جلد ذات

كلام كتير غبي دوشه ملهوش معني افكاري ضدي نغزات القلب رجعت بقيت شخصيه سيئه جدا مع كل اللي بيحبني حتي نفسي.. بكرهني كنت بعيط وحاولت اتكلم مع نفسي اتكلمت فهمت مفيش نتيجه مفيش أجابه..كله جلد ذات منمتش لسه كده كده خربانه كلام عشوائي في دماغي بقولوا لاني اتجننت الطاقه خلصانه مشاعر خلصانه ...حياه بلا هدف بلا شغف..بخوف بقلق بق..رف الحمدلله دعواتكم 💗💫

كتبت البوست وطلعت من الابلكيشن راح ممسوح😭 انا بقيت شخصيه توكسيك والموضوع بيتطور كل فتره بشكل ملحوظ بصراحه انا مش عارفه انا ال بقيت توكسيك فعلا ولا الناس هي ال بتقلب الترابيزه عليا بص انا فعلا في تصرفات بعملها بحس اني بقيت توكسيك وشريره شخصيتي اتبدلت من طيبه وبتخاف على مشاعر الناس ل توكسيك وبتخاف على مشاعر الناس بردو وللأسف الموضوع كدا أصبح أصعب بكتير لاني بكون فصراع متواصل بين اني عملت تصرف مش كويس واني اعيش ف تأنيب ضمير على مدار عمري كله وجلد ذات واوفرثينكينج يستمر ل ساعات باصص للسقف وقاعد بتجدد ذاتك المشكلة ان اوقات فعلا مش. بكون غلطانه بس بجد الناس تأثيرها قوي جدا ف انهم يقنعوك انك. فعلا سئ وتوكسيك مش هنكر ان في تصرفات بعملها تبين اني مريضه نفسيه بس التصرفات دي بعملها لما اكون خلاص كرهت ال قدامي بصراحه انا تعبت ومش عالقه اتصرف فالموضوع دا وحاسه انه مأثر عليا نفسيا ومرهق جدا وفكره اني اروح لدكتور نفسي مستحيله حاليا مع اني محتاجه دا جدا لاني لو مانقذتش نفسي دلوقتي هكون مريضه نفسيه برو ماكس لو حد. عنده حل اعطيني هيلب شروط الريب على البوست 1-متقولش اسمك ايه او سنك ايه او منين ولا كليتك ايه لان والله دا مش هيفرق معاك ف حل مشكلتي 2-متقولش انت محتاجه لحد فحياتك وانا موجود لان للأسف انا ونت علاقتنا هتتقطع بعد 3 ايام 3-مفيش 3 بس حسيت ان 1 و 2 بس مش كفايه اخر حاجه انا حصلي موقف محرج انهارده يعني حرفيا كنت انا اباجوره من كتر الاحراج شكرا لاهتمامكم لحد هنا واسفين على الاطاله 🌹

شوفت حلم قبل كده، و بعد فترة ظهر ليا انه كان رؤية، كان لشخص عزيز على قلبى، مش هعرف اوضح بصراحة بس الشخص ده المفروض هيحصله حاجة حلوة، الحلم كان ان الحاجة الحلوة دى مش هتكمل، بعد الحلم ده ب كام يوم الشخص ده قالى على الحاجة الحلوة دى، بس انا اللى عرفت ربط الحلم، و زعلت اوى بس مقدرتش ادارى خوفى فى كلامى ونا بقوله ان عارفة (على الحاجه الحلوة دى) لأن شوفت حلم ب كده، ف الشخص ده مرضاش يسيبني غير لما احكي اللى حصل فى الحلم و فعلا انا حكيت غصب عنى، و بعدها ب كام يوم عرفت ان الحمد لله طبعا، الحاجة دى مكملتش و حصل زى ما شايفه و خايفة منه، انا من يوم ما حكيت للشخص ده ونا كنت خايفه، ده غير بعد ما عرفت زعلت اوى و اشتغلت وصلت جلد الذات و الاحساس بالذنب بس الحمد لله راحت لحالها برضى ربنا.. مش عارفة انتوا فاهمين ولا لسه بس ده اقصى حاجة في التعبير🥲

زهقت من مش عارف اتغير +مشاكل السكن +اللي بيستخدموا الآب عشان يشقطوا ويتشقطوا + حياة مالهاش طعم ولامعنى +بنات ماعندهاش نضج وولاد اغبية حيحانه ودماغهم شمال وكلها توكسيك +اليوم بيعدي بسرعة البرق +اهم فترة في حياتك بتضيعها بايدك +حياة مملة + جلد ذات +تفكير يخليك تسهر واحساس بالذنب+ هعرف اسافر م البلد دي شششششششششششششششش سكتو الصوت اللي في دماغي

بدأت أحس اني مصدق كل فكرة سلبية عني، وإن الأفكار السلبية دي لم تكن مجرد أفكار لجلد الذات أو لإلقاء اللوم على ذات معينة والراحة منها، إنما بدأت احس إن فعلا دة كشف لحاجات موجودة فيا كل فكرة سلبية عني فكرت فيها قبل كدة في لحظة غضب من نفسي حاليا هي مسيطرة بشكل كامل وبيقين مني بقيت عارف ومتيقن اني شخصية زبالة والمشكلة اني مصدق دة، اللي مخليني متناقض حاجة، صوت المنطق ودة بيقول لي إن دي حالة نفسية خصوصاً اني عارف اني مش طبيعي، وحاجة تانية نظرة الثيرابيست عني وكلامها ليا معرفني ان وضعي مش صح وان اللي فيه دة أفكار مَرَضْيّة ليس إلا، بس عارف؟ كل حاجة بتحصل انا مش بجلد ذاتي بس، لا انا بطحنها بقهرها حرفيا بكمية كلام معفن يخليني أفقد الشغف في كل حاجة أقولك يعم، سيبك من كل القرف دة يترمي في الزبالة يعم طز فيا أولع، المشكلة الحقيقية في نتائج دة، لما بتوصل بيا الحالة لكدة بقرر اني انسحب من كل حاجة موجودة حواليا، كل حاجة حرفيا يعني انا دلوقتي في تانية ثانوي، قررت اني مش هذاكر خلاص السنادي وشطبت مذاكرة على كدة عشان انا أقسم بالله ما قادر افهم حرف ولا اركز في حرف واحد ودة مش في نص ساعة لا دي بقت حالة عامة بسبب القرف دة لما دة بيحصل ببدأ انسحب من الحفظ والتسميع وكل مرة بحِجة مختلفة عن المرة اللي فاتت لحد ما الاقي نفسي ضيعت فترة لما دة بيحصل بقعد في البيت ولا بنزل الجيم ولا بنزل اصلي ببقى كاره اني اعمل أي خطوة لقدام كاره اني اعمل أي حاجة تفيدني وقتها بفضل اعمل كل حاجة ممكن تضرني في الدنيا وبرضو تحت وضع جلد القرف الذات السنة الجاية تالتة ثانوي !!! مش هينفع ابدا يبقى دة وضعي فيها انا معلق مستقبلي كله على السنة دي وكل أحلامي في المستقبل على السنة دي لو انا دخلت السنة دي اللي هي بعد كام شهر بالوضع دة انا هعمل ايه بجد؟؟!؟؟؟ حاسس بحسرة اوي على نفسي البوست دة همسحه بعد ساعتين عشان محدش يشوفه

فكرة اني مش عايز اكون موجود في الحياة دي سيطرت عليا اوي بقالها كام شهر ماما كانت قاعدة معايا دلوقتي ف بتقول لي فجأة نفسك في ايه؟ كل اللي جه في بالي اني نفسي اموت بدري ومش عايز اعيش الحياة دي، بس اكيد مش هقولها كدة فقلتلها اني اعمل log out من كل حاجة في حياتي واعيش في حالة ليس لها مكان ولا زمان انا مش عارف ليه بقيت محبط اووووي كدة انا بجد غضبان من نفسي عارف لما تبقى كاره نفسك ومش شايف انك تستحق يكون ليك أي حاجة حلوة في حياتك، وفي نفس الوقت حاسس انك مستعد تخسر كل حاجة عشان بس تفضل واقف في مكانك، بس في نفس الوقت مش قادر تعمل ده بسبب انك معلق ناس بيك وانت داخل على اكتر فترة حرجة دراسياً والفترة دي انا لو وقفت فيها كل حاجة هتبوظ، برضو بعمل ده عشان انا معلق ناس بيا مش اكتر عارف جلد الذات اللي بينزل عليك على كل حاجة في حياتك، انا فاشل مع أهلي وفاشل في دراستي وفاشل في حفظي وفاشل في صحتي وفاشل في كل حاجة بقا عندي احساس بالذنب مستمر تجاه أهلي واني عالة عليهم واني ابن مقرف، وجت فترة كنت مقتنع انهم مش بيحبوني عشان هما مينفعش يحبوني فعلا، في يوم تعبت فيه ابويا عيط عليا من الخضة، انا وقتها حسيت قد ايه انا جاحد وقد ايه انا مش بوفيهم حقهم وقد ايه انا بارد معاهم كل يوم بقى عايز اللي حواليا كلهم يموتوا عايز افضل لوحدي مش عايز حد من أهلي يفضل موجود انا جاحد اوي وبكرهني

تفكير فحاجات كتير بس ولا حاجه وقتها ولا حاجه مفرود انت تفكر فيها منها حاجات بتكتر تفكير بيزيد صداع بيجى تعب بيجى تراكمات بتيجى كل ذكريات تيجى جلد ذات يجى كل حاجه بتيجى لا النوم عشان نوم فيه راحه وانت مفيش راحهق

انا عارفه أن كلنا بنغلط بس ليه مش قادره اسامح نفسي وديما خايفه ربنا ميسامحنيش وديما بفكر ف الأسوأ ليه انا دائما تفكيري سلبي وبجلد ف نفسي ومبسمحهاش ليه مش عارفه احتوي نفسي واطمنها ليه بفكر ف الأسوأ دائما دا تاعبني جدا حد عنده حل

انا طالب ٢٢ سنة في حاسبات ومعلومات دفعة ٢٠٢١ ليا ٥ سنوات في الجامعة وشايل حوالي ٣٠ مادة -المضايقني كذا حاجة اول حاجة مصاريف الجامعة ٤٠٠٠ للمادة اي كان سمر او اساسية ودا مكرهني في نفسي بسبب اني مكلف والد ومفيش مني فايدة تاني حاجة اني حابب الكلية والمجال لكن مش بذاكر نهائيا ونفسي اذاكر جدا جدا تالت حاجة من اسباب رسوبي اني انطوائي و مليش صحاب في الجامعة خلال ال٥ سنين ونفسي يكون ليا صاحب في نفس مجالي ومش بروح الجامعة غير على امتحان الفاينل بس حاسس بمزيج باحساس الياس وجلد الذات والفشل واحساس اني هبدا وهدوس على الكل واوصل لحته فوق

تبا لحياتي تبا للثانوية العامة تبا لمستقبلي تبا لطموحاتي العالية اللي معيشاني في حالة جلد متواصلة تبا لأمال الحوليا فيا تبا لدماغي بنت الجزمة دي تبا لكل المحاضرات اللي ورايا تبا لكل الشوامل تبا للطب

مهما اعمل واطلع الحاجه بيرفكت بشوفها قليله واقول عادي بقا كل حاجن بتتعبني وفي الاخر اقول عادي اي يعني لا وكمان اقول كان ممكن تتعمل احسن من كدا ودايما بحس بجلد ذات وتققصير رغم اني بعمل اقصي ما عندي

اي الحل بحس دايما اني مبعرفش اطلع نفسي من المِثَاليه عاوز كل حاجه تمشي صح عاوز الناس كلها متغلطش اوقات ممكن اتصب من غلط حد انا مفيش اي تاثير عليا من غلطه اصلا ممكن تبقي غلطات بسيطه الهو مثلا القدامي مثلا نسي ياخد العلاج انا مالي اتعصب لي وممكن تبقي اكبر شويه زي اني اقطع مع اي واحد اعرفه مثلا عشان شرب سجاير او او او مثاليه حتي ف الدراسه عاوز ابقي بذاكر اكتر من كل الناس اجيب اعلي من كل الناس عاوز مثلا لو متعرف علي بنت تبقي مفيش اي غلطات من اي نوع ف كل حاجه عموما المثاليه دي اكتر حاجه مرهقه مفيش قناعه ب اي حاجه ده انا لو جبت ف فاينل او ميد مثلا نقصت درجه لو محدش جاب اعلي مني عادي لو حد جاب اعلي مني دماغي بتشتغل جلد ذات الموضوع مرهق لاقصي درجه

مش عارفة ليه مبقدرش اتخطى مشاكلي بسبب هاد شي صار عندي ضيقة فقلبي وفرااغ وحزن وتفكير كتير بصير مش طايقة نفسي كل ما بجي اضحك اتذكر شو صار معي خلاص تروح ضحكة بشوف ناس بصير معاهم كل مشاكل الدنيا ولا هامهم دايما فرحين ومبتسمين وانا لا احس كانو الحياة خلصت وتأنيب ضمير بيقتلني وكمان بيصير عندي جلد ذات

حد وقع من باص قبل كدا؟ وقعت من ست شهور وانا نازلة اتحرك مش عارفة وقعت ازاي ورجلي اتكسرت وايدي ووشي اتعور بقيت اخاف اركب موصلات ومش عارفة ازاي جالي كل الاصابات دي وكان عندي ارتجاج وكل ما حد يعرف يستغرب الوقعة وانا بقيت اتكسف عشان مفيش حد غيري حصله كدا وحسا اني متخلفة هو انا كدا معرفتش اخلي بالي من نفسي؟ هو اتحرك وانا بنزل وانا كملت وحطيت رجلي فالارض مش عارفة ليه كل حاجة حصلت بسرعة وانا كنت بنزل بسرعة وموجهة تفكيري ناحية النزول لما مشي مغرفتش اتصرف وبجلد نفسي عشان. بسبب كدا رجلب تعباني بس انا كنت نايمة ولسة صاحية ساعتها وكنت دايخة بجد انا مدايقة جدا

بصراحه لسه منزل البرنامج وعندي مشكله اني لما بقعد مع دماغي اخر الليل ببقا كاره الناس ونفسي ابعد عن الكل بس م بعرف طول اليوم بحث اني مبسوط طول محوليا ناس اول لما بقعد لوحدي بقعد جاد في ذاتي برغم اني بنجح في حياتي بشكل كبير بس دايما عندي مشكله اني م راضي عن حالي وحياتي م حببها بس طول انا مع ناس بكون كويس وبضحك ومفيش حاجه أما انا ببقا قاعد لوحدي بكلم نفسي م طايق نفسي م عارف هل حياتي دي ايه م راضي عن تصرفاتي ولا حياتي وم حابب حد في الدنيا حتي اهلي صحيح اني بتعامل حلو مع كل الناس بس بجد نفسي اغير رقمي وابعد عن كل الناس بس للاسف م هعرف ولا هينفع بسبب شغلي وكليتي وحياتي عمتا بس بجد انا بكره كل الناس لما بكون لوحدي ونفسي معرفهمش لما بكون معاهم بكون عادي وبضحك وتمام وفي نفس الوقت عليا ضغط كبير في حياتي وعندي جلد وات رهيب بصراحه م عارف اقول ايه بس حاسس اني ممكن اكون احسن لو اتكلمت

ازاي اسامح نفسي على الأخطاء القديمه والندم واقدر اخرج من الماضي وابدا صفحه جديده من غير جلد ذات ياريت لو حد كان في الحاله دي وجربها واتخطي يقول ازاي او نصيحه حقيقيه بتنفع