سلام عليكم محتاج اخد منكم نصايح انا كنت ف علاقة مع شخص كويس جدا و جوازنا مسألة وقت بس (كنا متفقين انه مع التخرج يعني ) هي كانت مخطوبة قبل كده و فركشت بسبب خلافات مع الطرف التاني (كان بيخونها) بس هو بعتلها مع صاحبتها انه يعني (اما انا او مفيش حد) فضل يبعتلها من اكاونتس فيك يحاول يرجعها و يدي صحباتها فلوس عشان يكلموها ويبعتلها ع أكاونت صراحة قديم كان عندها لما كان تريند و مسحته بس كان اللينك معاه و بعد كده بقى يعمل اكاونتس فيك و يبعت لزمايلنا ف الدفعة و يدخل يسألهم عليها ع انه بنت اكبر مننا و اخوها بيدور ع عروسة و بعدها بفترة بقى بيبعت رسايل ليها يتهمها ف شرفها حرفيا و يتتريق عليها انا طلبت منها تعرف ابوها و نبلغ عنه بس هي قالت هاتكلم ابوه الأول عشان يعني تحسبه على خير و اكيد هايعمل خاطر بس للأسف ده ماحصلش و دلوقتي قام بعت لأهلي و قرايبي رسايل قبيحة مفادها اني ابعد عنها و انها مش كويسة و بتستخبى ورا رداء العفة (وهو لو وافقت ترجعله هايرجعلها الصبح) وأهلي كذبوني و صدقوا الأكاونت الفيك وبقوا ف صفه بجد و دخلوا قالولها تبعد عني و هددوها وانا حاولت امنعهم بس مفيش فايدة و انا متأكد مليون المية انها بريئة من كل اللي اتقال عليها و هحاول اساعدها لحد لما حقها يرجع بس مش هقدر اخليها تعيش ف بيئة زي دي مع حد مش هايقدر يحميها و فشل حتى انه يدافع عنها انا حاسس ببلادة شديدة رغم ان ده مكانش اللي كنت فيه لما اتكلمنا اننا مش هانكمل فضلنا نبكي ٣ ساعات انا وهي و فضلنا نتكلم باحترام لكل حاجه حلوة كانت بيننا لإننا كنا فعلا كويسين مع بعض و ماحدش شاف من التاني وحش قد الحلو اللي شاقه ولا يجي ربعه حتى انا مش عارف اعمل ايه او اعدي الفترة دي ازاي كلمنا ظابط عشان يساعدنا وهنشوف ايه مطلوب الفترة اللي جاية ودلوقتي انا مش عارف اعمل اي حاجه ف الدنيا حتى النوم بنامه تعبان و مفيش أكل او شرب من ساعتها غير قليل القليل قولولي اعمل ايه