لدرجه ان هما معيدوش عليا و انا لما عيدت عليهم اغلبهم مردش و الي رد رد علي القد، و انا حاليا باقي شهرين غلي الامتحانت و مش عارف احل و مش عارف اتمرن و مش عارف اصرخ ولا حتي عارف اعيط و حاسس اني هنفجر من جوا

انا تالته ثانوي عام و شاطره في كل المواد وكمان بذاكر كويس اوي وبعرف اعمل ده ولكن ميح في الانجلش لدرجه اني مش بعرف اقرا انجليزي وبخاف ان ده يكون سبب ان اكون فاشله مهما عملت بسبب الكليه بعدن

انا حاسه اني بغرق و محتاجه حد ينصحني لاني فجاه ولا بقيت بصلي ولا بقيت بخرج من البيت وانا تالته ثانوي و مبقتش افتح كتاب انا مش عارفه هل دا اكتأب ولا ايه بس الموضوع صعب عليا اوي لدرجه اني بأنب نفسي اني مش قادره انا محتاجه حل او نصيحه تفوقني

انا محتاجه مساعده ضروري انا اهلي منفصلين وعايشه مع مامتي واخواتي وابويا سايبني بقاله كذا سنه وقايلي اني مش بنته وكلام كتير بس انا نفس شخصيته ومش بعرف اتعامل مع مامتي واخواتي وطول الوقت في مشاكل معاهم لدرجه ان هما ولا مستحملني ولا انا مستحمله اقعد معاهم خالص فعلت وجبت اخري عايزه امشي من البيت بس مش عارفه اروح فين انا بتعامل بطريقه ابويا ونفس شخصيته ودي اكتر حاجه بكرهها انا مس نفسي ابقى شبهو خالص والله بس غصب عني زيه في كل حاجه حد يساعدني اروحله ولا اعمل ايه وملحوظه انا مامتي لو قلتلها اني هروحله ممكن مترجعنيش تاني وانا ثانويه عامه ونفسيتي وحشه اوي ومش بذاكر خالص بسببهم ف حاسه اني محتاجه افصل من البيت

انا ثانويه عامه وفي اول السنه كنت بذاكر كويس وانا طول عمري شاطره بس اخر تلت شهور انا فعلا بقيت حد تاني بسبب كل المشاكل اللى انا فيها ومبقتش اذاكر ولا بقيت مركزه في اي حاجه غصب عني وناقص شهرين حرام بعد سنين بذاكر اجي في اهم سنه احس اني بضيع مش عارفه ابدا تاني منين ولا اعمل ايه (لحد النهارده المشاكل عندي بتزيد وتعبي بيزيد ومش قادره اتخطى حاجه ف عشان كده كل ده بيأثر عليا)

عامة انا خلصت مذاكرة الكيمياء ( خلصت الاساسي مفروض احل كتاب كمان) بس فعليا فاصلة طيب انا اي اللي مصحيني؟ في الحقيقة انا صاحية لهدفين الاول اني اصلي الفجر حاضر لان بقالي عشر ايام مواعيد نومي بايظة و جدولي كله معتمد علي اني هصحي وانام في وقت معين المهم ياجدعان الهدف التاني اني ازود ساعات مذاكرتي لان الدنيا باظت عندي من اول رمضان بقيت بذاكر في النهار 5/6 ساعات بس من وقتها بعد ما كنت بذاكر 8 ساعات والامتحانات قربت ولازم اشد( انا ثانويةةة عامة) المهم ناوية اصلي وانام 5 ساعات واصحي اشرب قهوة واكمل اليوم بدون نوم ( لو عليا مش عاوزه أنام بس مطبقة من امبارح ) المهم للمرة المليون اللي عنده طريقة اصحي بيها يفدني عشان بقيت خم نوم

كلها شهر ونص وادخل تالته ثانوي انصحوني من خلال تجربتكم انا مضطربه جدا من اول دخولي للثانوي اكلي م متظبط ولا نومي ولا دراستي كل حاجة فيا حساها غريبه انا مكنتش كده انا كنت زمان بحب اقرأ و اشارك ب رأي لكن دلوقتي انا مبقتش حابه اكون مع حد ولا اجادل حتي م عارفه اتكلم زي زمان انا مؤمنه اني هقدر اوصل ل حلمي بس جوايا صراع داخلي جزء بيحبطني وجزء بيشجعني انا م عارفه ولا اهتم بصحتي ولا بمذاكرتي مبقتش احب اذاكر ووقتي كله ي عل الميديا ي نايمه ي باكل وبتفرج عل مسلسلات وافلام بجد حاسه ان حياتي مقرفه وملهاش معني

عارفين جمله ( طلعني ل سابع سماء ونزلني علي جدور رقبتي ل سابع ارض ) اهو انا اللي عملت ف نفسي كداااا💔 كنت بحب دراستي اوي اوي . كنت من الاوائل ف المرحله الاعداديه كلها ، مكانش فيه اهتمام ف البيت بيا ولا حتي بمزاكرتي . بس انا كنت محافظه علي دا اوي . يعني مش من الأولاد اللي باباهم ومامتهم يقولوا لهم زاكرو ولو مذاكرتش هيكون فيه عقاب وكدا لا بالعكس تماما . كانت بتوصل معاهم أنهم هما اللي يقولوا لي كفايه مزاكره علشان يعني بذاكر كتير ، والي أن دخلت ثانويه عامه . فضلت علي نفس المستوي لحد تانيه ثانوي ، وحتي ف تالته ثانوي شديت جامد وركزت كانت حياتي عباره عن مزاكره ودروس ونوم وبس حرفيا لحد لما جه يوم النتيجه لقيت نفسي جايبه مجموع لو ما كنتش بذاكر كنت جبت احسن منه دخلت كليه بكرها جدا من يومها وانا مش انا حاسه وكأني كانت الحياة قبل الثانويه شئ وبعدها شي تاني خالص وكأني بتعرف علي الدنيا من جديد دخلت ف حاله اكتأب . مش بخرج من أودتي دايما بلوم نفس . معنديش ثقه ف نفسي مع أن كل أصحابي جابوا مجموع زيي كدا . بس حياتهم ماشيه طبيعي وعادي جدا . انا اللي واقفه لسه مكاني ، محدش مقدر ولا حاسس بيا لا من أصحاب ولا من أهل ولا اي حد اصلا فكرت كتير ارضي واللي عمله ربنا لكن بفشل ف كل مره وبرجع ل عزلتي ولومي ل نفسي مع اني مقصرتش ف مزاكرتي حاسه كنت عايشه ف الخيال مش عارفه المفروض كنت عملت ايه وما عملتهوش اتحولت من انسانه مرحه بتحب الحياة ومتفائله وعندها اصدقاء كتير . ل حياه فيها عزله وضلمه واكتأب ووجه شاحب بفكر اخلص من حياتي لأن مش شايفه ليها اي معني خلاص .

جماعه ما تحكوا عملتوا ايه في ثانويه عامه و يوم النتيجه كان عامل ازاي؟؟ و ال ناس ال جابوا مجموع مش عالي و بيقولوا اتظلموا هو ده بجد؟؟؟ لاني تالته ثانوي دلوقتي و مش عارفه ازاي حد ممكن يذاكر كويس ووفي الاخر ميجبش مجموع

محتاجة اتكلم في حاجة محدش يرد عليا غير اخواتي الثانوية العامة او الدفاعات القريبة اللي من اول 23 مثلا المهم انا ثانوية عامة علمي علوم يعني طموحة شوية فعاوزه كلية طب اهلي مش شايفني غير فيها ده اولا يعني اللي خلاني اكتب بوست اصلا ان ماما قالتلي لازم تذاكري وتجيبي مجموع عشان برستيجك 🥲🥲🥲 طيب ندخل في المهم واللي هو انا فين من المنهج اولا انا رجعت عربي علي مدارس الادب كلها رجعت شرح بدون ما احل حل زيادة علي اللي سبق وحليته النحو رجعت تقريبا علي 4 واحدت من اصل 8 وبحل تقريبا فيما يعادل الكتابين و اكتر اصلا بس خلينا نقول كتابين الكيماء بقا رجعت كهربية شرح وحل و حاليا في العضوية وبحل كتابين كيمياء ثابت الفيزياء مش مراكمة بس باخد مع عبدالمعبود وبحل كتابه بس والمفروض انه بيراجع كهربية مع الحديثة فانا رجعت علي اول بابين كهربية الاول شرح وحل والتاني شرح وبدات احل عليه احياء بقا رجعت علي الدعامة والحركة شرح وحل ومفروض اني هراجع علي الRNA عشان خلصنا المنهج شرح وحل وبحل كتابين و اكتر بش خلينا نقول كتابين الانجليش بقا كتاب واحد و pdf مجمع كتير بس مفروض اني هبدا اراجع الاسبوع ده انجليش فهل كده انا هدخل طب ولا هتخزوق لاني رغم اللي بعمله شايفة مستوايا ضعيف وبغلط كتير و بسبب كتر الغلطات نفسيتي تعبت وبدات احس ان اللي بعمله كل علي الارض ومفيش مادة علي الاقل مش بغلط فيها هو اه مع المراجعة غلطاتي قلت في اجزاء بس انه مش مطمئن خالص الغلط المستمر ده غير بعد ما كنت بذاكر من 7:8 ساعات غير الدروس بقيت بذاكر 5 ساعات بالميت و نو طاقة خالص بقا ومفروض اني اشد في الفترة دي بس الجنزير وقع وقع خالص بقا

يا جدعااان انا زهقت من الفزيا بس عندى شامل بكره ف بالله ادعولى ولو حد عندو نصيحه ليها اكون شاكر جدا ليه هى و الكميا والله و عندى مشكله تانيه ان اعلى شامل كنت جايب فى ٤٠ من ٥٠ ف الفزيا و كنت حاسس انى ذاكرت اوى و متوفقتش الحمد لله بس المشكله لاقيت اخطاء انا حليتها غلط نتيجه للتسرع و كنت عادى جدا اجيب فوق ال ٤٦ من ٥٠ فا لو حد معاه ملخصات فزيا ٣ث اكون شاكر خصوصا كهربيه ولو حد عندو حل لموضوع عدم التركيز ده يبقا ياريت

انا ثانويه عامه حاليا وكنت بزاكر كتير جدا وبدوس على نفسي رغم اني بكره المزاكره جدا عشان بس ارضى اهلي لاني اصلا مكنتش عايز ادخل ثانوي انا دخلتها عشان أراضيهم المهم رغم المزاكره الكتير دي اللا ان درجات في الشوامل وامتحانات الدروس كانت زفت خالص كنت بسال نفسي ازاي لان فعلا انا لو مكنتش مزاكر ودخلت الامتحان هجيب درجه احسن من كده بكتير فده تقريبا أثر في نفسيتي جامد وقفلني عن المزاكره نهائيا مبقتش قادر اقعد على الكتاب رغم ان باقي اقل من شهرين على الامتحانات لدرجه ان بيجي فبالي ان حد عاملي عمل عشان مزاكرتش انا لو استمريت كده لأسبوع كمان الدنيا هتبوظ مني جامد شوفولي حل

أنا طالبة ف تالتة ثانوي المفروض زي مابيقولو إنها سنة مهمة جدا هيا فعلا سنة مهمة بس أنا مش لاقية أي حد يفهمني من البيت خالص كلهم يعني دايما عادي دي سنة عادية مافيهاش أي حاجة مش شايفين كمية الضغط اللي بمر بيه كمية الرعب اللي أنا حاسة بيه دايما بيفضلو يجلدو ف ذاتي بالكلام الوحش والسلبي ومافيش أي ثقة خالص فيا دايما بيحصلي حاجات كتير وحشة ف حياتي ومش بيتأثرزا خالص بحس اللي هو انتو ليه بتعاملوني كده بشوف معاملتهم مع اخواتي ومعاملتهم معايا بجد بستغرب طب ليه هما بتعاملوهم كده وأنا بتعاملوني وحش طب أنا عملتهم إيه علشان يعملولي كده بكون سهرانة طول الليل بذاكر ويدوب تيجي فترة نومي الاقيهم بيصحوني يلا قومي شوفي اللي وراكي قومي اعملي كذا وكذا طب أنا لسه منمتش لأ مالناش دعوة حد قالك ماتناميش وتفضلي طول الليل بتذاكري طيب ده مستقبلي أعمل إيه بقيت أحس ف الفترة الأخيرة بفقدان الشغف لابقيت أذاكر ولا بقيت أعمل أي حاجة أهملت دروسي ومذاكرتي وكل حاجه مش عارفه أرجع طبيعية خالص بطلع برا البيت مش بكون عايزة أروح وسط استغراب اصحابي كلهم من ليه أنا بكره فكرة البيت ومش بحب أروح مش عارفه أعمل إيه عايزة أرجع أذاكر تاني امتحاناتي خلاص باقي عليها أقل من تلت شهور مش عارفه دايما يفضلو يوصفوني بإني فاشلة بكون متكرمة ف الدروس المفروض يكونوا فرحانين لأ بيقولولي وإحنا ايه يخلينا نصدق إن المستر اللي مديكي دي مش إنتي اللي جيباها

السلام عليكم يارب يريح قلوبكم يارب ويوفقكم ويرزقكم اللي تتمنوه انا ٣ ثانوي تايه شويه ومتأخر تنصحوني أأجل السنه ولا اهمل ايه مع العلم انا في العادي شاطر بس السنه دي وقعت جامد قولولي لو حد حصلوا ظروف غريبه في ٣ ثانوي انا السنه دي سبحان الله صادفت حاجات كتير صعبه قد اللي حصلي في حياتي كلها😭

نزلت الابلكيشن عشان حيست اني محتاجه اتكلم مع ناس بعيد عن حياتي انا معنديش مشكله معينه بس طول الوقت تايهه ومش عارفه انا عايزه اي وكل م ببقا تمام برجع ل نفس النقطه بخس ان كل حاجه ف حياتي ملغبطه وانا مش عارفه اعمل حاجه شايفه ان كل حاجه ماشيه عادي بس انا مكاني مش بتحرك بقيت بكره البشر مش عايزه اتعامل مع حد عايزه ابقا لوحدي وحاليا ف ٣ ثانوي فاضل كام شهر ع امتحاناتي وانا مش بروح دروس ولا اعرف المنهج ولا حتا بتحرك ولا بعمل اي حاجه عندي لا مبلاه انا نفسي مش فهماها هوا تقنيب ضمير بس كدا معرفش انا عايزه اي ولا مستنيه اي من حياتي اصلا عايشه بلا هدف

انا تالته ثانوى وبجد مش عارفه اذاكر خااالص قدامى بس ٣ شهور وانا مش عارفه المنهج كله بيقول ايه انا ادبى بس اصعب حاجه قدامى حاليا الانجليزى والعربي وحرفيا لا اعلم فيهم شيئ ومش قادره ابدأ خالص كل م اقول هبدأ انام اقعد ع الفون المهم انشغل ومذاكرش وحاسه انى بضيع خالص ومش عارفه ابدأ عربي ولا انجليزى منين حد عنده حل؟

ازاي اقدر اركز ع نفسي و مستقبلي و انا عايشه في بيت توكسيك و أغلب الوقت متوتره و ضربات قلبي سريعه و مش عارفه اركز ع نفسي ساعات بفكر في ان الحل اني اتعلم طُرق اتعامل بيها معاهم بس لما بحاول اعمل كده بلاقي اني كده واهبه حياتي ليهم بدل ما اركز ع نفسي و كمان بيدخلني في صراعات بتأذيني و بتسرق عمري و بتضيع وقت المُذاكره ملحوظه / مينفعش اسيب البيت لأني مش بشتغل و ثانويه عامه و معنديش قرايب اقعد معاهم بفكر اقدم بلاغ اني بتعرض ل اذى نفسي أُسري بس خايفه من اللي هيحصلي لما يعرفو اني عملت كده و كمان لو محصلش اجراء قانوني حياتي هتبقى اصعب بعد ما ابلغ عنهم ياريت لو حد عنده حل يقول لي او حتى حل مؤقت لحد ما اخلص امتحاناتي

انا تايهه وفي شخص بعشقو حرفيا بس معرفش افك التعلق ده ازاي وكنان تالته ثانوي مش عارفه اعمل اي وفاضيه. ولا عارفه اقرب من ربنا ولا اذاكر ولا اي حاجه وفي تعب جسدي الفترة دي حاولت كل مرة انتكس.... وو

أنا طالب في الثانوية العامة وكنت الفترة اللي فاتت مقصر بس بدأت وعملت شغل زي العسل والله بس حاسس بفتور غريب يذاكر بس في حاجة غلط اني مش قادر مش قادر اوقف الصوت اللي في دماغي اللي عمال يقول ان أنا السبب انت اللي عملت كدة انت مش هتعرف تطلع وبدأ الموضوع يصعب عليا مهمتي اية رايك تكون انت رسالة ربنا ليا اعني اعانك الله

عندي مشكلة دلوقتي أنا من بعد نتيجة الثانوية العامة ونا في حالة مش فاهماها سبت الچيم وزني زاد مش عايز اعمل اي حاجة كسول لكل حاجة مع اني ديما كنت انسان مجتهد مش مهتم ب دراسة المعهد يوم فرحان يومين زعلان كل لما انوي اعمل حاجة مفيدة مكملهلش مخنوق من نفسي جامد يجدعان ومش عارف اتكلم مع مين ولا اعمل اي مش فاهم حاجة 🥲

السلام عليكم. انا قبل م اخلص ثانوية عامة كنت انسانة متفوقة جدا وكنت شاطرة جدا لما دخلت ٣ ث حصلي ظروفه صعبة فيها ومريت بمرحلة اكتئاب صعبة دمرتني ،من بعد المرحلة دي انا مبقتش عارفه اعمل اي حاجه ف حياتي كل حاجه بقت صعبة وتقيلة عليا انا بق عندي مشكلة ف حتة المزاكرة مبقتش بعرف ازاكر ولا اركز ابدا بقالي ٣سنين ف ١ كلية لا عارفه اركز ف مزاكرة ولا حتى ف امتحان اعمل اي عشن ارجع تاني اعرف ازاكر زي الاول بجد الموضوع بق صعب بالنسبالي نفسي بس اعدي سنه اولى مش عارف وافضل زعلان ع نفسي وع ال حصلي وال اتحولتله فيدوني ي جماعه بالله عليكوا ازاي ارجع ازاكر زي الاول واتفوق تاني

السلام عليكم انا اول مره ليا اكتب حاجه هنا بس حسيت اني في مشكله كبيره و انا مش مستوعبه كاني في غيبوبه انا طالبه ٣ث و في أهم سنه ليه طبعا لأنها الي هدخلني الكليه الي انا عيزاها . بس المشكله في أن انا مش عارفه اركز فقد الشغف و في قلق و خوف و اضطراب نفسي لدرجه وصل بيا الحال أن يجيلي نوبات هلع بالرغم اني بصلي و مقربه من ربنا الحمدالله ... كنت عايزه حل لو حد يعرف .. يبقا ربنا يباركلك بجد .. ( انا خايفه أن ملقيش حد ذي أو الاقي علي الاقل حل )

نفسي اعمل تغيير جذري من ناحية جسمي وحياتي ودراستي ونفسيتي بس الفكرة انو لسا باقي ٣ اشهر واسبوع لأول يوم تقديم ثانوية عامة حابة يكون في حدا بنت ينظملي اوقاتي مع التراكمات الدراسية كيف ؟ لو سمحتوا فيدوني

انا والدتي عاملت عملية في مناخيرها وبقالي زي اربع خمس ايام كده بساعدها في البيت ولو مساعدتهاش فس الاكب والدوا وتنضيف البيت ياهتقوم هي تعمل دا ياام هتقول لاسراء واسراء هتعصبها وفي كل الحالتين امي هتتاثر والعمليه ممكن تبوظ مفيش غير ندى اختي وبتعمل كويس يعني بتتعب وانا كذلك بس هي بتروح الشغل وكمان في اخواتي الصغيريز لو انا مكنتش معاهم هيتعبوا برضو امي بس انا في تالته ثانوي وفاضل شهرين وشوية علي الامتحان ومراكم كتير اوي وكمان مش عارف اذاكر بسبب الشغل ولما ببطل شغل الشغل يخلص يعني بيجي لها ضيوف فهي قاعده في اوضتي والدنيا زحمه عندنا وبرضو مش بعرف اذاكر بس كده بعطل نفسي واختمال كبير اخيش ومجبش مجموع في تالته ثانوي للاسف فضميري بيأنبني اني بسيب المذاكره واساعدهم والب هو لو فرحتها بالنتيجه هيكون افضل ولو محصلش هتعبها برضو ولو بقا معملتش بدلها كل الي قولتله دا هيحصل وبرضو ضميري هيأنببني

هو عادي إني عمري ما نجحت في أي شيء بالمعنى الحرفي وعمري ما كملت طريق لاخره وتايه بحاول أدور على هدف مش لاقي حرفيا مش عارف أنا عاوز إيه وليه وهل أنا حابب اللي أنا فيه ولا لأ وكل ده ادركته بعد ثانوية عامة ممكن يظهر إنه بكاء على الأطلال بس هو مش كده لكن فهمت إني فاشل وشخص طبيعي مش مميز أو مختلف زي ما كنت بقنع نفسي أنا أقل من ناس كتير كنت افكر إني أحسن منهم أنا فاشل في كل شيء ومش عارف طريق للنجاح..

انا في تالته ثانوي وانا شاطر واهلي عارفين كده وبذات اني قاعد 24 ساعه في اوضتي وهما فاكريني بذاكر بس الحقيقه اني مش عارف افتح كتاب حرفيا أقسم بالله كنت بادء السنه كويس جدًا وكنت بذاكر بس حاليا مش عارف افتح بس الكتاب كل حاجة تقيله على قلبي حتى الدروس حتى المدرسين نفسهم بقو يبصولي بصة اللي هوا انت اي وصلك ل كده بصه لوحدها بتقتلني حاسس بحاجه تقيله كاتمه على نفسي مخلياني مش عارف اتحرك

محتار اوي ومبقتش عارف اختار ايه ؟ انا دلوقتي ثانيه ثانوي وكام شهر هبقى ثانوية عامه ومحتار بين علمي علوم ورياضه لان ده هيبقى كل الي جي والكلية والشغل وما الى ذلك انا دلوقتي بحب دراسة الجسم والمناعة والطبيعة وكده الي هي الاحياء بس كل صحابي كلهم بجد داخلين رياضه وعمالين يقنعوني انها المستقبل والبرمجة والai معتمدين على رياضه اكتر انا في اعدادي كنت شاطر جدا في الرياضه وبقفل بس جيت في ثانوي كرهتها مش عارف ليه مش عارف احل مش فاهم حاجه فيها بس انا حاليا بتعلم برمجة وماشي فيها تمام وحابب المجال بس مش عارف هحتاج البرمجة في علمي علوم ازاي وحاسس انها مش هيبقى ليها لازمه لو دخلت علمي علوم وبرضو عشان رياضه مجالاتها اكتر وكل الكلام ده ف انا حاليا مش عارف بجد اعمل ايه

اول مرة اقول ده معرفش اصلا اذا كان يصحلي اقول ده ولا لا بس انا زعلانه من ربنا اوي ومن نفسي كمان ان كل يوم بعيط دلوقتي بعيط ربنا انعم عليا بكل حاجة ممكن احتاجها ربنا حط قدامي كل حاجة توريني انا هبقا اي لو مستغلتش اللي عندي صح فبقيت طول الوقت خايفة انا دلوقتي خايفة في الحقيقة انا تالتة ثانوي بذاكر و بدعي بس خايفة خايفة جدا بقول يمكن لو معنديش كل المؤهلات اللي تخليني اوصل الموضوع كان هيبقا احسن مش هاحس بالذنب علي الأقل لو موصلتش ازاي موصلش وانا اهلي مقدمين ليا كل حاجة ازاي موصلش وانا الذكية المجتهدة ازاي وانا بسعي وببذل كل طاقتي يمكن مش نصيبي؟ ازاي مش نصيبي و حبي للطريق ده مدفون في قلبي مش ربنا لو زرع جوانا حب لشئ معناه اننا نقدر نوصله كل يوم بعاني مع الافكار دي كل يوم بعيط من فكرة اني موصلش وبين ان ربنا ينجيني و اوصل هي نجاة من ربنا بس نجاة