رعب

انا خايفة من الجواز، انا مرعوبة منه. لما كنت لسه بادرس كنت بارفض دلع اللي هو انا لسه صغيرة، دلوقتي لما يتقدم لي حد بادخل فترة صعبة جدا، ضغط وتفكير وحسابات واللي هو فعلا ما بابقاش عارفة اختاره ولا لأ فمن قبل ما اشوفه واقعد معاه بابقى تعبانة نفسيا!

السلام عليكم ورحمة الله وبركاته 🍬. عندي مشكلة كبيرة اوي بجد ومش عارفة اعمل فيها ايه (محصلش). مش حاسة اني محتاجة احكي حاجة محددة بقدر ما انا فعلا محتاجة اتكلم وخلاص، اقول اي حاجة فعليا لأي حد واقعد اهبد كده احس اني مشغلة ذهني في نقاش او حاجة، ف لو حد عنده موضوع مفيد يعني بما اني هموت من الزهق (والرعب) ومش عارفة انام (هنام ف نص الكلام برضو عادي).

السلام عليكم 🍬. عندي مشكلة كبيرة اوي بجد ومش عارفة اعمل فيها ايه (ده بجد المرة دي). اللي بيتايع كيدراما وشاف if wishes could kill هيفهم الرعب اللي انا فيه حالياا. دلوقتي انا شفت الحلقة الخامسة، وهي تحفة وزفت ف نفس الوقت، ف انا حاليا ثريلد اوي وف نفس الوقت هموت من الرعب ومش عارفة انام 🙂.

الي هقوله ده غريب شويه لاكن انا عندي رعب من اليوم الي هسمع خبر وفاه حد من عائلتي مش شرط من درجه الأولي عادي من درجه تانيه فكره ان في حد من عائلتنا يتوكل علي الله دي مرعبة اوي و مش قادر اتخيل يوم ده هيجي ازاي أو مفروض ايه الي اعمله و كميه الندم و ازاي اقدر اقف علي رجلي كام يوم دول و اعيش طبيعي انا معرفش اناس الي اهلهم توفي ازاي بيقدروا يقفوا في عزاهم عادي انا لو مكانهم هعزل نفسي في اوضه اعيط كام يوم

حلمت بواحد من اكبر كوابيسي واللي كنت بتخيله زمان وصحيت جسمي بيرتعش وبطني وجعتني زيادة على الصوت اللي شغال في ودني معرفش ايه دا بس هو مش auditory hallucinations وعندي امتحان بكرة و زهقت من المذاكرة بقالي شهرين مذاكرة وامتحانات وخلاص تعبت وكل شوية الاقي mouth ulcers في مكان مختلف وشوية وتختفي يمكن دا burnout او مجرد ارهاق

انا عارف اني الي هقوله ممكن يبان غريب بس انا عندي رعب من تجربه سيف زون بخاف اخرج براها يعني لو في حاجه جديده هعمله اقدم علي شغل اجرب اروح حتي جديده مبقاش عايز أو بمعني الأصح اني خايف اجرب معرفش ايه الي ممكن يندم في كدا لاكن انا اكشتفت اني بعمل كدا تلقائياً

السلام عليكم ورحمة الله وبركاته عاملين ايه تعرفوا اني بخاف من الموت اووي بترعب من الفكرة عارفين يعني ايه هتبقوا لوحدكوا في مكان ضلمة بس انت واعمالك بس بترعب اكتر كل ما اقرأ عن اللحظات الاولى في القبر رعب يجدعان محتاجين نعمل لأخرتنا بجد

انا كاتبة جزائرية مبتدأة وكتابي رعب مخيف و مشوق قيد الصناعة و الأن علي صناعة جمهور لدعمي لكن لا أملك جمهور وانا خائفة جدا لأني تعبت جدا جدا جدا في كتابة الكتاب خائفة أن أفشل وقلقة ماذا أفعل

السلام عليكم حصل معايا النهارده موقف غريب اوي و مرعب بالنسبالي بصراحة كنت رايحه للدكتورة و عيادتها اخر دور المهم الاسانسير مش شغال اضطريت اركب على السلم وانا راكبه لقيت راجل ورايا شكله بجد مرعب و بيضحك ضحكه غريبه كدا انا هنا خوفت بصراحة و كمان خوفت انزل يروح ماسكني يلهوي 😭 قولت اكمل ركب ورايا لحد اخر دور كل ما اركب سلمة ابصله و يضحك و انا ببقى خلاص بموووت المهم وصلت لحد الاخر و هو جه ورايا دخلت العيادة بسرعة و كنت في وش الباب كل دقيقه يعدي و يضحك 😭😭 يربي حسيت انه قاتل متسلسل اقسم بالله مرعب راجل مرعبب المهم زي ما قولت انا في وش الباب راح جه خبط على الباب كدا و هو بيضحك وشه عامل كدا(😁) يلهوي 😭😭 كل دقيقه يجي يخبط على الباب و يضحك و الناس جمبي شغالين يقولو ايه العبط دا و انا بجد كنت مرعوبه المهم الحمدلله و انا ماشيه هو صح نزل ورايا بس مشيت بسرعه😭😭

السلام عليكم طيب اكتر حاجة بترعب منها من ناحيه لما اتجوز يعني اني اتجوز واحده عصبي لو اتخانقنا و عصبته مثلا يروح ضاربني قلم زي في عمر و سلمي كدا لما عملها كدا (ما تخرسي بقا طششش) رعب رعب يعني تاني حاجة واحد بتاع بنات يعني بيمشي يبصبص للبنات حرفيا رعب رعب يعني ثالثاً الخاين و رابعاً الكداب و الحاجات دي و مؤخراً في رجاله بتقعد تتكلم على مرتتاتهم دا اكتشفته لما مستر عندي بداء يتريق على مراته قدامنا و يتكلم عليها و يقول بتعمل ايه و الكلام دا هي فعلاً صعبه بصراحه بس بجد مش من حقه انه يتكلم عليها و هما دلوقتي مطلقين يعني ربنا نجدها و اكيد بطلت من عند المستر دا بس يعني عاوزه اكمل ال500 كلمه اي حد عاوز يتكلم في موضوع للمناقشه ماشي يا ريت يقول و كدا و شكرا

انك تحس بالموت ومتطلهوش صعب اوي قعدت فترة طويل كل يوم قبل ما انام واول ما احط دماغي علي المخدة احس ده اخر مره هنام فيها ومش هقوم تانى في الاول الاحساس كان عادي لانى اتمنيت ده كتير وكنت بنام وانا خلاص شبه متأكد ان دى اخر مرة من شدة الاحساس اللي بيكون عندى ان انا هموت خلاص بس للاسف كنت بصحي تانى يوم عادى والموضوع بقى يتكرر بشكل يومى معايا بس مع الوقت بقى الاحساس مرعب انى كل يوم احس بالموت واصحي تانى عادي ده كده تعذيب مش راحة خالص تعبت من كتر ما كان بيحصلي كده لدرجة بقيت اخاف انام اصلا بس بعد فتره الاحساس راح وكل حاجة رجعت طبيعية بس الفترة دى الاحساس بدأ يرجعلي تانى ومبقتش عارف اعمل اي

جماعه الانسان بيعيش 900 شهر بس!!! يخربيت الرعب متوسط عمر الانسان من 70ل 75للستات لو ضربنا 75×12=900 كل شهر بنستناه عشان القبض او عشان في مناسبه الشهر الجاي او 12 شهر يعدو عشان توصل لل 18 وتطلع رخصه او ال السنه ونص بتوع الجيش عاملين 18شهر او تتخرج كل دا من عداد عمرك الي هو 900بس الرقم قليل كدا يا جماعه بجد مرعب وتخيل بقا ان معظمنا عدي منو علي الاقل خاالص 300شهر واتبقي 600 دا لو ممتناش بأسباب تانيه جماعه بجد الدنيا فانيه يمكن انا محتاجه النصيحه اكتر واحده بس استغلو الي باقي من حياتكو ف العباده والقرب من ربنا راجعو حسابتكو وسامحو الناس واجهزو لليوم دا حاسه اني نكدت عليكو سوري افتكروها بالسنين تاني لو عايزين تتبسطو🤣🤣🫶

حلمت حلم امبارح حرفيا رعبني هو مش رعب هو فكرني بحاجه انا عملتها من سنتين و خايفة حد يعرفها 🤐 ما علينا هل ممكن الانسان يعيش قصة حب كاملة توكسيك من طرف واحد من غير ما يتعامل مع الشخص اصلا او يعرف بوجودة لدرجة انه يوصل بيه الحال انه حاسس بالاستنزاف و كاره انه يمر بنفس التجربة تاني رغم انها كانت صغيرة جدا بالنسبة لبقيت قصص الحب (مش جدا يعني ) اصل انا من ساعت ما بقيت مبحبش الشخص ده و انا كارهه فكرة الحب اصلا او الاعجاب او حتى مبقتش احس بنفس المشاعر تاني لما يقابلني ريل او كلام حلو مثلا او حتى بيت شعر او ارجع اسرح بخيالي ثاني و احس نفس المشاعر و بقت كل حاجه مطفية قدامي و عايشة منغير هدف حاسه ان فيه حاجه اطفت قدامي بسبب الفترة الي عديت بيها دي رغم اني لا شوفت و ولا سمعت و ولا حسيت باي حاجه من الطرف الثاني يعني انا بس الي كنت عايشاها زي ريليشن غير ملموسة هل ده ممكن يكون ليه علاقة لاني بجد لما نزلت بوست و كنت بقول فيه اني حاسه ان مشاعري ماتت كان بجد مش بهزر

شربت قهوة ع الساعه 2 وانا بشرب شبه يومي عادي بس النهاردة حطيت معلقه ونص بدل معلقه اساعه 6 اهو ومن ساعتها لحد دلوقتي ضربات قلبي قوية وبتنفس من بقي م كتر ضيق النفس وبعرق وسقعانه ف نفس الوقت، حسه بهلع بجد ورعب مش عارفه سببو مش عارفه اعمل اي، ملت وشربت ميا وكلت موز ومفيش فايدة حد عندو فكرة اعمل اي عشان اهدي دا محصليش قبل كدا

الواحد بيشوف مشاكل هنا تحسسك انك فى جزيرة ابستين ، مش جاى احكم على حد بس فكرة ان فى بعض الناس دى عايشة حوالينا فى كل مكان حاجة مرعبة والى عرفته كمان ان الوضع هنا قبل التحديث كان ابشع من كدا بكتير

مقدرتش اتخطى ..كل حاجه سايبه علامه مبتتمحيش و بلاقيني بتصرف تصرفات بقعد افكر فيها اقول ااه دا بسبب الموقف الي حصل معايا و انا صغيره هو الي خلاني خايفه كده و هو الي خلاني اعمل كده .. كل حاجه سايبه علامه ع روحي بتظهر ف خضتي و رعبي من اي صوت عالي أو اي حد بينادي عليا او حتى رساله ع الواتس مش عارفه سببها كل دا بيخوفني و بيخليني اتسائل انا عملت اي غلط هما اكيد هيزعقولي او هيحصل مشكله دلوقت .. نومي خفيف و دايما قلقانه و بصحى من النوم قلبي واجعني عماله اردد جملة انا خايفه انا خايفه معرفش انا خايفه من اي ولا اي الي خلاني اصحى وانا حاسه ان فيا كل الحزن الي ف العالم انا بس عارفه ان جوايا طفلة صغيرة خافت كتير و اتأذت كتير و لسه لغاية دلوقت خايفه من شبح ملهوش وجود ..

في شتاء ١٨٤٤ الجميل قبل ما اتولد نزلت اكل اندومي في مسمط زرجينه في وسط ما باكل الاندومي قالتلي انت اتغيرت جامد انت اكيد بتخوني مع المكرونه بتاعه عمتك قولتلها انتي ازاي بتفكري فيا انا كده (انا فعلا خونتها مع مكرونه عمتي) مستحيل انا بحبك قالتلي مفيش منه لاقيت الاندومي اتحولت وحجمها بقي ضخم وبتجري ورايا وانا بجري ومرعوب طلعت البيت فا قاعد بحكي لابويا لاقيته فجأه طلع من بوقه اندومي كتير وبتجري ورايا روحت مديله واحده هوك طيرته من الشباك وطلعت اجري من الاندومي بس فجأه لاقيت البيت كله اتملي اندومي وعماله تكتر وانا بغرق وسطها مرعوب روحت مفعل تقنيه الشيف شيربيني شارينجان وفاتح بوقي وشافطها كلها ومن ساعتها وانا بخاف من المكرونه بتاعه عمتي

حصلي مواقف كتيره اوي مرعبه زي قبل كده بابايا كان بره البيت و رجع متاخر وانا الوحيده الي كانت صاحيه و فتحتلو ودخل البيت بس لما جيت اكلمو مردش عليا و دخل المطبخ و قعد كتير اوي جوه وبعد فتره كبيره دخلت المطبخ علشان كان بقالو نص ساعه جه بس ملقتهوش ولا في البيت كلو و بعد حوالي ساعتين كده لقيتو بيخبت علي الباب الشقه و دخل و قبل كده برضو شوفت قطط لونها اسود في الشقه و قدام الباب الشقه بس بلقيها بتختفي زي انها دخل جوه الحيطه مثلا و قبل كده في يوم من الايام صحيت في علي 11 الصبح كده و لما صحيت اتكلمت مع والدتي و دخلت بعدها اوضتي وبعد مرور ساعه كده طلعت من الاوضه و كنت بنادي علي والدتي و مش لاقتها في الشقه و حاولت اكلمها فون و لقتها بتقولي انها نزلت من 8 الصبح علشان كان وراها مشوار ومرضتش تصحيني 🙂

عندنا اسره من الجن المسلم عايشه معانا في البيت وديما كانو بيحركوا حجات في الشقه لحد ما فيوم اتفقنا اننا هنسمي على العظم عشان ترجع تتكسي لحم و يكلوها قصاد انهم يبطلوا رخامه وحصل فعلا بس لحد دلوقت لسه المرجيحه اللي في الصاله بتتحرك لوحدها بليل اكن حد قاعد عليها

في خريف ٢٠١٧ الجميل نزلت روحت السايبر مع الشباب مع بلحه وزرجينا اعز اصدقائي قعدنا حوالي ساعه ونص بنلعب كونتر سترايك وإذ فجأه نلاقي صاحب السايبر اتقلب سردين وبيجري ورانا قعدنا نجري في صاله السايبر وانا ميت من الرعب وفجأه الاقي زرجينا اعز صحابي اتقلب كابوريا وعايز يهبشني وبلحه .. لا متقلبش بلحه اتقلب ساندويتش جبنه وبيجري ورايا برضوا وفين وفيييين لما قدرت اخرج من السايبر واهرب منهم وطلعت البيت بحكي لابويا لاقيته اتقلب رنجه وبيجري ورايا برضوا ومن ساعتها خسرت اعز اصحابي بلحه وزرجينا ، اصعب موقف في حياتي

من شويه الساعة 2 بليل انا سهرانة بزاكر لقيت تليفوني بيرن ببص لقيت الدكتور اللي انا شغاله معاه في العيادة طبعا البيت كله نايم وهص هص مردتش ارد لقيته رن تاني فانا مش عارفة ليه فتحت ف لقيته بيقولي أنه محتاج مفاتيح العيادة دلوقتي لان في حاله حرجة عامله حادثة وحاجات من كدا فانا قلتله يعني اعمل ايه قالي ابعتي اخوكي على الطريق يقابلني والمفاتيح و انا قلتله مينفعش اخويا والبيت كله نايم و بس قاعدة بزاكر مش هعرف اصحي حد ولا نفتح الباب قالي خلاص بيتكوا فين وصفتله البيت والشارع وقتله هطبع من البلكونة ارمي لك المفتاح وفعلا لبست طرحة وطلعت لقيته لسه واصل حالا رميت المفاتيح ودخلت بسرعة بس انا خائفة اوي هموت من الرعب ليكون في حد شافني فيفهم حاجة غلط او حتى حد يقول قدام بابا فهموت فيها .لييييييييه ليه اصلا رديت من الاول 💔💔💔💔😖😖😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭هموووووووت 😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭

عايزة أسأل عن حاجة انهاردة كنت مع اهلي بنزور تيتا الله يرحمها واختي كانت كويسة مفيهاش حاجة خالص وفضلنا قاعدين حبة وفجاة دخلت واحدة قريبة ماما اول ما جت لسه رايحين نسلم سمعنا صوت كان حاجة وقعت لقينا اختي اغمي عليها بنفس وضعية الوقوف ورياكشن وشها يعني وقعت واقفة من غير ما دوخ ولا حاجة و وشها ازرق واتشنجت فدا اي لو سبب علمي طب نكشفلها اي بس هو بجد دا محصلش غ لما طنط دي دخلت وهي بقت كويسة بعدها

مش فاهم مالي النهارده كل ما انام احس اني متكتف خالص (مش جاثوم) ومقدرش احرك غير صوابع رجلي وايدي بس حلمت فوق ال ٢٠ حلم وكل شوية اقوم واصحى اتنفض حد عنده تفسير دا ايه ؟