كنت قاعد انا واتنين صحابي وكنا بنحكي تجربة كل واحد عن الجن وكده والمواقف اللي حصلت بعدها كنا بنتكلم علي جنيه معينة ف انا عملت نفسي مش فارق معايا وقعدت اقولهم اي يجدعان جمدو قلبكو وبتاع وخليكو رجالة ف وانا بقول اسمها اول ما قولت الاسم النور قطع احنا الشقة الوحيدة اللي في العمارة والشارع اللي النور قطع فيها😂😂 طبعاً كلنا اتخضينا وانا قومت رميت نفسي من البلكونة وقعت في صندوق عربية نقل وصحابي جمدو قلبهم واستحملو لحد باب الشقة وخرجو😂😂 كان اكتر موقف مرعب ويخوف عدا علينا احنا التلاتة اللي يضحك اي بقا يصديقي ان كارت العداد كان فصل في وقتها ممكن يكون عمل الجن فعلاً واحنا بنتلكك بالكارت بس الموضوع يستحق بصراحة😂😂