بصوا يا جماعة، الموقف ده لسه حاصل دلوقتي. أنا واحدة صاحبتي اتصلت عليا عايزة فلوس على فودافون كاش، وأنا ماكانش معايا. وصاحبتي أخوها مش موجود في البيت، وأنا في سكن طالبات وعاملين جروب لينا على الواتساب. فالمهم، في بنت أي حد كان بيبعت على الجروب إنه عايز فلوس أو أي حاجة زي كده، كانت بترد على طول وتقول إن معاها، حرفيًا دايمًا. فقلت أكيد هيبقى معاها. فرحت الأوضة لقيتها منورة، فخبطت خبطتين، وربنا شاهد عليا أنا خبطتين أصلًا محدش بيسمعهم. فهي تاني مرة ردت وقالت ادخلي. فتحت الباب وقلت لها: انتي البنت اللي بيبقى معاكي فودافون كاش صح؟ قالت لي: هو أنا بس الفلوس أصلًا أنا كنت ناوية أصرفهم بكرة، وبعدين انتي إزاي تيجي لي من غير ميعاد، ولا بعتّيلي واتساب، ولا قلتيلي أي حاجة، وجاية بتخبطي كده؟ بصراحة أنا في الأول اتصدمت، اللي هو من الوقاحة وقلة الذوق وطريقة الكلام، يعني هو في حد بالوقاحة دي؟ فبعدين قلت لها: أنا مش فاهمة يعني إيه؟ وبعدين أنا ماكانش معايا نت عشان أبعتلك، وأنا جيت لقيت الأوضة منورة، ماجتش مثلًا أخبط عليكي وإنتي بتذاكري أو أزعجك. قالت لي: بس انتي جاية بتخبطي، افترضي مثلًا البنت اللي معايا موجودة وبتتضايق من الصوت، أو بتتضايق إن حد كل شوية ييجي. قلت لها: حبيبتي ابعتي على الجروب وقولي إنك مش عايزة حد ييجي لك، لكن انتي بتتكلمي بالأسلوب ده؟ والأسلوب ده ضايقني جدًا، انتي بتتكلمي معايا كده ليه؟ وبعدين أنا ماكنتش جاية أتعرف عليكي، أنا واحدة جاية بسألك حاجة: ينفع أو لا، وخلاص. وأي حد ممكن ييجي يخبط عليكي ويسألك، يعني لو حد عايز سكينة مثلًا، هياخد ميعاد؟ أنا مش فاهمة انتي عايزة إيه. بعدين قالت لي: انتي عايزة فلوس يعني؟ قلت لها: أنا مش عايزة، وقافلت الباب ومشيت متفهمة ان فى ناس عايزة خصوصية بس مكنتش ردت زى ما قولتها مكنتيش رديت لو مش عايزة وكنت يعنى على جروب حقيقى مضايقة جدا مش متعودة حد يكبمنى كدا ورغم انى رديت عليها بكل ذوق بس مضايقة جدا معبرتش عن الغضب اللى جوايا من طريقتها وكان بشحن أو أسلوبها المفروض يعنى اخد معاد علشان اكلمها طريقة والله يا جماعة لو تشوفوا الطريقة حتى وبعدين سالت المس معايا هنا مشرفة ليلة قالتلى هى بنت قليلة الذوق ديما جدا أنا مستغربة ازاى كنت بترد عليكوا وتقول معايا المهم هل أنا كده غلطت في أي حاجة؟ وحقيقى آسفة طولت عليكوا