طول عمري كنت اسمع عن الناس الي فقدت اللشغف من الحياه والناس الشباب اللي مش حاسس بالدنيا كشخص عايش ميت وها انا اهو ماشي ف العشرين صاحي طول الليل زي العاده نزلت الساعه سته اجيب فطار وقفت قدام الباب وسرحت المكان شكلو غريب واتفاجات اني منزلتش من البيت بقالي اسبوع واه فعلا اسبوع او اسبوعين مش فاكر منزلتش تحت الباب حتي بصيت لنفسي ف المرايه لقيت دقني زي اللي كنت بشوفهم فكرت لقيتني امتحاناتي الاسبوع الجاي ومعرفش حاجه ومروحتش الحامعه من اول التيرم ولا حضرت سكاشن وببص لقيتني مش شغال عاطل كل ده بسبب ان ابويا بيقولي مش عايزك تقاسي وتشوف اللي انا شوفتوا مش عارف صراحه انا باكتب ده ليه بس يمكن لاني راجل مينفعش افضفض ف الحقيقه لحد او يمكن لاني معنديش صحاب اسباب كتيره مبقتش فاهمها ولا بقيت فاهم نفسي طيب ليه انا عايش مش عايز انتحر بس حياتي ملهاش لازمه هاوصل لفين مش عارف اخرتها وحشه ف كلتا الحالتين
حقك يخويا الطبيعي انك تحس بده لانك راجل فعلا واحده واحده لو تقدر تغير من حياتك اعمل ده انزل جيم حاول تعمل صحاب اكتر قرب من. ربنا قبل كل حاجه العب رياضه جديده حاول تقنع ابوك تشتغل جمب الدراسه لو كليتك تسمح ربنا معاك ومعانا