25 Mar 2026يشعر بـ يشعر بالملل
من شويه اتقشفت وانا بشرب سجاير بسبب غباء اخواتي وظن الأمر أنه هزار منهم وسمعت كلام يسم البدن من الأهل رغم اني مش بشرب كتير غير لما تطلب معايا يعني ومش عارف اتصرف ازاي دلوقتي غير المواجهه قولولي بتعملوا اي لما رصيدكم من الستر بيخلص زي دلوقتي كده ؟
انت محتاج تخاف على صحتك شوية وهما مش هيتكلموا ومتقولش سجارة واحدة مش هتعمل حاجة.. بكرة تكون مدمن.. وبعده متعرفش تبطلها.. وبعده تتجوز وتخلف وانت لسه بتدخن ليه تحط نفسك فالسيناريو ده ؟ انت لسه فالأول، بلاش تخلى الموضوع يوصل معاك لدرجة صعبة انت مش عامل حسابك عليها
طلما الاهل عرفو تقعد مع اهلك قعدة صراحة تحكلهم كل حاجة بتشرب من امتا و بتشرب اد اية و بتشرب دايما ولا تفريحي
لازم تتكلم معاهم بهدؤ وبصراحه وهما هيتفهموا وانت كمان لازم تحاول تبطل عشان صحتك
هما هيقدرو اول ما يلاقو انك صريح معاهم و بتحكلهم كل حاجة و باذن الله تبطل سجاير
قولهم انك عارف انك غلطان وعرفت غلطك وجيب مصحف احلف عليه قدامهم ومتشربش تاني خلاص