أسرة

مهما اهلنا كانوا كويسين بس هما اذنونا بشكل ما وانا اتأذيت وبحاول اصلح نفسي و زعلانه اوي (هكمل الكلام بأي حاجه)اغيب و اقول دا زمانه نسيني ما هو لو ينسي هينسيني طول ما هو فاكر هفضل فاكر ايوه اومال انا بسأل ليه

ازيكوا عاملين ايه انا بنت كبرت في السن و نفسي كنت اكون اسره و احس اني ممكن احب و اتحب و لكن محصل و انا ليا اخت نفس الموضوع ناس كتير اتكلمت معايا على اني اتعملي ليا و اختي عمل بكدا و اكدوا الموضوع و لكن احنا لسه زي ما احنا و بقى سننا 43 سنه و احنا نفسنا نحب و نتحب و نكون اسره بجد و ناس كتير كانت تهجمنا على ان احنا سبب في الموضوع و ناس تانيه تقول اكيد ناس كانت بتتقدم و احنا اللي بنرفص و لكن بجد مفيش و ناس بتهاجم بدون سبب هو احنا الغلط من عندنا مش قدرين يفهموا ان الموضوع بعيد عننا

عايزا احكيلكم علي حاجة دلوقتي انا حماتي كويسة معاايا جدا وبتحبني وبتعاملني حلو بس من فترة انا عملت حاجة زعلتها وهو انا مش هقول اني مش غلطانة بس انا كنت في فترة مش تمام ف هي من وقتها وهي اتغيرت معايا ١٨٠ درجة بقيت تتعامل معايا ببرود مش زي الاول خالص واوقات بحس انها بقيت تكرهني مش عارفة بتعمل حاجات كتير يتضايقيني وانا مكنتش عايزا نبقي كدا بالاخص اني كنت معتبراها هي كل اهلي

خايفه من لحظه المواجهه بيني وبين بابا خايفه من اللحظه اليهيرجع فيها ندمان ويقولنل نرجع حاجه زي ما كانت بس مش فاهمه ازاي ممكن يرجع بعد. كل الي عمله دا ويطلب نصلح حاجه انكسرت لما افكر في الموضوع اقول مستحيل اسامحه وأوقات تاني بحس اني مجرد ما اشوفه بس هنسي كل حاجه ..... وفي النهايه كل دي مجرد تخيلات لأن هو اكيد نساني

طول الوقت بحس ان ف حاجة كبيرة جدا نقصاني والسبب ف دا للأسف هي ماما، شخصية لسانها صعب ومش بتراعيني ولا مهتمه ل مشاعري ولا تعبي، اهم حاجه الحاجة اللي هي عايزاني اعملها، سواء شغلي او شغل البيت، يعني النهارده مثلا شيفاني تعبانه جدا ومع ذلك قمت ساعدتها بس ع مقدرتش اعمل حاجه معينه حرفيا سمعتني كلام صعب وبتدعي عليا، وبتفتكر اني بتدلع! دايما شايفه ان بابا مدلعني، وبسبب كلامها علاقتي بيه بقت وحشه، طول الوقت بفتقد حتته الحنية، نفسي متقارنش بطوب الأرض ع كل كبيرة وصغيرة، نفسي احس يعني اي حضن ام ويعني اي حنيه الأمهات اللي بيقولو عليها بدل ما واحده بتدعي عليا اكتر ما بتتتفس 💔، نفسي تبطل تخلي كلام الناس يأثر عليها كدا وف الرايحة والجاية تعايرني اني مشتغلتش بشهادتي او متجوزتش او او، ونا لسه يادوب ٢٢ سنه مستنيه مني اي بجد انا تعبت 💔 استغفرالله العظيم والله بس بحس اني مبحبهاش ومش طيقاها بجد غصب عني

مش عارف انهى مبدا من مبادئ القوامه تخليك تبص لفلوس زوجتك كان ميراث او فلوس شغل يعنى تبقى محتاجه فلوس للبيت او تكشف تقول ما هى معاها فلوس تاخد من فلوسها ما هى فى زمتك ولو انها تصرف على نفسها يبقى خلاص ما تبقى فى زمة نفسها بالذات انك مش الزوج الرائع يعنى يارب نفهم ان القوامه مش تحكم وفرض سيطرة القوامه انك تبقى رجل يخاف على اهل بيته ويحميهم ويسهل عليهم حياتهم ويقومهم ان اخطأوا وهدفك انك تكون اسره هدفها الاخره والجنه ربنا يهدى ويهدينا جميعا واللهم لا تجعلنى مثله واصلح لى دينى و حالى وخلقى ونفسي

ايه تصوركو عن الاسره السويه اللي محتاجين تعيشو فيها او ناويين تبنوها فالمستقبل ان شاء الله ؟ انا مثلا عندي تخيل اني يكون عندنا اجتماع كل يوم جمعه بعد الصلاه بعد ما الاب والولاد يرجعو من الصلاه نكون انا والبنات مجهزين كيكه او حلويات ومشروبات ونعمل اجتماع عائلي كل واحد يتكلم فيه عن اي حاجه يحبها او حاجه مضايقاه من اخوه او حاجه عجبته فيشكره عليها او عنده مشكله نحلهاله عشان محدش يحتاج لحد من بره ونبقي كلنا شايفين بعض وبنحب بعض مش محتاجين يدخلو فعلاقات تانيه عشان يلاقو اهتمام ورعايه من بره 🥰

عاوزه اسال عن شعور عدم الأمان والاستقرار في الاسره أن هل لمجرد أن بيصؤف الأساسيات بتاعت البيت الي اقل كمان بيكون كده اب هل الاب الي يطرد عياله ويفرج الناس عليهم ويجيب في سيرتهم مع القريب والغيب هل ده اب هل الاب بيتعمد يبقي تافه وهايم قدام الناس ويتعمد يفضحك بطرقتو وأسلوبه هل ده اب لما كل حاجه تبقي بالخناق والمشاكل لما اب يسلط الاخوات علي بعضها ويكرهنا في بعض هل ده اب هل الاب الي تكون بتموت واخل عمليات ومتاح فلوس ويرفض يديك أو حتي يستلفلك هل ده اب هل الاب الي بيقول أن أولادكم وبناتكم فتنه فحذرهم هل ده اب انا حرفيا بقيت مكسوره من جويا وخايفه جوايا مشاعر كتير متلخبطه😓

انا بنت وليا اختي الكبيرة من ساعة ما اتجوزت وهي حرفيا كل مادا بتبعد عني بسبب جوزها دايما يوقع بيننا واحنا من زمان متعودين أما حد مننا بيجيب حاجه جديده بيوريها للتاني لكن دلوقتي بقت بتخبي مني الحاجة وأما اشوفها لابسة حاجه جديده تخبيها تقولي اخاف حد يشدها مني أو ديه مقفولة والقفل ف البيت وبتحسسني اكني حرامية أو هسرقها وموقف تاني كنت بنضفلها اوضتها واول ما جيت ف درج الدهب جريت و اخدته من قدامي بسرعه وخبته .. انا حرفيا وقفت مصدومة و مش عارفه انسي الموقف ده بالذات .... هو كل ده طبيعي ؟! والمفروض اتعامل معاها ازاي بعد كدة

اصعب احساس لما تكون عايش و مسئول عن أسرة . و لكن حاسس بالوحدة اللي هو دايما بفكر اني لو موت حالا ايه هيحصل ؟ بحس اني كشخص مش ههفرق اوي مع حد. هيفرق معاهم اكتر الفلوس اللي بصرفها كل شهر