انا نفسي لمرة واحدة افهم مشاعري او افهم انا حاسة ب ايه مش قادره احدد مشاعري سواء تجاه شخص او تجاه نفسي.. دايما خايفه من المستقبل و بقلق بشكل غير طبيعي و علطول مخنوقة ببقى عارفه ان في حاجه هتحصل ف المستقبل و متاكده انها هتحصل و بردو ببقى رافضة انها تحصل و بفضل قلقانه لحد ما تحصل و بتفاجيء بردو انها حصلت، بحس اني مستحقش اي حاجه حلوة بتحصلي.. بحب شخص و هو مش بيحبني برغم انه عارف اني بحبه. دايما بحس اني مخنوقة من غير سبب واضح فا بتضايق اني مخنوقة و اتخنق اكتر و اقلق اكتر مش قادره احدد الي انا فيه ده ايه و دايما بلوم نفسي لو عملت اي حاجه غلط و حاسه ان محدش هيتقبلني على طبيعتي ابدا لازم اجي على نفسي و اسامح و اعدي و اعمل مش واخده بالي و لو جيت ف مره بينت اني مضايقة انا الي ببقى وحشة. بحس اني مستحقش اي حاجه ربنا بيديهالي لاني بعيده عن ربنا.. بحاول اجاهد نفسي على قد اما اقدر لكن الموضوع بالنسبالي صعب اوي كان في حاجز.. مش برتاح مع اي حد من صحابي ابدا ولا في الكلام معاهم بحس انهم مش هيفهموني معاهم حق انا مش فاهمه نفسي و بحس انهم حتى لو فهموني مستحيل يقدروا اي حاجه انا بمر بيها بحس اني محتاجة نصيحه من شخص كبير و ناضج مش مجرد حد ف نفس سني بس دايما مش بلاقي ده لان ظروف البيت مش احسن حاجة

0

6