أخت

عندي مشكله النهارده كنت نازل عايز اجيب بيزك وقولت هروح واختي الصغيره امي قالتلي خدها معاك هاتلها بنطلون خدتها معايا وجبت الحاجه وملقيتش ليها بنطلون شربنا عصير وكلنا مولتو واتمشينا لحد ما رجلنا وجعتنا بس كانت خطوه حلوه جدا صراحه واتفقت معاها لما اختي التانيه تخلص امتحانات نخرج احنا التلاته نفس الخروجه ونجيبلها نقابات وطبعا كله على حسابي 😂🤍 دمتم في امان الله #رحلة تغيير

كان نفسي يبقا عندي اخ كبير ممكن حد يشوفها هيافه لكن بحس اني هعيط كان نفسي يبقى عندي حد قريب مني اقدر احكيله أسراري ومشاكلي من غير ما اخاف أو اتصنع ويعوض الحنان والعلاقه الزفت اللي بيني وبين ابويا بدل منا عماله اتعلق في الرايح والجاي المضحك اني عندي اخت اصغر مني لكن علاقتنا مش أحسن حاجه يعني متربيناش اننا نبقا قريبين من بعض ونحكي اسرارنا لبعض لما بشوف أختين قريبين من بعض بعيط انا اخت وحشه وابنه وحشه بجد بحس اني مليش لازمه في الحياة حتى في حياتي كلها فاشله كل حاجه تتخيلوها في اي جانب من جوانب الحياة عندي مشكله فيها بحس اني مفرقش عن طوبه في الشارع مثلاً

أنا بكتب الكلام ده لأني حاسس بتوهة كبيرة ومحتاج أفضفض بقيت عالق بين حاجتين مفيش أصعب منهم خسرت شخص كان زي أختي ولسه مش قادر أستوعب غيابها ولا أطلع الموضوع من بالي وفي نفس الوقت لسه محبوس في ذكريات علاقة حب قديمة مش عارف أتخطاها ولا أنساها بقيت حاسس إني واقف في النص ومفيش طريق عارف أمشي فيه والمشكلة الأكبر إني بقيت خايف جدا من الوحدة ومن إني أكون لوحدي في الوقت اللي أنا محتاج فيه بجد أخرج من الحالة دي وأرتاح

اكتر ساوند بيتردد ف دماغى مؤخرا (ليلو) وهى بتقول عاوزة حد يبقا صاحبى حد ميسيبنيش و يمشى ممكن تبعتلى معجزة ساعات الإنسان بيحس انه لوحده دايماا و معندوش حد يشاركه اشيائه المفضله و مغامرات يومه و حتى الحاجات التافهه حد يروحله بمنتهى الحماس و يسمعه بمنتهى اللهفه حتى فكره ان كان نفسى يبقا عندى اخت تشاركنى كل دا مش عارفه اموڤ اون منها

يعني بجد هو ازي الوحد يقدر يتخطي شخص كان شيفو اخت يعني انا معنيش اخوات وهيا اكتبرتها اخت و فجاه حصل سوء تفاهم وهيا عرفت تجمد قلبها عليا وانا مش عارف اتخطي الموضع يعني انا شايف حياتي وبنزل يمكن انا معنديش صحاب عندي معارف كتير اوي وانا حياتي مشايه بروح الشغل بنزل و اهزر بس هيا مش عايزه تطلع من بالي

دلوقتي انا عايزه حل بسرعه جدا أنا كنت بتكلم مع اختي الصغيره و بحكي عن كلام سري جدا زي اني مع اي واحده أنها تدافع عن حبها و تكلم الشخص اللي سبها لحد ما توصل لحل و ترتاح وكلام كتير و اني مع البنت أنها تكلم والولد و الكلام ده و بعدين حكيت عن قصه حب قديمه ليا كنت بحب شاب و ان هوه محبنبش و كده بس اكتشفنا أن بابا كان بيتصنت علينا و بيسمع كل كلامنا و دخل قال أنا سمعت كل حاجه و انتو بنات قذره وكلام اخر قرف و تف علينا و مشي و بعدين اختي الصغيره راحت و قالتله انت فاهم غلط و أن أنا كنت بحكي عن حاجه قديمه و هوه مش فاهم اصلا و فاكر أن الموضوع جديد و بعدين قال لأختي ما انت ضائعه اصلا و بتكلمي ولاد و شوفناهم و قعد يبهدلها(قفشو اختي الصغيره بتكلم ولد علي الموبايل)بس حرفيا طريقتهم صعبه و مش بيتعاملو معانا أننا بنأدمين أنا دلوقتيي اعمل ايه معاه هما محافظين اوي بس مش عارفه فكرت في فكره اقولها ( فكرت اني هبرر كلامي بأنه أول موضوع ده كان بوست علي الفيس و اني كنت بقولها الكومنتات اللي البنات بتقولها و أن هما مش معترضين عشان اشوف رد فعلها و تاني موضوع اني أنا كنت بحكي قصه شم.حقيقيه اصلا بس كنت بقولها عشان اخليها تخاف و تعرف أن العلاقات ديه غلط و هتأذيها و اني شوفت الطريقه ديه في فيديو و بيقول انك توصل المعلومه بطريقه غير مباشره عشان تخاف علي نفسها)

اختي خطيبها مسافر المهم خطيبها بيزعل لما بتتأخر برا وهي كانت خارجة مع ماما تجيب لبس بفلوس هو باعتهالها بمناسبة يوم ميلادها فكانت بتدور على حزام اللبس بتاعها فبقولها ان الحزام التاني لايق وخلاص عشان تلحق تخرج وميحصلش بينهم مشكلة راحت مزعقالي وقالتلي انتي مالك كدا عليا ولا عشان خطيبي باعتلي فلوس ورايحة اشتري لبس انا يتقالي كدا دي لما فسخت خطوبتها الأولانية كان بيجيلي عرسان مكنتش فرحانة عشان مش هستحمل اتخطب قبلها خصوصا انها أكبر مني وفي الآخر تقولي كدا كلامها جرحني ازاي بتفكر فيا كدا لما بتكون زعلانة بخرجها ولما بتروح فرح او شبكة بروح معاها عشان متكونش لوحدها مع ان الحجات دي مش جوي اوي واول مرتب ليا جبتلها بيه شوكولاتة انا مش مستعجلة على الجواز خصوصا اني ٢٣ سنة وجالي ناس كتير بس انا رافضة عشان عايزة شخص مناسب محترم انما الفكرة انها ازاي تفكر فيا كدا حتى لما حماتها وحماها ييجو بستقبلهم احسن استقبال وبخليها قاعدة ملكة ونا الي بجيب واقدم كل حاجة واتاكد ان كله تمام هي اعتذرتلي بس بكبر كدا ونا مش هنسى الي عملته ومش هرجع زي الأول

حد جرب احساس انه يبقي لوحده بس مش لوحده دا اللي هوا انت لوحدك بس ف ناس حواليك عادي احيانا بقنع نفسي ان سبب الاحساس دا اني معنديش اخت او حتي صاحبه قريبه بجد اللي ممكن اكلمها الفجر و ترد عليا عادي مع ان عندي صحاب و عندي اهلي بس يستمر الشعور بالوحده

اختي دائما بتلعب دور الضحية و مبتعترفش بغلطها أبدا و لما واجهتها معترفتش و قالت إن انا ال كدا و دائما طريقة كلامها ..انا بردو ال كدا ؟؟.. يعني مثلا هي ال عملت الفعل و انا عملت رد الفعل مين الغلط هي لا هي مش شايفة دا نهائي و بتهاجم و انا بدأت اشك فنفسي حتي لو معايا حق بسبب طريقتها انا قرفت و مش عايزة عقلي يتلعب بيه

بس مش عايز احس بالم الفراق بس نسبة جوازنا شبه مستحيله وانا مش مازوخي كله الا كرامتي لما اسيب فهفضل اتالم في صمت عليها وعلى حبنا فاهم وبرده خايف افضل معاها تتعلق بيا اكتر واكتر +اختها الكبيرة وجودها بيعمل مشاكل وحتى لو مابيعملش مابقيتش مرتاح وفي حد داخل في خصوصيتنا وبيقرا شاتاتنا+خايف اسيب وبقيت في دايرة صعبه اوي

ف حاجه مضيقانى انا اصغر من اختى 6 سنين وهيا لسه نصيبها مجاش ف الجواز لأن هيا حاطه شروط للشخص اللى هتتجوزو هيا حاجات مش صعب انها تبقى موجوده وماما طبعا زى اى ام نفسها تفرح ببنتها وبيحصل دايما مشاكل بسبب الموضوع دا سواء مع اختى أو معايا انا مش عايزه اتجوز قبل اختى الفكره نفسها مرفوضه بالنسبالي وكمان انا شايفه انى لسا هكمل دراسه بعد الكليه ولسا هيبقى ف فرص احسن سواء تعليم أو من كون حد باعت مامته تدوره ع عروسه وهو مسافر ف انا مش حابه دا خالص و برضوا رافضه فكره الارتباط انا عايزه اكون اختيار الشخص نفسه السؤال بقا هل تفكيرى منطقى ؟

كيف اتخطى واتجاوز الم انه كل العائلة تفضل اختي علي ويهتمو بيها حتى الناس يسئلو عنها ويمدحوها وانتي لا يشوفوك فاشله ، يشوفوك ماتسوي شئ تعبت والله كل يوم والله العضيم كل يوم يمر لازم ابكي فيه بكل قوة من شدة القهر والالم لي احسه صرت ماطيقها ، وهي لما شافت الناس تعملها هيك صارت تدخل بشؤني

مره كنت بتشاكل مع اختي وفنص الكلام قالتلي (عشان كدا محدش بيحبك وكل الناس بتكرهك) ومره مع ماما وقالتلي (انتي لازم تتعالجي نفسياً) مره كانت حياتي حرفيا بتدمر وعلاقتي كلها بتدمر وحكيت لصاحبتي وعشان نسيت حاجه كنا كاتبينها مهمه قالتلي (انتي تستاهلي كل الي بحصلك) المشكله ان مكنش ليا غيرها ساعتها كرهوني ف نفسي

عايزه نصيحه اختي ثانويه عامه وعايزه تقعد من الدروس وبتقول بتضيع وقت ومش بتستفاد من الدروس ومفضلش حاجه علي الامتحانات وبتضيع وقت ف البيت كمان ومش بتحل كتير وبتنام وقت طويل وانا تعبت بصراحه ووالدتي وهي بيعاندوا وماما رافضه تسيب الدروس تماما ، وانا مبقتش عارفه اعمل ايه يعني اوافقها عشان متلومناش بعدين او ترمي علينا سبب النتيجه لو لاقدر الله مجبتش اللي بتتمناه ، اعمل ايه ؟

اختي لما ثقتها فيا خلصت وصلت لدرجه انها بقت بتفتح تليفوني وتشوف الشتات بيني وبين صحابي لدرجه اني بقيت بمسح اي شات بيني أنا وصحابي قبل ما هي تيجي واقولها التليفون بيعمل كده لوحده مرعوبه💔

انا مقتنعه جدا جدا ي اصدقائي أن محدش بيحب حد احسن منه حتي لو اخوك او اختك اللي من دمك (اقرب الناس ليك) ؟؟؟🥲💔 دا السؤال اللي كنت بسأله لما كان اي حد يقولي كدا بس اكتشفت مؤخرا للاسف أنه ايوه محدش بيحب ولا عايزه حد احسن أو افضل منه عندي اخت اكبر من ب ١٠ سنين هي اللي مربياني الحقيقه، اتزوجت وانا لسه ف اولي ابتدائي كنت طلفه لسه بتتعرف علي الحياه معرفش يعني ايه يكون عندي اخت وسري يكون معاها ونكون اصدقاء علاقه كدا اكيد اللي مجربها هيفهمها. لكن انا عمري ما حسيت أنها قلبها عليا عمرها ما نتصحتني ، عمرها ما خدتني ف حضنهااا لما دخلت الثانويه العامه كانت بتقول عليا مش هنفع عمرها ما شجعتني علي دا لما كنت بروح اتكلم معاها في حاجه مزعلاني كنت بشوف في عينيها نظرة الشماته فيا تسمع وماتردش قد ايه كان نفسي لما اخلص كلام اترمي ف حضنها واعيط مش عايزه اسمع حلول أو اي كلام من اي نوع كنت بس محتاجه أن حد يفهمني ارقامنا عند.بعض عمرها ما لقيتها بتتصل بيا تطمن عليا لازم انا اللي ابدأ وانا اللي اسأل مين ي جماعه اللي المفروض يسأل ع التاني الكبير يسأل علي الصغير ولا العكس دايما بتقارن نفسها بيا مثلا تقولي وانا ف سنك دا كنت بعمل وبعمل انتي دلوقت بتعملي ايه يعني دايما بتقلل من زعلي وبتفه من مشاعري وبتسخر مني وكل الكلام دا ميعبرش عن واحد ف الميه عن الشعور اللي بحسه من كلامها لان مش كل حاجه ممكن يوصفها الكلام دعواتكم ليا..

أنا عندي مشكلة كبيرة، و هي أن أختي الكبيرة تغار مني تموووووت، و لحقت حتى لأن عاداتني و قالت لأختي الصغرى أنها لا تعترف بوجودي و أنا حبيبة أبيها و هو يحبني كثيييييرا، و في السابق كان يحبها أكثر لأنها كانت تحفظ القرآن و كذا، لكن هي لا تتقبل الانتقادات و تكره أبي منذ كنا صغارا، كانت تحرضني عليه و الآن صارت تكرهني أنا أيضا و تتحدث عني بسوء مع صديقاتها، و انا بصراحة صدمت عندما قرأت تلك المحادثات و كمية الغل و الكره فيها أخشى أن يتعدى الأمر مجرد الكره و تصير تآذيني بأفعال أو تحاول تشوهني أمام عائلتي، إذا عندكم حل لا تبخلو علي به لأنني تعبت حقا من الموضوع و صار يشكل لي هاجس و يؤثر كثيرا على نفسيتي، علما أنني لم أوذها أبدا من قبل 🥺💔

يا رجالة أنا راجل محترم وعيلتنا ناس محترمة ومحدش سمع صوتنا ولا عمرنا أذينا حد ودا مش تشكير بس دا فعلا والله النهار دا عرفت أن اختي كانت على علاقة مع شاب كان اتقدملها من فترة واحنا رفضناه لسوء سلوكه ولكنه بوساخته وندالته غواها وكلمها وفي كلام أنه قابلها والله أعلم اي اللي حصل وفرحها كمان أسبوع على حد ٱخر مش عارف اعمل اي ولا اتصرف ازاي أنا عقلي هيقف

في يوم والدتي قالتلي أنا عاوزاك تبطلي كلام مع فلان قولتلها أنا عمري ما كلمت حد وفضلت مصرة أننا كلمته و بعدين وقعت في الكلام وقالت إن ابن خالتي هو اللي قالها اني بعمل كده (ابن خالتي في نفس عمري) و عدى الموضوع على خير و بعدين اختي في يوم نسيت اللاب مفتوح و لاحظت أنه بيكلمها و باعتلها علي الواتس و مرتبطين ببعض و من صدمتي فضلت اقلب في شأنهم و مكنش هاممني خصوصية او انها تزعل مني أو اي حاجه و لقيت ان هو اللي قائل لوالدتي ان أنا بكلم فلان ده و فيه بيننا علاقة واختي كمان سمحتله أنه يطلع عليا سمعه زي ده واكتشفت اصلا أن والدتي وخالتي عارفين انهم بيكلموا بعض ابص في وشهم ازاي دلوقتي و هم مسببينلي مشاكل نفسية وفي المقابل هم مبسوطين و كل واحد في حياته مع ان أنا بالشكل ده انضف واحد فيهم واكتر واحد متسببله مشاكل

سؤال يا بنات لو اكتشفتي أن كل حاجه بتحكيها لأختك بتوصلها لجوزها وأهله بأدق التفاصيل والكلام و ف نفس الوقت تلاقيها واقفة ف صفهم بالرغم أنهم غلطوا ف حقك بالجامد و ذلوكي و برضه واقفة ف صفهم وبتبررلهم غلطهم تعملي معاها ايه بالظبط ؟؟؟

من فتره مش كبيرة اوي لاحظت ان اختي بقت بتتصرف بطريقة غير عادتها ، يعني كانت مثلا بتخاف حد يمسك تيليفونها و كل شويه يجلها مكالمات ، المهم انا اكتشفت انها بتكلم ولد وقتها ، قعدت كتير مقولتش لحد علشان احنا معدناش اب و امي مش مسؤله و لو عرفت هتكلم خلاني و هيقتلوها ، يعني حرفيا هيقتلوها و انا مكنتش عايزة دا اكيد ، المهم وقتها بدأت المحلها ان الموضوع حرام و الكلام دا و لما لقيت انها مبطلتش كلام معاه صارحتها و اتخانقنا جامد و وصل اني مديت ايدي عليها ، كلمتها بالدين مره و بالتهديد اني اقول لخلاني مره و اني ازعق و بكل الطرق و هي مش شايفه انها غلطانه اصلا ، المهم وقتها انا كلمت الولد و شتمته و قلتله متكلمهاش تاني و هو طلع فعلا بايعها و مكلمهاش تاني ، انا قلت انها اتعظت و خلاص سكت و الموضوع عدي ، من اسبوع بدأت بنفس الحجات الي كانت بتعملها ، بتخاف حد يمسك الموبايل بتاعها و بيجلها مكالمات كتير من رقم هي مسجلاه حرف H بس المهم لما حست اني بدأت اشك غيرت الباسوورد بتاع تيليفونها و خلت الاسم من حرف ل اسم بنت hana المهم الموضوع مأكلش معايا يعني و امبارح و هي بتستحمي لقيت تيليفونها مفتوح ف اخدت الرقم الي بيكلمها دا و حطيته علي الترو كالر و لقيته ولد ، انا مصارحتهاش لاني مش قادرة اعمل معاها مشكله تاني ، هي المفروض اكبر مني و واعيه لكن هي بجد مش ناضجة خالص و انا عندي مشاكل تكفيني مش قادرة اكلمها و اتخانق معاها و اعمل مشاكل ، و المشكله اني حتي لو صارحتها و قلت لخلاني ممكن يعملوا فيها حاجة و اكون انا البنت الوحشه الي مسترتش علي اختها ، انا بفكر مقلش لحد و اسيبها مع نفسها بس هي اي حد بياكل بدماغها حلاوة و لو طلب منها حاجة مش تمام هتعملها و وقتها هنروح ف داهيه كلنا معاها ، عايزة اقتراحات اعمل ايه علشان بجد مش عارفة و بدأت احس بقرف منها بصراحة . اسفه للإطاله.

ماصليتش العيد ولا تجهزت حتى فليلة لعيد لا عملت شعري ولا ماسكات ولا اي حاجة عشان زعلانة بسبب اختي دلوقت زعلانة بجدد مع اني بحب العيد جدا وكان مستحيل افوت الصلاة

انا بنت وليا اختي الكبيرة من ساعة ما اتجوزت وهي حرفيا كل مادا بتبعد عني بسبب جوزها دايما يوقع بيننا واحنا من زمان متعودين أما حد مننا بيجيب حاجه جديده بيوريها للتاني لكن دلوقتي بقت بتخبي مني الحاجة وأما اشوفها لابسة حاجه جديده تخبيها تقولي اخاف حد يشدها مني أو ديه مقفولة والقفل ف البيت وبتحسسني اكني حرامية أو هسرقها وموقف تاني كنت بنضفلها اوضتها واول ما جيت ف درج الدهب جريت و اخدته من قدامي بسرعه وخبته .. انا حرفيا وقفت مصدومة و مش عارفه انسي الموقف ده بالذات .... هو كل ده طبيعي ؟! والمفروض اتعامل معاها ازاي بعد كدة