دلوقتي انا كان جسمي كويس مش رفيعه اوي اصلا بس وشي بس كان ضعيف بسبب نفسيتي ، اخدت عسل لدكتور ما زي سبع برطمنات بمبلغ وقدرة وزدت وبان عليا وكان موضوع طبيعي في البداية وبعدين وقفته او بطلته زي اسبوعين شهرين بس وجبت واحد تاني ولسه مرمي في الثلاجه ماليش نفس اخده ، انا مش فاهمه لما بطلته لقيت استرتش مارك كتير اوي في جسمي عند رجليا وضهري الموضوع بسيط لكن زي بقع غامقه كدا مش طبيعيه انا كان جسمي مافيهوش الحاجات دي ولا كنت بعاني من الحاجات دي ، مامتي هي السبب وهي حاسه بالذنب اعالج الموضوع دا ازاي ولا هيروح مع الوقت ، ولا الوضع هيكون اي ، دا عادي لو اتجوزت والحاجات دي موجودة هي حاجات بسيطه الحمدلله بس الواحد متضايق بجد وزعلان ع نفسه منهم لله بجد وحاليا من نفسيتي الوحشه مبقتش بقدر اكل وخسيت جامد ومبقتش عارفه اعمل اي او استرجع نفسي تاني ازاي ساعدوني يا بنات
بلاش تضايقي نفسك روحي ل دكتور تغذيه كويس ومتخليش حاجه تنكد عليكي
ستربتش ماركس عشان حصل نزول ف الوزن سريع دكتور الجلديه بيمشبها لو انتي حابه عادي لو هتروحي لدكتور ف خليها دكتوره بقي افضل عشان متنكشفبش ع راجل انا اصلا بحبش البنات التخينه ع فكره انتو بيبقي عندكم شويه أفكار غريبه يعني الرفيعه عايزه تتخن والتخينع عايزه ترفع و يعملو فيلر وبوتوكس كنت فاكر ده ناس قليله بس اتضح ان كتير جدا مهتم بكده لو اعرف بس كل ده بيتعمل لمين اصلا ف الأساس ان البنت تبقي منتقبه و لبس فصفاض يعني مفيش اي شئ باين ده كلام عام سرحت ف الكلام اسف مش لحالتك انتي المهم انتي ارضي ب شكلك دي واعرفي ان دي احسن صوره لان ده خلق ربنا لقد خلقنا الإنسان في أحسن تقويم
اسفه يا بيتزا
روحى ل دكتور جلديه شاطره تقولك تعملى ايه
بصي مش لازم تلعبي ف جسمك تتخنى وكده في شباب كتير بيحوبوكى زى زى ما انتى دى حاجة لما تتجوزى جسمك هيملا لما تاخدى حبوب منع الحمل جسمك هيملا تانى فا الافضل ليكى حافظى ع جسمك زى ماهو افضل
العلامات دي ظهرت عشان خسيتي لكن العسل ميعملش كدا اعتقد اتخني تاني هتلاقيهم اختفوا أن شاء الله
انا والدتي خبيره تجميل مش دكتوره، خبيره تجميل بيوتي سينتر يعني ممكن تكلميني وانا هحاول اساعدك علي قد ما اقدر
متزعليش نفسك، اللي حصل ده وارد جداً وكثير وقع فيه واضح إن العسل ده كان فيه كورتيزون وهو اللي عمل العلامات دي ودي حاجة بتتعالج مع الوقت أهم حاجة دلوقتي لازم تشوفي دكتور غدد وباطنة يظبطلك الهرمونات وبالنسبة لعلامات التمدد فلكل عندو منها ومبتعيبش البنت خالص. هدي نفسك وكلي لقمة بسيطة عشان صحتك وكله هيبقى تمام