19 Mar 2026يشعر بـ مُرهق
انا بنت وليا اختي الكبيرة من ساعة ما اتجوزت وهي حرفيا كل مادا بتبعد عني بسبب جوزها دايما يوقع بيننا واحنا من زمان متعودين أما حد مننا بيجيب حاجه جديده بيوريها للتاني لكن دلوقتي بقت بتخبي مني الحاجة وأما اشوفها لابسة حاجه جديده تخبيها تقولي اخاف حد يشدها مني أو ديه مقفولة والقفل ف البيت وبتحسسني اكني حرامية أو هسرقها وموقف تاني كنت بنضفلها اوضتها واول ما جيت ف درج الدهب جريت و اخدته من قدامي بسرعه وخبته .. انا حرفيا وقفت مصدومة و مش عارفه انسي الموقف ده بالذات .... هو كل ده طبيعي ؟! والمفروض اتعامل معاها ازاي بعد كدة
متروحيش عندها المفروض من بعد حوار الدهب مكنتيش روحتي اه اختك وع دماغك من فوق بس كمان لازم تستوعب ان ليكي كرامه
في الاول و الاخر هي اختك ، حاول تتكلمي معاها الاول و لو لاقيتيها مصممة على موقفها اتعاملي شوكة و سكينة و ماتحرجيش نفسك
بصراحة حطي حدود بينكم في التعامل بعد كدة حوار الدهب ده صعب اوي
بصي الخصوصية مش عيب ومن حقها انتي ممكن بس تقعدي معاها في وقت لذيذ كدا وتكلميها انك اتضايقتي من كذا وكذا وانها وحشتك والله الإنسان مهما كان بيبقى فيه نقطه حلوه غالبا العبي على الحته ديه خلي بالك ان الخصوصيات ديه مبقتش حره فيها انها تقولها عندها حد بيشاركها الخصوصيات ديه متضايقيش الموضوع بسيط وهي بتحبك شكلها جدا
تنضفى ليها اوضتها ليه اصلا هل انتى بعد الجواز هى هتكون فاضيه تيجى تنضفلك ؟! ولو اختك معاها عيال ف اعذريها بتكون مشغوله معاهم فممكن دا السبب انها مش بتوريكى الحاجات الجديده
عامليها بمعملتها ليكي وشكرا