تخيل تبقي مجبر انك تكون زاهد في الدنيا ! قصتي غريبة شوية .. أنا عندي 32 سنة، بطلت كحول من 2019 ومن يومها وأنا عايش في سجن. مركز المكافأة في مخي حصل فيه عطل تام و مخي مبقاش يفرز اي دوبامين تماما مابقتش بحس بأي لذة أو متعة مهما حصل، حتى لو بقيت أغنى واحد في العالم او بقيت املك الدنيا مش هتفرق معايا. وصلت لمرحلة إني برفض مرتبي ومكافآتي في الشركة لإن الفلوس مابقاش ليها وظيفة عندي. أنا حرفياً ماليش "أمنية" واحدة في الحياة. ماليش صحاب، مش لإني وحيد، بس لإن مابقاش عندي طاقة ولا رغبة أرد حتى على رسالة واتساب أو أفتح كلام مع حد.. تخيلو حتي اني احلق ذقني او اخد شاور بالنسبالي رفاهية زبادة و ملهاش طعم ولا لزمة .. بنزل الشغل كل يوم مش عشان الكارير ولا الفلوس، بنزل بس عشان "أمي" تفضل شايفة إن ابنها إنسان سوي ومستقر وماتشيلش همي، لكن الحقيقة أنا ميت من جوه. بقالي 6 سنين بلف على دكاترة وأدوية ومافيش نتيجة 1% .. بقول يارتني ما بطلت عالاقل كنت بحس زي اي انسان طبيعي قبل ٢٠١٩ .. انما دلوقتي حرفيا انا عايش روبوت .. ادعولي من قلبكم
انا هقولك حاجه واحده بس واتمنى تعملها وزي ما بتقول انت بقالك سنين ف مش هتخسر حاجه لمده 15 يوم بس 15 يوم صلي الفروض ال 5 فالمسجد وخلي ليك ورد يومي وطبعا تكون بتعمل دا عشان دي عباده وشوف النتيجه بنفسك
متزعلش او بص هقولك بس ياريت تعملها طلع صدقات في الخبئه بنيه انك تكون كويس وصلي قيام الليل وادعي بدا بص هما دول سحر ومش اي حد يقدر يفهم ده
الله يرشدك لطريق الحق اتبع النصائح اللي بالكومنت جدا مفيدة
لا متقولش انك ندمان انك بطلت كدا انت بضيع كل الي عملتو وعامة كتر خيرك والله دا انت بطل أن شاء الله ربنا يشفيك ويعفو عنك يا رب
سلامتك والله الف سلامه سلامتك هدعيلك من النهارده سلامتك بجد ربنا يهون عليك حقك عليا