دعم نفسي

احنا تالته ثانوي و عارفين بعض من ست سنين علاقه سوشيال و عمرنا ما اتقابلنا ابدا بس أن شاء الله قريب هتقدملها ... المهم هل طبيعي أنها اخر فتره رغم أننا في فترة امتحانات و ضغط نفسي كبير أنا ابقى عارف عنها كل تفاصيل مذاكرتها حرفياااا و كل تفاصيل يومها و اكلها و شربها و كل حاجه و بقدملها الدعم بكل شكل و معاها في كل حاجه و وقت إنما هي مبتعرفش انا بعمل ايه ولا بذاكر ايه ولا واصل ل فين ولا بتهتم بتعرف صاحي امتى ولا بتعمل ايه ولا اي اهتمام تقريبا في صحتي أو أكلي رغم أنها عارفه اني بتعب كتير و مش بتهتم تعرف انا عملت ايه مع الدكتور ولا اخبار صحتي ايه و مبتديش ربع الاهتمام الي بديهولها هل ده عادي و هل علشان أنا الراجل لازم ابقى أنا الدعم النفسي و هي عادي تبقى كده ... هو مش المفروض نهتم ب بعض بشكل شبه متساوي بالذات في الفتره دي ؟؟ ده انا حتى لما باجي اتكلم عن نفسي في أبسط الحاجات بلاقيها بتقصر في كلامي و تحاول تقفله أو ابقى بحكي حاجه عايز احكيها هي تبقى بتسمع كأنها بتسمع غصب عنها ... و طب انا اعمل ايه هل اقلل اهتمام و اعمل زيها ولا اصبر و ده العادي ولا اديها فرصه ل بعد تالته و كده كده انا بعد تالته هبتدي اتغير و اشوف حياتي و نفسي اكتر

أوقات كتيره اوي بحس إني طيبه بشكل مبالغ وع نياتي من كتر طيبتي. وعمري ما كان ف قلبي اذه او شر اتجاه حد ودايما بسامح إلا ف حاله واحده لو اتأذيت جامد مش بسامح..ببقا جدعه اوي مع اي حد يطلب مني ابقا موجوده بقف جنب اي حد ومخذلش حد ابداً او اغدر بيهم ع رغم كل دا بحس إني لوحدي ومحدش جنبي وعمري ما طلبت من حد انه يبقا معايا ويطبطب عليا او حته يسمعني بَفضل ابقا لوحدي افضل ليا... عمري ما طلبت من حد طلب عشان محسش اني تقيله..بفضل ابقا ساكته عشان متقلش ع أهلي او احسسهم إني مسؤلية عليهم بحاول اشيل مسؤوليه نفسي واشيل مصروف لنفسي عشان مطلبش منهم حاجه ...مش عارفه ليه دايما بحس بتأنيب ضمير وعندي ذمه فظيعه لو حد قالي ليا عندك كذا ف ذمتك ميرتاحليش بال الا لما آسد دا مش فاهمه انا ليه كدا الطيبه الزايده دي مش كويسه وكويسه ف نفس الوقت فالزمن دا، انا بتدايق من نفسي أوقات إني كدا وبقول لنفسي بردو انتي احسن من غيرك وان عندك الجانب دا

عارفين احساس الفراغ النفسي والعاطفي دا، محتاج اتحب محتاج اهتمام محتاج حضن من حد مهتم ليا ولوجودي، مش شرط الحب ولا الاهتمام ولا الحضن برضو من بنت ممكن يكون من اخ من صاحب من وام من اي حد بس يكون فعلا بيحب وفعلا مهتم لمشاعرك، محتاح لكلمة انا معاك وبدعمك وسط قلق وخوف محتاج لكلمة فاهمك وسط حيره وتعب، معتقدش حد ابدا حد غي الدنيا مهتم ولا بيفكر في كده مع اني العكس تمام مهتم بي كل الناس حرفيا الي اعرفه ولي معرفوش ديما بدعم وبكتب كلام عشام بس احسس الشحص انه مش لوحده بس انا لوحدي

5203 ازاي الواحد ممكن يتغلب علي شعوره دايما بالوحده و لما حد يقرب ويبعد بيلوم نفسه طول الوقت علي بعده و لو حصل معاه اي مشكله برضو بيجيب اللوم عليه هل حد بيحصل معاه كدا ولا انا لوحدي ولو حد بيحصل معاه بتتغلبو علي الموضوع دا ازاي

حد يسمعني، انا كان طول السنه نقصني تلات حجات الخبرات والدافع واهتمام الاهل، الدافع كنت بكبر دماغي واكمل ووالاهل كذلك ولكن الخبرات كانت قليله شخص بجد قرر يذاكر دلوقتي المذاكرة الصح عشان يجيب مجموع انا في تالته ثانوي ازهر، فكرة انك معندكش حلم الاهل مسبوش ليك فرصة تحلم بس سابوا ليك فرصه تسمع خناقهم فرصه تتخانق معاهم فرصه من وانت طفل تروح وتيجي مع امك عند خوالك الي من كتر ما كنت بروح لهم لما امي تتخانق مع ابويا مكناش بنلاقي وقت نروحلهم زياره عاديه، فكبرت على اني بس متعبش مراتي ولا اولادي لما اكبر واتجوز واحده مناسبه ليا وشبهي متكونش زي الزيت وانا المايه كما قال احدهم عمري لا فكرة في طموح ولا غيره، اهلي حاليا بيحالوا يهدولي البيت في اخر 28 يوم تخيلوا بعد ما ضاع العمر كله، ابويا لو كلمته هيقولولي مش كنت بديك الفلوس الي عاوزه ياابن الكلب، انا في المذاكره مش وحش لكن مش قادر اكمل وانا مفيش حد في ضهري يدعمني ولا يسمعني فقط مجرد بس يسمعني دا بس الي عاوزه مش اكتر ويكون مهتم ديما ويطبطب عليا مش مجرد كلام وخلاص

يا جماعة أنا بقالي فترة حاسس إني 'منفصل' عن الواقع، كأني بتفرج على حياتي من ورا شاشة، أو جسمي ده مش بتاعي والدنيا حواليا مش حقيقية أو زي الحلم.. عرفت إن ده اسمه 'اضطراب الآنية'. أنا محتاج أتكلم مع حد بيمر بنفس الحالة دي أو مر بيها قبل كدا، نحسس بعض إننا مش لوحدنا ونعرف إيه اللي ساعدكم تتخطوا الإحساس ده؟"

كلام كنت مستنيه حد يقولهولي بس مفيش، انا متأكده اني في ناس هنا محتاجه الكلام ده. لو قررت في يوم ان خلاص النهاردة اخر يوم ليك و انت مش عايز تصحي بكرا. افتكر انك: •احسن يوم في حياتك لسه مجاش او يمكن جه هتكتشف ده لما تصحي بكرا. •انت لسه مجربتش احلي اكله ممكن تكون اكلتها. •مروحتش حفلة للمغني المفضل بتاعك الي انت حافظ كلمات اغانيه. •لسه مقابلتش حب حياتك. •لسه مبقتش حر و سافرت لوحدك. •لسه مجبتش العربية الي نفسك فيها. •لسه مكلتش مانجا الصيف ده. كل دي أسباب و اكيد في اكتر منها تخليك تدي نفسك يوم زيادة في الحياه.

بلاش كل اما تشوف حد تعبان وحزين تقوله: انت مش راضي انت بعيد عن ربنا.. انت بس لو تسلم امرك في هتبقي مبسوط النبي صلى عليه وسلم كان حزين حزن شديد علي زوجته السيدة خديجه رضي الله عنها وعلي عمه ابو طالب ولما فقد ابنه ابراهيم.. قال"ان العين لتدمع وان القلب ليحزن وانا علي فراقك يا ابراهيم لمحزونون"ممكن يبقي في حد راضي بقضاء ربنا ومؤمن جدا ان ربنا كاتبله الخير بس تعبان حزين مجهد من كتر الخبطات والصدمات اللي شافها فحياته وهو بيعيط بيقول "يارب" بيقول انا راضي الحزن ملهوش علاقه بالرضا ولا بدرجه الايمان ما نحملوش الناس فوق طاقتها كل اللي مطلوب منكم في اللحظه دي انك تكون بس حاسس باللي قدامك مش اكتر من كده حاسس ان هو من حقه يكون زعلان ويخد وقته في الزعل لان ده اللي هيخليه يفوق ويرجع يكمل حياته من تاني.

مش لازم نكون تمام طول الوقت ​أنا بقالي فترة بحاول أتعامل مع حاجات جوايا وبمر ببرنامج دعم نفسي عشان أقدر أقف على رجلي من تاني والحقيقة اللي اكتشفتها إن أصعب حاجة في الرحلة دي مش التعب نفسه أصعب حاجة هي الوحدة اللي بنحس بيها وإحنا وسط الناس ​أنا مش معالج ولا جاي أدي نصايح لحد أنا مريض وبحاول أعافر زيي زيكم ​أحياناً بنحتاج نتكلم مش عشان نلاقي حلول بس عشان محتاجين حد حاسس بينا بجد حد لما نقوله انا تعبان ميردش يقول معلش أجمد يقول أنا فاهمك عشان أنا كمان مريت بده

خريج طب وليا تخصص ولكن مهتم بالارشاد النفسي والطب النفسي وبدرس دبلومة حاليا بقالي شهور المهم يعني بما اني فاقد للاهتمام والدعم فدايما ببحث عن ناس ادعمهم ودي طريقة دفاعية معروفة ، فبحب اساعد وكدا، لو حد ع حافة الاتتحار او الانهيار ياريت ، بحيث انقذه من الازمة واكسب ثقة في نفسي شكرا يا حبايبي

جدعان هموت واعرف الناس لما تيجي تقول حل مش بتقول كيفيه حل المشكله او الموقف يعني لو انا مش بحب نفسي كفايه وبحاول بقدر الامكان احب نفسي يجي شخص يقولي حبي نفسك مش فاهمه يعني المفروض اعمل ايه 😂😂😂 بحس اني يارتني ما حكيت او شرحت مشكلتي بتكلم بجد يا جماعة ازاي اقدر اتقبل نفسي واحب نفسي بكل عيوبها وازاي اعالج احتياج ان لازم يبقا في حد جنبي

عارف انتا احساسك انك بتكون بتدعم كل الي حواليك وعمرك ما لقيت حد يدعمك بتشيل هموم كل الناس وتخفف عنهم وتحاوب تخليهم متفائلين وانتا جواك بركان غضب ونفسك تتكلم بس مفيش حد يسمعك انا انسان مش بيحب يشوف حد زعلان ولا مكسور ولا الدنيا جيه عليه بحاول بقدر المستطاع اني افك عنهم بس عمر ما حد سالني مالك او حس بيا نفسي افضفض واصرخ واعيط من كم الضغوطات الي جويا نفسي احس ان وجودي مش كجرد اداه بتستخدمها وقت متحب انا بجد تعبان اووي

لو انا عندي تعلق قلق اقدر اتعافي اذاي مع نلسي من غير دكتور محتاج صديق او صديقه يكون جمبي افضفض اللي جوايا ويسمعني من غير ما يعتبني علي اي حاجه يسمع مني بس او اي حد عنده تجربه يفدني او نصيحه ليه

انا حقيقي ارتحت اوي انا حرفيا كنت فاكر هتهاجم لما انزل واقول الي جواية حرفيا 10اشخاص 8فكم الاحترام والدعم النفسي وبيدعولي و2بس الي غلطو بس مش مهم انا حقيقي مبسوط بكل حد ساعدني شكرا ليكو ي اجمل اخوات انا بس ذنب واحد وجعني واني اذيت بنت بكلامي ودي اكتر واحدة سعدتني حابب اقول لما تلاقي الي يسعدك اشكرو

بتعرفوا تتخطوا ازااااى بجد والله .. ازاى بعد م حصل حاجه كبيره ف حياة الإنسان يقدر يتخطى ويرجع يعيش تانى كده .. اخيرا وبعد فتره كبيييييره قررت إن اروح لدكتور نفسي بس مش عارفه حد ولا فيه ف المحيط بتاعى اى دكتور نفسي عاوزه حد اونلاين بس يقدر يساعدني ياريت اللى يعرف حد يقول

وفاة والدي .. عدم وجود دعم نفسي من اى حد حواليا ولا بنى آدم واحد كان شايفنى اصلا .. إحباطى من اللي المفروض قريبين بشكل متعمد ف اى حاجة و كل حاجة بعملها او بفكر بس انى اعملها .. كل ما بعافر كنت بلاقي مليون حاجة بتكسرنى لحد ما شبه اتجمدت فى مكانى لا بقيت حاسة باى حاجه كويسة او وحشة ولا بقا عندى طاقة انى اصلا اعوز اعمل اى حاجة في حياتي 💔 عايشة بتنفس بس و حتى ده بيضيق بسبب البانك 😂💔 سوداويات اوي معلش 😂

من وجهة نظري المتواضعة ان معظم مشاكل حياتنا الشخصية هتتحل لو لقينا دعم نفسي كاف لو لقينا حد يسندنا ويقف جمبنا ويقوينا ويساعدنا منخافش من اي حاجة نواجها وقتها اعتقد هنقدر نواجه اي مشاكل بتقابلنا

ازيكم يا ناس يا طيبة المعظم هنا وانا كمان بنكتب مشاكل بنمر بيها ضغوط اكتئاب فشل، كلنا بنحاول نساعد على قد ما نقدر، بس بلاقي مشكلة تانية. لو داخل هنا عادي مش مضغوط وداخل اتفرج على الابلكيشن مع كم المشاكل اللي هنا هيتغير المود ووضعي يسوء عارف انه دا من طبيعة الابلكيشن هنا واننا محدش ظاهر فبيكون كل واحد قادر يناقش ويتكلم في مواضيع ومشاكل مش هيقدر يتكلم فيها بصفتة الحقيقية بس عندي طلب زي ما بنشارك بعض اللحظات السيئة ياريت نشارك مع بعض بردوا اللحظات السعيدة وندي لبعضنا أمل وفرصة اننا نتخطى اللحظات دي ربنا معانا كلنا ويوفقنا جميعا يا ناس يا كويسه

معاكم شخص كان يعاني من نوبات الهلع حيث إني اكتشفت ان السبب الرئيسي انه لديكم احد من العائلة و احد تعرفونه مات او مريض فتأثرتم به دون وعي و تخافون من الموت اعلم انكم تقولون ماعلاقة هذا ....😅 ولكن اضطراب الهلع بدايته تغير في نبضات القلب بسبب موقف ما على حسب الحالة النفسية و عندما تركزون مع النبضات تحسبون انكم تموتون و بهذا يختل التنفس حقا ثم الدوخة و يطول اضطراب الهلع تنفسو بعمق و اعلمو انها فترة ستمر وشكرا😁👍