عندي رهاب اجتماعي بخاف من الناس ومش عارفه اتعامل

French Fries_89315 🇪🇬

منذ 3 أيام

شعور متوتر

عندي رهاب اجتماعي بخاف من الناس من اي تعامل بتعامل بس من ورا شاشة زي م تقوله كدا اخري شات بخاف انزل الشارع لوحدي مقدرش اصلا انزل رعب بنزبالي ادخل محل اي حاجه بتوتر وبخااف اووي ونا صغيره كنت ع طول محبوسه ف البيت انت بنت مفيش خروج مينفعش تطلعي لا انت لسه صغيره لو كنت طلعت من الدرسه قبل م بابا يجي ياخدني اكون بشتري حاجه مثلا او مع حد من صحابي يزعقولي وضرب ف بقيت ع طول جوا البيت وخايفه لما بخرج اكتر من اني اروح لدكتور وبابا معايه وخلاص غير كدا استحاله دروسي كلها خاص مرا واحده لقيت بابا وماما عايزني اطلع واخد دروس برا وتعامل مع ناس وكدا وطبعا البيت زي ف مكان معزول ف بركب موصلات عشان اروح منطقه تانيه ا فيها الدروس وكدا طب انا مش عارفه اتعامل اصلا معرفش الناس بتقول لبعضها اي عايزين تسبوني كدا مرا واحده ف الشارع مش هعرف اتعامل وهخاف بتكسفف اوووفر او بخااف مبعرفش اتكلم من الخوف لازم حد يبق معايه معنديش صحاب بيقولولي هتتعرفي ع ناس اكيد لما تنزلي والناس هتعرفك نفسي اقنعهم ان مينفعش اروح لبنت وقولهت ممكن تبقي صحبتي اي دا يااعني ايي اصلا خايفه اخرج و فنفس الوقت تعبت من البيت زهقت ضغط نفسي وخناق محدش مقدر مش فاهم انا حاسه بأي مش فاهمين اني ممكن اكون عديت ب حجات وحشه كتيرر اووي لوحدي عشان هما مش مهتمين يبقو جمبي ولو اهتمو بيبق فضول عشان يتخانقه بس كرهت الصوت العالي كل حاجه بصوت عالي وضرب زهقت حاسه اني عايشه متهدده ع طول كل شوي ذاكر اطلعي انت ليه مش زي البنات دي انت مش بتتكلمي ليه خليكي لوحدك ف اوضك الضلمه مش عايزينك بتقفلي باب الاوضه ليه بتعملي اي اوووف غير الخناق ع اتفه سبب بياخدو من طاقتي كتيرر لازم ابعد ع الاقل اشوف شارع ناس مش عارفه اتعامل ولا اخرج الناس بتقول لبعضها اي اصلا ف محل ف موصلات ف شارع بجد ولله مش بهزر ياعني لو داخله اشتري حاجه اقول اي؟

طالب أزهري محتاج حد يفهمه - حياتي كلها ضغط

السلام عليكم ورحمة الله وبركاته، أنا مش عارف أبدأ منين، بس حابب أفضفض وأحكي اللي جوايا يمكن أرتاح شوية، ويمكن ألاقي حد يفهمني أو يوجهني. أنا طالب في الصف الثالث الثانوي الأزهري، وحاسس إن حياتي كلها ماشية بالعكس، وكل حاجة بتضغط عليّ من كل اتجاه. من وأنا صغير، وأنا بتعرض لحاجات سيئة جدًا. اتعرضت للتنمر والضرب والإهانة من أهلي النرجسيين ، اللي دايمًا كانوا بيقللوا مني ويكسروا ثقتي في نفسي. كانوا بيمنعوني من إني ألعب مع الأطفال بحجة إنهم مش مؤدبين، ولو خرجت أتعرض للعقاب. حرّموني من أبسط حقوقي، وكانوا بيحاسبوني على أي غلطة، حتى لو كانت صغيرة جدًا. كمان كنت بتعرض لتحقير وتفرقة، مش بس بيني وبين إخواتي، لأ كمان حتى بيني وبين الناس الغرب. ومرت عليّ مواقف مؤذية جدًا، واتعرضت للتحرش واتعرضت للتنمر والضرب والاهانه من المدرسين وزمايلي وقرايبي ، وده خلاني أنعزل تمامًا، وأهرب من الواقع في حاجات زي الإباحية والعادة السرية، وفضلت متعلق بالموبايل طول الوقت، لحد ما بقى هو العالم الوحيد اللي بلجأ له. الإدمان ده عمل فيّ حاجات كتير، وبقيت أحس بميول مش طبيعية ، وبقى عندي رهاب اجتماعي حاد، ومش عارف أتعامل مع الناس، ولا أكون علاقات، ولا حتى أفتح مواضيع عادية. كل ده خلاني أحس إني مختلف عن الكل، ومش قادر أعيش حياة طبيعية. دلوقتي أنا في ثانوية أزهرية، والمفروض أكون بذاكر علشان الامتحانات قربت، بس أنا مش قادر أفتح كتاب، كل ما أحاول أذاكر بفشل، وكأني في حاجة جوايا بتشدني لتحت. بفكر أأجل السنة، بس أهلي، وخصوصًا والدي اللي مسافر، بيضغط عليّ جامد علشان أدخل كلية الطب. المشكلة إنهم سيبوني في بداية السنة لوحدي، ورحلوا عند بيت جدي اللي أنا أصلاً كنت مطرود منه، وفضلت من غير فلوس ولا أكل، ومن غير أي دعم، ومع ذلك بيتوقعوا إني أكون متفوق. والدي لو عرف إني ممكن أأجل بدون ما ادخل كذا مادة ، أكيد هيمنع عني الفلوس، وممكن يطردني، وده مش أول مرة يهددني بكده وعمل دا قبل كدا العيلة كلها بتتعامل معايا بجفاف شديد، ومفيش تفاهم، وكل شوية مشاكل على حاجات تافهة، وأخويا الكبير نرجسي وبيضربني لدلوقتي ضرب مبرح لاي سبب تافه ، ومفيش أي إحساس بالأمان في البيت معاييش فلوس تكفي اني اروح لمعالج نفسي حاسس إني مخنوق من كل حاجة، من الدراسة، ومن البيت، ومن نفسي، ومفيش أي حد جنبي، لا أصحاب ولا دعم من أي نوع. الوحدة بقت خانقة جدا ونفسي يبقى فيه اي حد يسمعني بس حتى ، والضغوط النفسية والدراسية خنقتني أكتر، وكل ما أحاول أخرج من الحالة دي، برجع أقع تاني. فكرت في الانتحار كتير، بس دايمًا بخاف من ربنا، وبقول إن ده حرام، وبحاول أقرب منه، بس حتى ده مش قادر أواظب عليه. بحاول أصلي أو أقرأ قرآن، بس دايمًا بحس إني بفشل. لسه عندي أمل، بس في لحظات بحس فيها إني ضعيف جدًا، وإن مفيش فايدة، وإن الحياة دي تقيلة عليّ أوي. أنا مش بكتب الكلام ده علشان أشكي وخلاص، أنا بس حبيت أفضفض، وأمكن ألاقي كلمة تخليني أتمسك بالحياة شوية. لو حد قرأ رسالتي دي، فشكرًا ليك، وشكرًا إنك سمعتني، وربنا يجازيك كل خير. ...عرض المزيد

13 الدعم

7 نصيحة

ازاي اتخلص من الرهاب الاجتماعي والتوتر في المناقشات؟

ازااااااااااي اتخلص من الرهاب الاجتماعي ورايا مناقشات كتير و السنه الجايه مشروع تخرج و الواحد حتي اللحظه بيتوتر و بيخاف و هو طالع جيه في حظي في المرتين اللي ناقشت فيهم لغايه دلوقتي اول مره كنت مع الدكتور في المكتب ف الموضوع عدي و المره التاني كانت مع الدكتور بس بردو بس كنت متوتر جدا و كان باين عليا اوي و انا بتكلم خدت الفل مارك في الاخر بس كنت بتهته و متوتر اوي ف اعمل ايييييييييييه حد عنده حللللللللل ...عرض المزيد

13 الدعم

8 نصيحة