اول مره اكتب حاجة هنا و اعتقد دي اول مره في حياتي اشارك حاجة زي كده في الحقيقة انا الشخص الممكن تكلمه و انت مضايق علشان ينزل يفك عنك و يضحكك شوية و لو حصلي مشكلة و مضطر احكيها ف بحكيها بطريقة كوميديا بحيث ميكونش في دراما بس في الحقيقة انا ببقي بضحك و بموت من جوايا بس مش مهم المهم لما اروح البيت و ابقي لوحدي انا ببقي وحش اوي مع نفسي بفكر في كل سيناريو كان ممكن يحصل بفكر في كل غلطة عملتها كان ممكن تغير كل ده حتي لو الذنب مش ذنبي ف انا دماغي بطريقة ما بتطلعني انا الغلطان انا مش عارف ده ندم ولا ايه بالظبط اصل انا ديما متقبل كل البيحصل و بقول تمام اشطا طيبة شكرا ف هستنتج ان ده جلد ذات اتمني حد يكون فاهم انا بتكلم عن ايه و يقولي ازاي اسيطر علي ده علشان ارهاق عدم النوم بقي باين علي ملامحي